LUK 24
24
Jisu Azangle Zokya
(Mat 28.1-10; Mrk 16.1-8; Jhn 20.1-10)
1Ikoxle ofüinop swomsa ma hwome achwonle thomkya ongan müikya müngabu kop laxle hwom zuk to ju. 2Hwom thoma zuk ka hakkya long laoxle awüt bang. 3Ikhoma hwome noplaxle hu, ikoxle Jowanpa Jisu mang ikhama chibang. 4Hwom ija bama khosam ashukle tang le ngoponge, mixhuak anyi jikjyepkya nyi-za laxlaxle hwom zuima ajong. 5Za laxle shekobue haxchi to hule akhuxle thün khom. Iponge hokhie hwom ang thüi: “Hünzome ozün büthüikoxle omangbu khato lompu? Chix ikhama müntüi, chix a chatle azangle zoüna. 6#Mat 16.21; 17.22,23; 20.18,19; Mrk 8.31; 9.31; 10.33,34; Luk 9.22; 18.31-33.Chix Galili to tüiponge chixe hünzom füi akaxkya ajang koplax: 7‘Khünak Hosa ochaxbu chak to owüiole kox angkya changle, ilaxle pünsakma taküi, üntoxle nyix azom lükya to chatle azangle zoüi.’”
8Ibu shekobue chix kax mongto texle lax. 9Ifüima hwom zuk tokya chatlaxle ibu pangnu hwom bün ata hia mamabu pangnu hama wün. 10Hwom a Meri Magdalen, üntoxle Joana, üntoxle Jakop honu Meri le changkya; üntoxle hwom füi tomle mama shekobue chuwüi wangshembu hama ibu wün. 11Ikoxle wangshembue ibu shekobu zangwün kaxbi ngaoba le natok to alyet, ilaxle hwom kax to ojao chiong. 12Ikoxle Pitar ajong üntoxle zukchi to zikle ju, üntoxle chixe aku le zuk khato hule ano koxle nyidax boma mama chemchu chingün. Ilaxle chempang changkya changkoxpu le khosam ashukle chix hom to chat.#24.12: Züizüi laiza ma okhix 12 a müntüi.
Emaos Lom to Ahamkya
(Mrk 16.12-13)
13Ija nyixnyix wüi Jisu wangshem anyi, Jerusalem makhange mai anüt atsaikya Emaos lom to ahamle ngokya. 14Üntoxle hokhie tata füi chempangle changdaopuix idubu mo wünngale ahamle ngokya. 15Okhi kaxkaxle aham le ngoponge, Jisu chix tomtata hokhi hato hüi ilaxle tomtomle aham; 16Okhie chix ngün, ikoxlechu amüile süntsing münwan tomtatale chichang. 17Jisu-e hokhi ang thüi: “Hamlom to hünkhie chempang mo tomta wüntsuakpu?”
Mongma füi hokhi tang le ajong. 18Kleopas le amünkya mixsün tuitae chix ma atüi: “Jerusalem to nguikya khama, shongnyixkya bama chempang le changdaopuix, ija pak chitik kya nang tata wüi changa nyi?”
19Chixe atüi: “Chempang le changkya?” Okhie lan: “Nazareth nok Jisu to hwonkya a.” Okhie wüi thüi: “Ija mixsün a ajepa changkya. Zange hex üntoxle khünaknue hex, chix kax ma hia mokkya mwottho ma tsakzong tüikya le awanle. 20Kem nguapa akhokyabue üntoxlechu apün-adakyabue chix lang angkya bama kaxfün tsuaklaxle owüiole kox, üntoxle chix pünsak ma takle langle. 21Üntoxle Israel khangkho zang angai angkya mix chix changüi le kwome ongkya dai! Ile chang füima anyix ile nyix azom sütüna. 22Kwom kha angkya shekobu thomtae kwom abüt-aban ang koxle; anop swomsae zuk to jukox le mang münbang ta. 23Üntoxle kaxtaimix lai laxle hwom ang Jisu chatle azangle zoüna le thüile le wünle chatle. 24Kwom kha angkya züizüi zuk to jule huno koxchu wüi, shekobue wünkya lailaile wüi hwom thomachu Jisu mang münbang ta.”
25Ifüima Jisu-e hokhi ang thüi: “Hünzom ongatbu üntoxle ajebu kax to zazeletix ongkyabu. 26Ija sikngün apong angkya hia fuazangkya khato hüi angkya Khrista hanpakma olom münchang hichem?” 27Mosa hia ajebu pangnu makhange owang wangle Otsao Lai pangnu khato wüi chix bama zale tüikya chixe hokhi hama akhixle apua.
