Luka 11
11
Erisaba
1Abere akasabira ahandi, neryo abere abuga, omuguma goko biga buwe mwamubwira ati, Mukama, Utukangiri raye erisaba, ngoko Yoane akangiriraya abiga buwe. 2Naye mwabuga nabo ati, Omugulu mukasaba, imwabuga muti: Tata, erina ryawe risikibawe, Obwami bwawe bwase. 3Utuhe oburi kiro akaryo akekiro ekyo; 4utubuyire ebibi byetu; kusangwa netu tukabuyira oburi mundu oyuri komwinda wetu; kandi sutulete omwilengwako. 5Kandi mwabuga nabo ati, Nindi ukwinywe kwehi? oyu wite mwira wuwe akamuhikako omo kati kanene akamubwira ati, Mwira unyibweke amandu asatu; 6kusangwa omwira wage amabinyihikako akalwa oko lugendo, nage singwite ekyerimutsumbira; 7noyuri omonyumba akandimusubirya ati, Sunduhaye; oluyi lukingire, na bana bage bagotsere haguma nage oko ngingo; sinditoka eri hangana nerikuha kindu. 8Ngababwira nyiti, nomo angabya atetahangana kusangwa ni mwira wuwe, nikwa busana nerimu hatikana akandihangana nerimuha ebyosi ari nobwaga. 9Nga babwira, Mubulaye, mwasyahabwa; musondaye, mwasyabana; mukongote oko luyi, mwasyakingulirwa. 10Kusangwa oyu kabulaya akahabawa, noyu kasonda akabana, noyu kakongota akakingulirawa. 11Nindi kwinywe ise, omwana amamusaba erihere, iniamuha enzoka kwehi? kutse amamusaba obundu iniamuha eribwe kwehi? 12Kutse amabulya eriyi, iniamuha enge kwehi? 13Neryo inywe mwamabya muri babi, munasi eriha abana benyu erihitya ryowene, Tata wenyu welubula sialabire aho kutsibu eriha eKirimu Kibuyirire oko bakamu bulaya kwehi?
Belzebuli
14Kandi abya akagusa eyihya esyombinga kwoyo wabya mumu; nembinga yabere yabimulwako, emumu moyabuga, nabandu mobasweka. 15Nikwa abandi bakubo mobabuga bati, akagusa esyombinga omo Belzebuli, omukama wesyombinga; 16nikwa abandi, erimulengako, mobamusonda-sondako ekitiko tiko ekikalwa elubula. 17Nikwa iye iniakaminya oburingikania bwabo, mwabuga nabo ati, Oburi bwami obukagabana buka hera, nenyumba yamayirwania ikatera. 18NeSatani yamayi gabula yoyene, obwami bwayo bwasyahangana buti kwehi? Kusangwa mukabuga muti, Ngagusa esyombinga omo Belze buli. 19Nage namagusa esyombinga eyihya omo Belzebuli, abagala benyu bakagusasyo mundi kwehi? Kikaleka ibasyabya batsweri benyu. 20Nikwa amabya ini busana nomunwe woMungu ngagusa esyombinga, lero obwami bwoMungu bwa mabibahikako. 21Omugulu mundu wamaka, amabiambala ebindu byamalwa, amateya omuyi wuwe, ebindu biwe biri nobuholo; 22nikwa oyu mulengirye akagala amamubambira akamukinda, akamulusayako ebindu biwe byamalwa ebyo ayiketera, iniagaba ebindu biwe. 23Oyu te nage ni nzigu yage, noyu te kumakuma haguma nage akapanzapanza. 24Omugulu ekirimu kibi kikalwa oko mundu, kikalaba ahate magetsi ikyasonda aheriluhukira; ikyabulaho ikyabuga kiti, Ngandisuba omo nyumba yage nalwamo. 25Neryo kyahikayo ikyeya inina birirye ininakomire. 26Neryo kikagenda nerileta ebindi birimu birinda ini bibi kwilabakyo, ibingira ibikalamo; nenduli yomundu oyo iyabya nyibi kwilaba erimbere. 27Abere akabuga omwatsi oyu, omukali abya omo ndeko mwasumba omulenge wuwe mwamubwira ati, Omuyisa ari nenda yakubuta, namabere warya! 28Naye mwabuga ati, Nikwa okwilaba aho omuyisa ari noyu kowa eKinywa kyoMungu neribikakyo.
