Luka 8
8
1Koko efan’olingolingo ena mbus’eho, aotianya benyanga behetu la bicimo bihitu, kum’ayalake bato ko ayasumole bosimo bon’olotsi bona lifoka lina Yakomba, ko ba-jo l’afe bayaaki l’ende, 2ko la bayato’amoi banaki’nd’oikyaka ena bafoi l’ena nkangi: Malia onotangama Mangandala, onoki bademona nsambo ofolaka, 3ko la Yoana booli’ona Kuza, botombanyi bona toma tona Elode, ko la Susana, ko l’an’amoi bike, iyatu bamokambya la toma toniyo.
4Eneki bik’ike bon’ato osolonganaka, ko ban’amoi baoya en’enyanga l’enyanga, amasumola ekolanya, ate, 5Bofusi aocoa oyofusa beona benande; ko enem’end’ofusa, bemoi beokwa ena bokenge bona mboka; ko bato baikamel’eho l’akaka, ko mpulu ina liko yotona beho. 6Ko bemoi beokwa ena baufe; ko eneki beho omelaka beonyelala, lacina enetaata beho basi. 7Ko bemoi beokwa ena ntoto ena beenge; ko beenge beomela l’eho la laanda lomoko, ko beoyaka beona la nkaka. 8Ko bemoi beokwa en’ekongo bena lilemwa, ko beomela, ko beota bemamo yok’okam’okama. Ko eneki’nd’otendaka baoyi’ane, aelela, ate, Onoyali l’atoi lacina aoke, aongya lilofa.
9Ko bakili’anande bamuufola ncina en’ekolanya ene. 10Ko aila, ate, Emofama eneyal’ino lacina beye baoyi ban’ofisafisa bana lifoka lina Yakomba; ohonde eneyali bakin’ato nko la bikolanya; lacin’eho balende koko bafene, ko balofe koko bafoke. 11Ncina en’ekolanya eh’ene: Beona nko yoi lina Yakomba. 12Ko beho beneyaaki en’okenge bona mboka nk’iy’anoka, koko lakina Satana aoya, ko amakumola yoi en’etem’eniyo, batongoyimedya, ko batongoyika. 13Ko beho beneyaaki ena lufe nk’iy’anoka, ko baotamba yoi nko l’ekiko; koko bato’ane bainda biulu, ko baimedya isisali, koko en’esike ena losinganya bauma. 14Ko beho benekwaki ena ntoto en’eenge, nk’iy’anoka, ko enaco’iyo mboka iniyo, baowa la nkaka ena bekaokando l’ena lituka ko l’ena bikiko bina loko lone, ko bafoote’emamo benakolana. 15Ko beho beneyaaki en’ekongo bena lilemwa nk’iy’anoka yoi, ko baundamela liho en’otem’oniyo bona solosolo l’on’olotsi, ko baot’emamo nko la ncindelana.
16Enafets’oto mwinda, afakunde eho la mpoke, ko afile eho en’ase’a ntange: ail’eho nk’en’ilelo ena mwinda, lacin’eho iy’anatua baene fololo. 17Efana yoi linalifisi linalifeyanaki linga; ko efana yoi linalikunji linalifakundwaki linga, ko lifenyaki ena fololo. 18Bosisolaka bokotua bonok’ino; lacin’oka bamoi bangofama eneyal’ende onata, koko bangokumol’ende onofana nko baho banasokokanel’ende ate aata.
19Ko nyango enande l’akune’anande baoya eneyal’ende, ko batayelisa eneyal’ende lacin’ena ekami en’ato. 20Ko ban’amoi bamosumola, Mbo nyango ene l’akune’ane baemali en’anza, balang’oka bakeena. 21Koko amakutwela, ate, Boyango’onami l’akune’anami nk’iy’anoka yoi lina Yakomba ko baila liho. 22Koko en’in’omoi aotalama en’atu, endamene la bakili’anande, ko amasumola, ate, Toleke en’ili bona lose; ko baosemwa. 23Ko enem’iy’ocoa aetama nk’ilo; ko ngembe ena lofongo eokumba ena lose; ko boatu bomatsa lilola l’asi, ko iyo baen’ino mene. 24Ko baoya eneyal’ende, bameetola, iy’ate, Nkolo, Nkolo, iso towa! Ko ende aetwa, ko aofekya lofongo ko l’afukumo ban’asi, ko baho baosila, ko baoyalama nko mwi. 25Ko amaufola, ate, Imeedyo inino iyali meya? Ko iyo baoka losomo, ko baofefa, iy’ate, Boto’one ande nai? lacin’ende aosumola nko le mpongo ko l’asi, ko bamimedya.
