Matayo 14
14
1En’esik’eho Elode, nko vice-gouverneur, aokaki lokumo lona Yesu; 2ko aosumola basali’anande, ate, One nko Yoane Bini, amoletwa en’ewedi, ko lacin’eho, bikambwa bina mpefa biyakambame l’ende. 3Lacin’oka Elode aundaki’ale Yoane, ko aotungyaki, ko aoekelaki en’otumba bon’enyolo lacin’ena Elodia, booli bon’akune’onande Filipo. 4Lacin’oka Yoane aosumolaki’ale, ate, Nk’otamb’ende booli’one, osondola boeka. 5Asokolanga ayake Yoane, koko aangaki bato, lacin’iyo baotangaki nko bosumoli. 6Koko eneki bina bona liofwa lin’eotwelo ena Elode oyelaka, bon’ona Elodia bon’oyoto ainaki boina en’oso’oniyo, ko Elode akikaki l’ende. 7Lacin’eho, aosembedyaki esemba nko la nteha en’eteho, ate angofa iyema in’etaketaka iningi’nd’olomba. 8Ko ende, enem’end’olakama la nyango enande, ate, Ompe mendo bote bona Yoane Bini ena salani. 9Ko lifoka aokaki lokeseli; koko lacin’ena basangya banande, ko lacin’eniyo banakisak’ase l’ende ena toma, atomaki yoi lacina baofe nko bote’oho. 10Atomaki lacina bakese bote bona Yoane Bini en’otumba bon’enyolo. 11Baoya l’ote’onande ena salani, ko baofa bonome’on’oyoto, ko ende aotoela nyango enande. 12Ko bakili’anande bayaki, baambolaki boduo, bakunjaki boho, ko bacoaki osumola Yesu.
13Ko eneki Yesu ookaka yoi liho, auma meho en’atu, aocoa en’okala bona sengelenge ende kei. Koko bik’ike bon’ato baoka, ko baofola en’enyanga, ko bamokila l’akaka. 14Ko eneki Yesu otefwaka, aena bik’ike bon’ato, ko amaokamel’isei; ko aikyaki bato’aniyo banayaaki la nkangi. 15Ko eneki bina omatsaka yila, bakili’anande baoya eneyal’ende, iy’ate, Edye ene nko sengelenge, ko bin’omila; tongola bato, bacu oyosombel’iyoamene toma en’enyanga. 16Koko Yesu amasumola, ate, Bacu lanai? Inoamene baf’iyo toma lacina bale. 17Iyo bamosumola, Mbo, iso toata mendo nko mampa itano la nse ife kei. 18Yesu ate, Bonjele toma toho. 19Ko aosumola bato’aho bik’ike bakisase ena tolenge; ko eneki’nd’otambaka mampa ih’itano la nse ih’ife, aolenda ena loola, aosak’osako, ko aokesa, ko aofa bakili mampa iho, ko bakili baofa bato’aho bik’ike. 20Ko iyatu baola, ko baokinda, ko baambola bitate binicikalaki nko batungu jo l’afe to. 21Ko iy’analaki toma bayaaki mpame yoka nkoto itano, ko l’ayato l’anatome nkoho.
22Isasanga Yesu aosomya bakili’anande lacina bayookela en’atu, ko baleke lose en’oso’onande, kum’endamene ayatongole bato’aho bik’ike. 23Ko eneki’nd’otongolaka bato’aho, aanda ena lingonji nk’ende kei lacina aonde. Ko eneki likolo mene oyelaka, ayaaki meho nk’ende kei. 24Koko boatu boyela ena ntoto mene ena lose, boyaene bino l’afukumo, lacin’oka lofongo lofekyaki boatu. 25Ko en’esike en’akel’ina, Yesu aoy’eneyal’iyo, ayakende ena liko y’asi bana lose. 26Ko eneki bakili oenak’ende ayakende ena liko y’asi bana lose, baoka losomo, iy’ate, Oho nk’esiko? ko baololomwa la losomo. 27Ko isasanga Yesu aotenda l’iyo, ate, Bokiky’etema; one nk’emi, botaangake. 28Petelo amoutodya, ate, Nkolo, yomb’e, ombelele, nje eneyal’e ena liko y’asi. 29Ate, Yaka. Ko eneki Petelo opusolaka ena lose aokenda ena liko y’asi lacina acu eneyali Yesu. 30Koko eneki’nd’oenaka lofongo lona lokolo, aanga, ko aomatsa yina en’asi, ko aelela, ate, Nkolo, ombikya! 31Isasanga Yesu aonanola likasa linande, amounda, ko amolokwela, ate, Onde l’imeedyo nk’isalisali, okandakandaki lanai? 32Enek’iy’oyokelaka en’atu, lofongo losila nkwaho. 33Ko iy’anayaaki en’atu baoya oyokumy’ende, iy’ate, Solosolo, oyali Bon’ona Yakomba.
34Enek’iy’olekaka, baosema en’onyanga bona Ngeneseleta. 35Ko eneki bato ban’onyang’oho oeyak’ende, baotoma yoi ena bicimo bihitu bin’oli l’iyo; ko bamoyela bato bahatu banayaaki la nkangi; 36ko bamoonda af’iyo etelo lacina basuke boseleka bon’okoto’onande kei. Ko iyatu banosukaki baikyamaki.