Ekitikotiko kya Yona
29Nomugulu esyondeko syabya sikakanya, iye mwatsuka eribuga ati, Olugendo olu ni lulengo lubi; lukasonda ekitiko tiko, nikwa silwendisyahabwakyo kyene kitikotiko kyaYona. 30Kusangwa ngoko Yona abya kitikotiko busana nabandu beNinawe, kitya Mugala womundu asyabya atya busana nolulengo olu. 31Omwami wobukali woLutambi asyahangana okwitswera nabandu bolulengo olu asyatswerabo lubi; kusangwa alwa oko syonduli sye kihugo neriowa amenge wa Solomono, kandi lebaya, oyu lengire Solomono ari hano. 32Abandu beNinawe basyahangana okwitswera olulengo olu basyatsweralo lubi; kusangwa mobabinduka okwikangirirya ryaYona, kandi lebaya, oyu lengire Yona ari hano. 33Sihari oyo kakaya oluseke akahiralo omo kyuna kyenyumba kutse omwisi wekitiri, nikwa oko kyeriteka koluseke, abakingira ibatoka erilola oko kyakakala. 34Eriso ryawe ni luseke lwomubiri wawe; eriso ryawe ryamabya ryowene, omubiri wawe gosi inioswire nekya kakala; nikwa ryamabya ni ribi, omubiri wawe inioswire nomwirimya. 35Neryo utegaye ekyakakala omwisi wawe sikibya mwirimya. 36Neryo omubiri wawe gosi amusula nekyakakala, isiawite mwanya ari mo mwirimya, asyabya neri kangabania ogosi, ngoluseke omugulu lukakukoleraya.
Obuhanya oko baFarisayo
37Abere akabuga, omuFarisayo mwamubulya ati arire haguma naye; neryo mwingira mwikala oko butara. 38Nomu Farisayo mwasweka erilangira kwatetatsuka erinaba embere werirya. 39OMukama mwabuga naye ati, Lino inywe abaFarisayo mukeraya enyuma wolutehi nekisya, nikwa omwisi muswire erinyega nobubi. 40Inywe bikiru! Oyu wakokotaya enyuma mwatakokotya nomwisi kwehi? 41Nikwa muhebusana nerihitya ebindu ebiri omwisi; neryo lebaya, ebyosi byasyabya ibinerire busana nenyu. 42Nikwa obuhanya kwi nywe abaFarisayo! Kusangwa mukaleta ekiguma kyerikumi kyamunanaa na muchicha nesindi nyenyi syosi, imukasiga eritunganene nerianza Mungu; ebi mutolere erikolabyo, neri tindasiga ebindi ebyo. 43Obuhanya kwinywe abaFarisayo! kusangwa mwanzire ebitumbi ebyowenenga omo manyumba werihindana neribukibwa omo maguriro. 44Obuhanya kwi nywe! kusangwa muri ngesisinda esitaminyikere, abandu bakalaba kusyo isibasi.
Obuhanya oko bimiri
45Neryo muguma wokobimiri mwamusubirya ati, Muka ngirirya, eribuga utya inukatutsuma. 46Naye mwabuga ati. Obuhanya kwinywe abimiri nibya! kusangwa mukahekaya abandu emiheke eyikalire erihekwa, nenyu simwetulaya oko miheke eyo kono munwe muguma wenyu. 47Obuhanya kwi nywe! kusangwa mukahimba esisinda syabaminyereri abo abotata wenyu bita. 48Nenyu muri balangiri nabaliga emibiri yabotata wenyu; kusangwa bo bitabo, nenyu mukahimba esisinda syabo. 49Kikaleka amenge woMungu iniabuga ati, Nasyatumirabo abaminyereri nabakwenda, abandi bakubo basitabo neriendereryabo, 50neryo omusasi wabaminyereri bosi, owutawa eritsuka ryekibanza kye kihugo, iniatoka eribu ribwa abo lulengo olu, 51eritsuka oko musasi wa Abeli erihika oko musasi wa Zakaria, oyo wakwira omukati-kati kaheriherera nehekalu. Ega ngababwira, asyabulibwa abo lulengo olu. 52Obuhanya kwinywe abimiri! kusangwa mwabirilusya eki boholi kyamenge; nenyu simwetingira, nabakasonda eriingira mukakakirayabo.
53Abere akalwayo, abasaki nabaFarisayo mobatsuka erimu hatikania kwe binywa nerimukuna eribuga bingi, 54ibaka murinda, erimutega oko mwatsi angabuga.
လက်ရှိရွေးချယ်ထားမှု
Luka 11: NTN62
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ
Le Nouveau Testament et les Psaumes en Ndandi © British and Foreign Bible Society, 1962.