26Ko baoyela en’onyanga bana Ba-Ngelasa, bonolendana la Ngalilaya yoka ndendana. 27Ko eneki’nd’otefwaka en’okili, boto’omoi en’onyang’oho, onoyaaki la bademona, aukana l’ende, koko elela mene atalota bisenda, ko atakisase en’otumba, aoyaela nk’ena nketa. 28Ko eneki’nd’oenaka Yesu, aololua, aokwa en’oso’onande, ko aotenda la lofoso lona lokolo, ate, Emi l’e, Yesu Bon’ona Yakomba Onoleki nko Ndeka, tond’oya? Lakoond’e tansisodyake! 29Nko lacina eneki Yesu otomaka lifoi lina nsefo afole eneyali boto’oho. Lacin’oka lifoi liho yuundaki ma-ma, ko baotombanyaki kum’atungi en’enyolo l’ena bifoke, koko lakina aolaki bayaka nko mbola, ko demona aotolaki ena sengelenge. 30Ko Yesu amuufola, ate, Lina line lika nai? Ko ate, Lina linami lika Bik’ike (lacin’oka bademona bike batuaki’ale eneyal’ende). 31Ko baho bamoonda ataatomake lacina bacu en’ili bona Abuso. 32Ko botonga bona nsombo bike boyaaki meho, iyale toma ena lingonji; ko bademona bamoonda, afe etelo lacina batua eneyali nsombo iho. Ko amaf’etelo. 33Ko bademona baofola eneyali boto’oho, baotua eneyali nsombo; ko botonga bona nsombo bokilimwa ena lingonji nko la laango, bokwela lose, ko nsombo yowa nk’en’asi. 34Ko enek’iy’analeyaki nsombo toma oenaka yoi lineyokambamaka, baolota, ko baosumola yoi liho en’onyanga l’en’engili. 35Ko baofola lacina bayene yoi lineyokambamaka; ko baoya eneyali Yesu, ko baosungya boto onoki bademona ofolaka, ayalote bisenda, ko lokanyi lonande nko nnongana bolotsi, ayakisase en’akaka bana Yesu; ko iyo baoka losomo. 36Ko iy’anenaki ekambwa eho, bamasumola bokotua bonoki boto onoyaaki l’ademona oikaka. 37Ko bato bahatu ban’onyanga bona Ba-Ngelasa en’edye eho bamoonda lacina aume eneyal’iyo; lacin’oka iyo baokaki losomo mene; ko aotalama en’atu, ko autwa la mbusa. 38Koko boto onoki bademona ofolaka aonda Yesu lacina ayalama nko l’ende; ohonde amotoma, ate, 39Utwa en’ol’one, ko sumol’ato bikambwa bin’ikolo biniki Yakomba okokambelak’e. Ko aocoa, ko aolinza en’onyanga bohotu baoyi ban’akolo banaki Yesu okambelak’ende.
40Koko eneki Yesu outaka, bik’ike bon’ato bamosangela nko l’enyanga, lacin’oka iyatu baolengedyaki. 41Ko lenda, boto’omoi aoya, lina linande lika Yailo, nko chef emoi ena sunagoga; ko aokwa en’akaka bana Yesu, ko ameelela ayi en’otumb’onande; 42lacin’oka ayaaki l’on’on’oyoto ona likinda, mbula inande yoka jo l’ife, ko aolama l’ewedi. Ko aocoa; koko enem’end’ocoa, bik’ike bon’ato baokama eneyali ende ekami mene.
