Luka 14
14
1Koko eneki’nd’otuaka en’otumba bona chef emoi ena bafalusi en’ina bona Sabata lacina ale mampa, bamotakamela. 2Ko lenda, boto’omoi onoyaaki la nkangi ena bongucu ayaaki en’oso’onande. 3Ko Yesu aufola besakitoli ben’asangya la Bafalusi, ate, Nk’iiky’oto en’ina bona Sabata, osondola nde basangya? 4Koko iyo baoyala nko mwi. Ko amotamba, amiikya, ko amof’etelo lacina acu. 5Ko amaufola, ate, Yombo boto’omoi’onino ayali la mpunda, yombo ngombo, ko eho eokwela lifoku, afotefole nde isasanga, kanga bina boyali Sabata? 6Ko iyo batakutolisa baoyi’ane lakina tu.
7Ko aosumol’iy’anelelamaki ekolanya, lacina eneki’nd’oenaka bokotua bonok’iy’osonaka nkici inay’oso; amalokwela, ate, 8Nk’en’oka boto’omoi akeelela en’elambedya ena nsongana, takisak’ase ena nkici en’oso, lacina boto’omoi onokolek’e la lokumo atoyelelama l’ende, 9ko ende onokeelelaki l’e l’ende atongoya oyokiila, ate, Uma, fetsa boto’one; nkwaho ongocoa okisase ena nkici ena nsimbo mene, nko la nsoi. 10Ohonde, nk’eelelama en’elambedya, coak’okisase ena nkici en’otungu mene; ko eneng’ende onokeelelaki oya, angokiila, ate, Efili, eta, ena nkici en’oso; ko ongata lokumo en’oso’on’iyatu banakisase l’e ena mesa ena toma. 11Lacin’oka boto l’oto onoyofef’endamene angosonjama; koko boto l’oto onoyosonj’endamene angiledyama.
12Ko aosumola boto oneelelaki, ate, Enafumb’e elambedya, yombo l’okulu yombo la likolo, telelake bifili bine, la banotwa l’e, l’omboi’one, la batuki bana toma banoli l’e; lacin’iyo batokeelela lakina, ko otoyata boluko. 13Ohonde nk’ofumb’elambedya, elela bato biinda, la bitumbe, la betengo ko la banodyak’aiso; 14ko ongosakelama bosako; lacin’iyo bafan’iyema ining’iy’okutodya: ongata boluko’one nk’en’eetwelo en’ato bana mbongi en’ewedi.
15Koko omoi’oniyo banakisak’ase l’ende ena mesa ena toma, eneki’nd’ookaka baoyi’ane, amosumola, ate, Onongola mampa ena lifoka lina Yakomba angokik’ekiko. 16Ohonde amolokwela, ate, Boto’omoi afumbaki elambedya ena nkolo en’esike ena likolo, ko aelelaki bato bike. 17Koko en’esike ena toma aotoma boombo’onande lacina asumol’iy’anelelamaki, ate, Boyaka; toma tohatotu tomokolana. 18Koko iyatu baomatsa lifedya leele lonande la lokanyi lomoko. On’oso ate, Mosomba lisala, ko ekoli lacina ncu oyengya liho; lakoonda, oncik’emi. 19Ko okina ate, Mosomba ngombo jo, ko locoa omek’iho; lakoonda, oncik’emi. 20Ko okina, ate, Mosong’ooli, ko mpan’eyelo la ncina eho.
21Ko boombo aoya, ko aosumola nyangetuke enande baoyi’aho. Nkwaho mene’otumba aolemwa, ko aosumola boombo’onande, ate, Coaka la mbango en’elongo l’ena tombokamboka ton’onyanga, ko yaka la bato biinda, ko l’itumbe, ko l’anodyak’aiso, ko la betengo mendo. 22Ko boombo’oho ate, Nkolo, yoi linalik’otomaka limilama, koko bato ban’elambedya batakoke. 23Ko nyangetuke aosumola boombo, ate, Coaka la betalimbo ko l’ena toanjo, ko asomya bayi, botumb’onami bololake nko l’ato to. 24Lacin’emi lakosumola, Efaataki nko l’omoko on’ato’aho banelelamaki onongola elambedya enami tu.
