Matayo 12
12
1En’esik’eho Yesu aotianya ba ala ban’asongu en’ina bona Sabata; ko bakili’anande baoka njala, baomatsa linukola basongu, ko baola. 2Koko eneki Bafalusi oenaka yoi liho, bamosumola, iy’ate, Lenda, bakili’ane bayakambe yoi linifakolana la boeka bona Sabata. 3Koko amasumola, ate, Ino botaanda nde en’okanda yoi linaliki Dawidi oilaka, eneki’nd’ookaka njala, ende l’iy’anayaaki l’ende? 4bosamb’onoki’nd’otuaka en’otumba bona Yakomba, ko alaki mampa en’oeka—nko mampa enetalama l’ato, kang’ende kang’iy’anayaaki l’ende: banalaki nko nkanga kei? 5Ko botaanda nde en’asangya, noka nkanga baehya bokotua bona Sabata en’ina bona Sabata, ko bafana nkwaka ena likambo? 6Koko lakosumol’ino, Omoi onoleki botumba bona Yakomba ayali mendo. 7Yombo beyaki ncina ena yoi line, Enalang’emi nk’isei, efa mbeka, tumbe botakoiy’iy’anafana nkwaka ena likambo. 8Lacina Bon’on’oto ayali nyangetuke ena Sabata.
9Ko eneki’nd’oumaka meho, aocoa ena sunagoga eniyo; 10ko lenda, boto ononyelala likasa ayaaki meho. Ko baufola Yesu, iy’ate, Nk’iikya bato en’ina bona Sabata, okwa nde likambo? Balangaki’oka bamokoiya likambo. 11Amalokwela, ate, Yomb’omoi’onino ayali la mpate emoko, ko eho eokwela lifoku en’ina bona Sabata, afoundaki oyotefola nde? 12Iy’ot’ola, afaleki nde mpate? Lacin’eho, nkamba en’ikambwa bin’olotsi en’ina bona Sabata ekoli la basangya. 13Ko aosumola boto’oho, ate, Nanola likasa line. Aonanola liho, ko likasa linande yoika yok’onoki likasa limoi oyalaka. 14Koko Bafalusi baofola, ko bamoangela eango, bokotua bonong’iy’oyak’ende. 15Eneki Yesu ofokolaka eango eho, auma meho; ko bik’ike bon’ato bamokila, ko amaikya nk’iyatu; 16koko amasumola batalinzake lokumo lonande. 17Lacina yoi linaliki Yesaya bosumoli otendaka yilame, ate,
18Lenda, bosali’onami onoki’m’osonaka;
Onolangama bike l’emi, onakik’otem’onami ekiko mene:
Nongila Bolimo’onami eneyal’ende,
Ko ende angosumola Befenda etendelo en’akambo ena cilili.
19Afaataki ntango, ko afalolomwaki;
Ko bafokaki lofoso lonande ena mboka.
20Afakesaki iyongongwa ineyamunya,
Ko afalimaki lokenga loneloolama lilimala;
Yengoko ayedya etendelo en’akambo nk’en’elonga.
21Befenda bangolengedya nk’ena lina linande.
