ရှင်မဿဲခရစ်ဝင် 22:34-40

ဇဒ္ဒုကဲ​တို့​ကို ကိုယ်တော်​နှုတ်ဆိတ်​စေ​တော်မူ​ခဲ့​ကြောင်း ဖာရိရှဲ​တို့​ကြား​လျှင် အတူတကွ​စုဝေး​လာ​ကြ​၍ သူ​တို့​ထဲမှ ကျမ်းတတ်​ပုဂ္ဂိုလ်​တစ်​ဦး​သည် ကိုယ်တော်​ကို​စမ်းသပ်​လို​သဖြင့် “ဆရာ၊ ပညတ်​တရား​ထဲတွင် မည်သည့်​ပညတ်​ချက်​သည် ကြီးမြတ်​သနည်း”​ဟု မေးလျှောက်​လေ​၏။ ကိုယ်တော်​က​လည်း“ ‘သင်​၏​ဘုရားသခင်​ထာဝရ​ဘုရား​ကို သင်​၏​စိတ်နှလုံး​အကြွင်းမဲ့၊ သင်​၏​စိတ်​ဝိညာဉ်​တစ်ခုလုံး​နှင့် သင်​၏​အသိဉာဏ်​ရှိသမျှ​တို့​ဖြင့် ချစ်​ရ​မည်။’ ဤသည်ကား ကြီးမြတ်​သည့် ပထမ​ပညတ်​ချက်​ဖြစ်​၏။ ဒုတိယ​ပညတ်ချက်​သည်​လည်း ၎င်း​နည်းတူ​ဖြစ်​ပြီး ‘ကိုယ့်​ဝန်းကျင်​၌​ရှိ​သော​သူ​ကို ကိုယ်​နှင့်အမျှ​ချစ်​ရ​မည်’ဟူ၍ ဖြစ်​၏။ ပညတ်​တရား​ကျမ်း​နှင့် ပရောဖက်​ကျမ်း​အလုံးစုံ​တို့​သည် ဤ​ပညတ်​ချက်​နှစ်​ပါး​အပေါ်တွင်​တည်​၏”​ဟု မိန့်​တော်မူ​၏။