43Ko boyoto onoyaaki la nkangi, bakil’anande baetaki mbula jo l’ife, ko akafaki toma tonande tohatotu eneyali mpanji ina benganga, koko efana nko l’omoko’oniyo oniikyaki, 44ende aoya ena mbusa enande, ko aosuka boseleka bon’okoto’onande, ko isasanga etelo en’akil’anande eosila, 45Ko Yesu aila, ate, Ononsukaka? Ko eneki bato bahatu oanganaka, Petelo aila, ende l’iy’anayaaki l’ende, Mbo Nkolo, bik’ike bon’ato baocindana eneyal’e ko baokokama ekami mene, ko oit’oyufola Ononsukaka! 46Yesu ate, Boto’omoi aonsukaka, lacin’oka emi ley’oka mpamba eofolaka eneyal’emi. 47Ko eneki boyoto oenak’oka atafisamisa, aoya nko la mbilima, aokwa en’oso’onande, amosumola en’oso bon’ato bahatu ncina eneki’nd’osukaka, ko l’okotua bonoki’nd’oikaka nkwaho. 48Ko amosumola, ate, Bona, imeedyo ine imokiikya; coaka nko l’olotsi.
49Nk’enem’end’otenda, boto’omoi aoya en’otumba bona chef ena sunagoga, aila, ate, Bon’one on’oyoto amowa; tasengenyake Bolaki. 50Koko Yesu aoka yoi liho, ko amokutwela, ate, Taangake, imedya nko njimedya, ko angikyama. 51Ko eneki’nd’oyelaka en’otumba, atimedya boto’omoi atua l’ende, yengoko Petelo la Yoane la Yakobo, l’afango la nyango en’onome’oho on’oyoto. 52Ko bato bahatu baolelaki, ko baofom’efwi; koko Yesu aila, ate, Botalelake; atawu, aeci nk’en’ilo. 53Koko iyo bamoseka nko nseka, enek’iy’oeyak’oka amowa nko tu. 54Ko ende amafody’iyatu, aounda likasa lin’onome, ameelela, ate, Bonome’on’oyoto, etwa. 55Ko bolimo’onande bouta, ko aetwa nkwaho, ko amasumola baofe toma tona ndaka. 56Ko bafango la nyango enande baofefa; koko amafekedya, batasumolake boto’omoko yoi linilamaki.
လက်ရှိရွေးချယ်ထားမှု
Luka 8: BBY62
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ
Bokanda Bona Yakomba Bon’ototo © Alliance Biblique de la R. D. Congo, 1962
Luka 8
8
1Koko efan’olingolingo ena mbus’eho, aotianya benyanga behetu la bicimo bihitu, kum’ayalake bato ko ayasumole bosimo bon’olotsi bona lifoka lina Yakomba, ko ba-jo l’afe bayaaki l’ende, 2ko la bayato’amoi banaki’nd’oikyaka ena bafoi l’ena nkangi: Malia onotangama Mangandala, onoki bademona nsambo ofolaka, 3ko la Yoana booli’ona Kuza, botombanyi bona toma tona Elode, ko la Susana, ko l’an’amoi bike, iyatu bamokambya la toma toniyo.
4Eneki bik’ike bon’ato osolonganaka, ko ban’amoi baoya en’enyanga l’enyanga, amasumola ekolanya, ate, 5Bofusi aocoa oyofusa beona benande; ko enem’end’ofusa, bemoi beokwa ena bokenge bona mboka; ko bato baikamel’eho l’akaka, ko mpulu ina liko yotona beho. 6Ko bemoi beokwa ena baufe; ko eneki beho omelaka beonyelala, lacina enetaata beho basi. 7Ko bemoi beokwa ena ntoto ena beenge; ko beenge beomela l’eho la laanda lomoko, ko beoyaka beona la nkaka. 8Ko bemoi beokwa en’ekongo bena lilemwa, ko beomela, ko beota bemamo yok’okam’okama. Ko eneki’nd’otendaka baoyi’ane, aelela, ate, Onoyali l’atoi lacina aoke, aongya lilofa.
