Génesis 3မှ လူကြိုက်နှစ်သက်သော ကျမ်းပိုဒ်များ။

မျှဝေရန်

Li antse laj yil ti toj c'upil sba li sat te'e; chac xa slo' ya'ay ta ora. La snop ti jech ta xbijub oe. Jech bat stul jbej li sat te'e; la slo'. Bat yac'be li smalale; te la slo' ec.

Li quiletel chon ta vo'onee ja' no'ox stuc toj manya c'usi tspas xchi'uc sbijil ta scotol yantic chonbolometic ti pasbil yu'un Muc'ul Diose. Ja' yu'un jech la sjac'be li antse: —¿Me ta melel laj yalboxuc Muc'ul Dios mu xu' chalo'beic sat jpetsuc li te'etic li' ta ts'unubaltique? —xi.

Ta xcac' ti acontra abaic chacom o achi'uc li antse. Jech ta xcom o c'alal ta avalab anich'nab xchi'uc syal'alabtac li antse. Li syal'ole ta to xlic xvoch'bot ajol; yan li vo'ote ja' no'ox chati'be xchac yacan —xut.

Jech laj yalbe ec li antse: —Chaquepajesbot xc'uxul ti c'alal cha'alaje. Ep c'ux chava'ay ti c'alal ta xvoc' avalabe, pero chcuch avu'un, yu'un ja' lec chava'ay ti chachi'in amalale, jech ja' ta spasot o ta mantal —xut.

Ep chachiq'uinaj c'alal chata ave'el. Ja' to chlaj avocol c'alal me lapas ta lum yan veltae. Yu'un ta lum ono'ox pasbilot, jech chac'ataj ta lum yan velta noxtoc —x'utat.

Jech laj yalbe ec li vinique: —Ta sventa ti laj ach'unbe smantal li avajnile, xchi'uc laj alo' li sat te' ti laj calbot mu xu' chalo'e, li' ta orae vo'ot ta amul ti chopol ta xcom o li banamile. Tsots cha'abtej c'alal chata ave'el ti jayib c'ac'al cuxulote.

Li Diose jech la sjac'be: —¿Boch'o laj yalbot ti t'analote? ¿Me yu'un laj alo'be sat li te' ti laj calbot mu me xalo'e? —xut.

C'alal laj xa'ox sloq'ues batel li vinique, la stac tal querubinetic te ta ts'unubaltic ta sloq'ueb c'ac'al, xchi'uc jun espada xpulpun no'ox, yu'un ja' tsjoyibta ta jujujot sventa mu me boch'o xbat yo' bu oy li jpets te' sventa cuxlejale.

Li vinique Eva laj yac'be sbi li yajnile, yu'un ja' me'il yu'unic scotol li boch'otic cuxulique.