RAPHA HIQWA LAK 14
14
Abram Raq Lot Tiichhiito
1Hokham weblai Bebilon chela hokhamwe Armaphel, Ellasar chela hokhamwe Ariokh, Elam chela hokhamwe Chedorlaomar, kiimaq Goim chela hokhamwe Tidal thun ka, 2hokham webiingi rai riikhatkai kihoto. Tsangshiq ka Sodom chela hokhamwe Bera, Gommora chela hokhamwe Birsha, Adma chela hokhamwe Shinab, Jeboiim chela hokhamwe Shemeber, kiimaq Bela chela (riimakla Joar chela) hokhamwe thun riito. 3Ara hokham webiingi arka adam na pongto. Raüta tsangshiq phenlabi thun ka kongshi maq Siddim Tan na riichomto. Arka ümchaü Amaa Khamjong Chum miishe jakito. 4Tsangshiq ka Chedorlaomar hokhamwe puk na wiiroqshi ri wiinai sito. Shatmaq wiiroqshi ri wiitsam ngoja na tsangshiq ka apaiq wokhong wa donghoto. 5Kiimaq wiiroqshi ri wiiblai angu na Chedorlaomar nai apaiq rai pongti hokhambi ka tsangshiq phenlabi tsuqho raüta Ashteroth Karnaim hiqtiwe Rephaim, Ham hiqtiwe Jujim, kiimaq Kiriathaim hiqthung tan hiqtiwe Emim, 6kiimaq Edom mung na pum thun kiijaq shongti Horaiqnok thun ka khat raüta tangto. Raüta tsangshiq ka kumtsaiphii wang tho na Elparan hiq na saüli joho raüta khatto. 7Kra raütiishe tsangshiq ka jai nü na jang wanto. Raüta Kadesh hiq (kiitinchoji arka Enmishpat nguta ngutlo) na jang wanto. Tsangshiq raq Amalakaiqnok hiq thun ka wiita khat raüta tangto. Kiimaq Amoraiqnok Hajajon Tamar hiq na siti kiimin tangto.
8Kiijiishe Sodom chela hokhamwe, Gommora chela hokhamwe, Adma chela hokhamwe, Jeboiim chela hokhamwe, kiimaq Bela chela hokhamwe thun raq tsangshiq phenlabi ka rekhat miitu Siddim Tan na riichomto. Raüta 9Elam hokhamwe, Goim hokhamwe, Bebilon hokhamwe, kiimaq Ellasar hokhamwe tiim rai riikhatto. Hokham webiingi rai hokham weblai riikhatto. 10Kra hiqthung tan niika kaichang boq hiq khobok pahea asi riito. Kiimaq Sodom hokhamwe nai Gommora hokhamwe ka rekhat lam maq aju riiwan i nguta tanto. Shatmaq tsangnai ka kra khobok thun na thap wato. Shatmaq ahinti hokhambi wetsam ka pum thun kiiniishe ju raüta lunto. 11Kiimaq hokham weblai riika Sodom nai Gommora chela wa hupsam ka tlotli, aphaq asea thun nong nong howanto. Raüta wawanto. 12Lot, Abram ma ase lam ka Sodom na sichoji na riito. Kra ningkhan tsangshiq raq apaiq kiimin shumwi ma kiimaq tlotli ahup asam kiimin tsuq wanto.
13Shatmaq maiq weshi ka lun raüta juto. Raüta ara tsütsa ka Hibru phan Abram ma chong wato. Abram ka kiitiikaq maiq weshi Amoraiq phan amang nin Mamre kriiwe asii pero hiq tho na sito. Kiimaq Mamre nai ano wenai Eshkol nai Aner ka Abram rai pongti kongshiti riito. 14Ümtiikiiwa Abram raq ase lam Lot ka re raq lap wanto nguta taitaq, apaiq raq apaiq rai piitiip na siti rekhatti ka wiita adam na riichom heato. Tsangshiq tlotli ka 318 riito. Kiimaq tsangshiq raq kra hokham weblai jai ka Dan chela na saüli jowanto. 15Kiijaq apaiq raq asenginok ka akong akong niishe triipheato. Raüta rewe ka rawa na khatto. Raüta tsangshiq ka tangto. Apaiq raq tsangshiq ka Damaskas chela maq shekhu nü na Hoba hiq na saüli jowanto. 16Raüta re raq sepat lopi atsuq wan hupsam thun ka tiijang lapto. Kiimaq apaiq raq ase lam Lot nai apaiq hupsam thun kra, jechakre thun krai kiimaq abi shumwi kong thun krai nong nong tiijang sheahoto.
