Luka 12
12
1Koko eneki nkoto la nkoto in’ato’aho osolonganaka, ko baikamelana lacin’en’ekami, aomatsa lisumola bakili’anande en’oso, ate, Bolota nyango ena mampa ena Bafalusi: bosimo nd’eho! 2Koko efana yoi linalikunji linalifakundwaki linga; ko efana yoi linalifisi linalifeyanaki linga. 3Yok’oho baoyi’aho banak’in’otendaka en’ilima bangokana ena fololo; ko baoyi’aho banak’in’oilaka en’atoi mene ena mbolu ina betumba bangotendama lakina ena liko lina nsamba ina betumba. 4Ko lakosumol’ino, bifili binami, Botaangake iy’anayaka yonge, koko en’ili bona yoi liho bafana yoi likina lininy’iyo likambisa. 5Ohonde nongokotum’ino ende onong’in’oanga: boangak’ende onoyali la mpamba lacina, enakady’ende liyaka, afuse ena Ngena: o, lakosumol’ino, boangaka nk’ende. 6Ndekeleke itano ifasombama nde la lomeya? ko efana nko le lolekeleke lomoko loungama en’aiso bana Yakomba. 7Le bese bena lifo lin’ete’enino bemosila yaalama. Botaangake; ino boleki ndekeleke bike l’otuya. 8Koko lakosumol’ino, Boto l’oto onongonjimedy’emi en’oso bon’ato, Bon’on’oto angimedy’ende en’oso bona bikima bina Yakomba; 9koko onongonjangan’emi en’oso bon’ato, nongangan’ende en’oso bona bikima bina Yakomba. 10Boto l’oto onongotanga Bon’on’oto lotango, angikyama ena yoi liho; ohonde onosaiya Bolimo bon’olotsi, ende afikyamaki ena yoi liho tu. 11Ko eneng’iy’okoyedy’ino en’oso bona besolongano bena basunagoga, ko l’en’oso bona batenji ban’akambo la bato bana lifoka, botakandakandake l’okotua bonong’in’okutola, ko la baoyi banang’in’oamba, ko l’aoyi banang’in’otenda, 12lacin’oka Bolimo bon’olotsi angokolak’ino ena heure eho baoyi banakoli l’ino lacina botende.
13Ko boto’omoi on’ato’aho bik’ike amosumola, ate, Bolaki, sumola botoolo’onami akafe lisango l’emi. 14Ohonde amokutwela, ate, Boto, ononjilak’emi juge la bokafi eneyal’ino oka nai? 15Ko amasumola, ate, Boongya lilenda, ko boyotombanyak’inoamene, botoyoka mposa ina toma inileki; lacin’oka liiko lon’oto lofayali ena lituka lina toma lineyat’ende. 16Ko amasumola l’ekolanya, ate, Lisala lin’oto’omoi, ntuki ena toma, yotaki toma bik’ike; 17ko aokakanda en’otem’onande, ate, Njila v’oya? lacin’oka mpan’emonyedyo enengi’m’omonya toma tonami. 18Koko ate, Nongila yok’osamb’one: nongofakola betumba benami ben’emonyedyo, ko nongofaka bekina beneleki’okolo; ko nongomonya meho toma tonami tona ndaka la toma tonami tohatotu; 19ko nongosumola bolimo’onami, Bolimo, oyali la toma ton’olotsi bik’ike, tonatokoli la mbula bike; fomyaka, laka toma, melaka, ko nyangaka! 20Ohonde Yakomba amosumola, ate, E ilemeleme! boco’one bangelela bolimo’one; iya toma tone, tonatok’okodyaka, toho tongoyala tona nai? 21Onoyosusanyedy’endamene lituka, ko afana lituka eneka Yakomba, ayali nk’osamb’oho.
