RAPHA HIQWA LAK 9
9
Shiikeawe Raq Nowaq Rai Tongshongto
1Shiikeawe raq Nowaq nai asetiim ka shiimanto. Raüta akha nguto, “Ümsetiim ka pahea mipulaq. Raüta ümlai ümla thun raq mangjong hiq ka hamli misilaq. 2Nyamse phan tlotli raq, wushi thun raq, kiimaq ngiq thun raq ümniima haisong raüta misilaq. Tsangshiq tlotli ka ümwokhong na siisaq athü wishe. 3Ümchaü ümniiraq tsangshiq thun ka phaqsea mimai. Kiimaq ajaq awai pechong thun kiimin phaq sea mimai. Ngi raq kriithun ka wiita ümniiraq phaq sea miitu kuq kang she. 4Shatmaq ümniiraq ngam ka wiitiijai tam maq phaq maimak. Ngi raq ara tiiwin tiikang arka tsitsü ka tiijai na sitlo kriikha maq tiiwin tiikang. 5Jurwa maiq miisaq tantlaq, kriiti raq mo miho. Ngi raq maiqse miisaq tiithumti nyamse ka apaiq miisaq ka tanlata mo mitoha. 6Maiqse ka Shiikeawe ikha phansangto. Kriikha maq jurwa maiqse miisaq tantlaq, kriiti miisaq kiimin akongtibi maiq raq mitan wan.
7“Ümsetiim ka pahea puchi wan ratlo. Krai mren ümlai ümla phan ka hiqraikhü ka hamli misi wanlaq.”
8Shiikeawe raq Nowaq nai asetiim ma akha nguto, 9“Ümchaü Ngi raq ümniirai kiimaq ümsetiim rai tongshong tiikang. 10Kiimaq atra phan tlotli rai- wushi phan tlotli rai kiimaq nyamse phan tlotli rai-ümniirai lai mong wa ümchuwa dong hotaq kriiti thun rai. 11Ara bomtsi armaq, Ngi raq ümniirai itongshong tiikang: Ngi raq kiqkham kuq tiikang, ümtiikii jiimin rathup jüjang raq atra phan ka tlotli tiithen baiq mak she miraq. Ümtiikii jiimin rathup jüjang raüta mangjong hiq ka tiithen baiq mak she miraq. 12Ara ümniirai kiimaq atra phan tlotli rai pattup pat-sa miitu tongshong wan tiikang saqse miithii ka 13Ngi raq ra na phumda mong na iliq ashi thü tiikang. Arka Ngi raq mangjong hiq rai itongshong tiikang kra saqse miraq. 14Ngi raq ümtiikiiwa ra ka phumda maq pang tiikang kiimaq maitsai ka dongtlaq, 15raüla Ngi raq ümniima kiimaq atra phan nyamse tlotli ma, rathup jüjang raq atra phan tlotli ka ümtiikiimin tiithen baiq mak nguta ikiqkham kuq kang kra itsan na mitiitsangha. 16Ümtiikiiwa maitsai ka ra na phum phong mong na dongtlaq, Ngi raq kra michhiha; kiimaq Ngi raq ümniirai kiimaq mangjong hiqraikhü na siti atra phan nyamse rai pattup pat-sa miitu i tongshong kang kra tsan na tiitsang wan lili mirha. 17Ngi raq atra phan tlotli rai kiqkham miithii shong tiikang ka ara maitsai dongtlaq kra miraq.”
Nowaq Nai Asetiim
18Nowaq setiim lai mong maq adongki thun ka arthun ara, Shem, Ham, kiimaq Japheth. (Ham ka Kanan ma awe.) 19Ara Nowaq setiim wetsam ahata mangjong hiq na maiq phan ümchuwa sitlaq kriima kaüwatitiim.
20Nowaq ka waksham seati riito. Apaiq ka apha shaq shaq spiqro chhiseatiwe. 21Apaiq raq spiqtai ka wiijam nyangto. Raüta pherai raito. Raüta adüwa khea ka chhut baiqto. Raüta atombutiip na kheahü ma bumkito. 22Riita Ham, Kananwe raq awe kheahü ma kra chhito, raüta apaiq ka kinphai na kihoto raüta aphu nai ano ma chongkito. 23Kiijiishe Shem nai Japheth raq samtong jong kaü ashi kra lam raüta, tsangnai jaq maq jainong nü na sham raüta tsang nai phaqlam na tiida raq raq maq wato. Raüta tsangnai ka jai tiinong nü na khum wan raüta awe tombutiip na nyap wato. Raüta awe ka kheatong kaü kriimaq pangto. Kiimaq awe khahü ma kra chhijiiq nguta tsangnai maklii ka kinphai nü na liishat lam miili awe ma khea ka tiisam kuqto. 24Riita Nowaq ka chephe wa asang kaijai she, ase nobungwe raq apaiq ma jamlai wa riitaq kra tho she heto. 25Kiimaq apaiq raq akha nguto,
Kanan khuthaq na manson misilaq!
Apaiq ka aphu anotiim di ma mijalaq.
26Shem Tati Shiikeawe ma tiitsamlaq!
Kanan ka Shem dise ma mija.
27Shiikeawe raq Japheth kiidea mitiipuchilaq!
Apaiq lai ala phan ka Shem lai ala phan rai mishong nga wan laq!
Kanan ka Japheth di ma mija.
28Rathup jüjang jai maq Nowaq ka rawii 350 hali sithü nongto. 29Raüta apaiq ka arawii 950 angu niishe tsaito.
လက်ရှိရွေးချယ်ထားမှု
RAPHA HIQWA LAK 9: TANGSBSI
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ
Tangsa Naga Bible - ASII LAKDAP
Copyright © 2015 by The Bible Society of India
Used by permission. All rights reserved worldwide.