Melkijedek Raq Abram Shiimanto
17Ümtiikiiwa Abram ka Chedorlaomar nai ahinti hokhambi kra tang raüta jang wantaq, Sodom hokhamwe ka apaiq humkai Shawe Tan na (arka Hokhamwe Tan ngutiimin ngutlo) kito. 18Kiimaq Melkijedek, apaiq ka Salem chela hokhamwe kiimaq apaiq ka Ratsan Ramong Nyang Na Siti Shiikeawe ramwe raq, Abraham ma winsii nai spiqtai lam kuqhoto. 19Raüta apaiq ma shiiman kuqto. Raüta akha ramkuqto, “Ratsan Ramong Nyang Na Siti Shiikeawe, ra nai hiq klotiwe raq Abram ka mishmanlaq! 20Ratsan Ramong Nyang Na Siti Shiikeawe, ümniima ümjaqtinok tiitang ketiwe, kriili tiisamlaq!” Kiimaq Abram raq sepat lopi lap wantaq hupsam tlotli kiiwa roqshi khu wa manshishi ka lam raüta Melkijedek ma kuqto.
21Sodom hokhamwe raq Abram ma nguto, “Sepat lopi thun ka ümniili thülaq. Shatmaq ngi miika isenginok kli jangkuqlaq.”
22Kiijiishe Abram raq treto, “Ngi raq Tatiwe man na tumkham tolata, Ratsan Ramong Nyang Na Siti Shiikeawe man na, Ra nai hiq klotiwe mang na tiitum lata ngutiikang, 23ngi raq ümhupsam ka akhiismin thümang, railo loshi ra riimakla hokpa paqse ashi jiimin thü mang. Kra riiha jiitiq ümniiraq ümtiikiimin, ‘Abram ka ngi raq tiina chiithe ma tiijakang’ nguta ngulot maü mirhaü. 24Ngi raq ngi miitu ka jamlai phan min thüho mang. Ngi riika isenginok raq jamlai wa lang wantaq kriili mitaoha. Shatmaq ikongtibi reraüshi chapti Aner, Eshkol, kiimaq Mamre raq riiwe kla maiq miimii rii kra milam holaq.”
လက်ရှိရွေးချယ်ထားမှု
RAPHA HIQWA LAK 14: TANGSBSI
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ
Tangsa Naga Bible - ASII LAKDAP
Copyright © 2015 by The Bible Society of India
Used by permission. All rights reserved worldwide.
RAPHA HIQWA LAK 14
14
Abram Raq Lot Tiichhiito
1Hokham weblai Bebilon chela hokhamwe Armaphel, Ellasar chela hokhamwe Ariokh, Elam chela hokhamwe Chedorlaomar, kiimaq Goim chela hokhamwe Tidal thun ka, 2hokham webiingi rai riikhatkai kihoto. Tsangshiq ka Sodom chela hokhamwe Bera, Gommora chela hokhamwe Birsha, Adma chela hokhamwe Shinab, Jeboiim chela hokhamwe Shemeber, kiimaq Bela chela (riimakla Joar chela) hokhamwe thun riito. 3Ara hokham webiingi arka adam na pongto. Raüta tsangshiq phenlabi thun ka kongshi maq Siddim Tan na riichomto. Arka ümchaü Amaa Khamjong Chum miishe jakito. 4Tsangshiq ka Chedorlaomar hokhamwe puk na wiiroqshi ri wiinai sito. Shatmaq wiiroqshi ri wiitsam ngoja na tsangshiq ka apaiq wokhong wa donghoto. 5Kiimaq wiiroqshi ri wiiblai angu na Chedorlaomar nai apaiq rai pongti hokhambi ka tsangshiq phenlabi tsuqho raüta Ashteroth Karnaim hiqtiwe Rephaim, Ham hiqtiwe Jujim, kiimaq Kiriathaim hiqthung tan hiqtiwe Emim, 6kiimaq Edom mung na pum thun kiijaq shongti Horaiqnok thun ka khat raüta tangto. Raüta tsangshiq ka kumtsaiphii wang tho na Elparan hiq na saüli joho raüta khatto. 7Kra raütiishe tsangshiq ka jai nü na jang wanto. Raüta Kadesh hiq (kiitinchoji arka Enmishpat nguta ngutlo) na jang wanto. Tsangshiq raq Amalakaiqnok hiq thun ka wiita khat raüta tangto. Kiimaq Amoraiqnok Hajajon Tamar hiq na siti kiimin tangto.