22Ko aosumola bakili’anande, ate, Lacin’eho, lakosumol’ino, Botakandakandake lacin’ena liko lonino, nao lacin’ena toma tatong’in’ola; ko botakandakandake lacin’ena yonge, nko lacin’ena bisenda bining’in’olota. 23Lacin’oka liiko loleki toma, ko yonge lileki bisenda. 24Bokanelaka bewawa. Iyo bafafuse, bafanuke, bafan’emonyedyo la botumba bona mmonya tu; koko Yakomba amafa toma. Ino boleki mpulu l’otuya nko ndeka mene! 25Boto’onino onoyofuedyis’endamene botale l’okandakando ayali meya? 26Yombo bofakambisa ekambwa eneleki l’isalisali, bokandakanda l’aoyi’amoi lacina nai? 27Bokanela befusi ben’okoka: beho beomela bosamb’oya? beho befasale, ko befafome bisenda; koko lakosumol’ino, le Solomona mene la bokombe’onande bohotu atalotsama la bokoka yoka bosamb’onoyali bofusi’one bomoko. 28Koko yombo Yakomba aokombya tolenge tona basala tonatomela bon’in’one, koko tofusama loi en’etumbelo, afaleki nde oyokolots’ino bisenda, in’anayali l’imeedyo nk isalisali kei? 29Koko botafonake toma tatong’in’ola ko la toma tatong’in’omela, ko botayalamake l’okaokando en’etema. 30Lacina bato bana loko bafona toma tone tohatotu mpona: Bafango’onino amey’oka ino binda toma tone. 31Koko ino, bofonaka lifoka linande, ko toma tona tongokokokedyama. 32Botaangake, ino itongatonga inami: Bafango’onino aok’olotsi lacina akof’ino lifoka. 33Botekya toma tonatoat’ino, ko bofak’ato nganji in’isei; boyilel’inoamene ntombe inifawu, lituka ena loola linalifakale, enefolamisa boto’ona liya, ko enefehyisa iwawa lituka. 34Lacina enamonyama lituka line, botem’one bongoyala nkwaho.
35Bokikyaka bekoli’enino en’okeke, ko boongya lifetsa mwinda inino; 36ko inoamene boyalama yoka bato banalengedya nyangetuke eniyo, enengi’nd’outa en’elambedya ena nsongana; lacina enengi’nd’oya, ko afomela lokombo, bamokombwela nkwaho. 37Baombo baho banangi nyangetuke osungya kuma bayatombanya en’esike en’eyelo enande bangokik’ekiko. Solosolo, lakosumol’ino, angoyolots’ifofo en’okeke, ko angakitsa lacina bale toma, ko angoya oyaambedya toma. 38Kang’ende aoya ena kelekele en’oco, kang’en’akel’ina, ko aosungya yok’osamb’oho, baombo’aho bakik’ekiko. 39Koko beyaka yoi line, noka, yombo mene’otumba aeyaki esike ntutuma en’eyelo ena liya, tumbe atombanyaki, ko atacik’otumb’onande nko fololo, boolame mbola. 40Ino boongya likolana nk’osamb’oho; lacina Bon’on’oto angoya ena esike enefakanel’ino.
41Koko Petelo amufola, ate, Nkolo, okolanya ekolanya ene lacin’eniso, yombo lacin’en’ato bahatu? 42Nkolo aila, ate, Onoyali boombo’oho bona solosolo l’ona bomwu oka nai? onongi nyangetuke enande oila yoka bomonyi bona boloi’onande, lacina af’iyo toma toniyo en’esike enakolana? 43Enengi nyangetuke enande oya, ko aosungya boombo’oho kum’ayakambe yok’osamb’oho, boombo’oho akik’ekiko. 44Solosolo, lakosumol’ino, angil’ende bomonyi bona toma tonatoat’ende tohatotu. 45Koko yombo boombo’oho aila en’otem’onande, ate, Nyangetuke enami atay’isanga; ko amatsa lifoma baombo bana mpame l’an’ayato, ayale toma, ayamele, ko ayalangwa l’aana; 46nyangetuke ena boombo’oho angoya en’ina bonotolengedy’ende, ko l’ena heure enefey’ende, ko anguumola, ko angofa liondo linande la bato bana lofundo. 47Ko boombo’oho oneyaki eango ena nyangetuke enande, ko atakolanya bikambwa, ko atakamba l’eango eho, angofomama mpomi bike; 48koko ende onoteya, ko aokamba baoyi banakolana la mpomi, angofomwa mpomi nk’isisali kei. Onofamaki bike, bangit’oufol’ende bike lakina; ko onok’iy’osukyaka bike, bangit’oufol’ende nko bik’ike.
