Lûk 23
23
Yesò a mbì Pȩlèt
(Mat 27:1-2, 11-14; Mk 15:1-5; Jn 18:28-38)
1Bòt bu bàgème e lɔ̀Ꞌ a si nɨ a Yesò nɨŋ ngà a mbì Pȩlèt. 2Mbɨ̀Ꞌɨ̀ bɔ kɨꞋɨ tê ndzə a mbì tò la, bɔ bùꞋ me zì mènəè àtsəa Yesò shua nê, “Ba baãaã a mbê waa ndùta bòt ba shua nê, bɔ̀ ka ŋà èkab taksì abua Sisà, mè shua nê ye wu wòt wu Mbɔ̧ɔ̧mà yɔꞋ ntsà taa wu Fɔ̧̀ la.”
3Pȩlèt bììte a Yesò nê, “À wu Fɔ̧̀ Bèjuê?”
Tà bɨ̀ɨ̀lè nê, “Wuê mbɨ̀Ꞌɨ̀ à shu la.”
4Pȩlèt shu abua bètǎt bèntsìà mèpɨ̧̀ Mbɔ̧ɔ̧mà bu nè ènɔ̧̂ bòt bu abot la nê, “E bakà ye àghɨa tà ghɨ̀ tê è wu àyea bɔ̀ɔ bùŋe atò la.”
5Ka bòt bu e me ŋwèèlè wuê ŋwèèle shua nê, “Tàà ndùta bòt nyɨ̀Ꞌta a èbem àlaꞋ a Jùdià àgème, e lɔ̀Ꞌɔ a Galìlî e kɨꞋɨ̀ tê wu adzìꞋ yaa.”
Yesò a mbì Elɔ̀d
6Mbɨ̀Ꞌɨ̀ Pȩlèt zə ànəê yaa la, tà bììte awɔb nê, “Mbê waa wu wòt Galìlî?” 7Mbɨ̀Ꞌɨ̀ tà zə nê Yesò dzəa àbâ àlaꞋ yu Elɔ̀d wu Fɔ̧̀ abot la, tà tsaa atò abua Elɔ̀d, na Elɔ̀d lè wu àzi àfɨꞋa mbɔŋ a Jèlusalèm la.
8Mbɨ̀Ꞌɨ̀ Elɔ̀d ye Yesò la, ànəa ngaa a taꞋa bɔ̌ atò, nkàà nê, tà li ndzaŋe wua nkɨ̀ eye atò, nkàà nê tà li ngua ndzəèa mènəè tò. Tà li ngua nkɨ eye ndɨ Yesò nàa ghɨ̌ àghɨa nɨ̧ àko enɨ nyɨꞋte mètàŋ Mbɔ̧ɔ̧mà la. 9Ale, tà bììte a Yesò mènəè, ka Yesò kà kwe. 10Bètǎt bèntsìà mèpɨ̧̀ Mbɔ̧ɔ̧mà bɔ̂ bènyɨꞋtà mbɨ̧te Musì e taꞋa zì mènəè àtsəa Yesò. 11Elɔ̀d bɔ̂ bèshujà bi e wȩ̀ȩ̀tè a Yesò, mbɔ̂ mè ntàꞋa eghɨ̧̀ɨ̧̀ne atò. Mbɔ̂ ndzì taꞋà èmǎ̧ èkab a mbɨ̧̀ tò, ka mbɔ̂ mè ntsaa atò abua Pȩlèt. 12E bùꞋu ane àlia mbɔŋ, Elɔ̀d bɔ̂ Pȩlèt e tsiꞋi bèshu̧, na bɔ li ndzaã ngu bɔmbù̧ la.