22Nkwaho baoyelaki boto onoyaaki la demona, boto onodyak’aiso ko ayaaki bokukuluku. Amiikya, ko nkwaho boto onoyaaki bokukuluku aotenda, ko aena. 23Ko bato bahatu baofefa, Mbo, one afayali nde bon’ona Dawidi? 24Koko eneki Bafalusi ookaka, baila, iy’ate, Boto’one afodya bademona nko la locili lona Balazebuba lifoka lina bademona. 25Yesu aeyaki nkanyi y’etem’eniyo, ko amasumola, ate, Lifoka la lifoka lineyakambwana beloi liyoehya lihoamene, ko bonyanga l’onyanga bonokambwana beloi bofalingalinga, ko nk’osamb’oho l’omboi bonokambwana beloi. 26Yombo Satana aofodya Satana, ayokambwany’endamene, ko lifoka linande lisokolingalinga boosamb’oya? 27Ko yomb’emi lafodya bademona la Balazebuba, ban’anino bamafodya la nai? Lacin’eho, iyo bangoyala juges inino. 28Ohonde, nk’en’oka emi lafodya bademona la Bolimo bona Yakomba, atelifoka lina Yakomba limoya eneyal’ino. 29Boto aotua en’otumba bon’oto’ona locili oyehya toma tonande, kuma atakakela boto’ona locili en’oso, bosamb’oya? Amokakel’oso, ko ena mbusa angehya botumb’onande. 30Ende onofayali l’emi ansimba nsimba; ko ende onofasusanya l’emi, aofanzafanza. 31Lacin’eho, lakosumol’ino, emite, Bato bangotungwa en’aoyi’owe bahatu ko l’esao behetu; ohonde banasaiya Bolimo bon’olotsi bafatungwaki tu. 32Onotanga Bon’on’oto lotango angotungwa ena yoi liho; ohonde onotanga Bolimo bon’olotsi lotango, afatungwaki ena yoi liho, l’en’esik’ene l’en’esike enengoya ena mbusa, afatungwaki tu. 33Ekoli lacina bote botangame bolotsi ko l’emamo nk’olotsi, yombo bote bon’owe ko l’emamo nk’owe: lacina bote beyana nko l’emamo bena boho. 34Ino ban’ana njua? Ino bato ban’owe bokolana litendisa baoyi ban’olotsi bosamb’oya? Bonyua botenda nko baoyi banaki botema ololaka l’aho. 35Boto’on’olotsi aofodya toma ton’olotsi ena lituka linande lin’olotsi; ko boto on’owe aofodya toma ton’owe ena lituka linande lin’owe. 36Koko lakosumol’ino, en’ina bon’etendelo en’akambo bato bangolokola boloko bona yoi la yoi linalik’iy’otendaka linalifana ncina ntutuma. 37Lacina ongolongyama la baoyi’aneamene, ko ongokoiyama nko la baoyi’aneamene.
38Nkwaho bamoi ban’atengi ban’ekanda l’afalusi bailaki, iy’ate, Bolaki, iso tolanga tene ndembi eneyal’e. 39Koko amalokwela, ate, Bato ban’eotwelo en’owe l’ena ntata ena likele bayafone ndembi: efaataki ndembi enengofama eneyal’iyo, yengoko ndembi ena Yoane, bosumoli, kei. 40Bon’on’oto angoyala ena ntundulu ena loko bina besaso la beco besaso, yok’onoki Yona oyalaka en’otema bona nse ena nkolo mene bina besaso la beco besaso. 41Bato bana Ninewe bangemala en’etendelo en’akambo l’ato ban’eotwelo ene, ko bangakoiya; lacin’oka iyo baumbelaki baoyi’owe la lilako lina Yona; ko lenda, omoi onoleki Yona ayali mendo. 42Lifoka lin’oyoto lina reine lin’ili bona Sud angemala en’etendelo en’akambo l’ato ban’eotwelo ene, ko angakoiya; lacin’oka ayaki ena nsimbo mene ina loko oyolofa baoyi bana bomwu bana Solomona; ko lenda, omoi onoleki Solomona ayali mendo. 43Enema demona ena nsefo ofola eneyali boto, oho ayete ena loko lona komukomu, ayakembe lifomya, ko afasungya. 44Ko aila, ate, Mbutwa en’otumba bonoki’m’ofolaka; ko enayel’ende meho, aosungya boho bototoloto, boombama, ko boongyama bolotsi. 45Nkwaho aocoa oyotamb’eneyal’endamene bademona bamoi nsambo banalek’ende bowe; baho baotua, ko baoyala nkwaho; ko bokotua bon’oto’oho bona nsimbo boleki bonoki’oso la bowe. Eotwelo ene en’owe engoyala nk’oho.
46Nk’eneyatend’ende la bik’ike bona bato, lenda, nyango l’akune’anande baemali en’anza, ko baofon’etelo otenda l’ende. 47Ko boto’omoi amosumola, ate, Lenda, boyango’one l’akune’ane baemali en’anza, balanga lacina batende l’e. 48Koko aokutola, aolokwela boto onosumolaki, ate, Onoyali boyango’onami oka nai? Koko bakune’anami nai? 49Ko aonanola likasa linande eneyali bakili’anande, ate, Lenda, boyango l’akune’anami bah’anyi! 50Lacin’oka boto l’oto onila baoyi banalanga Bafango’onami onoyali ena loola, boto’oho ayali bakune’onami, la mbangela enami, l’oyango’onami.
