လုကာ 7မှ လူကြိုက်နှစ်သက်သော ကျမ်းပိုဒ်များ။

မျှဝေရန်

ထို့ကြောင့် သင့်​အား ငါ​ပြောလိုသည်​မှာ သူ​၏​အပြစ်​သည် အလွန်များပြားလှ​သော်လည်း သူ​သည် ခွင့်လွှတ်ခြင်း​ကို ခံရပြီ။ ထို့ကြောင့် သူ​သည် ငါ့​ကို များစွာ ချစ်တော်မူ၏။ အနည်းငယ်သော​အပြစ်လွှတ်ခြင်း​ကို ခံရသောသူ​သည် အနည်းငယ်​သာ​ချစ်တော်မူ၏” ဟု မိန့်တော်မူ၏။ ထို့နောက် “သင်​၏​အပြစ်​ကို ခွင့်လွှတ်ပြီ” ဟု ထို​အမျိုးသမီး​အား မိန့်တော်မူ၏။

သို့ရာတွင် ယေရှု​က ထို​အမျိုးသမီး​အား “သင်​၏​ယုံကြည်ခြင်း​သည် သင့်​အား​ကယ်တင်ပြီ။ ငြိမ်းချမ်း​စွာ​သွားလော့” ဟု မိန့်တော်မူ၏။

သူ​သည် ကိုယ်တော်​၏​နောက်ဘက်​ခြေတော်ရင်း​၌ ရပ်​၍ ငိုကြွေး​လျက် ခြေတော်​ကို မျက်ရည်​ဖြင့် ဆေး​ကာ သူ​၏​ဆံပင်​ဖြင့် သုတ်၏။ ထို့နောက် ကိုယ်တော်​၏​ခြေတော်​ကို အဆက်မပြတ်​နမ်းရှုပ်​လျက် ဆီမွှေး​ဖြင့် သုတ်လိမ်းပေးလေ၏။

အကျွန်ုပ်​သည်လည်း ကိုယ်တော်​ထံသို့ လာထိုက်သော​သူ​မဟုတ်ကြောင်း​ကိုလည်း ယူဆမိပါ၏။ သို့သော်လည်း စကားတော်​တစ်ခွန်း​မိန့်တော်မူ​လျှင် အကျွန်ုပ်​၏​အစေခံ​သည် ကျန်းမာ​ပါ​လိမ့်မည်။ အကျွန်ုပ်​သည် အမိန့်အာဏာ​အောက်​တွင် ရှိသူ​ဖြစ်ပြီး အကျွန်ုပ်​၏​လက်အောက်​တွင်လည်း စစ်သားများ​ရှိပါ၏။ အကျွန်ုပ်​သည် တစ်ဦး​အား ‘သွားလော့’ ဟု ပြော​လျှင် သူ​သည်​သွားရ၏။ အခြား​တစ်ဦး​အား ‘လာလော့’ ဟု ပြော​လျှင် သူ​သည်​လာရ၏။ အကျွန်ုပ်​၏​အစေခံ​အား ‘ဤ​အရာ​ကို လုပ်ဆောင်လော့’ ဟု ပြော​လျှင် သူ​သည် လုပ်ဆောင်ရပါ၏” ဟု လျှောက်စေ၏။ ယေရှု​သည် ထို​တပ်မှူး​၏​စကား​ကို ကြား​သော် အံ့သြတော်မူ​လျက် နောက်တော်​သို့​လိုက်သောသူများ​ဘက်​သို့ လှည့်​၍ “သင်တို့​အား ငါ​ပြောဆိုသည်​မှာ ဤကဲ့သို့သော ယုံကြည်ခြင်း​ကို အစ္စရေးလူမျိုး​ထဲ၌​ပင် ငါ​မတွေ့ဖူးသေး” ဟူ၍ မိန့်တော်မူ၏။

ထို​အချိန်​တွင် ယေရှု​သည် အနာရောဂါ​ဝေဒနာသည်များ​နှင့် နတ်ဆိုးပူးသူများ​အား ကျန်းမာစေ​လျက် မျက်မမြင်များ​ကိုလည်း ပြန်မြင်စေတော်မူ၏။ ယေရှု​က ထို​သူတို့​အား “သင်တို့​ကြားရ၊ မြင်ရ​သမျှတို့​ကို ပြန်သွား​၍ ယောဟန်​အား ပြောကြလော့။ မျက်မမြင်တို့​သည် မျက်စိ​မြင်ကြပြီ။ ခြေမသန်သူတို့​သည် လမ်းလျှောက်ကြပြီ။ အနာကြီးရောဂါသည်တို့​သည် စင်ကြယ်ကြပြီ။ နားမကြားသောသူတို့​သည် ကြားကြပြီ။ သေဆုံးသော​သူတို့​သည် ပြန်ရှင်ကြပြီ။ ဆင်းရဲသားတို့​သည်လည်း သတင်းကောင်း​ကို ကြားရကြပြီ။