28Okhi ngui angkyakha tingkhua alopkya zuma Jisu-e chix chatlechu süchakza to leüi ningle aho; 29Ikoxle hokhie chix ang thüi: “Kukhi füito zak-hax; chemthüikoxle zanghan namleüna, athax a zangnakpu.” Ikoxle chix hokhi füito zak ang dong. 30Otue chix hokhi füi tomle fongsax ang thungpuix, chixe an kop laxle mohiman, ilaxle ija ashik le hokhi ang kox. 31Iponge hokhi mikdap, ilaxle hokhie chix changdaokya changa le awan, ikoxle hokhie ngün ang chitsuak le chix amua. 32Okhie tata füi akax: “Lomba to chixe künyi hama Otsao Lai akhix akhanle apua ngoponge, künyi mongto wün ningle münpodai hia?”
33Ija thuile ajong le hokhi Jerusalem to chat. Okhi thoma wangshem bün ata hia hwom füi tomle ngokyabu afox le nui. 34“Jowanpa otsingtsingma chatle azangle zo le tüile, chix Simon hato laile ahodaoa!”, le hwome hokhi hama wün. 35Okhiechu wüi, hokhi füi lomba to apongkya hia an ahanle sax ang thüiponge hokhie Jowanpa süntsing ang kopkyabu hwom hama wün.
Jisu Chix Wangshembu hato Lai
(Mat 28.16-20; Mrk 16.14-18; Jhn 20.19-23; Mwt 1.6-8)
36Ija mixsün nyie hwom hama ibu wünle ngoponge, alele, Jowanpa Jisu hwom osungwa ma laile ajong, ilaxle hwom ang thüi: “Hünzom füi mongsom naxtüi.”#24.36: Züizüi laiza ma chitüikya ilaxle hwom ang thüi: “Hünzom füi mongsom tüikox.”
37Bao ngünkya changüi le tex laxle hwom abüt-aban. 38Ikoxle chixe hwom ang thüi: “Hünzom büthüikoxle abütsasapu? Ibu mongao hünzom mongto büthüikoxle hüipu? 39Ku chak hia ku chabu to hulax, üntoxle ija ku tomtata changcha le hukoplax. Ku to twonlax ilaxle hulax, chemthüikoxle hünzome ku ma ngünkya ningle bao tuita ma hak hia za müntüi.”
40Ile akaxlaxle chixe hwom hato chix chak hia chabu aho. 41Ikoxlechu hwome chiong tsuak, ile hwom mongmüi hia khosame awang le ngoponge, chixe hwom ang thüi: “Ikhama hünzom ma chemchem saxküli tütüicha?” 42Hwome chix ang hidaole songdaokya nyax kox. 43Ija laxlaxle chixe hwom thüntho ma sax le aho.
44Ifüima chixe hwom ang thüi: “Mosa Wanlom üntoxle ajebu Lai hia Achuak Tsai ma ku bama chempangle zale tüilaxpuix, ibu ngai angkya oli changle le kue ibu zangwün bama ku hünzom füi tomle tüipongma wüi akaxdaoa.”
45Iponge hwome Otsao Lai awan angkya hwom mongka daple kox, 46Üntoxle chixe hwom ang thüi: “Khrista sikngün zolit angkya oli changle, üntoxle nyix azom lekya to chatle azangle zoüi, 47üntoxle Jerusalem makhange owang wang le chix mün ma ochax thailak atak angkya hia mongchat angkya kaxho pangnu jat-li hato apuk angkya changle, le zakya tüile. 48Ijabu hanpakma kaxkhi ang hünzom changpu. 49#Mwt 1.4. Üntoxle Apae tsaosax daokya ku tomtatae hünzom ang koxüi. Ikoxlechu thakchi tokya tsakzong hünzom hato mahüi tanto, hünzome ija tanle, Jerusalem ma nui angkya changle.”
Jisu Zangkang-Ting to Dün
(Mat 16.19-20; Mwt 1.9-11)
50 #
Mwt 1.9-11. Ifüima chixe hwom Jerusalem angkya Bethani kople zunle alai, üntoxle ikha to chixe chak ajong laxle hwom to mohiman. 51Chixe hwom to mohimanle ngoponge, chix hwom füi afanle zangkang to nwonle dün.#24.51: Züizüi laiza ma zangkho to nwonle dünkya kax mütüi. 52Hwome chix shwom ilaxle mongmüi atungle Jerusalem to chat. 53Ilaxle hwome hanpakbu Zang mün achuakle Zangshwom-Hom ma alyet.
လက်ရှိရွေးချယ်ထားမှု
LUK 24: WANCBSI
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ
Wancho Naga Bible - OTSAO BAIBEL
Copyright © 2012 by The Bible Society of India
Used by permission. All rights reserved worldwide.
