Luka 21
21
Makuta ya fwola
1Bu yandi sendulaka meso, yandi monaka bamvwama, bonso bu bau tulaka makabu ya bau mu lundulu. Mal. 12:41
2Kansi yandi monaka fwola nsukami yandi tulaka makuta zole muna,
3yandi tuba: Mu kieleka mono tuba kwa beno: Fwola yai ya nsukami luta bau yonso na kutula;
4kansi bayai yonso tulaka makabu ya Nzambi mu kimvwama ya bau, kansi yandi mu kinsukami ya yandi tulaka yonso ya vandaka na yandi.
Yesu tuba sambu na kufwa ya Yelusalemi
5Mpilamosi bankaka tubaka sambu na tempelo bonso yo ikele kuyidikwa na matadi mbote ye bankailu, buna yandi tubaka: Mat. 24:1; Mal. 13:1
6Bima yai ya beno mona: Bilumbu takwiza na ditadi mosi tabika ve va ditadi yankaka, yau yonso takubwa. 1 Nt. 9:7; Mika 3:12; Luk. 19:43
7Bau yuvulaka yandi, kutuba: Nlongi, buna nki ntangu mambu yai tavanda ye nki kidimbu tavanda ntete ? Buna mambu yai takwiza ?
8Yandi tubaka: Beno tala, beno kuswa ve, kadi mingi takwiza mu nkumbu ya mono ye tuba: Mono ikele yandi; ntangu ikele mfinama, beno landa bau ve. Ef. 5:6; Kolo. 2:8; 1 Tes. 2:3
9Bu beno kuwa nsangu ya mvita ye makelele, beno vanda na boma ve, sambu na mambu yai fwiti kwiza ntete, kansi nsuka takwiza ve nswalu.
10Buna yandi tubaka kwa bau: Kikanda tatelemina kikanda ye kimfumu tatelemina kimfumu;
11tavanda ndikunu nene ya ntoto, na sika na sika tavanda malema ye mpasi ngolo, tavanda na mambu ya boma ye bidimbu nene ya katuka na zulu.
12Kansi ntete na mambu yai yonso, bau tatula beno maboko ye zoma beno, ye yekula beno ku banzo ya sambilu ye boloka ye twala beno nantwala ya bantinu ye banyadi sambu na nkumbu ya mono. Mat. 10:17; Yoa. 15:19; Bis. 4:3; Bis. 5:18; 12:4; 16:24; Nzai. 2:10
13Yai takituka kwa beno kitemo.
14Mpilayai beno zaba mu mintima ya beno, yindula ntete ve ya beno tavutula; Luk. 12:11; Mat. 10:19
15kadi mono tapesa beno munoko ye ngangu, ye bambeni ya beno yonso talenda ve kubuya keti kuvutula.
16Beno tayekulwa mpe na batata ye bamama ye bampangi ye bibutu ye banduku ye bau takufwa bankaka ya beno. Mika 7:6
17Bantu yonso takuwa beno makasi sambu na nkumbu ya mono. Mat. 10:22
18Kansi nsuki mosi ya ntu ya beno tavila ve. Mat. 10:29
19Mu mvibidulu ya beno, beno tabakila miela ya beno.
20Bu beno tamona bibuka ya binwani zunga Yelusalemi, buna beno zaba, mbungulu ya yo imene kwiza mfinama. Dan. 9:27
21Bau ya ikele mu Yuda bika bau tinina ku bamongo. Bau ya ikele nankati na mbanza bika bau basika; bau ya ikele mu nseke bau kota muna ve,
22kadi yai ikele bilumbu ya vutula ndinda, na mambu yonso ya sonamaka tamaniswa.
23Kansi mpasi ngolo tavanda kwa bau ya ikele na mavumu ye kwa bau ya ikele kuyamwisa bana, mu bilumbu yina; kadi mpasi ngolo tavanda mu ntoto ye makasi tavanda kwa bantu yai.
24Bau takubwa na makasi ya mbele ya mvita ye bau tanatwa kimpika kwa bapaien yonso; bapaien tadiata Yelusalemi mu nsi ya bitambi ya bau ti ntangu ya bantu ya bapaien maniswa.
Kwiza ya zole ya Yesu
25Bidimbu tavanda mu ntangu ye mu ngonda ye mu bambwetete, ye va ntoto tavanda mpasi ngolo mu makanda ya bantu, bau tatita ndinga ngolo ya mbu ye ya mayo. Yes. 13:10; Yeh. 32:7; Yoeli 2:10; Yoeli 2:31; 3:15; Bis. 2:20; Mat. 24:29; Mal. 13:24; Nzai. 6:12
26Bantu takufwa sambu na boma ye kuvingila mambu ya kwiza va ntoto; sambu na ngolo ya zulu tanikiswa.