လက်ရှိရွေးချယ်ထားမှု
Matayo 12: BBY62
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ
Bokanda Bona Yakomba Bon’ototo © Alliance Biblique de la R. D. Congo, 1962
Matayo 12
12
1En’esik’eho Yesu aotianya ba ala ban’asongu en’ina bona Sabata; ko bakili’anande baoka njala, baomatsa linukola basongu, ko baola. 2Koko eneki Bafalusi oenaka yoi liho, bamosumola, iy’ate, Lenda, bakili’ane bayakambe yoi linifakolana la boeka bona Sabata. 3Koko amasumola, ate, Ino botaanda nde en’okanda yoi linaliki Dawidi oilaka, eneki’nd’ookaka njala, ende l’iy’anayaaki l’ende? 4bosamb’onoki’nd’otuaka en’otumba bona Yakomba, ko alaki mampa en’oeka—nko mampa enetalama l’ato, kang’ende kang’iy’anayaaki l’ende: banalaki nko nkanga kei? 5Ko botaanda nde en’asangya, noka nkanga baehya bokotua bona Sabata en’ina bona Sabata, ko bafana nkwaka ena likambo? 6Koko lakosumol’ino, Omoi onoleki botumba bona Yakomba ayali mendo. 7Yombo beyaki ncina ena yoi line, Enalang’emi nk’isei, efa mbeka, tumbe botakoiy’iy’anafana nkwaka ena likambo. 8Lacina Bon’on’oto ayali nyangetuke ena Sabata.
9Ko eneki’nd’oumaka meho, aocoa ena sunagoga eniyo; 10ko lenda, boto ononyelala likasa ayaaki meho. Ko baufola Yesu, iy’ate, Nk’iikya bato en’ina bona Sabata, okwa nde likambo? Balangaki’oka bamokoiya likambo. 11Amalokwela, ate, Yomb’omoi’onino ayali la mpate emoko, ko eho eokwela lifoku en’ina bona Sabata, afoundaki oyotefola nde? 12Iy’ot’ola, afaleki nde mpate? Lacin’eho, nkamba en’ikambwa bin’olotsi en’ina bona Sabata ekoli la basangya. 13Ko aosumola boto’oho, ate, Nanola likasa line. Aonanola liho, ko likasa linande yoika yok’onoki likasa limoi oyalaka. 14Koko Bafalusi baofola, ko bamoangela eango, bokotua bonong’iy’oyak’ende. 15Eneki Yesu ofokolaka eango eho, auma meho; ko bik’ike bon’ato bamokila, ko amaikya nk’iyatu; 16koko amasumola batalinzake lokumo lonande. 17Lacina yoi linaliki Yesaya bosumoli otendaka yilame, ate,
18Lenda, bosali’onami onoki’m’osonaka;
Onolangama bike l’emi, onakik’otem’onami ekiko mene:
Nongila Bolimo’onami eneyal’ende,
Ko ende angosumola Befenda etendelo en’akambo ena cilili.
19Afaataki ntango, ko afalolomwaki;
Ko bafokaki lofoso lonande ena mboka.
20Afakesaki iyongongwa ineyamunya,
Ko afalimaki lokenga loneloolama lilimala;
Yengoko ayedya etendelo en’akambo nk’en’elonga.
21Befenda bangolengedya nk’ena lina linande.
