มัทธิว 24မှ လူကြိုက်နှစ်သက်သော ကျမ်းပိုဒ်များ။

မျှဝေရန်

เตมู๊แหม่รีแจ่ โอ่แถ่เอ๊ อาขว่าอาคยา, เตโมเร๊อ ลู เตเพร เร๊อ เตเพร เก่ โอ่เหม่ แฮ เร๊อ แฮ ปา. หม่าแน๊เรอ แกแย เด๊อ โอ่กลอช๊อหม่า เด๊อ อาเตหยื่อ เตแหน่ โต่เด๊อ อาตื๊อดื่อ เต๊เห่เนอ, จอแปแหร่ เก่ กาเมแลเปล๊ เหย่ซี ปา.

โทเรอ ม๊อขุ อาเทอ อาเก่ อา เตซิครือซิลอมีลา เออเนอ, อู เก่ แด๊โฉ่โด่แน หนิโฮ เป่ลอ แกแย โอ่ เด๊อ เห่ขุเออ ต๊าบ่า ลอ ปา, เทอเก่ ปว๊าเต๊เก่ อา หนิโฮน๊อ ลอโทเฮ๊อ เตข่าเฮ๊โล ปา ตื๊อหม่า เห่ขุเออ เก่ ตื๊อดื่อแก โหน่ แพ๊.”

ซี เก่ หนิโฮ เตช๊าเตปา เร๊อ ซี เก่ หนิโฮโท หนิโฮแล เร๊อ อู เก่ช๊าเก่ปา ลู ปา ตื๊อดื่อเรอ ซิอิเช เบ่ยอเบ่สี่ แต่ แลแค แต่เหม่ นี๋. ฮู๊เออ เต๊เห่ เนอหม่า อา เบ่ ทวาแถ่ แหน่ ปา, หม่าแน๊เรอ เออเนอหมา เห่ขุ เตเร ตื๊อดื่อ เฮ๊อเนอ หม่าล๋ายโต่.

เมเตเฮ๊เรอ เมวเจอะ เต๊อเจ่อ เร๊อเต๊อเจ่อ เก่เต๊เก่ เร๊อ เต๊เก่, เทอเก่ เต๊เก่ เร๊อ เต๊เก่ เก่ช๊าเก่ปา ลู ปา. เก่วีเก่กอ เร๊อ เตเน่วท๊อดีปา เต๊เห่ เก่ โอ่แถ่โท โอ่แถ่แล ลอปลี เด๊อ เห่ขุเออ โต๊โผ่ โท โต๊โผ่ ปา. ล๋อ เตทวาแถ่ เออเต๊เห่ เนอหม่า หม่าปาแพ๊ เตจาเตจือ อา แก่ช๊ากูลู่เด๊อ อาแซ่เน๊อ เพร เหมาะ เชฮ๊อ ตื๊อแฮโต่ปา เนอแพ๊.

ม๊อขุ เร๊อ เห่ขุ เก่ อาโอ่เหม่แก ปา ตื๊อดื่อเรอ แวลาแวโหง่ เออเต๊เห่เนอ อาโอ่เหม่แก เป่ แตแค๋ โต่.

เมเตเฮ๊เรอ แกแย เก่ แฮดี๊กว๊า แลโฮแล เกอเร๊อ แลแค อาเหน่ เร๊อ แวมุยปา เต๊เห่เนอ อาโอ่เอ๊ลาปา, เร๊อ เหย่ซี เก่ แด๊กว๊าแลโฮ เร๊อ แลแค อาเหน่เร๊อ, ‘แว หม่า ครี๊’ เร๊อ เหย่ซี เก่ อิลออี๊โหล่ แลโฮ เอ๊ลา อู ปา.