27Buna bau tamona Mwana ya muntu kwiza mu matuti na ngolo ye nkembo nene. Dan. 7:13; Bis. 1:11; 1 Tes. 4:16; Nzai. 1:7
28Bu mambu yai yantika kwiza, beno sendula meso, beno nangula ntu ya beno, sambu na nkudulu ya beno ikele mfinama. Mat. 24:32; Mal. 13:28
Yesu tuba kwa balonguki kidimbu ya kwiza ya yandi
29Yandi tubaka kwa bau kingana: Tala, nti ya figi ye banti yonso. Mat. 24:32; Mal. 13:28
30Bu yau basisa matiti, ye beno mona yo, beno zaba: Nsungi ya mvula ikele mfinama.
31Mpilayai mpe, bu beno mona mambu yina kwiza, beno zaba, kimfumu ya Nzambi ikele mfinama.
32Kieleka, mono tuba kwa beno: Mbandu yai tavila ve ti bu mambu yai yonso talunga.
33Zulu ye ntoto tavila, kansi mambu ya mono tavila ve. Nk. 102:26; Yes. 40:8; Eb. 1:11
Yesu longa banlonguki na kuvanda namawete
34Dikeba, na mintima ya beno yukuta ve na kizitu ya kolwa, ye mabanza ya luzingu yai, ye kilumbu yina takwiza kwa beno nswalu bonso siongi. Mat. 24:42; Mal. 13:23; Lom. 13:13; 1 Tes. 5:6; 1 Pet. 4:7
35Mpilayai yo takwiza kwa bau yonso ya ikele va luse ya ntoto. 1 Tes. 5:2; 2 Pet. 3:10; Nzai. 3:3
36Tomatala, lomba ntangu yonso, na beno lenda kubaka ngolo kutina mambu yai yonso ikele kwiza, ye kutelema nantwala ya Mwana ya muntu. Mat. 25:13; Luk. 12:40
37Kilumbu na kilumbu yandi longaka mu tempelo, mpimpa na mpimpa yandi basika, ye vanda va mongo ya bingwa mongo ya Olive.
38Nsuka yonso bantu yonso kwiza kwa yandi mu tempelo kuwa yandi.
လက်ရှိရွေးချယ်ထားမှု
Luka 21: NTK50
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ
Nouveau Testament en Kikwango © BAliiance Biblique de la RD Congo, 1950.
Luka 21
21
Makuta ya fwola
1Bu yandi sendulaka meso, yandi monaka bamvwama, bonso bu bau tulaka makabu ya bau mu lundulu. Mal. 12:41
2Kansi yandi monaka fwola nsukami yandi tulaka makuta zole muna,
3yandi tuba: Mu kieleka mono tuba kwa beno: Fwola yai ya nsukami luta bau yonso na kutula;
4kansi bayai yonso tulaka makabu ya Nzambi mu kimvwama ya bau, kansi yandi mu kinsukami ya yandi tulaka yonso ya vandaka na yandi.
Yesu tuba sambu na kufwa ya Yelusalemi
5Mpilamosi bankaka tubaka sambu na tempelo bonso yo ikele kuyidikwa na matadi mbote ye bankailu, buna yandi tubaka: Mat. 24:1; Mal. 13:1
6Bima yai ya beno mona: Bilumbu takwiza na ditadi mosi tabika ve va ditadi yankaka, yau yonso takubwa. 1 Nt. 9:7; Mika 3:12; Luk. 19:43
7Bau yuvulaka yandi, kutuba: Nlongi, buna nki ntangu mambu yai tavanda ye nki kidimbu tavanda ntete ? Buna mambu yai takwiza ?
8Yandi tubaka: Beno tala, beno kuswa ve, kadi mingi takwiza mu nkumbu ya mono ye tuba: Mono ikele yandi; ntangu ikele mfinama, beno landa bau ve. Ef. 5:6; Kolo. 2:8; 1 Tes. 2:3
9Bu beno kuwa nsangu ya mvita ye makelele, beno vanda na boma ve, sambu na mambu yai fwiti kwiza ntete, kansi nsuka takwiza ve nswalu.
10Buna yandi tubaka kwa bau: Kikanda tatelemina kikanda ye kimfumu tatelemina kimfumu;
11tavanda ndikunu nene ya ntoto, na sika na sika tavanda malema ye mpasi ngolo, tavanda na mambu ya boma ye bidimbu nene ya katuka na zulu.
12Kansi ntete na mambu yai yonso, bau tatula beno maboko ye zoma beno, ye yekula beno ku banzo ya sambilu ye boloka ye twala beno nantwala ya bantinu ye banyadi sambu na nkumbu ya mono. Mat. 10:17; Yoa. 15:19; Bis. 4:3; Bis. 5:18; 12:4; 16:24; Nzai. 2:10
13Yai takituka kwa beno kitemo.