Bɔ nê bɔ̀ bùŋe a Yesò
(Mat 27:15-26; Mk 15:6-15; Jn 18:39-19:16)
13Bɔ vəèə a Yesò ale, Pȩlèt tɔ bètǎt bèntsìà mèpɨ̧̀ Mbɔ̧ɔ̧mà nè bɔɔjuŋ Bèjuê, nè bòt àlaꞋ, 14shu abua yɔb nê, “Bɨ lɔ̀Ꞌ nɨ a mbê waa nɨŋ nkɨ̀Ꞌɨ̂ abua am nê, tàà ntsòkà ètsə bòt àlaꞋ, ka nè àfɨ̀Ꞌ yaa, mâ lɨ̀ŋke atò a kètsìà wɨ̧ tè ndze nê tà bakà paate mbɨ̧ ane mbɨ̧ tu bɨ shua nê tà pààtè la. 15Elɔ̀d mɨ̧̂ ye nê tà bakà paate mbɨ̧ kǒ, ndɨ̀ wu tà ghɨ̀ ale mè ntsaa atò abua ya la. Ale, àghɨa ko mbê waa ghɨ̀ tê è tsiꞋi àyea bɔ̀ɔ bùŋe atò la a ntsě. 16Maa ghɨ̌ bɔɔ shu̧u̧ atò, ebɔ sa atò taa me ghǎ.” 17[Pȩlèt nàà ndàꞋà ale ngu nê tà ko nê nàa ngɨ̀ è wu àlia èpǎ̧ Màntsea a ègwet àgème, a me nyɨꞋte nê yè tsɔꞋɔ wòt tèfȩ wemɔ̀Ꞌ sàŋ mbɨ̀Ꞌɨ̀ àlaꞋ a shu la.]
18Ènɔ̧̂ bòt bu ègème e me ŋȩa shua nê, “Bɨ̀ bùŋe a Yesò, sa a Bàlabasì abua ya.” 19Bàlabasì li me wu a tèfȩ ale, ngu ndɨ ngoꞋ li ndzəè a àpfəèà nɨ̧ yu tà mè bùŋe wòt la.
20Pȩlèt me kɨ esǎ a Yesò, ale tà mè ndàꞋ abua ènɔ̧̂ bòt bu, 21bɔ paà ŋȩ nê “Bɨ̀ wu̧u̧te atò, bɨ̀ wu̧u̧te atò a mbɨ̧̀ Mbasa.”
22Pȩlèt mè mbììte awɔb è wu ngò̧ tetat la nê, “Tà ghɨ̀ ka ànəa kàbɔ̀ŋ à? E mbakà ye a kàbɔ̀ŋ kǒ tà ghɨ̀ tê bɔɔ bùŋe atò la. Maa ghɨ̌ bɔɔ shu̧u̧ atò, ebɔ sǎ atò.”
23Ka bɔ paà ŋȩ nê “Bɨ̀ wu̧u̧te atò a mbɨ̧̀ Mbasa.” Bɔ me ŋȩ tê tà bɨ̧̀ɨ̧̀nê àghɨa bɔ kɨa la. 24Ale, Pȩlèt nê bɔ̀ ghɨ̀ nê tò mbɨ̀Ꞌɨ̀ bɔ kɨà la. 25Tà tsɔꞋɔ wòt wu bɔ li ntsaa atò a tèfȩ ambo ndèm nè ndɨ bɔ bùŋe wòt la sàŋ, mbɔ̂ ŋǎ a Yesò abua yɔb nê bɔ̀ ghɨ̀ ne tò mbɨ̀Ꞌɨ̀ bɔ kɔ̀ŋkè la.
