PONGWANG LAIPEX 1
1
Pangwüi Zingkya Pukax
1Chemtue Zang-e ding-hi-hax#1.1: Chemtue…pongwang ole; chichangba Pongwang ma Zang-e ding-hi-hax zing; chichangba Chemtue Zang-e ding-hi-hax zing ang sütpuix. zingle alaipuix, 2chaxwannu a tütachu chichangle tie awangle zangnaktukle tüikya. Zang Chasa#1.2: Zang Chasa a; chichangba Zang tsak-zong; chichangba Zang tokhange zangwin; chichangba khomtsikya zangwin. a titok to ahamle tüikya. 3#2 Ko 4.6.Ifüima Zang-e kaxtom koxle akax: “Zangngai laiün”. Ija ma zangngai lai. 4Ijama zangngai a müihule le ngünle lax. Ifüima chixe zangnak tokya zangngai ahan. 5Chixe zangngai ang “Anyixning”, le nyak üntoxle zangnak ang “Awünning”, le nyak. Ija füima zangnak ilaxle zangngai. Ija a pongwang lükya nyix changkya.
6 #
2 Pit 3.5. Ifüima Zang-e kaxtom koxle akax: “Thakchi hia fangchi ahanle ti angkya ti ahan ang ohua laile changün”, üntoxle ija ile chang. 7Zang-e ohua alailaxle thakchi angkya hia fangchi angkya ti ahanle dan. 8Zang-e thakchi angkya ti ang “zangkho”, le nyak. Ija füima zangnak üntoxle zangngai. Ija a nyix anyi lükya changkya.
9Ifüima Zang-e kaxtom koxle akax: “Zangkho zongma fangchi angkya ti haxza alai angkya kuxma jongta khama asoxün”, -üntoxle ija ile chang. 10Haxza ang chixe “haxwan”, le nyak ilaxle jongta khama athütle atungkya ti ang “Molo-tinu”#1.10: molo-tinu: Thüt ang chithokya tinukha. le nyak. Zang-e ija müihule le ngün. 11Ifüima Zang-e kaxtom koxle akax: “Haxwannue pün-zua, otsang hia oziak füikya oli pangwüi alaikox”, -üntoxle ija ile chang. 12Ikhoma haxwannue pün-zua oli pangwüi alai. Zang-e ija müihule le ngünle lax. 13Ija füima zangnak üntoxle zangngai. Ija a nyix azom lükya changkya.
14Ifüima Zang-e kaxtom koxle akax: “Zangnak hia zangngai ahan ang ding to zangngaibu laiün: üntoxle ibu a hanpak hia zanglao tamchu, zanglom pangpwonbu#1.14: zanglom pangpwonbu; chichangba tso-hi-wa. hanpak hia lyetkua-zangpua lyettex-hantya ang naxngo nui: 15chaxwannu Zang angai ang ibu a ding to fale naxngokox” -üntoxle ija ile chang. 16Zang-e Zangngai chongkya nyi alai. Zanghan a anyixning apün ang üntoxle Lyetnu a ajaning apün ang; chixe Lyettsibu chuwüi alai. 17Chaxwannu to fa angkya hanpakma chixe zangngaibu ding to dan; 18ibue anyixning hia ajaning apünüi ilaxle zangnak tokya zangngai atsai ang tomüi. Zang ija müihule le ngün. 19Ija füima zangnak üntoxle zangngai: Ija a nyix ali lükya.
20Ifüima Zang-e kaxtom koxle akax: “Ti a zünmok füi awang ang laxkox, ilaxle zangwin a osabue awang ang laxkox.” 21Ilaxle chixe ti ma tüikya müinu-nyaxpabu hia zünmok oli pangwüi alai ilaxle osa-juxsa oli pangwüi alai. Zang-e ija müihule le ngün. 22Chixe ibu to mohiman ilaxle ti angkya zünmok hia ding ang osabu ang pu-tsa angkya akax. 23Ija füima zangnak ilaxle zangngai. Ija a aga lükya nyix changkya.
24Ifüima Zang-e kaxtom koxle akax: “Chaxwannue tsom-pom hia faomüi, chongkya hixkya, oli pangwüi alaikox” -üntoxle ija ile chang. 25Ibu chix chakzing pangwüi chixe müihule le ngün.
26 #
1 Ko 11.7. Ifüima Zang-e akax: “Athaxpi keme khünak zingüi; hwom a kem lailaile tüiüi ilaxle hwome kem khuaküi. Hwom a müi-hi-nyax, o-jux, tsom-pom hia faomüi#1.26: Hozang Laitai Tuita ma müibu, tsomkya hia faomüibu; Ibri ma tsom-pom hia chaxwannu pangnu. chongkya hixkya pangnu thakma apün angkya zong tüiüi.” 27#Pon 5.1,2.#Mat 19.4; Mrk 10.6. Ikhoma Zang-e chix lailaile-ole khünak-mixsa zingle alai. Chixe hwom sheko hia lüka le zingle alai. 28Zang-e hwom to mohimanle akax: “Simüi-limüi hüi tamchu pu-tsale changhüi, chaxwannu awanghüi tamchu ija to ohüi; tinu mong tokya janyax hia zangwin angkya osabu tamchu chaxwan tok ma ahamkya zünmok pangwüi thakma apün-awanghüi. 29Hulax, chaxwannu ma tüikya pünziak laimo oli akiakle kue hünzom ang koxpu; hünzome ibu süt ang saxlax. 30Faomüi-janyax pangnu, zangwin angkya osabu pangwüi, akhwom-alyangle ahamkya müi pangnu, khüzün zakdün atüitüi pangwüi tamchu fumhing laihing pangnu hünzome süt ang saxüi. Ibu pangwüi kue hünzom ang koxdaoa.” Ilaxle ibu pangwüi ile chang. 31Zang-e chix chakzing müihule le ngün. Ifüima zangnak üntoxle zangngai. Ija a azok lükya nyix changkya.
လက်ရှိရွေးချယ်ထားမှု
PONGWANG LAIPEX 1: WANCBSI
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ
Wancho Naga Bible - OTSAO BAIBEL
Copyright © 2012 by The Bible Society of India
Used by permission. All rights reserved worldwide.