RAPHA HIQWA LAK 25
25
Abraham Setiim Ahinti
(1 Ka 1.32-33)
1Abraham raq achak nyungshi hali lamto. Apaiq mang ka Ketura. 2Kriinyung tsangnai setiim ka Jimran, Jokshan, Medan, Midian, Ishbak, kiimaq Shua riito. 3Jokshan senai ka Sheba nai Dedan riito. Kiimaq Dedan setiim ka Ashurimnok, kiimaq Letushimnok, kiimaq Leumminnok riito. 4Midian setiim ka Epha, Ephar, Hanokh, Abida, kiimaq Eldaa. Arthun arka Ketura lai ala phan riito.
5Abraham raq apaiq tachong hupsam thun ka wiita Isak ma siisaq kuqto. 6Shatmaq apaiq atra siji na, tsang-nyungtiim ahinti setiim miika kongphiq pheakuqto. Raüta ara asetiim thun ka Shedong mung na, ase Isak phawa luhea na tiiki baiqto.
Abraham Tsaito Kiimaq Amaa Ka Lapto
7-8Abraham ka arawii shishi ri wiiroq miishi ri wiibiingi niishetiq, tikii kiikaiq niitiq tsaito. 9Asenai Isak nai Ishmael raq apaiq maa ka Makhpela longsha na lapto. Kra longsha ka Mamre hiq maq shedong nü na, man niika Johar se Ephron Hitaiq phan hiq riito. 10Kra hiq phu ka Abraham raq Hitainok hiq ari riito. Tsangnai wiita Abraham nai tsang-nyung Sara maa ka kiijaq lapto. 11Abraham tsai jai niishe Shiikeawe raq ase Isak ka shiimanto. Apaiq ka, “Ngi Chhiti Atra Sitiwe Khappong,” tho na sito.
Ishmael Saüsetiim
(1 Ka 1.28-31)
12Ishmael ka Abraham se, Sara dinyung Hagar lümaq ahum. Apaiq ka Ejip mungti. 13Ishmael setiim ka arthun ara riito. Arka tsangshiq rawiichhi chhikhu chhijai kra phan phan waiqto: Nebaioth, Kedar, Adbeel, Mibsam, 14Mishma, Duma, Massa, 15Hadad, Tema, Jetur, Naphish, kiimaq Kedema riito. 16Tsangshiq ka maiq phan phan roq shi ri phan nai puwantaq kriima atitiim riito. Kiimaq tsangshiq hiqshong mang thun ka tsangshiq mang kra phan phan mangto. Kiimaq tsangshiq shong chang piitiip thun kiimin kiikhiisii mangto. 17Ishmael ka arawii wiishishi ri wiiroqtsam ri wiimiishi niishe tsaito. 18Ishmael lai ala phan ka Hawila nai Shur wang hea wea liipan wang na, Ejip mung maq shedong nü nü na, Asiria mung na walam wang na shongto. Tsangshiq ka Abraham saüse phan maiq phan ahinti rai pong ba na trai raüta shongto.
Esau Nai Jakob Rawiichhi
19Ahata Abraham se Isak manphan. 20Isak rawii ka wiiroqblai she angu niitiq apaiq raq Rebeka ka lamto. Rebeka ka Bethuel se (apaiq ka Mesapotamia mungwa Aramean phan) kiimaq apaiq ka Laban shea nyung. 21Rebeka ka sehü kha maq, Isak raq apaiq miitu Tatiwe jaq wa achu jaüto. Kiimaq Tatiwe raq apaiq achu jaü ka treto. Kiimaq Rebeka ka wiihan she riito. 22Ahan na no ka anai riito. Kiimaq no wiinai ka rawii michhi shaq akhing na anyung wok mong maq riithu riiliiq phetrangto. Kiimaq apaiq raq nguto, “Ngi ma ara jamkho phelakita?” Kra ningkhan na apaiq ka Tatiwe ma waikai kihoto.
23 Tatiwe raq apaiq ma chongto,
“Ümwok na maiq mung anai sitlo;
Ümniiraq ümse nai anai mihum haü,
tsangnai ka riilong riiliiq mung anai miraq.
Mungshiti ka mungshiti thaq na
ningkun aheng lin miraq;
Aphuwe raq anowe ka mishiili.”
24Apaiq ma nodo akhing she saüto. Kiimaq apaiq raq ase ka achhop maiqwe se nai doto. 25Aphutiwe sham ka shiicham cham riito. Kiimaq ahan ka kheabin samtong kaü asam ikha abin pahea riito. Kra ningkhan no ka Esau nguta mangto. 26Kra jai wa no ka Esau hokphi ka phataqtaq khon raüta dongkito. Kra ningkhan apaiq mang ka Jakob nguta mangto. Ara ase nai rawiichhi akhing na Isak ka wiiroqtrok maiq she riito.