RAPHA HIQWA LAK 9
9
Shiikeawe Raq Nowaq Rai Tongshongto
1Shiikeawe raq Nowaq nai asetiim ka shiimanto. Raüta akha nguto, “Ümsetiim ka pahea mipulaq. Raüta ümlai ümla thun raq mangjong hiq ka hamli misilaq. 2Nyamse phan tlotli raq, wushi thun raq, kiimaq ngiq thun raq ümniima haisong raüta misilaq. Tsangshiq tlotli ka ümwokhong na siisaq athü wishe. 3Ümchaü ümniiraq tsangshiq thun ka phaqsea mimai. Kiimaq ajaq awai pechong thun kiimin phaq sea mimai. Ngi raq kriithun ka wiita ümniiraq phaq sea miitu kuq kang she. 4Shatmaq ümniiraq ngam ka wiitiijai tam maq phaq maimak. Ngi raq ara tiiwin tiikang arka tsitsü ka tiijai na sitlo kriikha maq tiiwin tiikang. 5Jurwa maiq miisaq tantlaq, kriiti raq mo miho. Ngi raq maiqse miisaq tiithumti nyamse ka apaiq miisaq ka tanlata mo mitoha. 6Maiqse ka Shiikeawe ikha phansangto. Kriikha maq jurwa maiqse miisaq tantlaq, kriiti miisaq kiimin akongtibi maiq raq mitan wan.
7“Ümsetiim ka pahea puchi wan ratlo. Krai mren ümlai ümla phan ka hiqraikhü ka hamli misi wanlaq.”
8Shiikeawe raq Nowaq nai asetiim ma akha nguto, 9“Ümchaü Ngi raq ümniirai kiimaq ümsetiim rai tongshong tiikang. 10Kiimaq atra phan tlotli rai- wushi phan tlotli rai kiimaq nyamse phan tlotli rai-ümniirai lai mong wa ümchuwa dong hotaq kriiti thun rai. 11Ara bomtsi armaq, Ngi raq ümniirai itongshong tiikang: Ngi raq kiqkham kuq tiikang, ümtiikii jiimin rathup jüjang raq atra phan ka tlotli tiithen baiq mak she miraq. Ümtiikii jiimin rathup jüjang raüta mangjong hiq ka tiithen baiq mak she miraq. 12Ara ümniirai kiimaq atra phan tlotli rai pattup pat-sa miitu tongshong wan tiikang saqse miithii ka 13Ngi raq ra na phumda mong na iliq ashi thü tiikang. Arka Ngi raq mangjong hiq rai itongshong tiikang kra saqse miraq. 14Ngi raq ümtiikiiwa ra ka phumda maq pang tiikang kiimaq maitsai ka dongtlaq, 15raüla Ngi raq ümniima kiimaq atra phan nyamse tlotli ma, rathup jüjang raq atra phan tlotli ka ümtiikiimin tiithen baiq mak nguta ikiqkham kuq kang kra itsan na mitiitsangha. 16Ümtiikiiwa maitsai ka ra na phum phong mong na dongtlaq, Ngi raq kra michhiha; kiimaq Ngi raq ümniirai kiimaq mangjong hiqraikhü na siti atra phan nyamse rai pattup pat-sa miitu i tongshong kang kra tsan na tiitsang wan lili mirha. 17Ngi raq atra phan tlotli rai kiqkham miithii shong tiikang ka ara maitsai dongtlaq kra miraq.”
Nowaq Nai Asetiim
18Nowaq setiim lai mong maq adongki thun ka arthun ara, Shem, Ham, kiimaq Japheth. (Ham ka Kanan ma awe.) 19Ara Nowaq setiim wetsam ahata mangjong hiq na maiq phan ümchuwa sitlaq kriima kaüwatitiim.
20Nowaq ka waksham seati riito. Apaiq ka apha shaq shaq spiqro chhiseatiwe. 21Apaiq raq spiqtai ka wiijam nyangto. Raüta pherai raito. Raüta adüwa khea ka chhut baiqto. Raüta atombutiip na kheahü ma bumkito. 22Riita Ham, Kananwe raq awe kheahü ma kra chhito, raüta apaiq ka kinphai na kihoto raüta aphu nai ano ma chongkito. 23Kiijiishe Shem nai Japheth raq samtong jong kaü ashi kra lam raüta, tsangnai jaq maq jainong nü na sham raüta tsang nai phaqlam na tiida raq raq maq wato. Raüta tsangnai ka jai tiinong nü na khum wan raüta awe tombutiip na nyap wato. Raüta awe ka kheatong kaü kriimaq pangto. Kiimaq awe khahü ma kra chhijiiq nguta tsangnai maklii ka kinphai nü na liishat lam miili awe ma khea ka tiisam kuqto. 24Riita Nowaq ka chephe wa asang kaijai she, ase nobungwe raq apaiq ma jamlai wa riitaq kra tho she heto. 25Kiimaq apaiq raq akha nguto,
Kanan khuthaq na manson misilaq!
Apaiq ka aphu anotiim di ma mijalaq.
26Shem Tati Shiikeawe ma tiitsamlaq!
Kanan ka Shem dise ma mija.
27Shiikeawe raq Japheth kiidea mitiipuchilaq!
Apaiq lai ala phan ka Shem lai ala phan rai mishong nga wan laq!
Kanan ka Japheth di ma mija.
28Rathup jüjang jai maq Nowaq ka rawii 350 hali sithü nongto. 29Raüta apaiq ka arawii 950 angu niishe tsaito.
လက်ရှိရွေးချယ်ထားမှု
:
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ
Tangsa Naga Bible - ASII LAKDAP
Copyright © 2015 by The Bible Society of India
Used by permission. All rights reserved worldwide.