ယောရှုမှတ်စာ 15

ယုဒအမျိုးအနွယ်တို့ရသောအမွေမြေ

1ယုဒအမျိုးအနွယ်သည် မဲချ၍မျိုးနွယ်စုအလိုက် ရသောအမွေမြေမှာ ဤသို့ဖြစ်၏။ တောင်ဘက်စွန်းရှိ ဇိနတောကန္တာရမှ ဧဒုံနယ်နိမိတ်အထိဖြစ်၏။ 2တောင်ဘက်နယ်နိမိတ်မှာ ဆားပင်လယ်အစွန်း၊ တောင်ဘက်ပင်လယ်အော်မှ 3အကရဗ္ဗိမ်တောင်ကုန်းရှိရာတောင်ဘက်သို့ ကွေ့သွားပြီး ဇိနတောကိုဖြတ်သွားကာ ကာဒေရှဗာနာတောင်ဘက်သို့ တက်သွား၏။ ထိုမှ ဟေဇရုန်အရပ်ကိုကျော်၍ အာဒါအရပ်သို့ တက်သွားပြီး ကာကာအရပ်သို့ရောက်၏။ 4ထိုမှတစ်ဖန် အာဇမုန်အရပ်ကိုကျော်၍ အီဂျစ်ချောင်းအတိုင်းဆက်သွားကာ ပင်လယ်၌ နယ်နိမိတ်ဆုံး၏။ ဤသည်ကား ယုဒအမျိုးအနွယ်တို့၏တောင်ဘက်နယ်နိမိတ်ဖြစ်၏။ 5အရှေ့ဘက်နယ်နိမိတ်မှာ ဆားပင်လယ်မှ ဂျော်ဒန်မြစ်ဝအထိဖြစ်၏။ မြောက်ဘက်နယ်နိမိတ်မှာ ဂျော်ဒန်မြစ်ဝရှိ ပင်လယ်အော်တွင် အစပြု၏။ 6ထိုမှ နယ်နိမိတ်သည် ဗက်ဟောဂလအရပ်သို့ တက်သွားပြီး မြောက်ဘက်ဗေသရာဗအရပ်သို့ ဆက်သွား၏။ ထိုမှ နယ်နိမိတ်သည် ရုဗင်အမျိုးသား ဗောဟန်၏ကျောက်တိုင်ရှိရာသို့ တက်သွား၏။ 7တစ်ဖန် နယ်နိမိတ်သည် အာခေါ်ချိုင့်ဝှမ်းမှ ဒေဗိရဘက်သို့ တက်သွား၍ ချိုင့်ဝှမ်းတောင်ဘက်ရှိ အဒုမ္မိမ်တောင်ကုန်းမျက်နှာချင်းဆိုင် မြောက်ဘက်ဂိလဂါလအရပ်သို့ လှည့်သွား၏။ ထိုမှ နယ်နိမိတ်သည် အင်ရှေမက်စမ်းရေတွင်းကိုဖြတ်၍ အင်္ရောဂေလအရပ်၌ ဆုံး၏။ 8တစ်ဖန် နယ်နိမိတ်သည် ဗင်ဟိန္နုံချိုင့်ဝှမ်းမှ ဂျေရုဆလင် ခေါ် ယေဗုသိမြို့တောင်ဘက်ရှိ တောင်စောင်းတစ်လျှောက် တက်သွား၏။ ထိုမှ နယ်နိမိတ်သည် ရေဖိမ်ချိုင့်ဝှမ်း၏မြောက်ဘက်အဆုံးရှိ ဟိန္နုံချိုင့်ဝှမ်း၏အနောက်ဘက်နှင့်မျက်နှာချင်းဆိုင်သော တောင်ထိပ်အထိ တက်သွား၏။ 9တစ်ဖန် နယ်နိမိတ်သည် ထိုတောင်ထိပ်မှ နေဖတောစမ်းရေတွင်းသို့ ကွေ့သွား၍ ဧဖရုန်တောင်ရှိ မြို့များသို့ရောက်၏။ ထိုမှ နယ်နိမိတ်သည် ကိရယတ်ယာရိမ် ခေါ် ဗာလာအရပ်သို့ ကွေ့သွား၏။ 10တစ်ဖန် နယ်နိမိတ်သည် ဗာလာအရပ်မှ စိရတောင်ရှိရာအနောက်ဘက်သို့ကွေ့သွား၏။ ထိုမှ ခေသလုန် ခေါ် မြောက်ဘက်ယာရိမ်တောင်စောင်းတစ်လျှောက်ကိုဖြတ်၍ ဗက်ရှေမက်မြို့သို့ဆင်းလာပြီး တိမနတ်မြို့ကို ဖြတ်သွား၏။ 11တစ်ဖန် နယ်နိမိတ်သည် ဧကြုန်မြောက်ဘက်တောင်စောင်းတစ်လျှောက် တက်သွား၏။ ထိုမှ နယ်နိမိတ်သည် ရှိကြုန်အရပ်သို့ကွေ့သွားပြီး ဗာလာတောင်ကိုဖြတ်၍ ယာဗနေလအရပ်သို့ဆက်သွား၏။ ထိုမှ နယ်နိမိတ်သည် ပင်လယ်၌ဆုံးလေ၏။ 12အနောက်ဘက်နယ်နိမိတ်သည် မြေထဲပင်လယ်ကမ်းရိုးတန်းတစ်လျှောက် ဖြစ်၏။ ဤရွေ့ကား ယုဒအမျိုးသားတို့ မျိုးနွယ်စုအလိုက် ရရှိသောနယ်မြေအပိုင်းအခြားဖြစ်၏။