Esau Raq Apaiq Chhikhuwe Arang Ka Shaphaqto
27Kra no wiinai ka chhanchhi wanto. Kiimaq Esau ka ngamti srea jawanto. Apaiq ma rumkhum sea ka peo hea. Shatmaq Jakob ka kaiqshak shak jam ngati riito. 28Isak riika Esau apa lung wiito. Jamkhano ngukla Esau raq rum wa ngam lam wan tlaq kra phaq lung wiito. Shatmaq Rebeka riika Jakob apa lung wiito.
29Ranaiq shi Jakob ka cherongtsi wea shaütai lumrea riito. Kiimaq Esau ka rum wa ngam rit rü maq saü wato. Apaiq ka ramtsi hea riito. 30Kiimaq apaiq raq Jakob ma nguto, “Ngi ramtsi raq pit wan kang. Kra shiiroro lumtlaü kiiwa ngi ma phanshi kuqlaq.” (Kra ningkhan apaiq ka Edom nguta mangto.)
31Kiijiishe Jakob raq treto, “Ümniiraq ngi ma ümnaq chhikhuwe arang kra ngi ma kuq haüla mikuq kang.”
32Kiijiishe Esau raq nguto, “Ahea jam raamak. Lam holaq! Ngi ram raq haü wan kang ngupha khoti. Chhikhuwe arang kra holata ngi ma jamlai liip wa midong?”
33Kiijiishe Jakob raq treto, “Apha na ümnaq chhikhuwe arang ka ngi midea mikuqha nguta sinkhamlaq.”
Kiimaq Esau raq sinkham kuqto. Raüta apaiq chhikhuwe arang ka Jakob ma kuqto. 34Kiijiishe Jakob raq apaiq ma winsii wiijam kiimaq wea shaü tai wiijam kuqto. Apaiq raq kra phaq siqto. Raüta apaiq ka kiiwa tiido hoto. Raüta kihoto. Esau raq apaiq chhikhuwe arang ka akha hiqtili ikhli shipoqto.
လက်ရှိရွေးချယ်ထားမှု
RAPHA HIQWA LAK 25: TANGSBSI
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ
Tangsa Naga Bible - ASII LAKDAP
Copyright © 2015 by The Bible Society of India
Used by permission. All rights reserved worldwide.
RAPHA HIQWA LAK 25
25
Abraham Setiim Ahinti
(1 Ka 1.32-33)
1Abraham raq achak nyungshi hali lamto. Apaiq mang ka Ketura. 2Kriinyung tsangnai setiim ka Jimran, Jokshan, Medan, Midian, Ishbak, kiimaq Shua riito. 3Jokshan senai ka Sheba nai Dedan riito. Kiimaq Dedan setiim ka Ashurimnok, kiimaq Letushimnok, kiimaq Leumminnok riito. 4Midian setiim ka Epha, Ephar, Hanokh, Abida, kiimaq Eldaa. Arthun arka Ketura lai ala phan riito.
5Abraham raq apaiq tachong hupsam thun ka wiita Isak ma siisaq kuqto. 6Shatmaq apaiq atra siji na, tsang-nyungtiim ahinti setiim miika kongphiq pheakuqto. Raüta ara asetiim thun ka Shedong mung na, ase Isak phawa luhea na tiiki baiqto.
Abraham Tsaito Kiimaq Amaa Ka Lapto
7-8Abraham ka arawii shishi ri wiiroq miishi ri wiibiingi niishetiq, tikii kiikaiq niitiq tsaito. 9Asenai Isak nai Ishmael raq apaiq maa ka Makhpela longsha na lapto. Kra longsha ka Mamre hiq maq shedong nü na, man niika Johar se Ephron Hitaiq phan hiq riito. 10Kra hiq phu ka Abraham raq Hitainok hiq ari riito. Tsangnai wiita Abraham nai tsang-nyung Sara maa ka kiijaq lapto. 11Abraham tsai jai niishe Shiikeawe raq ase Isak ka shiimanto. Apaiq ka, “Ngi Chhiti Atra Sitiwe Khappong,” tho na sito.
