မဿဲ 18မှ လူကြိုက်နှစ်သက်သော ကျမ်းပိုဒ်များ။

မျှဝေရန်

လူနှစ်ဦး၊ သို့မဟုတ် သုံးဦး​သည် ငါ့​အမည်​နာမ​ကို​အမှီပြု​၍ စုရုံးကြ​လျှင် ထို​နေရာ​တွင် ငါ​သည်​သူတို့​နှင့်အတူ​ရှိသည်” ဟု မိန့်တော်မူ၏။

တစ်ဖန် ငါ​အမှန်​ဆိုရ​လျှင် လောက​တွင် သင်တို့​ထဲမှ လူ​နှစ်ဦးတို့​သဘောတူ​၍ ဆုတောင်း​လျှင် တောင်း​သမျှသော​ဆု​ကို ကောင်းကင်ဘုံ​ရှိ ငါ့​ခမည်းတော်​သည် ပေးသနားတော်မူ​လိမ့်မည်။

ယေရှု​သည် ကလေးငယ်​တစ်ဦး​ကို ခေါ်​၍ သူတို့ အလယ်တွင်​ထား​လျက် “ငါ​အမှန်​ဆိုရ​လျှင် သင်တို့​သည် ပြောင်းလဲ​၍ ကလေးငယ်​ကဲ့သို့ မဖြစ်​လျှင် ကောင်းကင်​နိုင်ငံတော်​သို့ မည်သည့်​အခါမျှ ဝင်ရ​လိမ့်မည်​မဟုတ်။

ဤ​ကလေးငယ်​ကဲ့သို့ နှိမ့်ချသူ​သည် ကောင်းကင်နိုင်ငံ​တွင် အကြီးမြတ်ဆုံး​ဖြစ်၏။

ငါ့​မျက်နှာ​ကို​ထောက်​၍ ဤကဲ့သို့သော​ကလေးငယ်​ကို လက်ခံသော​သူ​သည် ငါ့​ကိုလည်း​လက်ခံ၏။

ငါ​အမှန်​ဆိုရ​လျှင် ကမ္ဘာလောက​တွင် သင်တို့​တားမြစ်​သမျှ​သည် ကောင်းကင်ဘုံ​၌လည်း တားမြစ်​ခံရမည်။ ကမ္ဘာလောက​တွင် သင်တို့​ခွင့်ပြု​သမျှ​သည် ကောင်းကင်ဘုံ​၌လည်း ခွင့်ပြု​ခံရမည်။

ထို​နည်းတူ သင်တို့​တစ်ဦးချင်း​သည် မိမိ​ညီအစ်ကို​မောင်နှမ​ကို စိတ်ရင်း​အမှန်​ဖြင့် ခွင့်မလွှတ်​လျှင် ကောင်းကင်ဘုံရှင် ငါ​၏​ခမည်းတော်​သည်လည်း သင်တို့​ကို ခွင့်လွှတ်တော်မူမည်​မဟုတ်” ဟု မိန့်တော်မူ၏။

ငါ့​ကို​ယုံကြည်သော ကလေးငယ်​တစ်စုံတစ်ယောက်​အား မှားယွင်းစေသောသူ​သည် ကြီးသော​ကြိတ်ဆုံကျောက်​ကို လည်​၌ ဆွဲ​လျက် နက်သော​ပင်လယ်​ထဲသို့ ပစ်ချခံရ​လျှင် ပို၍​ကောင်း၏။

လူ​တစ်ယောက်​တွင် သိုး​အကောင်​တစ်ရာ​ရှိ၏။ ထို​သိုးများ​အနက် တစ်ကောင်​သည် လမ်းမှား​၍​ပျောက်ဆုံး​ပါက သူ​သည် မည်သို့​ပြုမည်​ဟု သင်တို့​ထင်ကြသနည်း။ သူ​သည် သိုး​ကိုးဆယ့်ကိုးကောင်​ကို တောင်ပေါ်​တွင် ချန်ထား​ပြီးလျှင် လမ်းမှား​၍ ပျောက်သော​သိုး​ကို ရှာဖွေမည်​မဟုတ်လော။