ကာလက်နှင့်သြသံယေလ

13ထာဝရဘုရား မိန့်တော်မူခဲ့သည့်အတိုင်း ယောရှုသည် ယေဖုန္နာ၏သားကာလက်အား ယုဒအမျိုးသားအမွေမြေထဲမှ ဟေဗြုန် ခေါ် ကိရယအာဘမြို့ကို ခွဲဝေပေးလေ၏။ အာဘသည် အာနက၏ဖခင်ဖြစ်၏။ 14ကာလက်သည် အာနကအနွယ်ဝင် အာနက၏သားသုံးယောက်ဖြစ်သော ရှေရှဲ၊ အဟိမန်၊ တာလမဲ တို့ကို ထိုပြည်မှ နှင်ထုတ်၏။ 15ထို့နောက် ကာလက်သည် ထိုပြည်မှ ဒေဗိရမြို့သို့ ချီတက်သွား၏။ ဒေဗိရမြို့ကို ယခင်က ကိရယဿေဖာမြို့ ဟုခေါ်၏။ 16ကာလက်က “ကိရယဿေဖာမြို့ကို တိုက်ခိုက်သိမ်းပိုက်နိုင်သောသူအား ငါ့သမီးအာခသနှင့် ပေးစားမည်”ဟု ဆို၏။ 17ကာလက်၏ညီ ကေနတ်၏သား ဩသံယေလက ထိုမြို့ကိုသိမ်းပိုက်နိုင်သဖြင့် ကာလက်သည် ဩသံယေလအား သမီးအာခသနှင့် ပေးစားလေ၏။ 18အာခသသည် ခင်ပွန်းနှင့်လိုက်သွားစဉ် မိမိဖခင်ထံမှလယ်တစ်ကွက်ကို တောင်းရန် ခင်ပွန်းသည်အားဆို၏။ အာခသသည် မြည်းပေါ်မှဆင်းသောအခါ ကာလက်က “ဘာအလိုရှိသနည်း”ဟု မေး၏။ 19သူကလည်း “ကောင်းချီးတစ်ခု တောင်းပါရစေ။ ကျွန်မအား နေဂေ့အရပ်မှမြေကို အဖေပေးပြီ။ စမ်းရေတွင်းကိုလည်း ပေးပါဦးလော့”ဟု ဆို၏။ ထို့ကြောင့် ကာလက်သည် သူ၏သမီးအား အထက်စမ်းရေတွင်းများနှင့်တကွ အောက်စမ်းရေတွင်းများကိုပါ ပေးလေ၏။