“โทเรอ อู เก่ปื่อ เก่จอ ลอ ซี ปา, อู เก่มือ เก่ปอ ลอ ซีปา, โท๊โต่ อูเก่ เมเซอ ซี ปา. เด๊อ ซี จ๊อ เร๊อแว อาขว่าอาคยา, เร๊อ แกแย ปว๋า เตเพร ซิโตโค ซี ปา. เบ๊อะเนอเค ปา แกแย เก่ วีแก เอ๊ลา อา เตหยื่อเตแหน่ปา. เหย่ซี เก่ เตเน เช เอ่ ลูมุย เตเพร เร๊อ เตเพร ปา. เร๊ออา เก่ ซิโตโคเกอ เร๊อ ลู เตเพร เร๊อ เตเพร ปา. โท๊โต่ เพรโพร อากลว่า แลโฮ อาเหน่ เต๊เห่ เก่ โอ่โล แถ่ เอ๊ลา ปา, เร๊อ อา เก่ อิลออี๊โหล่ แลโฮ เอ๊ลา อู ปา.

แบ่เจ่ เฮ๊ฉื่อ เหย่ซี เน๊อ, “รอหนิ แลแค ซีเหน่ นี๋, นออิลออี๊โหล่แลโฮ จว๊าหนิ แต่ อู เร๊อ ซีเหน่ แต่เหม่ นี๋.

ฮู๊เนอ อาขว่าอาคยา, เออเต๊เห่เนอ เบ่เบ่, โอ่ตี๊หรี่แตแร โอ่หนื่ออื่อ เกอ แลแค ซีเหน่ นี๋, เมเตเฮ๊เรอ หน่าหลิ เบ๊อะซี เตเนโต่ โต่ ปาเนอ, แกแยพู๊คู หม่าเฮ๊อแวเออ เก่ แฮ ปา.

“เมฮู๊เนอเรอ โอ่ส่าเซ แลแค, เมเตเฮ๊เรอ ซีแบ่เจ่ เก่ แฮ เบ๊อะเตอเนอ ปา เนอ ซี ซิเง โต่.

“หม่าแน๊เรอ เตเออเต๊เห่ เก่ ทวาแถ่ ม๊อเนอม๊อเซ เร๊อ ตาโตตาเบ่ เบ๊อะเกเต ปาเนอ อู ซิเง เตเพร่ว โต่. เตเน่ว โอ่ เด๊อ ม๊อขุ เนอเต๊เห่ เจ๋อ เบ่เบ่ อา ซิเง โต่. จอแปแหร่ อาพู๊คู เน๊ออาเหน่ เร๊อดื่อ อาเหน่เบ่เบ่ อา ซิเง โต่โต่. อา ซิเง แพ๊ตื๊อ แวเพ เตเพร่ว แพ๊.

เมเตเฮ๊เรอ เพรกลว่า แลโฮ ฮู๊ ครี๊เนอ เนอ เพรกลว่า แลโฮ ฮู๊ เพรโพร ซี เต๊เห่เนอ อา เก่ โอ่แถ่ เอ๊ลา ปา. เหย่ซี เก่ เมตาปา คย๊ายื๊อ ลออู เร๊อ อาเต เมโค๊ตีกลี๊ เป่อู เต๊เห่ ปา. อา เก่ เมแจ่ เฮ๊เนอหม่า อา ซิหยื่อ อิลออี๊โหล่ แลโฮ หนิ เจ๊อ แกแย เด๊อ จอแปแหร่ นว๊าพย๊า โทเฮ๊อ ลู เนอ เต๊เห่เจ๊อ.

เบ๊อะแกแยพู๊คู เก่ แฮปาเนอ, อา ทวาแถ่ แซ่ฮู๊ เพโนอาห์ ทือเคเนอ เนอปา. เมเตเฮ๊เรอ เบ๊อะเทอ ดุบี๊ แต่ล๋ายโต่ เบ๊อะเนอ, อูเอ่อูโอ, กาฉู่แด่ฉู่เม ลูโต่ เจ๊อ เบ๊อะเพโนอาห์ โน เด๊อ ส่อเกลอดุกู เนอเตอเนอ เจ๊อ. เต เกเร ทวาแถ่ ฮู๊เตปาเนอ, โต่ เจ๊อ เบ๊อะเทอแฮ ดุ เซอแก ลอ เจ๊อเฮ๊อ เหย่ ซี เบ๊อะเนอ, อา ซิเง แลแค เตอเจ๋อ โต่. ช๋า แกแยพู๊คู แฮเฮ๊อ ปา เบ๊อะเนอ, อา เก่ ทวาแถ่ แซ่เกอดื่อ ฮู๊เออเนอ ปา.