RAPHA HIQWA LAK 19
19
Sodom Chelati Ngaraibu
1Riita kra raji rasenai ka Sodom chela na saüto. Kiitiikaq Lot ka chela kilamchong na ngaraü lohoto. Apaiq raq tsangnai ka achhi ri li, tiidopot tsangnai rai riihumkito. Raüta apaiq ka tsangnai khaki na kusaq raüta manto tiichhito. 2Raüta akha nguto, “Shiilang wenai lei, ngi ka namnai shiikumpanti. Mangchan lanta ijam na düwa rongkiq. Lanta namnai hok ka heronglaq kiimaq ümchaü rawa ka ajapli ronglaq. Anap ranap chu maq tiido lanta namnai ka wa wan ronglaq.”
Shatmaq tsangnai raq treto, “Wamai, nainai ka ara chela tsingblai arjiili rawa ka mijap hai.”
3Shatmaq apaiq raq tsangnai ma kai tiipaiqneato. Krai mren tsangnai ka Lot rai apaiq jam na wawanto. Raüta Lot raq ajaqshi setiim ka winsii lumronglaq nguta thaüto kiimaq wanwenai miitu phaqsea ka aheawiq kloto. Ümtiikiiwa kra tiijelottaq, tsangnai raq phaq siqto.
4Wanwenai ka chang na mikon shaq na, Sodom chelati maiqwere kong raq jam ka komwanto. Chelati maiqwere thun wiita, nosere thun kiimaq nyungwere thun raq komwanto. 5Raüta tsangshiq raq Lot ka hea raüta akha waito, “Koi, wanwenai ümchaü rawa ümjam na jap wan wataq ira ümbano? Tsangnai ka naishiq ma kiinong kuqlaq!” Sodom chelati maiqwere raq tsangnai rai hainga miitu ritto.
6Kiijiishe Lot ka kinphai na dongkito. Raüta kilü ka ajai na shaqsaq shaq baiqto. 7Raüta apaiq raq tsangshiq ma akha nguto, “Kongtitiim lei, ngi raq namshiq ma tiipaiqnea tiikang. Atinkhan abi ka naq klo rongkiq! 8Liironglaq. Isenai junsang senai asi. Ngi raq tsangnai ka namshiq ma sheakuq wa pha. Namshiq raq jamlai klo rowa, tsangnai miili klo ronglaq. Shatmaq ara wanwenai armiika jam min naq klo rongkiq. Tsangnai ka iwanwenai ijam mong na. Ngi raq tsangnai ka tiiwongke raa dongdii.”
9Shatmaq tsangshiq raq nguto, “Jamlaijiq ngukai, tiibintlolaq! Ümniika wanshawe laüta, naishiq ma tsii chongke ma juwa? Tiibintlolaq, naishiq khaki arwa: riimakla naishiq raq ümniika arwenai nam ma naolaq mihaihiihai.” Tsangshiq raq Lot ka asiim nü na thubaiqto. Raüta kilü ka lin wan lai nguta thu wanto. 10Shatmaq jam mong wa maiqwenai raq tsangnai jaq maq, Lot ka jam mong na hitjoq hit wanto. Raüta kilü ka shaqbaiqto. 11Raüta tsangnai raq kinphai wa maiqwere kong tlotli mak ka tiichuk baiqto. Krai mren tsangshiq raq kilü ka hum mak she riito.
Lot Ka Sodom Chela Wa Wawanto
12Kra wenai raq Lot ma nguto, “Ümniima ara chela na maiq asi jiila, ümsetiim maiqwe sere, jechaksere, ümchaiwetiim, riimakla ta-nyang seno asi jiila, tsangshiq ka wiita arwa tiijintlo ronglaq. 13Jamkhano ngukla naishiq raq ara chela ara atiithen she mirbaiq hai. Tatiwe raq archelati khuthaq bihea kha nyantlaq kra taito she. Kiimaq nainai ka Sodom chela tiithen baiqkai tiikito.”
