Luuk 18မှ လူကြိုက်နှစ်သက်သော ကျမ်းပိုဒ်များ။

မျှဝေရန်

Aki Jisasol yovekurajo puruv kuudokaikono. Yovekurajo su tov a'mwo abolo Jisasollu uumjunyokwe ton yiuwi'nokai toga Gooti toollu subusu'nyogalo neya wuudumovlavopi aki nyuu'dapimwalpiyokwe tovinokwono.

Toro kuvi kuruv Gooti toolno'gwowi gami a'mwo abolo doma'dowodo tobuurai wonyapino to'no miyodowodekono. A'mwo abolo su tobuuro yiuwi'nokai iruko togake'aro surakuuto togake'aro toga Gooti toollu deko kuudoganugovlapi tovi Gooti su tool muu'nyubusuko to'no mimwalonekono. Toro kwol kuruv kuvinono nuuwiyo'mwojumwalonekono. Aki su toro nuuwiyo'mwojono tovino manyu toga sogwollo mainonekono. Nuu aro ikudumo'mokwono. Gooti tool gavnokweyolluro kooti yogalo idopto'nodo tovi'aro a'mwo abolo su toro tobuurai yere nuuwiyo'mwojonekono. Aki nuu A'mwo Kwolaiyo Kuunodo toonyu kwako akavi aikomgu kwolami toga a'mwo abolo numino kuudo anubwepi tonyuno yo'mgonomollumonyugono. Toro so'mgonomollumi kuvi kuruv a'mwo abolo mino kuudo manubweyodupudo bwotonyago tonyuno to'no wonomollumonyugono.”

Toro kuudoganopo kuvi kuruv Jisasol aro kuudokaikono. “A'mwo tooro su tovi yo'mo tov ku'nono mipinokwono. Toro kuvi kuruv Gooti toolno'gwowi su toro tonyu yo'mo tov nokwo'mekono.” Kuudokaikono.

Abekanyo tobuul toro wuudoduke kuvi kuruv a'mwo kooti yogalo mollomwalokwe su tool manyu toga yere mwiyo'mwojajukekono. Toro kwol kuruv lukomgu a'mwo su tool aro sajunokaikono. “Nuu Gooti toollu dolago tomuu mamwalodumdonyugono. Aki toro toonyu a'mwo abolo tonyuno biyolo to'no uu'mwojodumdonyugono. Toro kuvi kuruv abekanyo su tov yiuwi'nokai toga mi nyudoganyuno nyudoganyuno yodowo numjuku'dowodokwono. Toro te abolo su tov mi nonuumjuku'mwalo'jokwe tov gamoro kooti yogalo tovi kaduko wiyo'mi neya wiyo'mwojumonyugono.” Sajunokaikono.” Jisasol toro kuudokaikono.

Toro te nuvu nebal'no ikudumo'mokwono. Kwoloraiyo ton aguto kig Gooti toolluro mido mollomwalo tovi ilaiyo yere molloma'dupudogano. Toro tonbusuko kubalno a'mwo abolo ton aguto kig Gooti toolluro mido mollomwalo tovi ilaiyo aval'no neya amollomapuro. Toro kuvi kuruv a'mwo pwol kwoloraiyo su tonbusuko ilaiyo kuvinono mamollomaro'ji to'gwowi aguto kig Gooti toolluro mido mollomwalo su tovi ku'nono maulomwalonekono.” Kuudokaikono.

Toro mojurugolodopure kuvi kuruv Jisasol kwoloraiyo su tobuurai gamiyomno doma'no sumaiyokwe gamoro uumjunyokwe toorai aro kuudokaikono. “Kwolaiyo taiyo ton numiyomno bodopure tonyu kevu uumjukuto mipinono. Nokwo wonyapino julo. Su tov aro tovinokwono. A'mwo abolo ton yiuno kwoloraiyo akanbusuko sumo'nupi tono aguto kig Gooti toolluro mido mollomwalo tovi dolago tomuu nokwo kuulomwalpinogano. Su toro tovinokwono.

Toro kuudoka toollu Jisasol kuudokaikono. “Guu kuudo anubwemwakudo tovino tov agujukulmono.”

Toro kuudoganoka toollu Jisasol kuudokaikono. “Guvu mino, Sugudoloo, buro'nyo'mo donyudadokuuno? Sugudo tool yiuno Gooti toolnodokwono.”