22Nkwaho baoyelaki boto onoyaaki la demona, boto onodyak’aiso ko ayaaki bokukuluku. Amiikya, ko nkwaho boto onoyaaki bokukuluku aotenda, ko aena. 23Ko bato bahatu baofefa, Mbo, one afayali nde bon’ona Dawidi? 24Koko eneki Bafalusi ookaka, baila, iy’ate, Boto’one afodya bademona nko la locili lona Balazebuba lifoka lina bademona. 25Yesu aeyaki nkanyi y’etem’eniyo, ko amasumola, ate, Lifoka la lifoka lineyakambwana beloi liyoehya lihoamene, ko bonyanga l’onyanga bonokambwana beloi bofalingalinga, ko nk’osamb’oho l’omboi bonokambwana beloi. 26Yombo Satana aofodya Satana, ayokambwany’endamene, ko lifoka linande lisokolingalinga boosamb’oya? 27Ko yomb’emi lafodya bademona la Balazebuba, ban’anino bamafodya la nai? Lacin’eho, iyo bangoyala juges inino. 28Ohonde, nk’en’oka emi lafodya bademona la Bolimo bona Yakomba, atelifoka lina Yakomba limoya eneyal’ino. 29Boto aotua en’otumba bon’oto’ona locili oyehya toma tonande, kuma atakakela boto’ona locili en’oso, bosamb’oya? Amokakel’oso, ko ena mbusa angehya botumb’onande. 30Ende onofayali l’emi ansimba nsimba; ko ende onofasusanya l’emi, aofanzafanza. 31Lacin’eho, lakosumol’ino, emite, Bato bangotungwa en’aoyi’owe bahatu ko l’esao behetu; ohonde banasaiya Bolimo bon’olotsi bafatungwaki tu. 32Onotanga Bon’on’oto lotango angotungwa ena yoi liho; ohonde onotanga Bolimo bon’olotsi lotango, afatungwaki ena yoi liho, l’en’esik’ene l’en’esike enengoya ena mbusa, afatungwaki tu. 33Ekoli lacina bote botangame bolotsi ko l’emamo nk’olotsi, yombo bote bon’owe ko l’emamo nk’owe: lacina bote beyana nko l’emamo bena boho. 34Ino ban’ana njua? Ino bato ban’owe bokolana litendisa baoyi ban’olotsi bosamb’oya? Bonyua botenda nko baoyi banaki botema ololaka l’aho. 35Boto’on’olotsi aofodya toma ton’olotsi ena lituka linande lin’olotsi; ko boto on’owe aofodya toma ton’owe ena lituka linande lin’owe. 36Koko lakosumol’ino, en’ina bon’etendelo en’akambo bato bangolokola boloko bona yoi la yoi linalik’iy’otendaka linalifana ncina ntutuma. 37Lacina ongolongyama la baoyi’aneamene, ko ongokoiyama nko la baoyi’aneamene.
38Nkwaho bamoi ban’atengi ban’ekanda l’afalusi bailaki, iy’ate, Bolaki, iso tolanga tene ndembi eneyal’e. 39Koko amalokwela, ate, Bato ban’eotwelo en’owe l’ena ntata ena likele bayafone ndembi: efaataki ndembi enengofama eneyal’iyo, yengoko ndembi ena Yoane, bosumoli, kei. 40Bon’on’oto angoyala ena ntundulu ena loko bina besaso la beco besaso, yok’onoki Yona oyalaka en’otema bona nse ena nkolo mene bina besaso la beco besaso. 41Bato bana Ninewe bangemala en’etendelo en’akambo l’ato ban’eotwelo ene, ko bangakoiya; lacin’oka iyo baumbelaki baoyi’owe la lilako lina Yona; ko lenda, omoi onoleki Yona ayali mendo. 42Lifoka lin’oyoto lina reine lin’ili bona Sud angemala en’etendelo en’akambo l’ato ban’eotwelo ene, ko angakoiya; lacin’oka ayaki ena nsimbo mene ina loko oyolofa baoyi bana bomwu bana Solomona; ko lenda, omoi onoleki Solomona ayali mendo. 43Enema demona ena nsefo ofola eneyali boto, oho ayete ena loko lona komukomu, ayakembe lifomya, ko afasungya. 44Ko aila, ate, Mbutwa en’otumba bonoki’m’ofolaka; ko enayel’ende meho, aosungya boho bototoloto, boombama, ko boongyama bolotsi. 45Nkwaho aocoa oyotamb’eneyal’endamene bademona bamoi nsambo banalek’ende bowe; baho baotua, ko baoyala nkwaho; ko bokotua bon’oto’oho bona nsimbo boleki bonoki’oso la bowe. Eotwelo ene en’owe engoyala nk’oho.
46Nk’eneyatend’ende la bik’ike bona bato, lenda, nyango l’akune’anande baemali en’anza, ko baofon’etelo otenda l’ende. 47Ko boto’omoi amosumola, ate, Lenda, boyango’one l’akune’ane baemali en’anza, balanga lacina batende l’e. 48Koko aokutola, aolokwela boto onosumolaki, ate, Onoyali boyango’onami oka nai? Koko bakune’anami nai? 49Ko aonanola likasa linande eneyali bakili’anande, ate, Lenda, boyango l’akune’anami bah’anyi! 50Lacin’oka boto l’oto onila baoyi banalanga Bafango’onami onoyali ena loola, boto’oho ayali bakune’onami, la mbangela enami, l’oyango’onami.
လက်ရှိရွေးချယ်ထားမှု
:
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ
Bokanda Bona Yakomba Bon’ototo © Alliance Biblique de la R. D. Congo, 1962