25Ko bik’ike bon’ato baocoa l’ende; ko aohelengwa, amasumola, ate, 26Yomb’oto’on’etaketaka aoya eneyal’emi, ko afaalane l’afango’onande la nyango, la booli, la bana, l’atoolo, l’akune, la bambangela, ko afatembole liiko lonandamene nkoho, afakolana liyalama bokili’onami tu. 27Ko boto onofatole ekulusu enandamene, ko afankil’emi, afakolana liyalama bokili’onami. 28Boto’onino oka nai, onosokolanga afake botumba bon’oliko, afakisase en’oso oyaala botuya, yombo toma tonatoat’ende tongokolana lisidya botumba? 29Lacina, enengi’nd’osidya eango, ko afakolana likadya botumba, bato bahatu baneena batosisedya, 30Mbo boto’one amatsaki lifak’otumba, koko atakolana likadya. 31Koko lakina, nk’en’oka lifoka limoi aocoa oyukana la lifoka likina en’ita, afakisa nd’ase en’oso oyang’eango, yombo la nkese emoko ena soldats angokolana oyukana la lifoka liho onoyayi oyokana l’ende la nkese ife? 32Nk’afakolana, aotoma bikima kuma lifoka liho aciki en’osana mene, ko amufola lacina basamb’ilongo. 33Nk’osamb’oho boto l’oto’onino onofumbele toma tonatoat’ende tohatotu, afakolana liyalama bokili’onami. 34Bokwa bond’olotsi: koko yombo boho bosila ngenge, bosokoata ngenge lakina bosamb’oya? 35Boho bofaonge lakina, l’ena loko l’en’ombombo: bookama nko mboka. Onoyali l’atoi lacina aoke, alofake!
လက်ရှိရွေးချယ်ထားမှု
Luka 14: BBY62
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ
Bokanda Bona Yakomba Bon’ototo © Alliance Biblique de la R. D. Congo, 1962
Luka 14
14
1Koko eneki’nd’otuaka en’otumba bona chef emoi ena bafalusi en’ina bona Sabata lacina ale mampa, bamotakamela. 2Ko lenda, boto’omoi onoyaaki la nkangi ena bongucu ayaaki en’oso’onande. 3Ko Yesu aufola besakitoli ben’asangya la Bafalusi, ate, Nk’iiky’oto en’ina bona Sabata, osondola nde basangya? 4Koko iyo baoyala nko mwi. Ko amotamba, amiikya, ko amof’etelo lacina acu. 5Ko amaufola, ate, Yombo boto’omoi’onino ayali la mpunda, yombo ngombo, ko eho eokwela lifoku, afotefole nde isasanga, kanga bina boyali Sabata? 6Ko iyo batakutolisa baoyi’ane lakina tu.
7Ko aosumol’iy’anelelamaki ekolanya, lacina eneki’nd’oenaka bokotua bonok’iy’osonaka nkici inay’oso; amalokwela, ate, 8Nk’en’oka boto’omoi akeelela en’elambedya ena nsongana, takisak’ase ena nkici en’oso, lacina boto’omoi onokolek’e la lokumo atoyelelama l’ende, 9ko ende onokeelelaki l’e l’ende atongoya oyokiila, ate, Uma, fetsa boto’one; nkwaho ongocoa okisase ena nkici ena nsimbo mene, nko la nsoi. 10Ohonde, nk’eelelama en’elambedya, coak’okisase ena nkici en’otungu mene; ko eneng’ende onokeelelaki oya, angokiila, ate, Efili, eta, ena nkici en’oso; ko ongata lokumo en’oso’on’iyatu banakisase l’e ena mesa ena toma. 11Lacin’oka boto l’oto onoyofef’endamene angosonjama; koko boto l’oto onoyosonj’endamene angiledyama.