ယုဒအမျိုးအနွယ်ပိုင်သောမြို့များ

20ယုဒအမျိုးသားတို့ မျိုးနွယ်စုအလိုက်ရသောအမွေမြေမှာ ဤသို့ဖြစ်၏။ 21ယုဒအမျိုးအနွယ်ပိုင်သောမြို့များကား

တောင်ဘက်စွန်း ဧဒုံနယ်စပ်ရှိမြို့များဖြစ်သော ကပ်ဇေလမြို့၊ ဧဒေမြို့၊ ယာဂုရမြို့၊

22ကိနမြို့၊ ဒိမောနမြို့၊ အာဒဒါမြို့၊

23ကေဒေရှမြို့၊ ဟာဇော်မြို့၊ ဣသနန်မြို့၊

24ဇိဖမြို့၊ တေလင်မြို့၊ ဗာလုတ်မြို့၊

25ဟာဇော်ဟဒတ္တာမြို့၊ ဟာဇော်မြို့ ခေါ် ကေရုတ်ဟေဇရုန်မြို့၊

26အာမန်မြို့၊ ရှေမမြို့၊ မောလဒါမြို့၊

27ဟာဇာဂဒ္ဒမြို့၊ ဟေရှမုန်မြို့၊ ဗက်ပါလက်မြို့၊

28ဟာဇာရွာလမြို့၊ ဗေရရှေဘမြို့၊ ဗိဇ္ဇောသယာမြို့၊

29ဗာလာမြို့၊ ဣအိမ်မြို့၊ ဧဇင်မြို့၊

30ဧလတောလဒ်မြို့၊ ခေသိလမြို့၊ ဟောမာမြို့၊

31ဇိကလတ်မြို့၊ မာဒမေနမြို့၊ သံသန္နာမြို့၊

32လေဗောက်မြို့၊ ရှိလဟိမ်မြို့၊ အဣနမြို့၊ ရိမ္မုန်မြို့ စသည့်မြို့ပေါင်း နှစ်ဆယ့်ကိုးမြို့နှင့်ရွာများ ပါ၏။

33မြေနိမ့်ဒေသဘက်တွင် ဧရှတောလမြို့၊ ဇောရာမြို့၊ အာရှနာမြို့၊

34ဇာနောမြို့၊ အင်္ဂန္နိမ်မြို့၊ တာပွာမြို့၊ ဧနံမြို့၊

35ယာမုတ်မြို့၊ အဒုလံမြို့၊ စောခေါမြို့၊ အဇေကာမြို့၊

36ရှာရိမ်မြို့၊ အဒိသိမ်မြို့၊ ဂဒေရမြို့၊ ဂဒေရောသိမ်မြို့ စသည့်မြို့ပေါင်း တစ်ဆယ့်လေးမြို့နှင့်ရွာများ ပါ၏။

37ဇေနန်မြို့၊ ဟဒါရှမြို့၊ မိဂဒလဂဒ်မြို့၊

38ဒိလန်မြို့၊ မိဇပါမြို့၊ ယောကသေလမြို့၊

39လာခိရှမြို့၊ ဗောဇကတ်မြို့၊ ဧဂလုန်မြို့၊

40ကဗ္ဗုန်မြို့၊ လာမံမြို့၊ ကိသလိတ်မြို့၊

41ဂေဒရုတ်မြို့၊ ဗက်ဒါဂုန်မြို့၊ နေမမြို့၊ မက္ကဒါမြို့ စသည့်မြို့ပေါင်း တစ်ဆယ့်ခြောက်မြို့နှင့်ရွာများ ပါ၏။

