ဟေရှာယ 54မှ လူကြိုက်နှစ်သက်သော ကျမ်းပိုဒ်များ။

မျှဝေရန်

သင့်​တစ်​ဖက်၌ လုပ်​သော​လက်​နက်​တစ်​စုံ​တစ်​ခု​မျှ အ​ထ​မ​မြောက်​ရ။ သင့်​ကို တ​ရား​တွေ့​သော​သူ မည်​သည်​ကား၊ အ​ရှုံး​ခံ​ရ​လိမ့်​မည်။ ထာ​ဝ​ရ​ဘု​ရား၏ ကျွန်​တို့​သည် ထို​သို့​သော အ​မွေ​ကို​ခံ​ရ၍၊ ငါ့​ကြောင့် ဖြောင့်​မတ်​ရာ​သို့ ရောက်​ရ​ကြ​လိမ့်​မည်​ဟု ထာ​ဝ​ရ​ဘု​ရား မိန့်​တော်​မူ၏။

တောင်​ကြီး​တို့​သည်​ရွေ့၍၊ တောင်​ငယ်​တို့​သည် လှုပ်​ရှား​သော်​လည်း၊ ငါ၏​မေ​တ္တာ​သည် သင်​မှ​မ​ရွေ့​ရ။ ငါ၏​ငြိမ်​သက်​ခြင်း ပ​ဋိ​ညာဉ်​လည်း မ​လှုပ်​ရှား​ရ​ဟု သင်၌ သ​နား​ခြင်း​က​ရု​ဏာ​စိတ်​ရှိ​တော်​မူ​သော ထာ​ဝ​ရ​ဘု​ရား မိန့်​တော်​မူ၏။

မ​စိုး​ရိမ်​နှင့်။ ရှက်​ကြောက်​ခြင်း​သို့ မ​ရောက်​ရ။ မျက်​နှာ မ​ပျက်​နှင့်။ အ​ရှက်​ကွဲ​ခြင်း​ကို မ​ခံ​ရ။ အ​သက်​ငယ်​စဉ်​အ​ခါ ခံ​ရ​သော ရှက်​ကြောက်​ခြင်း​ကို မေ့​လျော့​လိမ့်​မည်။ မု​ဆိုး​မ​ဖြစ်၍ ခံ​ရ​သော​ကဲ့​ရဲ့​ခြင်း​ကို နောက်​တစ်​ဖန် မ​အောက်​မေ့​ရ။

အ​ကြောင်း​မူ​ကား၊ သင့်​ကို ဖန်​ဆင်း​သော​သူ​သည် သင်၏​လင် ဖြစ်​တော်​မူ၏။ နာ​မ​တော်​ကား၊ ကောင်း​ကင်​ဗိုလ်​ခြေ​အ​ရှင် ထာ​ဝ​ရ​ဘု​ရား​တည်း။ သင့်​ကို​ရွေး​နုတ်​သော​သူ​သည် ဣ​သ​ရေ​လ​အ​မျိုး၌ သန့်​ရှင်း​သော​ဘု​ရား ဖြစ်​တော်​မူ၏။ မြေ​ကြီး​တစ်​ပြင်​လုံး​ကို အ​စိုး​ရ​သော​ဘု​ရား​ဟူ၍ ခေါ်​ရ​ကြ၏။

သင်၏​တဲ​ရာ​ကို ကျယ်​စေ​လော့။ သင်၏​နေ​ရာ မျက်​နှာ​ကြက်​ကို ကြက်​ဦး​လော့။ နှ​မြော​သော စိတ်​မ​ရှိ​နှင့်။ ကြိုး​တို့​ကို ရှည်​စေ​ဦး​လော့။ တိုင်​တို့​ကို မြဲ​စွာ​စိုက်​လော့။

သင်၏​သား​သ​မီး​အ​ပေါင်း​တို့​သည် ထာ​ဝ​ရ​ဘု​ရား ဆုံး​မ​သွန်​သင်​တော်​မူ​သော​သူ ဖြစ်၍၊ များ​စွာ​သော စည်း​စိမ်​ချမ်း​သာ​နှင့် ပြည့်​စုံ​ကြ​လိမ့်​မည်။

ပြင်း​စွာ​သော​အ​မျက်​ထွက်၍ ခ​ဏ​မျှ ငါ​မျက်​နှာ​လွှဲ​သော်​လည်း၊ ထာ​ဝ​ရ​မေ​တ္တာ​နှင့် သင့်​ကို ကယ်​မ​သ​နား​ဦး​မည်​ဟု သင့်​ကို ရွေး​နုတ်​သော ထာ​ဝ​ရ​ဘု​ရား​မိန့်​တော်​မူ၏။

သင့်​ကို ခ​ဏ​သာ​ငါ​စွန့်​သည်​ဖြစ်၍၊ များ​စွာ​သော က​ရု​ဏာ​နှင့် တစ်​ဖန်​သိမ်း​ဆည်း​ဦး​မည်။

နော​ဧ​လက်​ထက်၌ လွှမ်း​မိုး​သော​ရေ​ကို ငါ​သည်​မှတ်၍၊ ထို​ရေ​သည် မြေ​ကြီး​ကို နောက်​တစ်​ဖန် မ​လွှမ်း​မိုး​ရ​ဟု ကျိန်​ဆို​ခြင်း​ကို ပြု​သည်​နည်း​တူ၊ သင့်​ကို အ​မျက်​မ​ထွက်၊ မ​ဆုံး​မ​ဟု ကျိန်​ဆို​ခြင်း​ကို ပြု​ပြီ။

ပြ​အိုး​တို့​ကို ကျောက်​နီ​ဖြင့်​လည်း​ကောင်း၊ တံ​ခါး​တို့​ကို ပ​တ္တ​မြား​ဖြင့်​လည်း​ကောင်း၊ ပတ်​ဝန်း​ကျင်​တန်​ဆာ​များ​ကို ကျောက်​မြတ် အ​မျိုး​မျိုး​ဖြင့်​လည်း​ကောင်း ငါ​ပြီး​စေ​မည်။