Bɔ wu̧u̧tè a Yesò a mbɨ̧̀ mbasa
(Mat 27:32-44; Mk 15:21-32; Jn 19:17-27)
26Mbɨ̀Ꞌɨ̀ bɔ lɔꞋɔ nɨa tò me ghà la, bɔ ye wòt Silenè kǒ èlen tò wu Simùn la alu̧ tà dzəa àbâ àlaꞋ a ko me kɨꞋɨ àpfəèà nɨ̧ la, mbà̧à̧ atò tà ŋèꞋe mbasa Yesò me kùŋe atò. 27Mbɨ̀Ꞌɨ̀ bɔ̀ɔ ngà la, ènɔ̧̂ bòt e me kùŋe atò. Bèzi ko e li ngu ayɔɔ yɔb ŋȩ̀a ndɨ̀à ambo tò. 28Yesò ghèble avi shu abua yɔb nê, “Bèzi Jèlusalèm, bɨ̀ ka tsi ndɨ̀ ambo yaã, bɨ̀ tsiꞋi me dɨ̀ wuê ambo yɨ̧ nè bɔ̧ bɨ̧. 29Aa ale nkàà nê, àlia ko aa nkɨ̀Ꞌa bɔ̀ɔ me shu nê, ‘Ntsɔ̧̀ wu bèzi bu bɔ̀ wu bèyen, kà li tè me bi, bɔ̀ ka li tè me nyɔŋe waã la.’ 30Eyaa wu àfɨꞋa bɔ̀ɔ li shu abua tèbȩtsə nê, ‘Bɨ̀ kabte awa’, mè shu abua tèku̧u̧nè nê, ‘Bɨ̀ fəèəèlè awa’ la. 31Bɔ wu e ghɨ̀ èwuu ànəê yaa ane àyɨt a kefi, ko bɔ̀ɔ li e ghɨ̀ na ane àyɨt ayuube à?”
32Bɔ li nɨ̌ bòt mènəè kàbɔ̀ŋ ko babe, e ghǎ ebùŋè àwɔb bɔ̂ tò ba nɔ̂. 33Bɔ kɨꞋɨ tê bɔ̀ dzə adzìꞋ yu bɔ̀ɔ ntɔ̀ nê, “Àghele àtsə” la, bɔ wu̧u̧te a Yesò a mbɨ̧̀ mbasa nè bòt mènəè kàbɔ̀ŋ bu, wemɔ̀Ꞌ àbâ àbualu̧ nè wekǒ àbâ àbuantoŋ atò. 34Yesò nê, “Tê, waꞋa kàbɔ̀ŋ wɔb, nkàà nê bɔ bakà ko àghɨa bɔ ghɨ̀à la.” Bɔ màꞋà èbìt enɨ ghàbte ndìte tò.
35Ènɔ̧̂ bòt e tɨ̧ɨ̧ me ye, bɔɔjuŋ Bèjuê e me wȩ̀ȩ̀te atò shuà nê, “Tà li ngɨ̀ bòt ko e pem, tà tɨŋe avi zìambɔŋ àfɨ̀Ꞌ yaa mɨ̧̂, na tà wu Fɔ̧̀ wu Mbɔ̧ɔ̧mà yɔꞋ ntsà la.”
36Bèshujà bu e me wȩ̀ȩ̀te atò mɨ̧̂, nɨ èwuu mèlùꞋ kǒ nàa nkȩ̀ta la ŋǎ abua tò. 37Mbɔ̂ shu abua tò nê, “À wu Fɔ̧̀ Bèjuê à tɨ̀ŋe awê àwɔ̀ mbɔŋ.”
38Bɔ ghɨ̀ ale, è shɨ èngà̧ ngù̧ù̧te àtsə atò a mbɨ̧̀ àyɨt nê, “Eyaa wu Fɔ̧̀ Bèjuê.”
39Wòt kǒ ane bòt mènəè kàbɔ̀ŋ bu bɔ wu̧u̧te awɔb mɨ̧̂ la, tsɔ̧̀ a Yesò nê, “À ntsě Fɔ̧̀ wu Mbɔ̧ɔ̧mà yɔꞋ ntsà la à? Tɨŋe awê, mè ntɨ̀ŋe awa.”
40Wekǒ ŋȩtè wanyɨ vi nê, “Àa kà bɔɔ Mbɔ̧ɔ̧mà à? Bɔ tsàà àwa ba tò ba ane èvə lemɔꞋ. 41È me wu awa ko ba wua ndzèa ngoꞋ ane ànəa ba ghɨ̀ la, ka mbê waa bakà ghɨ ànəa kàbɔ̀ŋ àko.”
42Tà nê, “Yesò, aa li à kɨꞋɨ a èbem kèfɔ̧̀ wê, à kù̧ù̧te am.”