14Kiijiishe Lot ka achai wenai ma jawan chang ase nai kra lamti phana kito. Raüta akha nguto, “Jaqlo kotsi tiido ronglaq. Lanta ara chela arwa tiijintlo ronglaq. Tatiwe raq ara hiq ara atiithen she mirbaiq.” Shatmaq tsangshiq raq apaiq ka atiitsa bomtlo ngutli tiimato.
15Anap ranap chu maq rawii khang niishe rase nai raq Lot ka jaqlo tiibintlo laq nguta thaüto. “Jaqlo kotsi! Ümjamti nyung nai ümsenai jechak senai kra jaqlo sheahotlolaq. Namchiim jintlo ronglaq. Ara chela tiithenbaiqtlaq na namshiq miisaq ka tiimiq man chang miitu.” 16Shatmaq Lot ka anang nam riito. Li jiimin Tatiwe raq apaiq ma mangchan tiitsito. Kra ningkhan maiqwe nai raq apaiq, tsang-nyung, kiimaq ase jechaksenai kra tsangshiq jaq ma kamshat maq chela phai niishe sheahoto. 17Raütiishe rase ashi raq thaüto, “Namchiim jintlo ronglaq! Jai nü na naqlii rongkiq. Kiimaq ara hiq thung tan na naq khing rongkiq. Kin thun kiina jutlo ronglaq. Kra haütiq namshiq khum ka mitiichhiilot han.”
18Shatmaq Lot raq treto, “Riimak, shiilangwe lei, klo na wiqwiq ka naq ngukiq. 19Ümniiraq ngi miitu jonghea khrum kuqlan. Laüta itsitsü ka tiiwong kuq laü. Shatmaq kin thun ka aluwiq na. Thenjen wantlaq akhing raq ngi ka a mitong wan. Ngi ka kiina misaü shaq niili atsai chang miraq. 20Ümniiraq inna kra chela aranse asi kra chhitlaü shea? Kriika aje niili kata. Ngi ka kiijiili wapha. Ümniiriimin achhi haü kriika maiqhiq aranse kata, kiijaq ngi ka tiikhup wong shat miraq.”
21Kiijiishe apaiq raq treto, “Ahea ikhiila. Jam raamak. Ngi raq kra chela ka tiithenbaiq mang. 22Jaqlo! jutlolaq! Ümniika kiijaq misaü haü shaq wiiwii, ngi raq jamlai min klo lot mang.”
Lot raq kra chela ka aranse nguta nguto. Kra ningkhan chela ka Joar nguta mangto.
Sodom Nai Gommora Chela Tiithenbaiqto
23Rashedong akhing niishe Lot ka Joar chela na saüto. 24Tiihanghiiq miilishe Tatiwe raq ra maq kan waniitu henghea kra rajun ikha Sodom nai Gommora chela ka tiibok chaq wanto. 25Raüta kra chela wiinai kiimaq kra hiq thung tan ka wiita tiithen baiqto. Kiijaq siti maiqse angu nai phanrap hiqraikhü na chamtlaq phan ka tiisiirai tiithen baiqto. 26Shatmaq Lot ta-nyung riika ajai nü na liito. Kra ningkhan apaiq ka shum longkham chong ma tiijabaiqto.
27Anap ranap na ranap chu maq Abraham ka Tatiwe rai apaiq chaptaq hiq ba kiina taülaü khiq wawanto. 28Raüta apaiq raq Sodom nai Gommora chela nai kra hiq thung tan tlotli ka nü na liito. Kiimaq hiq thung tan hamli na watum jonghea mong wa adong wan ikha wakhuk mongwa kra chhito. 29Shatmaq ümtiikiiwa Shiikeawe raq Lot shongchang hiq thung tan wa chela wiinai kra tiithen baiqtaq akhing na, apaiq raq Abraham ka atsan na thüshat riito. Kra ningkhan Lot ka akhum tiichhii wan hiq ahin na tiijubaiqto.