14Mpilayai beno zaba mu mintima ya beno, yindula ntete ve ya beno tavutula; Luk. 12:11; Mat. 10:19
15kadi mono tapesa beno munoko ye ngangu, ye bambeni ya beno yonso talenda ve kubuya keti kuvutula.
16Beno tayekulwa mpe na batata ye bamama ye bampangi ye bibutu ye banduku ye bau takufwa bankaka ya beno. Mika 7:6
17Bantu yonso takuwa beno makasi sambu na nkumbu ya mono. Mat. 10:22
18Kansi nsuki mosi ya ntu ya beno tavila ve. Mat. 10:29
19Mu mvibidulu ya beno, beno tabakila miela ya beno.
20Bu beno tamona bibuka ya binwani zunga Yelusalemi, buna beno zaba, mbungulu ya yo imene kwiza mfinama. Dan. 9:27
21Bau ya ikele mu Yuda bika bau tinina ku bamongo. Bau ya ikele nankati na mbanza bika bau basika; bau ya ikele mu nseke bau kota muna ve,
22kadi yai ikele bilumbu ya vutula ndinda, na mambu yonso ya sonamaka tamaniswa.
23Kansi mpasi ngolo tavanda kwa bau ya ikele na mavumu ye kwa bau ya ikele kuyamwisa bana, mu bilumbu yina; kadi mpasi ngolo tavanda mu ntoto ye makasi tavanda kwa bantu yai.
24Bau takubwa na makasi ya mbele ya mvita ye bau tanatwa kimpika kwa bapaien yonso; bapaien tadiata Yelusalemi mu nsi ya bitambi ya bau ti ntangu ya bantu ya bapaien maniswa.
Kwiza ya zole ya Yesu
25Bidimbu tavanda mu ntangu ye mu ngonda ye mu bambwetete, ye va ntoto tavanda mpasi ngolo mu makanda ya bantu, bau tatita ndinga ngolo ya mbu ye ya mayo. Yes. 13:10; Yeh. 32:7; Yoeli 2:10; Yoeli 2:31; 3:15; Bis. 2:20; Mat. 24:29; Mal. 13:24; Nzai. 6:12
26Bantu takufwa sambu na boma ye kuvingila mambu ya kwiza va ntoto; sambu na ngolo ya zulu tanikiswa.
27Buna bau tamona Mwana ya muntu kwiza mu matuti na ngolo ye nkembo nene. Dan. 7:13; Bis. 1:11; 1 Tes. 4:16; Nzai. 1:7
28Bu mambu yai yantika kwiza, beno sendula meso, beno nangula ntu ya beno, sambu na nkudulu ya beno ikele mfinama. Mat. 24:32; Mal. 13:28
Yesu tuba kwa balonguki kidimbu ya kwiza ya yandi
29Yandi tubaka kwa bau kingana: Tala, nti ya figi ye banti yonso. Mat. 24:32; Mal. 13:28
30Bu yau basisa matiti, ye beno mona yo, beno zaba: Nsungi ya mvula ikele mfinama.
31Mpilayai mpe, bu beno mona mambu yina kwiza, beno zaba, kimfumu ya Nzambi ikele mfinama.
32Kieleka, mono tuba kwa beno: Mbandu yai tavila ve ti bu mambu yai yonso talunga.
33Zulu ye ntoto tavila, kansi mambu ya mono tavila ve. Nk. 102:26; Yes. 40:8; Eb. 1:11
Yesu longa banlonguki na kuvanda namawete
34Dikeba, na mintima ya beno yukuta ve na kizitu ya kolwa, ye mabanza ya luzingu yai, ye kilumbu yina takwiza kwa beno nswalu bonso siongi. Mat. 24:42; Mal. 13:23; Lom. 13:13; 1 Tes. 5:6; 1 Pet. 4:7
35Mpilayai yo takwiza kwa bau yonso ya ikele va luse ya ntoto. 1 Tes. 5:2; 2 Pet. 3:10; Nzai. 3:3
36Tomatala, lomba ntangu yonso, na beno lenda kubaka ngolo kutina mambu yai yonso ikele kwiza, ye kutelema nantwala ya Mwana ya muntu. Mat. 25:13; Luk. 12:40
37Kilumbu na kilumbu yandi longaka mu tempelo, mpimpa na mpimpa yandi basika, ye vanda va mongo ya bingwa mongo ya Olive.
38Nsuka yonso bantu yonso kwiza kwa yandi mu tempelo kuwa yandi.
လက်ရှိရွေးချယ်ထားမှု
:
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ
Nouveau Testament en Kikwango © BAliiance Biblique de la RD Congo, 1950.