Luka 11
11
Erisaba
1Abere akasabira ahandi, neryo abere abuga, omuguma goko biga buwe mwamubwira ati, Mukama, Utukangiri raye erisaba, ngoko Yoane akangiriraya abiga buwe. 2Naye mwabuga nabo ati, Omugulu mukasaba, imwabuga muti: Tata, erina ryawe risikibawe, Obwami bwawe bwase. 3Utuhe oburi kiro akaryo akekiro ekyo; 4utubuyire ebibi byetu; kusangwa netu tukabuyira oburi mundu oyuri komwinda wetu; kandi sutulete omwilengwako. 5Kandi mwabuga nabo ati, Nindi ukwinywe kwehi? oyu wite mwira wuwe akamuhikako omo kati kanene akamubwira ati, Mwira unyibweke amandu asatu; 6kusangwa omwira wage amabinyihikako akalwa oko lugendo, nage singwite ekyerimutsumbira; 7noyuri omonyumba akandimusubirya ati, Sunduhaye; oluyi lukingire, na bana bage bagotsere haguma nage oko ngingo; sinditoka eri hangana nerikuha kindu. 8Ngababwira nyiti, nomo angabya atetahangana kusangwa ni mwira wuwe, nikwa busana nerimu hatikana akandihangana nerimuha ebyosi ari nobwaga. 9Nga babwira, Mubulaye, mwasyahabwa; musondaye, mwasyabana; mukongote oko luyi, mwasyakingulirwa. 10Kusangwa oyu kabulaya akahabawa, noyu kasonda akabana, noyu kakongota akakingulirawa. 11Nindi kwinywe ise, omwana amamusaba erihere, iniamuha enzoka kwehi? kutse amamusaba obundu iniamuha eribwe kwehi? 12Kutse amabulya eriyi, iniamuha enge kwehi? 13Neryo inywe mwamabya muri babi, munasi eriha abana benyu erihitya ryowene, Tata wenyu welubula sialabire aho kutsibu eriha eKirimu Kibuyirire oko bakamu bulaya kwehi?
Belzebuli
14Kandi abya akagusa eyihya esyombinga kwoyo wabya mumu; nembinga yabere yabimulwako, emumu moyabuga, nabandu mobasweka. 15Nikwa abandi bakubo mobabuga bati, akagusa esyombinga omo Belzebuli, omukama wesyombinga; 16nikwa abandi, erimulengako, mobamusonda-sondako ekitiko tiko ekikalwa elubula. 17Nikwa iye iniakaminya oburingikania bwabo, mwabuga nabo ati, Oburi bwami obukagabana buka hera, nenyumba yamayirwania ikatera. 18NeSatani yamayi gabula yoyene, obwami bwayo bwasyahangana buti kwehi? Kusangwa mukabuga muti, Ngagusa esyombinga omo Belze buli. 19Nage namagusa esyombinga eyihya omo Belzebuli, abagala benyu bakagusasyo mundi kwehi? Kikaleka ibasyabya batsweri benyu. 20Nikwa amabya ini busana nomunwe woMungu ngagusa esyombinga, lero obwami bwoMungu bwa mabibahikako. 21Omugulu mundu wamaka, amabiambala ebindu byamalwa, amateya omuyi wuwe, ebindu biwe biri nobuholo; 22nikwa oyu mulengirye akagala amamubambira akamukinda, akamulusayako ebindu biwe byamalwa ebyo ayiketera, iniagaba ebindu biwe. 23Oyu te nage ni nzigu yage, noyu te kumakuma haguma nage akapanzapanza. 24Omugulu ekirimu kibi kikalwa oko mundu, kikalaba ahate magetsi ikyasonda aheriluhukira; ikyabulaho ikyabuga kiti, Ngandisuba omo nyumba yage nalwamo. 25Neryo kyahikayo ikyeya inina birirye ininakomire. 26Neryo kikagenda nerileta ebindi birimu birinda ini bibi kwilabakyo, ibingira ibikalamo; nenduli yomundu oyo iyabya nyibi kwilaba erimbere. 27Abere akabuga omwatsi oyu, omukali abya omo ndeko mwasumba omulenge wuwe mwamubwira ati, Omuyisa ari nenda yakubuta, namabere warya! 28Naye mwabuga ati, Nikwa okwilaba aho omuyisa ari noyu kowa eKinywa kyoMungu neribikakyo.