Mobnok Nai Ammonaiq Dongchang Rangchong
30Lot ka Joar hiq na sima ahaisi she riito. Kra ningkhan apaiq ka ase nai jechakse nai kra shea raüta kin thun kiiniishe wawanto. Raüta longsha niishe shong wato. 31Anyi-nyungti raq ano nyung ma nguto, “Nawe ka tikiishe kiiwanto. Kiimaq nanai raq nasetiim humli chang nanai lamti maiq ka mangjong hiq na ahü she. 32Wara, nawe ma che tiinyang laita che ma tiiphe i. Laita nanai ka apaiq rai hainga i. Laita nawe lümaq nasetiim ka hum wan i.” 33Kra rawa tsangnai raq apaiq ma che ka tiinyangto. Raüta nyikhu nyung ka apaiq rai haingato. Shatmaq apaiq ka chephe makaiq kha maq jam min sap mak riito.
34Kriimaq naiqjai niishe anyi-nyung raq ano-nyung ma nguto, “Ngi ka ümwa rawa apaiq rai konkang. Riita ümchaü min, apaiq ka che tiinyang laita che ma tiiphe nong i. Laita ümniika apaiq rai konlaq. Kra riihaitiq nanai wiita raq maiqwese no ka nawe lümaq mihum i.” 35Krai mren kra rawa apaiq ma che tiinyang raüta che ma tiipheto. Raüta ano-nyung ka apaiq rai haingato. Kra rawa kiimin apaiq ka chephe mabaiq riito. Krai mren apaiq ka jam min sap mak riito. 36Akha raüta Lot se nai jechakse nai ka tsangwe lümaq wiihan she riito. 37Anyi-nyung raq ase ka maiqwe se humto. Raüta apaiq raq ase ka Mob nguta mangto. Apaiq ka ümchaü pat wa Moabnok phan kriima kaüwati riito. 38Kiimaq ano-nyung riimin ase ka maiqwe se humto. Raüta apaiq raq ase ka Benammi nguta mangto. Apaiq ka ümchaü pat wa Ammonnok phan kriima kaüwati riito.
လက်ရှိရွေးချယ်ထားမှု
RAPHA HIQWA LAK 19: TANGSBSI
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ
Tangsa Naga Bible - ASII LAKDAP
Copyright © 2015 by The Bible Society of India
Used by permission. All rights reserved worldwide.
RAPHA HIQWA LAK 19
19
Sodom Chelati Ngaraibu
1Riita kra raji rasenai ka Sodom chela na saüto. Kiitiikaq Lot ka chela kilamchong na ngaraü lohoto. Apaiq raq tsangnai ka achhi ri li, tiidopot tsangnai rai riihumkito. Raüta apaiq ka tsangnai khaki na kusaq raüta manto tiichhito. 2Raüta akha nguto, “Shiilang wenai lei, ngi ka namnai shiikumpanti. Mangchan lanta ijam na düwa rongkiq. Lanta namnai hok ka heronglaq kiimaq ümchaü rawa ka ajapli ronglaq. Anap ranap chu maq tiido lanta namnai ka wa wan ronglaq.”
Shatmaq tsangnai raq treto, “Wamai, nainai ka ara chela tsingblai arjiili rawa ka mijap hai.”
3Shatmaq apaiq raq tsangnai ma kai tiipaiqneato. Krai mren tsangnai ka Lot rai apaiq jam na wawanto. Raüta Lot raq ajaqshi setiim ka winsii lumronglaq nguta thaüto kiimaq wanwenai miitu phaqsea ka aheawiq kloto. Ümtiikiiwa kra tiijelottaq, tsangnai raq phaq siqto.
4Wanwenai ka chang na mikon shaq na, Sodom chelati maiqwere kong raq jam ka komwanto. Chelati maiqwere thun wiita, nosere thun kiimaq nyungwere thun raq komwanto. 5Raüta tsangshiq raq Lot ka hea raüta akha waito, “Koi, wanwenai ümchaü rawa ümjam na jap wan wataq ira ümbano? Tsangnai ka naishiq ma kiinong kuqlaq!” Sodom chelati maiqwere raq tsangnai rai hainga miitu ritto.