9Ko bakili’anande bamuufola ncina en’ekolanya ene. 10Ko aila, ate, Emofama eneyal’ino lacina beye baoyi ban’ofisafisa bana lifoka lina Yakomba; ohonde eneyali bakin’ato nko la bikolanya; lacin’eho balende koko bafene, ko balofe koko bafoke. 11Ncina en’ekolanya eh’ene: Beona nko yoi lina Yakomba. 12Ko beho beneyaaki en’okenge bona mboka nk’iy’anoka, koko lakina Satana aoya, ko amakumola yoi en’etem’eniyo, batongoyimedya, ko batongoyika. 13Ko beho beneyaaki ena lufe nk’iy’anoka, ko baotamba yoi nko l’ekiko; koko bato’ane bainda biulu, ko baimedya isisali, koko en’esike ena losinganya bauma. 14Ko beho benekwaki ena ntoto en’eenge, nk’iy’anoka, ko enaco’iyo mboka iniyo, baowa la nkaka ena bekaokando l’ena lituka ko l’ena bikiko bina loko lone, ko bafoote’emamo benakolana. 15Ko beho beneyaaki en’ekongo bena lilemwa nk’iy’anoka yoi, ko baundamela liho en’otem’oniyo bona solosolo l’on’olotsi, ko baot’emamo nko la ncindelana.
16Enafets’oto mwinda, afakunde eho la mpoke, ko afile eho en’ase’a ntange: ail’eho nk’en’ilelo ena mwinda, lacin’eho iy’anatua baene fololo. 17Efana yoi linalifisi linalifeyanaki linga; ko efana yoi linalikunji linalifakundwaki linga, ko lifenyaki ena fololo. 18Bosisolaka bokotua bonok’ino; lacin’oka bamoi bangofama eneyal’ende onata, koko bangokumol’ende onofana nko baho banasokokanel’ende ate aata.
19Ko nyango enande l’akune’anande baoya eneyal’ende, ko batayelisa eneyal’ende lacin’ena ekami en’ato. 20Ko ban’amoi bamosumola, Mbo nyango ene l’akune’ane baemali en’anza, balang’oka bakeena. 21Koko amakutwela, ate, Boyango’onami l’akune’anami nk’iy’anoka yoi lina Yakomba ko baila liho. 22Koko en’in’omoi aotalama en’atu, endamene la bakili’anande, ko amasumola, ate, Toleke en’ili bona lose; ko baosemwa. 23Ko enem’iy’ocoa aetama nk’ilo; ko ngembe ena lofongo eokumba ena lose; ko boatu bomatsa lilola l’asi, ko iyo baen’ino mene. 24Ko baoya eneyal’ende, bameetola, iy’ate, Nkolo, Nkolo, iso towa! Ko ende aetwa, ko aofekya lofongo ko l’afukumo ban’asi, ko baho baosila, ko baoyalama nko mwi. 25Ko amaufola, ate, Imeedyo inino iyali meya? Ko iyo baoka losomo, ko baofefa, iy’ate, Boto’one ande nai? lacin’ende aosumola nko le mpongo ko l’asi, ko bamimedya.
26Ko baoyela en’onyanga bana Ba-Ngelasa, bonolendana la Ngalilaya yoka ndendana. 27Ko eneki’nd’otefwaka en’okili, boto’omoi en’onyang’oho, onoyaaki la bademona, aukana l’ende, koko elela mene atalota bisenda, ko atakisase en’otumba, aoyaela nk’ena nketa. 28Ko eneki’nd’oenaka Yesu, aololua, aokwa en’oso’onande, ko aotenda la lofoso lona lokolo, ate, Emi l’e, Yesu Bon’ona Yakomba Onoleki nko Ndeka, tond’oya? Lakoond’e tansisodyake! 29Nko lacina eneki Yesu otomaka lifoi lina nsefo afole eneyali boto’oho. Lacin’oka lifoi liho yuundaki ma-ma, ko baotombanyaki kum’atungi en’enyolo l’ena bifoke, koko lakina aolaki bayaka nko mbola, ko demona aotolaki ena sengelenge. 30Ko Yesu amuufola, ate, Lina line lika nai? Ko ate, Lina linami lika Bik’ike (lacin’oka bademona bike batuaki’ale eneyal’ende). 31Ko baho bamoonda ataatomake lacina bacu en’ili bona Abuso. 32Ko botonga bona nsombo bike boyaaki meho, iyale toma ena lingonji; ko bademona bamoonda, afe etelo lacina batua eneyali nsombo iho. Ko amaf’etelo. 33Ko bademona baofola eneyali boto’oho, baotua eneyali nsombo; ko botonga bona nsombo bokilimwa ena lingonji nko la laango, bokwela lose, ko nsombo yowa nk’en’asi. 34Ko enek’iy’analeyaki nsombo toma oenaka yoi lineyokambamaka, baolota, ko baosumola yoi liho en’onyanga l’en’engili. 35Ko baofola lacina bayene yoi lineyokambamaka; ko baoya eneyali Yesu, ko baosungya boto onoki bademona ofolaka, ayalote bisenda, ko lokanyi lonande nko nnongana bolotsi, ayakisase en’akaka bana Yesu; ko iyo baoka losomo. 36Ko iy’anenaki ekambwa eho, bamasumola bokotua bonoki boto onoyaaki l’ademona oikaka. 37Ko bato bahatu ban’onyanga bona Ba-Ngelasa en’edye eho bamoonda lacina aume eneyal’iyo; lacin’oka iyo baokaki losomo mene; ko aotalama en’atu, ko autwa la mbusa. 38Koko boto onoki bademona ofolaka aonda Yesu lacina ayalama nko l’ende; ohonde amotoma, ate, 39Utwa en’ol’one, ko sumol’ato bikambwa bin’ikolo biniki Yakomba okokambelak’e. Ko aocoa, ko aolinza en’onyanga bohotu baoyi ban’akolo banaki Yesu okambelak’ende.
