LUK 15
15
Hawuyu Zhaotu
(Mt 18.12-14)
1Teithe ali hisü kikha khamai ea mahmaitao alaosou Jisu chi keire donou puhye tave sühao loure. 2Alia Phariseemai ea razhai dou-apeimai taonou mülealealoua paoe, “Mai hainanou mahmai taoye saloua puletaoye koa toushowe!” 3Südonou Jisu nou puletao hi nada hainasü paopeie:
4“Hakinou neletao hrohinou mailivei zhaotu kaihli bulouzü ea sütao hinou ali hawulouzü, puhnou raikükü taoye rekou khobuh hi thaowu-a hawuyu sünaye ngaoloumo koute phoulai mowu? 5Alia puhnou sünaye ngaolouyu kisü, sasholoua sünaye sü puh phaovahi popakhailoua 6kihi khaive baiwe. Süthaisü puhnou puh samaitaoye ea kinapataoye kuve dzüloua puletao hi paoe, ‘Eye koa sazho peikhaio, daiolouzü hawuyu Avei zhaotu nasü ngaoloure.’ 7Sübütoua, Enou neletao hi paowe, le daloure matsü hayu cheche maitao raikükü jünou le dalouyu mahmai ali süna donou raki hinou lesa koulai hie.
Hawuyu Shapo
8“Moa hakinou naotumai alinou puhvei shapo kirou buyu hinou ali hawulouzü puhnou meibvü taoloua ea ki vaishee-a süna ngaoloumo koutesü soutaosoua phoulai mowu? 9Alia puhnou süna ngaolouyu kisü, puhnou puh samaitao ea kinapa taohi paoe, ‘Eye koa sazho peikhaio, daiolouzü Enou hawuyu shapo nasü ngaoloure.’ 10Sübütoua, Enou neletao hi paowe, le dalouyu mahmai ali donou Ramai vei rakivamaitao nou sashowe.”
Chaolaiyu Nahpoutu
11Alia Jisu nou thaomoa paoe, “Teile alihi mai alivei nahpoutumai ahai bue; 12alia napuwo nou puhpuohi paoe, ‘Apuo, nevei kina Ahi peire zha taosü peikhaio.’ Südonou mai sünanou puhvei kinataosü puh nahpoutu haihi zhipeire. 13Teile phajü thaisü napu sünanou puhvei buyu kini teiteisü podzüloua ea sünasü pfüloua doushoyu teidei alihi veitare, alia sühinou puhnou puhvei kini taosü kao-zümoyu hrü hinou chaochaosoua souha khaire. 14Alia puhnou puhvei buyu teiteisü souha chewuyu kisü, teidei sühisü ngaopisoua tokaa veloure, alia puhsü toure hare. 15Südonou puhnou teidei sühimai ali kihinou zho kutoure donou tavere, alia mai sünanou puhye panou vo khore donou puhvei douhi seitare. 16Alia puhsü vo nou touyu bei-maa to sünanou puhlah touthou puh pouphou soulou nüwe, ana maitalinoua puh hisü toure hatalia peimoe. 17Ana puhnou tsü chodakhai louyu kisü, puh lahnou haibüa paoe, ‘Apuo hinou zho kutoua buyu mai kazhounou touli-tousho-a busa, ana Ewo buh haihinou khütheawuzhu laire! 18Enou tashuloua ea Apuohi taveloua puh hi ve paolai, Apuo, Enou Ramai pei hi ea ne nghojünou mah soure. 19Chuo Eye ne nahpoutu tea kuzüdou khaimore; Eye ne zhokua laiyu kilaitao hrohinou alie tea popeio.’ 20Südonou puhnou shuloua puhpuo hilo tavere.
“Ana puhnou doushoa tabukinou puh puonou puhye sü zhingaoloure ea puh lesü leshi-zhuvea nou phouloure, alia tuho puhye sü kholoua münou muloure. 21Alia nahpoutu sünanou puh hi paoe, ‘Apuo, Enou Ramai pei hi ea ne nghojünou mah soure; chuo Eye ne nahpoutu tea kure züdou khaimore.’ 22Ana puonou puh kilai taoye laloua puletao hi paoe, ‘Avei veilai zaodu nasü thala-a popaloua puhye noupeikhaio; alia puhbah hi bahtoukhali ea puh phihi phikha thoupeio. 23Süthaisü taloua hrüvei velai chotuo nasü dathealoua povekhaio, alia Eletao tou-shoa nüh nülaikhe; 24daiolouzü Anahpoutu hainasü thailoua hridashu loure ea hawuyu hinou ngaoloure.’ Alia sübüa puletao nou sasho loure.