49Njaki ofusa nkoi ena loko: o, ifetsamake nk’esik’ene! 50Njali l’inelo lacina njiname l’eho: emi losomyama bike’oya, yengoko yoi liho yilama! 51Ino bokanela nde njaki oyofa loko mwi? Lakosumol’ino, Efana; nde ekambwanelo: 52en’esik’ene bato’atano banayali en’otumb’omoko bangambwana—basaso mbatana l’afe, koko bafe l’asaso. 53Bangalana, bafango njalana l’on’ona mpame, ko bon’ona mpame njalana l’afango; nyango njalana l’on’on’oyoto, ko bon’on’oyoto njalana la nyango; nyango njalana l’ooli’on’ona, ko booli’on’ona njalana la nyango en’ome.
54Ko aosumola bato’aho bik’ike, ate, Enen’ino lilo lina mbula yilela en’ili bona ouest, isasanga ino bila, Mbo mbula engolwa; ko yoi liho yilama. 55Ko enen’ino ifongofongo ina sud, bila, Mbo bane bongata bike; ko yoi yilama nkwaho. 56Ino besimo! beya lifokola elongi ena loko ko l’ena loola, ohonde bofanonganya Jifokola esik’ene bosamb’oya? 57Koko inoamene bofakodya baoyi banakolana lacina nai? 58Lacina enaco’e l’ookyi’owe’one eneka ntenji en’akambo, ongya limeka lacina otungwa eneyal’ende nk’ena mboka; atokosuma eneyali juge, ko juge atokolekya eneyali police, ko police atokofusa en’otumba bon’enyolo. 59Lakosumol’e, ofafole meho yengoko kum’okadya bosilo bohotu nko kali.
လက်ရှိရွေးချယ်ထားမှု
Luka 12: BBY62
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ
Bokanda Bona Yakomba Bon’ototo © Alliance Biblique de la R. D. Congo, 1962
Luka 12
12
1Koko eneki nkoto la nkoto in’ato’aho osolonganaka, ko baikamelana lacin’en’ekami, aomatsa lisumola bakili’anande en’oso, ate, Bolota nyango ena mampa ena Bafalusi: bosimo nd’eho! 2Koko efana yoi linalikunji linalifakundwaki linga; ko efana yoi linalifisi linalifeyanaki linga. 3Yok’oho baoyi’aho banak’in’otendaka en’ilima bangokana ena fololo; ko baoyi’aho banak’in’oilaka en’atoi mene ena mbolu ina betumba bangotendama lakina ena liko lina nsamba ina betumba. 4Ko lakosumol’ino, bifili binami, Botaangake iy’anayaka yonge, koko en’ili bona yoi liho bafana yoi likina lininy’iyo likambisa. 5Ohonde nongokotum’ino ende onong’in’oanga: boangak’ende onoyali la mpamba lacina, enakady’ende liyaka, afuse ena Ngena: o, lakosumol’ino, boangaka nk’ende. 6Ndekeleke itano ifasombama nde la lomeya? ko efana nko le lolekeleke lomoko loungama en’aiso bana Yakomba. 7Le bese bena lifo lin’ete’enino bemosila yaalama. Botaangake; ino boleki ndekeleke bike l’otuya. 8Koko lakosumol’ino, Boto l’oto onongonjimedy’emi en’oso bon’ato, Bon’on’oto angimedy’ende en’oso bona bikima bina Yakomba; 9koko onongonjangan’emi en’oso bon’ato, nongangan’ende en’oso bona bikima bina Yakomba. 10Boto l’oto onongotanga Bon’on’oto lotango, angikyama ena yoi liho; ohonde onosaiya Bolimo bon’olotsi, ende afikyamaki ena yoi liho tu. 11Ko eneng’iy’okoyedy’ino en’oso bona besolongano bena basunagoga, ko l’en’oso bona batenji ban’akambo la bato bana lifoka, botakandakandake l’okotua bonong’in’okutola, ko la baoyi banang’in’oamba, ko l’aoyi banang’in’otenda, 12lacin’oka Bolimo bon’olotsi angokolak’ino ena heure eho baoyi banakoli l’ino lacina botende.