12Ko aosumola boto oneelelaki, ate, Enafumb’e elambedya, yombo l’okulu yombo la likolo, telelake bifili bine, la banotwa l’e, l’omboi’one, la batuki bana toma banoli l’e; lacin’iyo batokeelela lakina, ko otoyata boluko. 13Ohonde nk’ofumb’elambedya, elela bato biinda, la bitumbe, la betengo ko la banodyak’aiso; 14ko ongosakelama bosako; lacin’iyo bafan’iyema ining’iy’okutodya: ongata boluko’one nk’en’eetwelo en’ato bana mbongi en’ewedi.
15Koko omoi’oniyo banakisak’ase l’ende ena mesa ena toma, eneki’nd’ookaka baoyi’ane, amosumola, ate, Onongola mampa ena lifoka lina Yakomba angokik’ekiko. 16Ohonde amolokwela, ate, Boto’omoi afumbaki elambedya ena nkolo en’esike ena likolo, ko aelelaki bato bike. 17Koko en’esike ena toma aotoma boombo’onande lacina asumol’iy’anelelamaki, ate, Boyaka; toma tohatotu tomokolana. 18Koko iyatu baomatsa lifedya leele lonande la lokanyi lomoko. On’oso ate, Mosomba lisala, ko ekoli lacina ncu oyengya liho; lakoonda, oncik’emi. 19Ko okina ate, Mosomba ngombo jo, ko locoa omek’iho; lakoonda, oncik’emi. 20Ko okina, ate, Mosong’ooli, ko mpan’eyelo la ncina eho.
21Ko boombo aoya, ko aosumola nyangetuke enande baoyi’aho. Nkwaho mene’otumba aolemwa, ko aosumola boombo’onande, ate, Coaka la mbango en’elongo l’ena tombokamboka ton’onyanga, ko yaka la bato biinda, ko l’itumbe, ko l’anodyak’aiso, ko la betengo mendo. 22Ko boombo’oho ate, Nkolo, yoi linalik’otomaka limilama, koko bato ban’elambedya batakoke. 23Ko nyangetuke aosumola boombo, ate, Coaka la betalimbo ko l’ena toanjo, ko asomya bayi, botumb’onami bololake nko l’ato to. 24Lacin’emi lakosumola, Efaataki nko l’omoko on’ato’aho banelelamaki onongola elambedya enami tu.
25Ko bik’ike bon’ato baocoa l’ende; ko aohelengwa, amasumola, ate, 26Yomb’oto’on’etaketaka aoya eneyal’emi, ko afaalane l’afango’onande la nyango, la booli, la bana, l’atoolo, l’akune, la bambangela, ko afatembole liiko lonandamene nkoho, afakolana liyalama bokili’onami tu. 27Ko boto onofatole ekulusu enandamene, ko afankil’emi, afakolana liyalama bokili’onami. 28Boto’onino oka nai, onosokolanga afake botumba bon’oliko, afakisase en’oso oyaala botuya, yombo toma tonatoat’ende tongokolana lisidya botumba? 29Lacina, enengi’nd’osidya eango, ko afakolana likadya botumba, bato bahatu baneena batosisedya, 30Mbo boto’one amatsaki lifak’otumba, koko atakolana likadya. 31Koko lakina, nk’en’oka lifoka limoi aocoa oyukana la lifoka likina en’ita, afakisa nd’ase en’oso oyang’eango, yombo la nkese emoko ena soldats angokolana oyukana la lifoka liho onoyayi oyokana l’ende la nkese ife? 32Nk’afakolana, aotoma bikima kuma lifoka liho aciki en’osana mene, ko amufola lacina basamb’ilongo. 33Nk’osamb’oho boto l’oto’onino onofumbele toma tonatoat’ende tohatotu, afakolana liyalama bokili’onami. 34Bokwa bond’olotsi: koko yombo boho bosila ngenge, bosokoata ngenge lakina bosamb’oya? 35Boho bofaonge lakina, l’ena loko l’en’ombombo: bookama nko mboka. Onoyali l’atoi lacina aoke, alofake!
လက်ရှိရွေးချယ်ထားမှု
:
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ
Bokanda Bona Yakomba Bon’ototo © Alliance Biblique de la R. D. Congo, 1962