42လိဗနမြို့၊ ဧသာမြို့၊ အာရှန်မြို့၊

43ယိဖတမြို့၊ အာရှနာမြို့၊ နေဇိပ်မြို့၊

44ကိလမြို့၊ အာခဇိပ်မြို့၊ မရေရှမြို့ စသည့်မြို့ပေါင်းကိုးမြို့နှင့်ရွာများ ပါ၏။

45ဧကြုန်မြို့နှင့် ထိုမြို့ဝန်းကျင်ရှိမြို့ရွာများ၊

46ဧကြုန်မြို့မှပင်လယ်အထိ၊ အာဇုတ်မြို့အနီးရှိ မြို့အားလုံးနှင့်ရွာများ

47အာဇုတ်မြို့နှင့်ဝန်းကျင်ရှိမြို့ရွာများ၊ အီဂျစ်ချောင်းနှင့် မြေထဲပင်လယ်ကမ်းရိုးတန်းတိုင်အောင် ဂါဇမြို့နှင့်ဝန်းကျင်ရှိမြို့ရွာများပါ၏။

48တောင်ပေါ်ဒေသဘက်တွင် ရှမိရမြို့၊ ယတ္တိရမြို့၊ စောခေါမြို့၊

49ဒန္နမြို့၊ ဒေဗိရ ခေါ် ကိရယဿန္နမြို့၊

50အာနပ်မြို့၊ ဧရှတမောမြို့၊ အာနိမ်မြို့၊

51ဂေါရှင်မြို့၊ ဟောလုန်မြို့၊ ဂိလောမြို့ စသည့်မြို့ပေါင်း တစ်ဆယ့်တစ်မြို့နှင့်ရွာများ ပါ၏။

52အာရပ်မြို့၊ ဒုမာမြို့၊ ဧရှန်မြို့၊

53ယာနုံမြို့၊ ဗက်တာပွာမြို့၊ အာဖက်မြို့၊

54ဟုန္တမြို့၊ ဟေဗြုန် ခေါ် ကိရယအာဘမြို့၊ ဇိအောရမြို့ စသည့်မြို့ပေါင်းကိုးမြို့နှင့်ရွာများ ပါ၏။

55မောနမြို့၊ ကရမေလမြို့၊ ဇိဖမြို့၊ ယုတ္တမြို့၊

56ယေဇရေလမြို့၊ ယောကဒံမြို့၊ ဇာနောမြို့၊

57ကာဣနမြို့၊ ဂိဗာမြို့၊ တိမနတ်မြို့ စသည့်မြို့ပေါင်း ဆယ်မြို့နှင့်ရွာများ ပါ၏။

58ဟာလဟုလမြို့၊ ဗက်ဇုရမြို့၊ ဂေဒေါ်မြို့၊

59မာရပ်မြို့၊ ဗေသနုတ်မြို့၊ ဧလတေကုန်မြို့ စသည့်မြို့ပေါင်း ခြောက်မြို့နှင့်ရွာများ ပါ၏။

60ကိရယတ်ဗာလ ခေါ် ကိရယတ်ယာရိမ်မြို့၊ ရဗ္ဗာမြို့ စသည့်မြို့နှစ်မြို့နှင့်ရွာများ ပါ၏။

61တောကန္တာရဘက်တွင် ဗေသရာဗမြို့၊ မိဒ္ဒိန်မြို့၊ သေကာကမြို့၊

62နိဗရှန်မြို့၊ ဆားမြို့၊ အင်္ဂေဒိမြို့ စသည့်မြို့ခြောက်မြို့နှင့်ရွာများ ပါ၏။

63ယုဒအမျိုးသားတို့သည် ဂျေရုဆလင်မြို့၌နေထိုင်သောယေဗုသိလူမျိုးတို့ကို နှင်ထုတ်၍မရသဖြင့် ယနေ့တိုင်အောင် ယေဗုသိလူမျိုးတို့နှင့်အတူ ဂျေရုဆလင်မြို့တွင် နေထိုင်ကြ၏။

လက်ရှိရွေးချယ်ထားမှု

ယောရှုမှတ်စာ 15: MSBU

အရောင်မှတ်ချက်

မျှဝေရန်

ကူးယူ

မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ

MYANMAR STANDARD BIBLE©

မြန်မာ့စံမီသမ္မာကျမ်း အကြောင်းကို ပို၍ သင်ယူပါ။