လက်ရှိရွေးချယ်ထားမှု
Matayo 14: BBY62
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ
Bokanda Bona Yakomba Bon’ototo © Alliance Biblique de la R. D. Congo, 1962
Matayo 14
14
1En’esik’eho Elode, nko vice-gouverneur, aokaki lokumo lona Yesu; 2ko aosumola basali’anande, ate, One nko Yoane Bini, amoletwa en’ewedi, ko lacin’eho, bikambwa bina mpefa biyakambame l’ende. 3Lacin’oka Elode aundaki’ale Yoane, ko aotungyaki, ko aoekelaki en’otumba bon’enyolo lacin’ena Elodia, booli bon’akune’onande Filipo. 4Lacin’oka Yoane aosumolaki’ale, ate, Nk’otamb’ende booli’one, osondola boeka. 5Asokolanga ayake Yoane, koko aangaki bato, lacin’iyo baotangaki nko bosumoli. 6Koko eneki bina bona liofwa lin’eotwelo ena Elode oyelaka, bon’ona Elodia bon’oyoto ainaki boina en’oso’oniyo, ko Elode akikaki l’ende. 7Lacin’eho, aosembedyaki esemba nko la nteha en’eteho, ate angofa iyema in’etaketaka iningi’nd’olomba. 8Ko ende, enem’end’olakama la nyango enande, ate, Ompe mendo bote bona Yoane Bini ena salani. 9Ko lifoka aokaki lokeseli; koko lacin’ena basangya banande, ko lacin’eniyo banakisak’ase l’ende ena toma, atomaki yoi lacina baofe nko bote’oho. 10Atomaki lacina bakese bote bona Yoane Bini en’otumba bon’enyolo. 11Baoya l’ote’onande ena salani, ko baofa bonome’on’oyoto, ko ende aotoela nyango enande. 12Ko bakili’anande bayaki, baambolaki boduo, bakunjaki boho, ko bacoaki osumola Yesu.
13Ko eneki Yesu ookaka yoi liho, auma meho en’atu, aocoa en’okala bona sengelenge ende kei. Koko bik’ike bon’ato baoka, ko baofola en’enyanga, ko bamokila l’akaka. 14Ko eneki Yesu otefwaka, aena bik’ike bon’ato, ko amaokamel’isei; ko aikyaki bato’aniyo banayaaki la nkangi. 15Ko eneki bina omatsaka yila, bakili’anande baoya eneyal’ende, iy’ate, Edye ene nko sengelenge, ko bin’omila; tongola bato, bacu oyosombel’iyoamene toma en’enyanga. 16Koko Yesu amasumola, ate, Bacu lanai? Inoamene baf’iyo toma lacina bale. 17Iyo bamosumola, Mbo, iso toata mendo nko mampa itano la nse ife kei. 18Yesu ate, Bonjele toma toho. 19Ko aosumola bato’aho bik’ike bakisase ena tolenge; ko eneki’nd’otambaka mampa ih’itano la nse ih’ife, aolenda ena loola, aosak’osako, ko aokesa, ko aofa bakili mampa iho, ko bakili baofa bato’aho bik’ike. 20Ko iyatu baola, ko baokinda, ko baambola bitate binicikalaki nko batungu jo l’afe to. 21Ko iy’analaki toma bayaaki mpame yoka nkoto itano, ko l’ayato l’anatome nkoho.
22Isasanga Yesu aosomya bakili’anande lacina bayookela en’atu, ko baleke lose en’oso’onande, kum’endamene ayatongole bato’aho bik’ike. 23Ko eneki’nd’otongolaka bato’aho, aanda ena lingonji nk’ende kei lacina aonde. Ko eneki likolo mene oyelaka, ayaaki meho nk’ende kei. 24Koko boatu boyela ena ntoto mene ena lose, boyaene bino l’afukumo, lacin’oka lofongo lofekyaki boatu. 25Ko en’esike en’akel’ina, Yesu aoy’eneyal’iyo, ayakende ena liko y’asi bana lose. 26Ko eneki bakili oenak’ende ayakende ena liko y’asi bana lose, baoka losomo, iy’ate, Oho nk’esiko? ko baololomwa la losomo. 27Ko isasanga Yesu aotenda l’iyo, ate, Bokiky’etema; one nk’emi, botaangake. 28Petelo amoutodya, ate, Nkolo, yomb’e, ombelele, nje eneyal’e ena liko y’asi. 29Ate, Yaka. Ko eneki Petelo opusolaka ena lose aokenda ena liko y’asi lacina acu eneyali Yesu. 30Koko eneki’nd’oenaka lofongo lona lokolo, aanga, ko aomatsa yina en’asi, ko aelela, ate, Nkolo, ombikya! 31Isasanga Yesu aonanola likasa linande, amounda, ko amolokwela, ate, Onde l’imeedyo nk’isalisali, okandakandaki lanai? 32Enek’iy’oyokelaka en’atu, lofongo losila nkwaho. 33Ko iy’anayaaki en’atu baoya oyokumy’ende, iy’ate, Solosolo, oyali Bon’ona Yakomba.
34Enek’iy’olekaka, baosema en’onyanga bona Ngeneseleta. 35Ko eneki bato ban’onyang’oho oeyak’ende, baotoma yoi ena bicimo bihitu bin’oli l’iyo; ko bamoyela bato bahatu banayaaki la nkangi; 36ko bamoonda af’iyo etelo lacina basuke boseleka bon’okoto’onande kei. Ko iyatu banosukaki baikyamaki.
လက်ရှိရွေးချယ်ထားမှု
:
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ
Bokanda Bona Yakomba Bon’ototo © Alliance Biblique de la R. D. Congo, 1962