13Ko boto’omoi on’ato’aho bik’ike amosumola, ate, Bolaki, sumola botoolo’onami akafe lisango l’emi. 14Ohonde amokutwela, ate, Boto, ononjilak’emi juge la bokafi eneyal’ino oka nai? 15Ko amasumola, ate, Boongya lilenda, ko boyotombanyak’inoamene, botoyoka mposa ina toma inileki; lacin’oka liiko lon’oto lofayali ena lituka lina toma lineyat’ende. 16Ko amasumola l’ekolanya, ate, Lisala lin’oto’omoi, ntuki ena toma, yotaki toma bik’ike; 17ko aokakanda en’otem’onande, ate, Njila v’oya? lacin’oka mpan’emonyedyo enengi’m’omonya toma tonami. 18Koko ate, Nongila yok’osamb’one: nongofakola betumba benami ben’emonyedyo, ko nongofaka bekina beneleki’okolo; ko nongomonya meho toma tonami tona ndaka la toma tonami tohatotu; 19ko nongosumola bolimo’onami, Bolimo, oyali la toma ton’olotsi bik’ike, tonatokoli la mbula bike; fomyaka, laka toma, melaka, ko nyangaka! 20Ohonde Yakomba amosumola, ate, E ilemeleme! boco’one bangelela bolimo’one; iya toma tone, tonatok’okodyaka, toho tongoyala tona nai? 21Onoyosusanyedy’endamene lituka, ko afana lituka eneka Yakomba, ayali nk’osamb’oho.
22Ko aosumola bakili’anande, ate, Lacin’eho, lakosumol’ino, Botakandakandake lacin’ena liko lonino, nao lacin’ena toma tatong’in’ola; ko botakandakandake lacin’ena yonge, nko lacin’ena bisenda bining’in’olota. 23Lacin’oka liiko loleki toma, ko yonge lileki bisenda. 24Bokanelaka bewawa. Iyo bafafuse, bafanuke, bafan’emonyedyo la botumba bona mmonya tu; koko Yakomba amafa toma. Ino boleki mpulu l’otuya nko ndeka mene! 25Boto’onino onoyofuedyis’endamene botale l’okandakando ayali meya? 26Yombo bofakambisa ekambwa eneleki l’isalisali, bokandakanda l’aoyi’amoi lacina nai? 27Bokanela befusi ben’okoka: beho beomela bosamb’oya? beho befasale, ko befafome bisenda; koko lakosumol’ino, le Solomona mene la bokombe’onande bohotu atalotsama la bokoka yoka bosamb’onoyali bofusi’one bomoko. 28Koko yombo Yakomba aokombya tolenge tona basala tonatomela bon’in’one, koko tofusama loi en’etumbelo, afaleki nde oyokolots’ino bisenda, in’anayali l’imeedyo nk isalisali kei? 29Koko botafonake toma tatong’in’ola ko la toma tatong’in’omela, ko botayalamake l’okaokando en’etema. 30Lacina bato bana loko bafona toma tone tohatotu mpona: Bafango’onino amey’oka ino binda toma tone. 31Koko ino, bofonaka lifoka linande, ko toma tona tongokokokedyama. 32Botaangake, ino itongatonga inami: Bafango’onino aok’olotsi lacina akof’ino lifoka. 33Botekya toma tonatoat’ino, ko bofak’ato nganji in’isei; boyilel’inoamene ntombe inifawu, lituka ena loola linalifakale, enefolamisa boto’ona liya, ko enefehyisa iwawa lituka. 34Lacina enamonyama lituka line, botem’one bongoyala nkwaho.