6Kiijiishe Lot ka kinphai na dongkito. Raüta kilü ka ajai na shaqsaq shaq baiqto. 7Raüta apaiq raq tsangshiq ma akha nguto, “Kongtitiim lei, ngi raq namshiq ma tiipaiqnea tiikang. Atinkhan abi ka naq klo rongkiq! 8Liironglaq. Isenai junsang senai asi. Ngi raq tsangnai ka namshiq ma sheakuq wa pha. Namshiq raq jamlai klo rowa, tsangnai miili klo ronglaq. Shatmaq ara wanwenai armiika jam min naq klo rongkiq. Tsangnai ka iwanwenai ijam mong na. Ngi raq tsangnai ka tiiwongke raa dongdii.”
9Shatmaq tsangshiq raq nguto, “Jamlaijiq ngukai, tiibintlolaq! Ümniika wanshawe laüta, naishiq ma tsii chongke ma juwa? Tiibintlolaq, naishiq khaki arwa: riimakla naishiq raq ümniika arwenai nam ma naolaq mihaihiihai.” Tsangshiq raq Lot ka asiim nü na thubaiqto. Raüta kilü ka lin wan lai nguta thu wanto. 10Shatmaq jam mong wa maiqwenai raq tsangnai jaq maq, Lot ka jam mong na hitjoq hit wanto. Raüta kilü ka shaqbaiqto. 11Raüta tsangnai raq kinphai wa maiqwere kong tlotli mak ka tiichuk baiqto. Krai mren tsangshiq raq kilü ka hum mak she riito.
Lot Ka Sodom Chela Wa Wawanto
12Kra wenai raq Lot ma nguto, “Ümniima ara chela na maiq asi jiila, ümsetiim maiqwe sere, jechaksere, ümchaiwetiim, riimakla ta-nyang seno asi jiila, tsangshiq ka wiita arwa tiijintlo ronglaq. 13Jamkhano ngukla naishiq raq ara chela ara atiithen she mirbaiq hai. Tatiwe raq archelati khuthaq bihea kha nyantlaq kra taito she. Kiimaq nainai ka Sodom chela tiithen baiqkai tiikito.”
14Kiijiishe Lot ka achai wenai ma jawan chang ase nai kra lamti phana kito. Raüta akha nguto, “Jaqlo kotsi tiido ronglaq. Lanta ara chela arwa tiijintlo ronglaq. Tatiwe raq ara hiq ara atiithen she mirbaiq.” Shatmaq tsangshiq raq apaiq ka atiitsa bomtlo ngutli tiimato.
15Anap ranap chu maq rawii khang niishe rase nai raq Lot ka jaqlo tiibintlo laq nguta thaüto. “Jaqlo kotsi! Ümjamti nyung nai ümsenai jechak senai kra jaqlo sheahotlolaq. Namchiim jintlo ronglaq. Ara chela tiithenbaiqtlaq na namshiq miisaq ka tiimiq man chang miitu.” 16Shatmaq Lot ka anang nam riito. Li jiimin Tatiwe raq apaiq ma mangchan tiitsito. Kra ningkhan maiqwe nai raq apaiq, tsang-nyung, kiimaq ase jechaksenai kra tsangshiq jaq ma kamshat maq chela phai niishe sheahoto. 17Raütiishe rase ashi raq thaüto, “Namchiim jintlo ronglaq! Jai nü na naqlii rongkiq. Kiimaq ara hiq thung tan na naq khing rongkiq. Kin thun kiina jutlo ronglaq. Kra haütiq namshiq khum ka mitiichhiilot han.”
18Shatmaq Lot raq treto, “Riimak, shiilangwe lei, klo na wiqwiq ka naq ngukiq. 19Ümniiraq ngi miitu jonghea khrum kuqlan. Laüta itsitsü ka tiiwong kuq laü. Shatmaq kin thun ka aluwiq na. Thenjen wantlaq akhing raq ngi ka a mitong wan. Ngi ka kiina misaü shaq niili atsai chang miraq. 20Ümniiraq inna kra chela aranse asi kra chhitlaü shea? Kriika aje niili kata. Ngi ka kiijiili wapha. Ümniiriimin achhi haü kriika maiqhiq aranse kata, kiijaq ngi ka tiikhup wong shat miraq.”