40Koko eneki Yesu outaka, bik’ike bon’ato bamosangela nko l’enyanga, lacin’oka iyatu baolengedyaki. 41Ko lenda, boto’omoi aoya, lina linande lika Yailo, nko chef emoi ena sunagoga; ko aokwa en’akaka bana Yesu, ko ameelela ayi en’otumb’onande; 42lacin’oka ayaaki l’on’on’oyoto ona likinda, mbula inande yoka jo l’ife, ko aolama l’ewedi. Ko aocoa; koko enem’end’ocoa, bik’ike bon’ato baokama eneyali ende ekami mene.
43Ko boyoto onoyaaki la nkangi, bakil’anande baetaki mbula jo l’ife, ko akafaki toma tonande tohatotu eneyali mpanji ina benganga, koko efana nko l’omoko’oniyo oniikyaki, 44ende aoya ena mbusa enande, ko aosuka boseleka bon’okoto’onande, ko isasanga etelo en’akil’anande eosila, 45Ko Yesu aila, ate, Ononsukaka? Ko eneki bato bahatu oanganaka, Petelo aila, ende l’iy’anayaaki l’ende, Mbo Nkolo, bik’ike bon’ato baocindana eneyal’e ko baokokama ekami mene, ko oit’oyufola Ononsukaka! 46Yesu ate, Boto’omoi aonsukaka, lacin’oka emi ley’oka mpamba eofolaka eneyal’emi. 47Ko eneki boyoto oenak’oka atafisamisa, aoya nko la mbilima, aokwa en’oso’onande, amosumola en’oso bon’ato bahatu ncina eneki’nd’osukaka, ko l’okotua bonoki’nd’oikaka nkwaho. 48Ko amosumola, ate, Bona, imeedyo ine imokiikya; coaka nko l’olotsi.
49Nk’enem’end’otenda, boto’omoi aoya en’otumba bona chef ena sunagoga, aila, ate, Bon’one on’oyoto amowa; tasengenyake Bolaki. 50Koko Yesu aoka yoi liho, ko amokutwela, ate, Taangake, imedya nko njimedya, ko angikyama. 51Ko eneki’nd’oyelaka en’otumba, atimedya boto’omoi atua l’ende, yengoko Petelo la Yoane la Yakobo, l’afango la nyango en’onome’oho on’oyoto. 52Ko bato bahatu baolelaki, ko baofom’efwi; koko Yesu aila, ate, Botalelake; atawu, aeci nk’en’ilo. 53Koko iyo bamoseka nko nseka, enek’iy’oeyak’oka amowa nko tu. 54Ko ende amafody’iyatu, aounda likasa lin’onome, ameelela, ate, Bonome’on’oyoto, etwa. 55Ko bolimo’onande bouta, ko aetwa nkwaho, ko amasumola baofe toma tona ndaka. 56Ko bafango la nyango enande baofefa; koko amafekedya, batasumolake boto’omoko yoi linilamaki.
လက်ရှိရွေးချယ်ထားမှု
:
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ
Bokanda Bona Yakomba Bon’ototo © Alliance Biblique de la R. D. Congo, 1962