8Kiijiishe Sodom chela hokhamwe, Gommora chela hokhamwe, Adma chela hokhamwe, Jeboiim chela hokhamwe, kiimaq Bela chela hokhamwe thun raq tsangshiq phenlabi ka rekhat miitu Siddim Tan na riichomto. Raüta 9Elam hokhamwe, Goim hokhamwe, Bebilon hokhamwe, kiimaq Ellasar hokhamwe tiim rai riikhatto. Hokham webiingi rai hokham weblai riikhatto. 10Kra hiqthung tan niika kaichang boq hiq khobok pahea asi riito. Kiimaq Sodom hokhamwe nai Gommora hokhamwe ka rekhat lam maq aju riiwan i nguta tanto. Shatmaq tsangnai ka kra khobok thun na thap wato. Shatmaq ahinti hokhambi wetsam ka pum thun kiiniishe ju raüta lunto. 11Kiimaq hokham weblai riika Sodom nai Gommora chela wa hupsam ka tlotli, aphaq asea thun nong nong howanto. Raüta wawanto. 12Lot, Abram ma ase lam ka Sodom na sichoji na riito. Kra ningkhan tsangshiq raq apaiq kiimin shumwi ma kiimaq tlotli ahup asam kiimin tsuq wanto.
13Shatmaq maiq weshi ka lun raüta juto. Raüta ara tsütsa ka Hibru phan Abram ma chong wato. Abram ka kiitiikaq maiq weshi Amoraiq phan amang nin Mamre kriiwe asii pero hiq tho na sito. Kiimaq Mamre nai ano wenai Eshkol nai Aner ka Abram rai pongti kongshiti riito. 14Ümtiikiiwa Abram raq ase lam Lot ka re raq lap wanto nguta taitaq, apaiq raq apaiq rai piitiip na siti rekhatti ka wiita adam na riichom heato. Tsangshiq tlotli ka 318 riito. Kiimaq tsangshiq raq kra hokham weblai jai ka Dan chela na saüli jowanto. 15Kiijaq apaiq raq asenginok ka akong akong niishe triipheato. Raüta rewe ka rawa na khatto. Raüta tsangshiq ka tangto. Apaiq raq tsangshiq ka Damaskas chela maq shekhu nü na Hoba hiq na saüli jowanto. 16Raüta re raq sepat lopi atsuq wan hupsam thun ka tiijang lapto. Kiimaq apaiq raq ase lam Lot nai apaiq hupsam thun kra, jechakre thun krai kiimaq abi shumwi kong thun krai nong nong tiijang sheahoto.
Melkijedek Raq Abram Shiimanto
17Ümtiikiiwa Abram ka Chedorlaomar nai ahinti hokhambi kra tang raüta jang wantaq, Sodom hokhamwe ka apaiq humkai Shawe Tan na (arka Hokhamwe Tan ngutiimin ngutlo) kito. 18Kiimaq Melkijedek, apaiq ka Salem chela hokhamwe kiimaq apaiq ka Ratsan Ramong Nyang Na Siti Shiikeawe ramwe raq, Abraham ma winsii nai spiqtai lam kuqhoto. 19Raüta apaiq ma shiiman kuqto. Raüta akha ramkuqto, “Ratsan Ramong Nyang Na Siti Shiikeawe, ra nai hiq klotiwe raq Abram ka mishmanlaq! 20Ratsan Ramong Nyang Na Siti Shiikeawe, ümniima ümjaqtinok tiitang ketiwe, kriili tiisamlaq!” Kiimaq Abram raq sepat lopi lap wantaq hupsam tlotli kiiwa roqshi khu wa manshishi ka lam raüta Melkijedek ma kuqto.
21Sodom hokhamwe raq Abram ma nguto, “Sepat lopi thun ka ümniili thülaq. Shatmaq ngi miika isenginok kli jangkuqlaq.”
22Kiijiishe Abram raq treto, “Ngi raq Tatiwe man na tumkham tolata, Ratsan Ramong Nyang Na Siti Shiikeawe man na, Ra nai hiq klotiwe mang na tiitum lata ngutiikang, 23ngi raq ümhupsam ka akhiismin thümang, railo loshi ra riimakla hokpa paqse ashi jiimin thü mang. Kra riiha jiitiq ümniiraq ümtiikiimin, ‘Abram ka ngi raq tiina chiithe ma tiijakang’ nguta ngulot maü mirhaü. 24Ngi raq ngi miitu ka jamlai phan min thüho mang. Ngi riika isenginok raq jamlai wa lang wantaq kriili mitaoha. Shatmaq ikongtibi reraüshi chapti Aner, Eshkol, kiimaq Mamre raq riiwe kla maiq miimii rii kra milam holaq.”
လက်ရှိရွေးချယ်ထားမှု
:
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ
Tangsa Naga Bible - ASII LAKDAP
Copyright © 2015 by The Bible Society of India
Used by permission. All rights reserved worldwide.