ဆာလံကျမ်း 120

120

ငြိမ်းချမ်းရေးအတွက်ဆုတောင်းခြင်း

အတက်လမ်းသီချင်း

1ငါသည် ဆင်းရဲဒုက္ခရောက်သောအခါ ထာဝရဘုရားကိုခေါ်၍

ကိုယ်တော်သည် ငါ့ကိုထူးတော်မူ၏။

2အို ထာဝရဘုရား၊ အကျွန်ုပ်၏စိတ်ဝိညာဉ်ကို

မုသားနှုတ်ခမ်းမှလည်းကောင်း၊

လိမ်လည်ကောက်ကျစ်သောလျှာမှလည်းကောင်း ကယ်နုတ်တော်မူပါ။

3အို လိမ်လည်ကောက်ကျစ်သောလျှာ၊

ကိုယ်တော်သည် သင့်ကို မည်သို့ပြုမည်နည်း၊

သင့်ကို မည်သည့်အရာဖြင့် ထပ်၍ဒဏ်ခတ်မည်နည်းဟူမူကား

4စစ်သူရဲ၏ချွန်ထက်သောမြားနှင့်

ရှားမီးခဲတို့ဖြင့်ဖြစ်၏။

5ငါသည် မေရှက်ပြည်၌တည်းခိုပြီး

ကေဒါအမျိုးသားတို့၏တဲများတွင်နေရသောကြောင့် အမင်္ဂလာရှိ၏။

6ငါ၏စိတ်ဝိညာဉ်သည် ငြိမ်းချမ်းရေးကို မုန်းသောသူတို့နှင့်အတူ

နေထိုင်ရသည်မှာ ကြာမြင့်လှလေပြီ။

7ငါသည် ငြိမ်းချမ်းရေးကိုလိုလား၏။

သို့သော် ငါပြောဆိုသောအခါ သူတို့သည် စစ်ကိုသာလိုလားကြ၏။

လက်ရှိရွေးချယ်ထားမှု

ဆာလံကျမ်း 120: MSBU

အရောင်မှတ်ချက်

မျှဝေရန်

ကူးယူ

မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ

MYANMAR STANDARD BIBLE©

မြန်မာ့စံမီသမ္မာကျမ်း အကြောင်းကို ပို၍ သင်ယူပါ။