1 Mose Nnianimu

Nnianimu

Gyenesis asekyerɛ ne ahyɛaseɛ. Ɛno na na ɛbuebue ewiase atetesɛm ahyɛaseɛ no mu. Ɛma yɛhunu nnipa abakɔsɛm mu. Ɛma yɛhunu abusua abɔseɛ mu. Saa ara na ɛboa ma yɛn ɛkankorɔ wɔ yɛn nkwagyeɛ mu. Ɛyɛ Onyankopɔn botaeɛ anaa ne nhyehyɛeɛ a ɔfaa so de adebɔ baeɛ. Ɛda Onyankopɔn su adi sɛ Ɔyɛfoɔ, Ɔboafoɔ, Ɔteneneeni, Ɔtɛmmufoɔ ne Ɔgyefoɔ. Ɛda onipa mudie ne animuonyam a Onyankopɔn de bɔɔ no no nso adi.

Wɔakyɛ Gyenesis nwoma no mu mmienu:

Ɔfa a ɛdi ɛkan yɛ ti a ɛdi ɛkan kɔsi ti dubaako a ɛkasa fa sɛdeɛ wɔbɔɔ ewiase ne adasamma firi Adam so kɔsi Babel Abantenten ho abakɔsɛm.

Ɔfa a ɛtɔ so mmienu yɛ ti dumienu kɔsi ti aduonum a ɛkasa fa tete Israelfoɔ ho; ɛfiri Abraham, Isak, Yakob ne ne mmammarima dumienu no kɔsi sɛdeɛ ɛnam Yosef so ma wɔkɔtenaa Misraim asase so ho.

Emu Nsɛm

Adebɔ Ho Asɛm (1.1–2.3)

Adam Ho Asɛm (2.4–5.32)

Noa Ho Asɛm (6.1–11.32)

Abraham Ho Asɛm (12.1–25.18)

Isak Ho Asɛm (25.19–28.9)

Yakob Ho Asɛm (28.10–36.43)

Yosef Ho Asɛm (37.1–50.26)

လက်ရှိရွေးချယ်ထားမှု

1 Mose Nnianimu: ASNA

အရောင်မှတ်ချက်

မျှဝေရန်

ကူးယူ

မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ

Asante Twi Nkwa Asɛm™

Biblica, Inc. nko ara na wɔma ɛkwan ma wɔde Owurayɛ Tumi no di dwuma wɔ wiase afanan nyinaa.

Asante Twi Contemporary Bible™

Asante Twi Nkwa Asɛm အကြောင်းကို ပို၍ သင်ယူပါ။