43Yesò shu abua tò nê, “KwàꞋ ane nkûŋ tsiꞋ è shu awê nê, laane waa aa wu ba nè a palàdȩê.” #23:43 ÀdziꞋa bòt Mbɔ̧ɔ̧mà àa mpfəèa ngà la.
Èvə Yesò
(Mat 27:45-56; Mk 15:33-41; Jn 19:28-30)
44È me wu a mbɔŋe a kètsìà nèngû̧ ndzěm kwene a èbem àlaꞋ a mbɔŋ àgème, ngà ndzə ane nyèm tetat. 45ÀfɨꞋa mbɔŋ ndǐ yu bɔ nɨŋ ntsòŋâ ngàbtè lob nɨ̧ Mbɔ̧ɔ̧mà la, saãaãnà èbà bebe. 46Yesò ŋȩ ane àtɔŋ nɨ̧ nê, “Tê, ye àlɨ̀ŋkè am àyaa àbu ayê mâ zì la.” Tà shu ale, mbê mpfə.
47Tǎt bèshujà wu tà wu abot la ye àghɨa a ghɨ̀ la, ŋà mèngùꞋte abua Mbɔ̧ɔ̧mà shu nê, “KwàꞋ ane nkûŋ, mbê waa li tà kà ghɨ̂ ànəa kàbɔ̀ŋ.” 48Bòt bu bɔ ghɨ̂ mbù̧ù̧tè abot la, e ye àghɨa a ghɨ̀ la, ntsiꞋi chuŋke ètsə bɔb a si nkwà̧à̧te èbu bɔb ngwènè àpfəè. 49Bòt bàgème bɔ̀ le ko a Yesò la eghǎ dzəâ ane bèzi bu bɔ̀ le lɔ̂Ꞌ a Galìlî nkùŋè atò la, e tɨ̧ɨ̧te a endɨ̌, me ye àghɨa ngɨ̀à la.
Bɔ tu a Yesò
(Mat 27:57-61; Mk 15:42-47; Jn 19:38-42)
50-51Wòt kǒ li ngu èlen tò wu Jòsêb, tà dzəa àpfəèa Bèjuê yu bɔ̀ɔ ntɔ̀ nê Àlimàtià la. Tà li ngu wòt lob èsaꞋa mè ngu wòt ntsɔ̧̀, mènəè tò è tɨ̧ɨ̧ ndɨŋndɨ̀ŋ la. Tà li ngua nchɨ̀Ꞌà kèfɔ̧̀ Mbɔ̧ɔ̧mà nàa kɨꞋɨ. Tà li mbàte ngu wòt kǒ ane bòt saꞋa bu ale, ka tà kà bɨ̧̀ɨ̧̀nè ànəa bɔ li ngɨ̀ la. 52Tà li ngà abua Pȩlèt nê tà ŋa àpfəꞋte a Yesò abua zi. 53Ale, tà shùke àpfəꞋte yu, ndèbte a èbem ndǐ kèfə, mbɔ̂ ngà ndzi a èbem èsî ko bɔ̀ le tu a èbem èwu kà bɔ li mè zǐ wòt a èbem la. 54Àlia mbɔŋ li ngu àli yu bɔ̀ɔ ntàŋkâ ètsəꞋ aa tsi naa wu àliapfəèa Bèjuê la.
55Bèzi bu bɔ ghɨ̂ ndzə a Galìlî nkùŋè a Yesò nkɨ̀Ꞌɨ̂ la, e ghà bɔ̂ Jòsêb ba ndze èsî lu nè ndɨ tà zìà àpfəꞋte a Yesò a èbèm la. 56Ale, bɔ gha àpfəè, ntàŋke èghɨ bɔ̀ɔ nɨ kɨꞋɨ eyɔꞋɔ àpfəꞋta tò la.
Àliapfəèa yɔb yu a kɨꞋɨ̀, bɔ yètè mbɨ̀Ꞌɨ̀ mbɨ̧te Musì te nyɨꞋte la.
