ဆာလံကျမ်း 129

129

ဖိစီးနှိပ်စက်ခြင်းခံရသောသူ၏ဆုတောင်းချက်

အတက်လမ်းသီချင်း

1“ငါငယ်ရွယ်စဉ်ကပင် သူတို့သည် ငါ့ကို များစွာညှဉ်းပန်းနှိပ်စက်ကြ၏”ဟု

အစ္စရေးလူမျိုးတို့သည် ဆိုကြပါစေ။

2ငါငယ်ရွယ်စဉ်ကပင် သူတို့သည် ငါ့ကိုများစွာညှဉ်းပန်းနှိပ်စက်ကြ၏။

သို့သော် ငါ့ကိုအနိုင်မရကြ။

3ထွန်ယက်သောသူတို့သည် ငါ၏ကျောကုန်းပေါ်မှာ

ရှည်လျားသောထွန်ကြောင်းများကို ထွန်ကြ၏။

4သို့သော် ထာဝရဘုရားသည် ဖြောင့်မတ်တော်မူ၏။

ကိုယ်တော်သည် ဆိုးယုတ်သောသူတို့၏ကြိုးများကို အပိုင်းပိုင်းဖြတ်တော်မူ၏။

5ဇိအုန်ကိုမုန်းသောသူရှိသမျှတို့သည် အရှက်ကွဲလျက်

နောက်သို့ပြန်ဆုတ်ကြရပါစေ။

6သူတို့သည် အပင်မကြီးမီခြောက်သွေ့သွားသည့်

အိမ်ခေါင်မိုးပေါ်မှမြက်ပင်ကဲ့သို့ ဖြစ်ကြပါစေ။

7ထိုမြက်ပင်သည် ရိတ်သောသူအတွက် လက်တစ်ဆုပ်စာမျှမရှိ။

စည်းသောသူအတွက်လည်း လက်တစ်ပွေ့စာမျှမရှိ။

8ဖြတ်သွားသောသူတို့ကလည်း “ထာဝရဘုရား၏ကောင်းချီးမင်္ဂလာသည် သင်တို့အပေါ်၌ရှိပါစေ။

ငါတို့သည် ထာဝရဘုရား၏နာမတော်၌ သင်တို့ကို ကောင်းချီးပေးကြ၏”ဟုလည်း မပြောဆိုကြချေ။

လက်ရှိရွေးချယ်ထားမှု

ဆာလံကျမ်း 129: MSBU

အရောင်မှတ်ချက်

မျှဝေရန်

ကူးယူ

မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ

MYANMAR STANDARD BIBLE©

မြန်မာ့စံမီသမ္မာကျမ်း အကြောင်းကို ပို၍ သင်ယူပါ။