AGER KVDVNG 6
6
Gerdumsunc Kvnvdko
1Cdcmpidodcm odo longckvdv:do agom tadjvgla gvmvnnc kvdv:dc kvnamlo bojcbomna, Helleni:kvdv:dc Hibriukvdv:dc lujcgmvnsukang lcga:dc buluk tumbo nc:ngkvdv:dcm longgcm longgcm orbikolo cmmumpc mcyodla lc:dungai. 2Odokkc cdc vyvngkolang anyidc agom tadjvgla gvmvnnc kvdv:dok kcrc:dcm gokkumsuto odokkc luto, “Ngolu tcbuldok agercm gerdodcm Ru:ncpvnckc agomdcm lutadbigo:ma:pc du:namdc aimang. 3Cdcmpidag, bvrokvdvnga, nolukkolok ainc amin gvnc tani: anggoko la:lentok, Yalodc:lang kinnam agomdc aipakpc kinncko, sc:kom ngolu sc gerpcnam agerscm togclvgla:ycji. 4Cmpige:la ngolu avycm kumnamlo tolvgsuyc odokkc agomdok agerlo:pc.”
5Odokkc bulu okodcm lutoji tani: kcrcng appv:dcm mc:lvgsumoto, odokkc bulu Stipenmc balento, mc:jvgc bi:nc odokkc Angunnc Yallo bi:nc tani:ko, odokkc Pilipbv, Prokoru:bv, Nikanor, Timon, Parmenas, Nikolaubv, Antiokdokkc dormo langkonsunckonc. 6Cdcmbulum bulu mclvgla ager gerdopc mclvgnam tani:kvdv:dok kcra:do du:moto, odokkc bulu kumto odokkc buluk alagcm buluk tayc:lo ri:tomto.
7Odokkc Ru:ncpvnckc agomdc bojcbomna gvbomkang; odokkc Jerusalemdo agom tadla gvmvnnckvdv:dok kvnamc kcrcng kcrc:pc, odokkc dormo ager gernckvdv:dok bojcrungc mc:jvgdok mcngkampc ikangai.
Stipenmc Ycnggabnam
8Odo Stipenbv, ayangclang ager ilang-gvlangc pv:la, bottcru:nc mcngapla:ma:nam agercmlang kanggodcm tani:kvdv:dok ara:do lcngkanto. 9Odo Mclennvgkunam kvdv:dok (cdcmpc cdcm ludagai) pagbokvdv:dok kumko okumkvdv: dokkc, odokkc Sirenedokkclang Alekjandriang kvdv:dokkc, odokkc Kilikia: dokkclang Asia:dokkc, dagrobamkang. Odokkc Stipenkokki ge:mvnsula luka:mvnsukang. 10Cmpige:la bv oko kinnampa:namdokki odokkc yalodokki lurasutoji bulu lupvsula:tomang. 11Odokkc bulu kinmango:pc tani:kvdv:dcm luwurlvgto, Sc:kobulu, “Ngolu bvk Ru:ncpvncmc:la: Mose:mc aima:nc cmna lunamcm.” Tatto cmna lutoji. 12Odokkc bulu tani:kvdv:dcm odokkc abv:nc kvdv:dcm odokkc agom jvggabnc kvdv:dcm nvgur-nvgbarlvgto odokkc bvm ycnggabto odokkc bvm kcba:do:pc boma:toku, 13odokkc lume:pc lukancm lubito sc:kobulu luto, “Sc tani:sc cdvlosiin sc angunnc mo:taksoglang lujvg lurodok biru:di:pc lunamdcm lungasumang; 14kapcnc ngolu bvk lunamcm tatto jc Najaretdok Jisudc sc mo:takscm momvgyc, odokkc ngolum binam Mose:kc itcng gvtc:dcm angumoyc.” 15Odokkc bvm nge:la kangge:la, kcba:do tednc appv:dc ka:to jc bvk dumsimigmodc taycng among lutad lunclok dumsi-migmompc idagai.
လက်ရှိရွေးချယ်ထားမှု
AGER KVDVNG 6: MISIBSI
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ
Mising New Testament - ANU LUGOD
Copyright © 2001 by The Bible Society of India
Used by permission. All rights reserved worldwide.