လက်ရှိရွေးချယ်ထားမှု
Lûk 23: mnf
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ
© 2006, Cameroon Association for Bible Translation and Literacy
Lûk 23
23
Yesò a mbì Pȩlèt
(Mat 27:1-2, 11-14; Mk 15:1-5; Jn 18:28-38)
1Bòt bu bàgème e lɔ̀Ꞌ a si nɨ a Yesò nɨŋ ngà a mbì Pȩlèt. 2Mbɨ̀Ꞌɨ̀ bɔ kɨꞋɨ tê ndzə a mbì tò la, bɔ bùꞋ me zì mènəè àtsəa Yesò shua nê, “Ba baãaã a mbê waa ndùta bòt ba shua nê, bɔ̀ ka ŋà èkab taksì abua Sisà, mè shua nê ye wu wòt wu Mbɔ̧ɔ̧mà yɔꞋ ntsà taa wu Fɔ̧̀ la.”
3Pȩlèt bììte a Yesò nê, “À wu Fɔ̧̀ Bèjuê?”
Tà bɨ̀ɨ̀lè nê, “Wuê mbɨ̀Ꞌɨ̀ à shu la.”
4Pȩlèt shu abua bètǎt bèntsìà mèpɨ̧̀ Mbɔ̧ɔ̧mà bu nè ènɔ̧̂ bòt bu abot la nê, “E bakà ye àghɨa tà ghɨ̀ tê è wu àyea bɔ̀ɔ bùŋe atò la.”
5Ka bòt bu e me ŋwèèlè wuê ŋwèèle shua nê, “Tàà ndùta bòt nyɨ̀Ꞌta a èbem àlaꞋ a Jùdià àgème, e lɔ̀Ꞌɔ a Galìlî e kɨꞋɨ̀ tê wu adzìꞋ yaa.”
Yesò a mbì Elɔ̀d
6Mbɨ̀Ꞌɨ̀ Pȩlèt zə ànəê yaa la, tà bììte awɔb nê, “Mbê waa wu wòt Galìlî?” 7Mbɨ̀Ꞌɨ̀ tà zə nê Yesò dzəa àbâ àlaꞋ yu Elɔ̀d wu Fɔ̧̀ abot la, tà tsaa atò abua Elɔ̀d, na Elɔ̀d lè wu àzi àfɨꞋa mbɔŋ a Jèlusalèm la.
8Mbɨ̀Ꞌɨ̀ Elɔ̀d ye Yesò la, ànəa ngaa a taꞋa bɔ̌ atò, nkàà nê, tà li ndzaŋe wua nkɨ̀ eye atò, nkàà nê tà li ngua ndzəèa mènəè tò. Tà li ngua nkɨ eye ndɨ Yesò nàa ghɨ̌ àghɨa nɨ̧ àko enɨ nyɨꞋte mètàŋ Mbɔ̧ɔ̧mà la. 9Ale, tà bììte a Yesò mènəè, ka Yesò kà kwe. 10Bètǎt bèntsìà mèpɨ̧̀ Mbɔ̧ɔ̧mà bɔ̂ bènyɨꞋtà mbɨ̧te Musì e taꞋa zì mènəè àtsəa Yesò. 11Elɔ̀d bɔ̂ bèshujà bi e wȩ̀ȩ̀tè a Yesò, mbɔ̂ mè ntàꞋa eghɨ̧̀ɨ̧̀ne atò. Mbɔ̂ ndzì taꞋà èmǎ̧ èkab a mbɨ̧̀ tò, ka mbɔ̂ mè ntsaa atò abua Pȩlèt. 12E bùꞋu ane àlia mbɔŋ, Elɔ̀d bɔ̂ Pȩlèt e tsiꞋi bèshu̧, na bɔ li ndzaã ngu bɔmbù̧ la.