25“Sükisü puhvei nahpoutu tsünasü rekou dou hinou bue; alia puhnou khaiveloua ki ngheiki veyu kisü, puhnou shabe-toubvü kho ea do souyu paisü chouloure. 26Südonou puhnou kilaitao aliye kuloua süsü dai vanoue tea puh hinou noue. 27Alia kilai sünanou puh hi chila peie, ‘Ne thaihou sü kihi khaivere, alia nepuo nou puhye thaisou daomoa ngaolouyu vanou hrüvei veilai chotuo nasü dapeiwe.’
28“Ana puhsü rarouloua kihi talou bare. Südonou puhpuonou vakouhi tapaloua puhye kihi talou loure kukhai kukhai loure, 29ana puhnou puh puohi chila peie, ‘Zhukhaio, po haizhozhou sü kilai ali büa Enou nevei kuvah soua bue, alia Enou hakia nevei kharochi nasü züba moe; sütoukhaia Eye panou Asamaitaoye koa sazhore donou nghitu ali koutea nenou Ahi peikhai mohie. 30Ana ne nahpoutu hainanou nevei kinisü khakhapfü taoye koa touloua khaiveyu kisü, nenou puhye donou vasou avei veilai chotuo nasü dathea peiwe!’ 31Sühinou puonou puh hi chila peie, ‘Anahna, newo teisanou Eye koa bue, alia Avei teiteisü neveibaie. 32Ana Eletao sasa-a nüh nüzüe, daiolouzü ne thaihou hainasü thailoua hridashu loure ea hawuyu hinou ngaoloure.’”
လက်ရှိရွေးချယ်ထားမှု
LUK 15: POUMBSI
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.
LUK 15
15
Hawuyu Zhaotu
(Mt 18.12-14)
1Teithe ali hisü kikha khamai ea mahmaitao alaosou Jisu chi keire donou puhye tave sühao loure. 2Alia Phariseemai ea razhai dou-apeimai taonou mülealealoua paoe, “Mai hainanou mahmai taoye saloua puletaoye koa toushowe!” 3Südonou Jisu nou puletao hi nada hainasü paopeie:
4“Hakinou neletao hrohinou mailivei zhaotu kaihli bulouzü ea sütao hinou ali hawulouzü, puhnou raikükü taoye rekou khobuh hi thaowu-a hawuyu sünaye ngaoloumo koute phoulai mowu? 5Alia puhnou sünaye ngaolouyu kisü, sasholoua sünaye sü puh phaovahi popakhailoua 6kihi khaive baiwe. Süthaisü puhnou puh samaitaoye ea kinapataoye kuve dzüloua puletao hi paoe, ‘Eye koa sazho peikhaio, daiolouzü hawuyu Avei zhaotu nasü ngaoloure.’ 7Sübütoua, Enou neletao hi paowe, le daloure matsü hayu cheche maitao raikükü jünou le dalouyu mahmai ali süna donou raki hinou lesa koulai hie.
Hawuyu Shapo
8“Moa hakinou naotumai alinou puhvei shapo kirou buyu hinou ali hawulouzü puhnou meibvü taoloua ea ki vaishee-a süna ngaoloumo koutesü soutaosoua phoulai mowu? 9Alia puhnou süna ngaolouyu kisü, puhnou puh samaitao ea kinapa taohi paoe, ‘Eye koa sazho peikhaio, daiolouzü Enou hawuyu shapo nasü ngaoloure.’ 10Sübütoua, Enou neletao hi paowe, le dalouyu mahmai ali donou Ramai vei rakivamaitao nou sashowe.”