35Bokikyaka bekoli’enino en’okeke, ko boongya lifetsa mwinda inino; 36ko inoamene boyalama yoka bato banalengedya nyangetuke eniyo, enengi’nd’outa en’elambedya ena nsongana; lacina enengi’nd’oya, ko afomela lokombo, bamokombwela nkwaho. 37Baombo baho banangi nyangetuke osungya kuma bayatombanya en’esike en’eyelo enande bangokik’ekiko. Solosolo, lakosumol’ino, angoyolots’ifofo en’okeke, ko angakitsa lacina bale toma, ko angoya oyaambedya toma. 38Kang’ende aoya ena kelekele en’oco, kang’en’akel’ina, ko aosungya yok’osamb’oho, baombo’aho bakik’ekiko. 39Koko beyaka yoi line, noka, yombo mene’otumba aeyaki esike ntutuma en’eyelo ena liya, tumbe atombanyaki, ko atacik’otumb’onande nko fololo, boolame mbola. 40Ino boongya likolana nk’osamb’oho; lacina Bon’on’oto angoya ena esike enefakanel’ino.
41Koko Petelo amufola, ate, Nkolo, okolanya ekolanya ene lacin’eniso, yombo lacin’en’ato bahatu? 42Nkolo aila, ate, Onoyali boombo’oho bona solosolo l’ona bomwu oka nai? onongi nyangetuke enande oila yoka bomonyi bona boloi’onande, lacina af’iyo toma toniyo en’esike enakolana? 43Enengi nyangetuke enande oya, ko aosungya boombo’oho kum’ayakambe yok’osamb’oho, boombo’oho akik’ekiko. 44Solosolo, lakosumol’ino, angil’ende bomonyi bona toma tonatoat’ende tohatotu. 45Koko yombo boombo’oho aila en’otem’onande, ate, Nyangetuke enami atay’isanga; ko amatsa lifoma baombo bana mpame l’an’ayato, ayale toma, ayamele, ko ayalangwa l’aana; 46nyangetuke ena boombo’oho angoya en’ina bonotolengedy’ende, ko l’ena heure enefey’ende, ko anguumola, ko angofa liondo linande la bato bana lofundo. 47Ko boombo’oho oneyaki eango ena nyangetuke enande, ko atakolanya bikambwa, ko atakamba l’eango eho, angofomama mpomi bike; 48koko ende onoteya, ko aokamba baoyi banakolana la mpomi, angofomwa mpomi nk’isisali kei. Onofamaki bike, bangit’oufol’ende bike lakina; ko onok’iy’osukyaka bike, bangit’oufol’ende nko bik’ike.
49Njaki ofusa nkoi ena loko: o, ifetsamake nk’esik’ene! 50Njali l’inelo lacina njiname l’eho: emi losomyama bike’oya, yengoko yoi liho yilama! 51Ino bokanela nde njaki oyofa loko mwi? Lakosumol’ino, Efana; nde ekambwanelo: 52en’esik’ene bato’atano banayali en’otumb’omoko bangambwana—basaso mbatana l’afe, koko bafe l’asaso. 53Bangalana, bafango njalana l’on’ona mpame, ko bon’ona mpame njalana l’afango; nyango njalana l’on’on’oyoto, ko bon’on’oyoto njalana la nyango; nyango njalana l’ooli’on’ona, ko booli’on’ona njalana la nyango en’ome.
54Ko aosumola bato’aho bik’ike, ate, Enen’ino lilo lina mbula yilela en’ili bona ouest, isasanga ino bila, Mbo mbula engolwa; ko yoi liho yilama. 55Ko enen’ino ifongofongo ina sud, bila, Mbo bane bongata bike; ko yoi yilama nkwaho. 56Ino besimo! beya lifokola elongi ena loko ko l’ena loola, ohonde bofanonganya Jifokola esik’ene bosamb’oya? 57Koko inoamene bofakodya baoyi banakolana lacina nai? 58Lacina enaco’e l’ookyi’owe’one eneka ntenji en’akambo, ongya limeka lacina otungwa eneyal’ende nk’ena mboka; atokosuma eneyali juge, ko juge atokolekya eneyali police, ko police atokofusa en’otumba bon’enyolo. 59Lakosumol’e, ofafole meho yengoko kum’okadya bosilo bohotu nko kali.
လက်ရှိရွေးချယ်ထားမှု
:
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ
Bokanda Bona Yakomba Bon’ototo © Alliance Biblique de la R. D. Congo, 1962