Bɔ nê bɔ̀ bùŋe a Yesò
(Mat 27:15-26; Mk 15:6-15; Jn 18:39-19:16)
13Bɔ vəèə a Yesò ale, Pȩlèt tɔ bètǎt bèntsìà mèpɨ̧̀ Mbɔ̧ɔ̧mà nè bɔɔjuŋ Bèjuê, nè bòt àlaꞋ, 14shu abua yɔb nê, “Bɨ lɔ̀Ꞌ nɨ a mbê waa nɨŋ nkɨ̀Ꞌɨ̂ abua am nê, tàà ntsòkà ètsə bòt àlaꞋ, ka nè àfɨ̀Ꞌ yaa, mâ lɨ̀ŋke atò a kètsìà wɨ̧ tè ndze nê tà bakà paate mbɨ̧ ane mbɨ̧ tu bɨ shua nê tà pààtè la. 15Elɔ̀d mɨ̧̂ ye nê tà bakà paate mbɨ̧ kǒ, ndɨ̀ wu tà ghɨ̀ ale mè ntsaa atò abua ya la. Ale, àghɨa ko mbê waa ghɨ̀ tê è tsiꞋi àyea bɔ̀ɔ bùŋe atò la a ntsě. 16Maa ghɨ̌ bɔɔ shu̧u̧ atò, ebɔ sa atò taa me ghǎ.” 17[Pȩlèt nàà ndàꞋà ale ngu nê tà ko nê nàa ngɨ̀ è wu àlia èpǎ̧ Màntsea a ègwet àgème, a me nyɨꞋte nê yè tsɔꞋɔ wòt tèfȩ wemɔ̀Ꞌ sàŋ mbɨ̀Ꞌɨ̀ àlaꞋ a shu la.]
18Ènɔ̧̂ bòt bu ègème e me ŋȩa shua nê, “Bɨ̀ bùŋe a Yesò, sa a Bàlabasì abua ya.” 19Bàlabasì li me wu a tèfȩ ale, ngu ndɨ ngoꞋ li ndzəè a àpfəèà nɨ̧ yu tà mè bùŋe wòt la.
20Pȩlèt me kɨ esǎ a Yesò, ale tà mè ndàꞋ abua ènɔ̧̂ bòt bu, 21bɔ paà ŋȩ nê “Bɨ̀ wu̧u̧te atò, bɨ̀ wu̧u̧te atò a mbɨ̧̀ Mbasa.”
22Pȩlèt mè mbììte awɔb è wu ngò̧ tetat la nê, “Tà ghɨ̀ ka ànəa kàbɔ̀ŋ à? E mbakà ye a kàbɔ̀ŋ kǒ tà ghɨ̀ tê bɔɔ bùŋe atò la. Maa ghɨ̌ bɔɔ shu̧u̧ atò, ebɔ sǎ atò.”
23Ka bɔ paà ŋȩ nê “Bɨ̀ wu̧u̧te atò a mbɨ̧̀ Mbasa.” Bɔ me ŋȩ tê tà bɨ̧̀ɨ̧̀nê àghɨa bɔ kɨa la. 24Ale, Pȩlèt nê bɔ̀ ghɨ̀ nê tò mbɨ̀Ꞌɨ̀ bɔ kɨà la. 25Tà tsɔꞋɔ wòt wu bɔ li ntsaa atò a tèfȩ ambo ndèm nè ndɨ bɔ bùŋe wòt la sàŋ, mbɔ̂ ŋǎ a Yesò abua yɔb nê bɔ̀ ghɨ̀ ne tò mbɨ̀Ꞌɨ̀ bɔ kɔ̀ŋkè la.