Chaolaiyu Nahpoutu
11Alia Jisu nou thaomoa paoe, “Teile alihi mai alivei nahpoutumai ahai bue; 12alia napuwo nou puhpuohi paoe, ‘Apuo, nevei kina Ahi peire zha taosü peikhaio.’ Südonou mai sünanou puhvei kinataosü puh nahpoutu haihi zhipeire. 13Teile phajü thaisü napu sünanou puhvei buyu kini teiteisü podzüloua ea sünasü pfüloua doushoyu teidei alihi veitare, alia sühinou puhnou puhvei kini taosü kao-zümoyu hrü hinou chaochaosoua souha khaire. 14Alia puhnou puhvei buyu teiteisü souha chewuyu kisü, teidei sühisü ngaopisoua tokaa veloure, alia puhsü toure hare. 15Südonou puhnou teidei sühimai ali kihinou zho kutoure donou tavere, alia mai sünanou puhye panou vo khore donou puhvei douhi seitare. 16Alia puhsü vo nou touyu bei-maa to sünanou puhlah touthou puh pouphou soulou nüwe, ana maitalinoua puh hisü toure hatalia peimoe. 17Ana puhnou tsü chodakhai louyu kisü, puh lahnou haibüa paoe, ‘Apuo hinou zho kutoua buyu mai kazhounou touli-tousho-a busa, ana Ewo buh haihinou khütheawuzhu laire! 18Enou tashuloua ea Apuohi taveloua puh hi ve paolai, Apuo, Enou Ramai pei hi ea ne nghojünou mah soure. 19Chuo Eye ne nahpoutu tea kuzüdou khaimore; Eye ne zhokua laiyu kilaitao hrohinou alie tea popeio.’ 20Südonou puhnou shuloua puhpuo hilo tavere.
“Ana puhnou doushoa tabukinou puh puonou puhye sü zhingaoloure ea puh lesü leshi-zhuvea nou phouloure, alia tuho puhye sü kholoua münou muloure. 21Alia nahpoutu sünanou puh hi paoe, ‘Apuo, Enou Ramai pei hi ea ne nghojünou mah soure; chuo Eye ne nahpoutu tea kure züdou khaimore.’ 22Ana puonou puh kilai taoye laloua puletao hi paoe, ‘Avei veilai zaodu nasü thala-a popaloua puhye noupeikhaio; alia puhbah hi bahtoukhali ea puh phihi phikha thoupeio. 23Süthaisü taloua hrüvei velai chotuo nasü dathealoua povekhaio, alia Eletao tou-shoa nüh nülaikhe; 24daiolouzü Anahpoutu hainasü thailoua hridashu loure ea hawuyu hinou ngaoloure.’ Alia sübüa puletao nou sasho loure.
25“Sükisü puhvei nahpoutu tsünasü rekou dou hinou bue; alia puhnou khaiveloua ki ngheiki veyu kisü, puhnou shabe-toubvü kho ea do souyu paisü chouloure. 26Südonou puhnou kilaitao aliye kuloua süsü dai vanoue tea puh hinou noue. 27Alia kilai sünanou puh hi chila peie, ‘Ne thaihou sü kihi khaivere, alia nepuo nou puhye thaisou daomoa ngaolouyu vanou hrüvei veilai chotuo nasü dapeiwe.’
28“Ana puhsü rarouloua kihi talou bare. Südonou puhpuonou vakouhi tapaloua puhye kihi talou loure kukhai kukhai loure, 29ana puhnou puh puohi chila peie, ‘Zhukhaio, po haizhozhou sü kilai ali büa Enou nevei kuvah soua bue, alia Enou hakia nevei kharochi nasü züba moe; sütoukhaia Eye panou Asamaitaoye koa sazhore donou nghitu ali koutea nenou Ahi peikhai mohie. 30Ana ne nahpoutu hainanou nevei kinisü khakhapfü taoye koa touloua khaiveyu kisü, nenou puhye donou vasou avei veilai chotuo nasü dathea peiwe!’ 31Sühinou puonou puh hi chila peie, ‘Anahna, newo teisanou Eye koa bue, alia Avei teiteisü neveibaie. 32Ana Eletao sasa-a nüh nüzüe, daiolouzü ne thaihou hainasü thailoua hridashu loure ea hawuyu hinou ngaoloure.’”
လက်ရှိရွေးချယ်ထားမှု
:
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.