AGER KVDVNG 6
6
Gerdumsunc Kvnvdko
1Cdcmpidodcm odo longckvdv:do agom tadjvgla gvmvnnc kvdv:dc kvnamlo bojcbomna, Helleni:kvdv:dc Hibriukvdv:dc lujcgmvnsukang lcga:dc buluk tumbo nc:ngkvdv:dcm longgcm longgcm orbikolo cmmumpc mcyodla lc:dungai. 2Odokkc cdc vyvngkolang anyidc agom tadjvgla gvmvnnc kvdv:dok kcrc:dcm gokkumsuto odokkc luto, “Ngolu tcbuldok agercm gerdodcm Ru:ncpvnckc agomdcm lutadbigo:ma:pc du:namdc aimang. 3Cdcmpidag, bvrokvdvnga, nolukkolok ainc amin gvnc tani: anggoko la:lentok, Yalodc:lang kinnam agomdc aipakpc kinncko, sc:kom ngolu sc gerpcnam agerscm togclvgla:ycji. 4Cmpige:la ngolu avycm kumnamlo tolvgsuyc odokkc agomdok agerlo:pc.”
5Odokkc bulu okodcm lutoji tani: kcrcng appv:dcm mc:lvgsumoto, odokkc bulu Stipenmc balento, mc:jvgc bi:nc odokkc Angunnc Yallo bi:nc tani:ko, odokkc Pilipbv, Prokoru:bv, Nikanor, Timon, Parmenas, Nikolaubv, Antiokdokkc dormo langkonsunckonc. 6Cdcmbulum bulu mclvgla ager gerdopc mclvgnam tani:kvdv:dok kcra:do du:moto, odokkc bulu kumto odokkc buluk alagcm buluk tayc:lo ri:tomto.
7Odokkc Ru:ncpvnckc agomdc bojcbomna gvbomkang; odokkc Jerusalemdo agom tadla gvmvnnckvdv:dok kvnamc kcrcng kcrc:pc, odokkc dormo ager gernckvdv:dok bojcrungc mc:jvgdok mcngkampc ikangai.
Stipenmc Ycnggabnam
8Odo Stipenbv, ayangclang ager ilang-gvlangc pv:la, bottcru:nc mcngapla:ma:nam agercmlang kanggodcm tani:kvdv:dok ara:do lcngkanto. 9Odo Mclennvgkunam kvdv:dok (cdcmpc cdcm ludagai) pagbokvdv:dok kumko okumkvdv: dokkc, odokkc Sirenedokkclang Alekjandriang kvdv:dokkc, odokkc Kilikia: dokkclang Asia:dokkc, dagrobamkang. Odokkc Stipenkokki ge:mvnsula luka:mvnsukang. 10Cmpige:la bv oko kinnampa:namdokki odokkc yalodokki lurasutoji bulu lupvsula:tomang. 11Odokkc bulu kinmango:pc tani:kvdv:dcm luwurlvgto, Sc:kobulu, “Ngolu bvk Ru:ncpvncmc:la: Mose:mc aima:nc cmna lunamcm.” Tatto cmna lutoji. 12Odokkc bulu tani:kvdv:dcm odokkc abv:nc kvdv:dcm odokkc agom jvggabnc kvdv:dcm nvgur-nvgbarlvgto odokkc bvm ycnggabto odokkc bvm kcba:do:pc boma:toku, 13odokkc lume:pc lukancm lubito sc:kobulu luto, “Sc tani:sc cdvlosiin sc angunnc mo:taksoglang lujvg lurodok biru:di:pc lunamdcm lungasumang; 14kapcnc ngolu bvk lunamcm tatto jc Najaretdok Jisudc sc mo:takscm momvgyc, odokkc ngolum binam Mose:kc itcng gvtc:dcm angumoyc.” 15Odokkc bvm nge:la kangge:la, kcba:do tednc appv:dc ka:to jc bvk dumsimigmodc taycng among lutad lunclok dumsi-migmompc idagai.
လက်ရှိရွေးချယ်ထားမှု
:
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ
Mising New Testament - ANU LUGOD
Copyright © 2001 by The Bible Society of India
Used by permission. All rights reserved worldwide.