Bɔ wu̧u̧tè a Yesò a mbɨ̧̀ mbasa
(Mat 27:32-44; Mk 15:21-32; Jn 19:17-27)
26Mbɨ̀Ꞌɨ̀ bɔ lɔꞋɔ nɨa tò me ghà la, bɔ ye wòt Silenè kǒ èlen tò wu Simùn la alu̧ tà dzəa àbâ àlaꞋ a ko me kɨꞋɨ àpfəèà nɨ̧ la, mbà̧à̧ atò tà ŋèꞋe mbasa Yesò me kùŋe atò. 27Mbɨ̀Ꞌɨ̀ bɔ̀ɔ ngà la, ènɔ̧̂ bòt e me kùŋe atò. Bèzi ko e li ngu ayɔɔ yɔb ŋȩ̀a ndɨ̀à ambo tò. 28Yesò ghèble avi shu abua yɔb nê, “Bèzi Jèlusalèm, bɨ̀ ka tsi ndɨ̀ ambo yaã, bɨ̀ tsiꞋi me dɨ̀ wuê ambo yɨ̧ nè bɔ̧ bɨ̧. 29Aa ale nkàà nê, àlia ko aa nkɨ̀Ꞌa bɔ̀ɔ me shu nê, ‘Ntsɔ̧̀ wu bèzi bu bɔ̀ wu bèyen, kà li tè me bi, bɔ̀ ka li tè me nyɔŋe waã la.’ 30Eyaa wu àfɨꞋa bɔ̀ɔ li shu abua tèbȩtsə nê, ‘Bɨ̀ kabte awa’, mè shu abua tèku̧u̧nè nê, ‘Bɨ̀ fəèəèlè awa’ la. 31Bɔ wu e ghɨ̀ èwuu ànəê yaa ane àyɨt a kefi, ko bɔ̀ɔ li e ghɨ̀ na ane àyɨt ayuube à?”
32Bɔ li nɨ̌ bòt mènəè kàbɔ̀ŋ ko babe, e ghǎ ebùŋè àwɔb bɔ̂ tò ba nɔ̂. 33Bɔ kɨꞋɨ tê bɔ̀ dzə adzìꞋ yu bɔ̀ɔ ntɔ̀ nê, “Àghele àtsə” la, bɔ wu̧u̧te a Yesò a mbɨ̧̀ mbasa nè bòt mènəè kàbɔ̀ŋ bu, wemɔ̀Ꞌ àbâ àbualu̧ nè wekǒ àbâ àbuantoŋ atò. 34Yesò nê, “Tê, waꞋa kàbɔ̀ŋ wɔb, nkàà nê bɔ bakà ko àghɨa bɔ ghɨ̀à la.” Bɔ màꞋà èbìt enɨ ghàbte ndìte tò.
35Ènɔ̧̂ bòt e tɨ̧ɨ̧ me ye, bɔɔjuŋ Bèjuê e me wȩ̀ȩ̀te atò shuà nê, “Tà li ngɨ̀ bòt ko e pem, tà tɨŋe avi zìambɔŋ àfɨ̀Ꞌ yaa mɨ̧̂, na tà wu Fɔ̧̀ wu Mbɔ̧ɔ̧mà yɔꞋ ntsà la.”
36Bèshujà bu e me wȩ̀ȩ̀te atò mɨ̧̂, nɨ èwuu mèlùꞋ kǒ nàa nkȩ̀ta la ŋǎ abua tò. 37Mbɔ̂ shu abua tò nê, “À wu Fɔ̧̀ Bèjuê à tɨ̀ŋe awê àwɔ̀ mbɔŋ.”
38Bɔ ghɨ̀ ale, è shɨ èngà̧ ngù̧ù̧te àtsə atò a mbɨ̧̀ àyɨt nê, “Eyaa wu Fɔ̧̀ Bèjuê.”
39Wòt kǒ ane bòt mènəè kàbɔ̀ŋ bu bɔ wu̧u̧te awɔb mɨ̧̂ la, tsɔ̧̀ a Yesò nê, “À ntsě Fɔ̧̀ wu Mbɔ̧ɔ̧mà yɔꞋ ntsà la à? Tɨŋe awê, mè ntɨ̀ŋe awa.”
40Wekǒ ŋȩtè wanyɨ vi nê, “Àa kà bɔɔ Mbɔ̧ɔ̧mà à? Bɔ tsàà àwa ba tò ba ane èvə lemɔꞋ. 41È me wu awa ko ba wua ndzèa ngoꞋ ane ànəa ba ghɨ̀ la, ka mbê waa bakà ghɨ ànəa kàbɔ̀ŋ àko.”
42Tà nê, “Yesò, aa li à kɨꞋɨ a èbem kèfɔ̧̀ wê, à kù̧ù̧te am.”