21Kiijiishe apaiq raq treto, “Ahea ikhiila. Jam raamak. Ngi raq kra chela ka tiithenbaiq mang. 22Jaqlo! jutlolaq! Ümniika kiijaq misaü haü shaq wiiwii, ngi raq jamlai min klo lot mang.”
Lot raq kra chela ka aranse nguta nguto. Kra ningkhan chela ka Joar nguta mangto.
Sodom Nai Gommora Chela Tiithenbaiqto
23Rashedong akhing niishe Lot ka Joar chela na saüto. 24Tiihanghiiq miilishe Tatiwe raq ra maq kan waniitu henghea kra rajun ikha Sodom nai Gommora chela ka tiibok chaq wanto. 25Raüta kra chela wiinai kiimaq kra hiq thung tan ka wiita tiithen baiqto. Kiijaq siti maiqse angu nai phanrap hiqraikhü na chamtlaq phan ka tiisiirai tiithen baiqto. 26Shatmaq Lot ta-nyung riika ajai nü na liito. Kra ningkhan apaiq ka shum longkham chong ma tiijabaiqto.
27Anap ranap na ranap chu maq Abraham ka Tatiwe rai apaiq chaptaq hiq ba kiina taülaü khiq wawanto. 28Raüta apaiq raq Sodom nai Gommora chela nai kra hiq thung tan tlotli ka nü na liito. Kiimaq hiq thung tan hamli na watum jonghea mong wa adong wan ikha wakhuk mongwa kra chhito. 29Shatmaq ümtiikiiwa Shiikeawe raq Lot shongchang hiq thung tan wa chela wiinai kra tiithen baiqtaq akhing na, apaiq raq Abraham ka atsan na thüshat riito. Kra ningkhan Lot ka akhum tiichhii wan hiq ahin na tiijubaiqto.
Mobnok Nai Ammonaiq Dongchang Rangchong
30Lot ka Joar hiq na sima ahaisi she riito. Kra ningkhan apaiq ka ase nai jechakse nai kra shea raüta kin thun kiiniishe wawanto. Raüta longsha niishe shong wato. 31Anyi-nyungti raq ano nyung ma nguto, “Nawe ka tikiishe kiiwanto. Kiimaq nanai raq nasetiim humli chang nanai lamti maiq ka mangjong hiq na ahü she. 32Wara, nawe ma che tiinyang laita che ma tiiphe i. Laita nanai ka apaiq rai hainga i. Laita nawe lümaq nasetiim ka hum wan i.” 33Kra rawa tsangnai raq apaiq ma che ka tiinyangto. Raüta nyikhu nyung ka apaiq rai haingato. Shatmaq apaiq ka chephe makaiq kha maq jam min sap mak riito.
34Kriimaq naiqjai niishe anyi-nyung raq ano-nyung ma nguto, “Ngi ka ümwa rawa apaiq rai konkang. Riita ümchaü min, apaiq ka che tiinyang laita che ma tiiphe nong i. Laita ümniika apaiq rai konlaq. Kra riihaitiq nanai wiita raq maiqwese no ka nawe lümaq mihum i.” 35Krai mren kra rawa apaiq ma che tiinyang raüta che ma tiipheto. Raüta ano-nyung ka apaiq rai haingato. Kra rawa kiimin apaiq ka chephe mabaiq riito. Krai mren apaiq ka jam min sap mak riito. 36Akha raüta Lot se nai jechakse nai ka tsangwe lümaq wiihan she riito. 37Anyi-nyung raq ase ka maiqwe se humto. Raüta apaiq raq ase ka Mob nguta mangto. Apaiq ka ümchaü pat wa Moabnok phan kriima kaüwati riito. 38Kiimaq ano-nyung riimin ase ka maiqwe se humto. Raüta apaiq raq ase ka Benammi nguta mangto. Apaiq ka ümchaü pat wa Ammonnok phan kriima kaüwati riito.
လက်ရှိရွေးချယ်ထားမှု
:
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ
Tangsa Naga Bible - ASII LAKDAP
Copyright © 2015 by The Bible Society of India
Used by permission. All rights reserved worldwide.