Ekitikotiko kya Yona
29Nomugulu esyondeko syabya sikakanya, iye mwatsuka eribuga ati, Olugendo olu ni lulengo lubi; lukasonda ekitiko tiko, nikwa silwendisyahabwakyo kyene kitikotiko kyaYona. 30Kusangwa ngoko Yona abya kitikotiko busana nabandu beNinawe, kitya Mugala womundu asyabya atya busana nolulengo olu. 31Omwami wobukali woLutambi asyahangana okwitswera nabandu bolulengo olu asyatswerabo lubi; kusangwa alwa oko syonduli sye kihugo neriowa amenge wa Solomono, kandi lebaya, oyu lengire Solomono ari hano. 32Abandu beNinawe basyahangana okwitswera olulengo olu basyatsweralo lubi; kusangwa mobabinduka okwikangirirya ryaYona, kandi lebaya, oyu lengire Yona ari hano. 33Sihari oyo kakaya oluseke akahiralo omo kyuna kyenyumba kutse omwisi wekitiri, nikwa oko kyeriteka koluseke, abakingira ibatoka erilola oko kyakakala. 34Eriso ryawe ni luseke lwomubiri wawe; eriso ryawe ryamabya ryowene, omubiri wawe gosi inioswire nekya kakala; nikwa ryamabya ni ribi, omubiri wawe inioswire nomwirimya. 35Neryo utegaye ekyakakala omwisi wawe sikibya mwirimya. 36Neryo omubiri wawe gosi amusula nekyakakala, isiawite mwanya ari mo mwirimya, asyabya neri kangabania ogosi, ngoluseke omugulu lukakukoleraya.
Obuhanya oko baFarisayo
37Abere akabuga, omuFarisayo mwamubulya ati arire haguma naye; neryo mwingira mwikala oko butara. 38Nomu Farisayo mwasweka erilangira kwatetatsuka erinaba embere werirya. 39OMukama mwabuga naye ati, Lino inywe abaFarisayo mukeraya enyuma wolutehi nekisya, nikwa omwisi muswire erinyega nobubi. 40Inywe bikiru! Oyu wakokotaya enyuma mwatakokotya nomwisi kwehi? 41Nikwa muhebusana nerihitya ebindu ebiri omwisi; neryo lebaya, ebyosi byasyabya ibinerire busana nenyu. 42Nikwa obuhanya kwi nywe abaFarisayo! Kusangwa mukaleta ekiguma kyerikumi kyamunanaa na muchicha nesindi nyenyi syosi, imukasiga eritunganene nerianza Mungu; ebi mutolere erikolabyo, neri tindasiga ebindi ebyo. 43Obuhanya kwinywe abaFarisayo! kusangwa mwanzire ebitumbi ebyowenenga omo manyumba werihindana neribukibwa omo maguriro. 44Obuhanya kwi nywe! kusangwa muri ngesisinda esitaminyikere, abandu bakalaba kusyo isibasi.
Obuhanya oko bimiri
45Neryo muguma wokobimiri mwamusubirya ati, Muka ngirirya, eribuga utya inukatutsuma. 46Naye mwabuga ati. Obuhanya kwinywe abimiri nibya! kusangwa mukahekaya abandu emiheke eyikalire erihekwa, nenyu simwetulaya oko miheke eyo kono munwe muguma wenyu. 47Obuhanya kwi nywe! kusangwa mukahimba esisinda syabaminyereri abo abotata wenyu bita. 48Nenyu muri balangiri nabaliga emibiri yabotata wenyu; kusangwa bo bitabo, nenyu mukahimba esisinda syabo. 49Kikaleka amenge woMungu iniabuga ati, Nasyatumirabo abaminyereri nabakwenda, abandi bakubo basitabo neriendereryabo, 50neryo omusasi wabaminyereri bosi, owutawa eritsuka ryekibanza kye kihugo, iniatoka eribu ribwa abo lulengo olu, 51eritsuka oko musasi wa Abeli erihika oko musasi wa Zakaria, oyo wakwira omukati-kati kaheriherera nehekalu. Ega ngababwira, asyabulibwa abo lulengo olu. 52Obuhanya kwinywe abimiri! kusangwa mwabirilusya eki boholi kyamenge; nenyu simwetingira, nabakasonda eriingira mukakakirayabo.
53Abere akalwayo, abasaki nabaFarisayo mobatsuka erimu hatikania kwe binywa nerimukuna eribuga bingi, 54ibaka murinda, erimutega oko mwatsi angabuga.
လက်ရှိရွေးချယ်ထားမှု
:
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ
Le Nouveau Testament et les Psaumes en Ndandi © British and Foreign Bible Society, 1962.