Ishmael Saüsetiim
(1 Ka 1.28-31)
12Ishmael ka Abraham se, Sara dinyung Hagar lümaq ahum. Apaiq ka Ejip mungti. 13Ishmael setiim ka arthun ara riito. Arka tsangshiq rawiichhi chhikhu chhijai kra phan phan waiqto: Nebaioth, Kedar, Adbeel, Mibsam, 14Mishma, Duma, Massa, 15Hadad, Tema, Jetur, Naphish, kiimaq Kedema riito. 16Tsangshiq ka maiq phan phan roq shi ri phan nai puwantaq kriima atitiim riito. Kiimaq tsangshiq hiqshong mang thun ka tsangshiq mang kra phan phan mangto. Kiimaq tsangshiq shong chang piitiip thun kiimin kiikhiisii mangto. 17Ishmael ka arawii wiishishi ri wiiroqtsam ri wiimiishi niishe tsaito. 18Ishmael lai ala phan ka Hawila nai Shur wang hea wea liipan wang na, Ejip mung maq shedong nü nü na, Asiria mung na walam wang na shongto. Tsangshiq ka Abraham saüse phan maiq phan ahinti rai pong ba na trai raüta shongto.
Esau Nai Jakob Rawiichhi
19Ahata Abraham se Isak manphan. 20Isak rawii ka wiiroqblai she angu niitiq apaiq raq Rebeka ka lamto. Rebeka ka Bethuel se (apaiq ka Mesapotamia mungwa Aramean phan) kiimaq apaiq ka Laban shea nyung. 21Rebeka ka sehü kha maq, Isak raq apaiq miitu Tatiwe jaq wa achu jaüto. Kiimaq Tatiwe raq apaiq achu jaü ka treto. Kiimaq Rebeka ka wiihan she riito. 22Ahan na no ka anai riito. Kiimaq no wiinai ka rawii michhi shaq akhing na anyung wok mong maq riithu riiliiq phetrangto. Kiimaq apaiq raq nguto, “Ngi ma ara jamkho phelakita?” Kra ningkhan na apaiq ka Tatiwe ma waikai kihoto.
23 Tatiwe raq apaiq ma chongto,
“Ümwok na maiq mung anai sitlo;
Ümniiraq ümse nai anai mihum haü,
tsangnai ka riilong riiliiq mung anai miraq.
Mungshiti ka mungshiti thaq na
ningkun aheng lin miraq;
Aphuwe raq anowe ka mishiili.”
24Apaiq ma nodo akhing she saüto. Kiimaq apaiq raq ase ka achhop maiqwe se nai doto. 25Aphutiwe sham ka shiicham cham riito. Kiimaq ahan ka kheabin samtong kaü asam ikha abin pahea riito. Kra ningkhan no ka Esau nguta mangto. 26Kra jai wa no ka Esau hokphi ka phataqtaq khon raüta dongkito. Kra ningkhan apaiq mang ka Jakob nguta mangto. Ara ase nai rawiichhi akhing na Isak ka wiiroqtrok maiq she riito.
Esau Raq Apaiq Chhikhuwe Arang Ka Shaphaqto
27Kra no wiinai ka chhanchhi wanto. Kiimaq Esau ka ngamti srea jawanto. Apaiq ma rumkhum sea ka peo hea. Shatmaq Jakob ka kaiqshak shak jam ngati riito. 28Isak riika Esau apa lung wiito. Jamkhano ngukla Esau raq rum wa ngam lam wan tlaq kra phaq lung wiito. Shatmaq Rebeka riika Jakob apa lung wiito.
29Ranaiq shi Jakob ka cherongtsi wea shaütai lumrea riito. Kiimaq Esau ka rum wa ngam rit rü maq saü wato. Apaiq ka ramtsi hea riito. 30Kiimaq apaiq raq Jakob ma nguto, “Ngi ramtsi raq pit wan kang. Kra shiiroro lumtlaü kiiwa ngi ma phanshi kuqlaq.” (Kra ningkhan apaiq ka Edom nguta mangto.)
31Kiijiishe Jakob raq treto, “Ümniiraq ngi ma ümnaq chhikhuwe arang kra ngi ma kuq haüla mikuq kang.”
32Kiijiishe Esau raq nguto, “Ahea jam raamak. Lam holaq! Ngi ram raq haü wan kang ngupha khoti. Chhikhuwe arang kra holata ngi ma jamlai liip wa midong?”
33Kiijiishe Jakob raq treto, “Apha na ümnaq chhikhuwe arang ka ngi midea mikuqha nguta sinkhamlaq.”
Kiimaq Esau raq sinkham kuqto. Raüta apaiq chhikhuwe arang ka Jakob ma kuqto. 34Kiijiishe Jakob raq apaiq ma winsii wiijam kiimaq wea shaü tai wiijam kuqto. Apaiq raq kra phaq siqto. Raüta apaiq ka kiiwa tiido hoto. Raüta kihoto. Esau raq apaiq chhikhuwe arang ka akha hiqtili ikhli shipoqto.
လက်ရှိရွေးချယ်ထားမှု
:
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ
Tangsa Naga Bible - ASII LAKDAP
Copyright © 2015 by The Bible Society of India
Used by permission. All rights reserved worldwide.