43Yesò shu abua tò nê, “KwàꞋ ane nkûŋ tsiꞋ è shu awê nê, laane waa aa wu ba nè a palàdȩê.” #23:43 ÀdziꞋa bòt Mbɔ̧ɔ̧mà àa mpfəèa ngà la.
Èvə Yesò
(Mat 27:45-56; Mk 15:33-41; Jn 19:28-30)
44È me wu a mbɔŋe a kètsìà nèngû̧ ndzěm kwene a èbem àlaꞋ a mbɔŋ àgème, ngà ndzə ane nyèm tetat. 45ÀfɨꞋa mbɔŋ ndǐ yu bɔ nɨŋ ntsòŋâ ngàbtè lob nɨ̧ Mbɔ̧ɔ̧mà la, saãaãnà èbà bebe. 46Yesò ŋȩ ane àtɔŋ nɨ̧ nê, “Tê, ye àlɨ̀ŋkè am àyaa àbu ayê mâ zì la.” Tà shu ale, mbê mpfə.
47Tǎt bèshujà wu tà wu abot la ye àghɨa a ghɨ̀ la, ŋà mèngùꞋte abua Mbɔ̧ɔ̧mà shu nê, “KwàꞋ ane nkûŋ, mbê waa li tà kà ghɨ̂ ànəa kàbɔ̀ŋ.” 48Bòt bu bɔ ghɨ̂ mbù̧ù̧tè abot la, e ye àghɨa a ghɨ̀ la, ntsiꞋi chuŋke ètsə bɔb a si nkwà̧à̧te èbu bɔb ngwènè àpfəè. 49Bòt bàgème bɔ̀ le ko a Yesò la eghǎ dzəâ ane bèzi bu bɔ̀ le lɔ̂Ꞌ a Galìlî nkùŋè atò la, e tɨ̧ɨ̧te a endɨ̌, me ye àghɨa ngɨ̀à la.
Bɔ tu a Yesò
(Mat 27:57-61; Mk 15:42-47; Jn 19:38-42)
50-51Wòt kǒ li ngu èlen tò wu Jòsêb, tà dzəa àpfəèa Bèjuê yu bɔ̀ɔ ntɔ̀ nê Àlimàtià la. Tà li ngu wòt lob èsaꞋa mè ngu wòt ntsɔ̧̀, mènəè tò è tɨ̧ɨ̧ ndɨŋndɨ̀ŋ la. Tà li ngua nchɨ̀Ꞌà kèfɔ̧̀ Mbɔ̧ɔ̧mà nàa kɨꞋɨ. Tà li mbàte ngu wòt kǒ ane bòt saꞋa bu ale, ka tà kà bɨ̧̀ɨ̧̀nè ànəa bɔ li ngɨ̀ la. 52Tà li ngà abua Pȩlèt nê tà ŋa àpfəꞋte a Yesò abua zi. 53Ale, tà shùke àpfəꞋte yu, ndèbte a èbem ndǐ kèfə, mbɔ̂ ngà ndzi a èbem èsî ko bɔ̀ le tu a èbem èwu kà bɔ li mè zǐ wòt a èbem la. 54Àlia mbɔŋ li ngu àli yu bɔ̀ɔ ntàŋkâ ètsəꞋ aa tsi naa wu àliapfəèa Bèjuê la.
55Bèzi bu bɔ ghɨ̂ ndzə a Galìlî nkùŋè a Yesò nkɨ̀Ꞌɨ̂ la, e ghà bɔ̂ Jòsêb ba ndze èsî lu nè ndɨ tà zìà àpfəꞋte a Yesò a èbèm la. 56Ale, bɔ gha àpfəè, ntàŋke èghɨ bɔ̀ɔ nɨ kɨꞋɨ eyɔꞋɔ àpfəꞋta tò la.
Àliapfəèa yɔb yu a kɨꞋɨ̀, bɔ yètè mbɨ̀Ꞌɨ̀ mbɨ̧te Musì te nyɨꞋte la.
လက်ရှိရွေးချယ်ထားမှု
:
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ
© 2006, Cameroon Association for Bible Translation and Literacy