LUK 24
24
Jisu Azangle Zokya
(Mat 28.1-10; Mrk 16.1-8; Jhn 20.1-10)
1Ikoxle ofüinop swomsa ma hwome achwonle thomkya ongan müikya müngabu kop laxle hwom zuk to ju. 2Hwom thoma zuk ka hakkya long laoxle awüt bang. 3Ikhoma hwome noplaxle hu, ikoxle Jowanpa Jisu mang ikhama chibang. 4Hwom ija bama khosam ashukle tang le ngoponge, mixhuak anyi jikjyepkya nyi-za laxlaxle hwom zuima ajong. 5Za laxle shekobue haxchi to hule akhuxle thün khom. Iponge hokhie hwom ang thüi: “Hünzome ozün büthüikoxle omangbu khato lompu? Chix ikhama müntüi, chix a chatle azangle zoüna. 6#Mat 16.21; 17.22,23; 20.18,19; Mrk 8.31; 9.31; 10.33,34; Luk 9.22; 18.31-33.Chix Galili to tüiponge chixe hünzom füi akaxkya ajang koplax: 7‘Khünak Hosa ochaxbu chak to owüiole kox angkya changle, ilaxle pünsakma taküi, üntoxle nyix azom lükya to chatle azangle zoüi.’”
8Ibu shekobue chix kax mongto texle lax. 9Ifüima hwom zuk tokya chatlaxle ibu pangnu hwom bün ata hia mamabu pangnu hama wün. 10Hwom a Meri Magdalen, üntoxle Joana, üntoxle Jakop honu Meri le changkya; üntoxle hwom füi tomle mama shekobue chuwüi wangshembu hama ibu wün. 11Ikoxle wangshembue ibu shekobu zangwün kaxbi ngaoba le natok to alyet, ilaxle hwom kax to ojao chiong. 12Ikoxle Pitar ajong üntoxle zukchi to zikle ju, üntoxle chixe aku le zuk khato hule ano koxle nyidax boma mama chemchu chingün. Ilaxle chempang changkya changkoxpu le khosam ashukle chix hom to chat.#24.12: Züizüi laiza ma okhix 12 a müntüi.
Emaos Lom to Ahamkya
(Mrk 16.12-13)
13Ija nyixnyix wüi Jisu wangshem anyi, Jerusalem makhange mai anüt atsaikya Emaos lom to ahamle ngokya. 14Üntoxle hokhie tata füi chempangle changdaopuix idubu mo wünngale ahamle ngokya. 15Okhi kaxkaxle aham le ngoponge, Jisu chix tomtata hokhi hato hüi ilaxle tomtomle aham; 16Okhie chix ngün, ikoxlechu amüile süntsing münwan tomtatale chichang. 17Jisu-e hokhi ang thüi: “Hamlom to hünkhie chempang mo tomta wüntsuakpu?”
Mongma füi hokhi tang le ajong. 18Kleopas le amünkya mixsün tuitae chix ma atüi: “Jerusalem to nguikya khama, shongnyixkya bama chempang le changdaopuix, ija pak chitik kya nang tata wüi changa nyi?”
19Chixe atüi: “Chempang le changkya?” Okhie lan: “Nazareth nok Jisu to hwonkya a.” Okhie wüi thüi: “Ija mixsün a ajepa changkya. Zange hex üntoxle khünaknue hex, chix kax ma hia mokkya mwottho ma tsakzong tüikya le awanle. 20Kem nguapa akhokyabue üntoxlechu apün-adakyabue chix lang angkya bama kaxfün tsuaklaxle owüiole kox, üntoxle chix pünsak ma takle langle. 21Üntoxle Israel khangkho zang angai angkya mix chix changüi le kwome ongkya dai! Ile chang füima anyix ile nyix azom sütüna. 22Kwom kha angkya shekobu thomtae kwom abüt-aban ang koxle; anop swomsae zuk to jukox le mang münbang ta. 23Üntoxle kaxtaimix lai laxle hwom ang Jisu chatle azangle zoüna le thüile le wünle chatle. 24Kwom kha angkya züizüi zuk to jule huno koxchu wüi, shekobue wünkya lailaile wüi hwom thomachu Jisu mang münbang ta.”
25Ifüima Jisu-e hokhi ang thüi: “Hünzom ongatbu üntoxle ajebu kax to zazeletix ongkyabu. 26Ija sikngün apong angkya hia fuazangkya khato hüi angkya Khrista hanpakma olom münchang hichem?” 27Mosa hia ajebu pangnu makhange owang wangle Otsao Lai pangnu khato wüi chix bama zale tüikya chixe hokhi hama akhixle apua.
28Okhi ngui angkyakha tingkhua alopkya zuma Jisu-e chix chatlechu süchakza to leüi ningle aho; 29Ikoxle hokhie chix ang thüi: “Kukhi füito zak-hax; chemthüikoxle zanghan namleüna, athax a zangnakpu.” Ikoxle chix hokhi füito zak ang dong. 30Otue chix hokhi füi tomle fongsax ang thungpuix, chixe an kop laxle mohiman, ilaxle ija ashik le hokhi ang kox. 31Iponge hokhi mikdap, ilaxle hokhie chix changdaokya changa le awan, ikoxle hokhie ngün ang chitsuak le chix amua. 32Okhie tata füi akax: “Lomba to chixe künyi hama Otsao Lai akhix akhanle apua ngoponge, künyi mongto wün ningle münpodai hia?”
33Ija thuile ajong le hokhi Jerusalem to chat. Okhi thoma wangshem bün ata hia hwom füi tomle ngokyabu afox le nui. 34“Jowanpa otsingtsingma chatle azangle zo le tüile, chix Simon hato laile ahodaoa!”, le hwome hokhi hama wün. 35Okhiechu wüi, hokhi füi lomba to apongkya hia an ahanle sax ang thüiponge hokhie Jowanpa süntsing ang kopkyabu hwom hama wün.
Jisu Chix Wangshembu hato Lai
(Mat 28.16-20; Mrk 16.14-18; Jhn 20.19-23; Mwt 1.6-8)
36Ija mixsün nyie hwom hama ibu wünle ngoponge, alele, Jowanpa Jisu hwom osungwa ma laile ajong, ilaxle hwom ang thüi: “Hünzom füi mongsom naxtüi.”#24.36: Züizüi laiza ma chitüikya ilaxle hwom ang thüi: “Hünzom füi mongsom tüikox.”
37Bao ngünkya changüi le tex laxle hwom abüt-aban. 38Ikoxle chixe hwom ang thüi: “Hünzom büthüikoxle abütsasapu? Ibu mongao hünzom mongto büthüikoxle hüipu? 39Ku chak hia ku chabu to hulax, üntoxle ija ku tomtata changcha le hukoplax. Ku to twonlax ilaxle hulax, chemthüikoxle hünzome ku ma ngünkya ningle bao tuita ma hak hia za müntüi.”
40Ile akaxlaxle chixe hwom hato chix chak hia chabu aho. 41Ikoxlechu hwome chiong tsuak, ile hwom mongmüi hia khosame awang le ngoponge, chixe hwom ang thüi: “Ikhama hünzom ma chemchem saxküli tütüicha?” 42Hwome chix ang hidaole songdaokya nyax kox. 43Ija laxlaxle chixe hwom thüntho ma sax le aho.
44Ifüima chixe hwom ang thüi: “Mosa Wanlom üntoxle ajebu Lai hia Achuak Tsai ma ku bama chempangle zale tüilaxpuix, ibu ngai angkya oli changle le kue ibu zangwün bama ku hünzom füi tomle tüipongma wüi akaxdaoa.”
45Iponge hwome Otsao Lai awan angkya hwom mongka daple kox, 46Üntoxle chixe hwom ang thüi: “Khrista sikngün zolit angkya oli changle, üntoxle nyix azom lekya to chatle azangle zoüi, 47üntoxle Jerusalem makhange owang wang le chix mün ma ochax thailak atak angkya hia mongchat angkya kaxho pangnu jat-li hato apuk angkya changle, le zakya tüile. 48Ijabu hanpakma kaxkhi ang hünzom changpu. 49#Mwt 1.4. Üntoxle Apae tsaosax daokya ku tomtatae hünzom ang koxüi. Ikoxlechu thakchi tokya tsakzong hünzom hato mahüi tanto, hünzome ija tanle, Jerusalem ma nui angkya changle.”
Jisu Zangkang-Ting to Dün
(Mat 16.19-20; Mwt 1.9-11)
50 #
Mwt 1.9-11. Ifüima chixe hwom Jerusalem angkya Bethani kople zunle alai, üntoxle ikha to chixe chak ajong laxle hwom to mohiman. 51Chixe hwom to mohimanle ngoponge, chix hwom füi afanle zangkang to nwonle dün.#24.51: Züizüi laiza ma zangkho to nwonle dünkya kax mütüi. 52Hwome chix shwom ilaxle mongmüi atungle Jerusalem to chat. 53Ilaxle hwome hanpakbu Zang mün achuakle Zangshwom-Hom ma alyet.
လက်ရှိရွေးချယ်ထားမှု
:
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ
Wancho Naga Bible - OTSAO BAIBEL
Copyright © 2012 by The Bible Society of India
Used by permission. All rights reserved worldwide.