Lûk 8
8
Bèzi bu bɔ li ngua nkùŋà a Yesò la
1Àfɨ̀Ꞌ a li ntsèke tè me wu, Yesò me ghȩ̀ȩ̀na ntsea a èpfəè nɨ̧ nè èbe techɨɨle ntsɔ̀tà Ntu̧ Ntsɔ̧̀ Kèfɔ̧̀ Mbɔ̧ɔ̧mà. Bɔkatè tò bu ntsɔ̀b babe la e wu bɔ̂ tò ba nɔ̂, 2fɔ̀ɔ̀le nè bèzi ko Yesò lè fə fote kàbɔ̀ŋ ane yɔb, mè mbəè èghɔ̧ bɔb tsa la. Àvi kǒ ane bèzi mbɔŋ li ngu Màlià wu bɔ̀ɔ ntɔ atò nê Màdàlin la, e wu Yesò lè fə fote kàbɔ̀ŋ tesà̧à̧mbe tè le wua ŋǎ tò ngoꞋ la. 3Wekǒ nè àvi wu Jòanà wu è wuê vi Chuzà la. Chuzà waa li ngu wantu̧ kèkweelè a ntɔꞋ Fɔ̧̀ Elɔ̀d. Wekǒ wu Sùsanà bɔ̂ bèzi ko nyaŋ. Bèzi bàa e li ngua nɨ̀a èghɨ bɔ bɔ̂ la nɨa ntɨ̀ŋa Yesò bɔ̂ bɔkatè bi.
Èngà̧teme ane wòt màsa èsaãaãme
(Mat 13:1-9; Mk 4:1-9)
4Bɔbȩ e me dzəâ a èpfəè èpfəè nkɨ̀Ꞌa abua Yesò. AfɨꞋa bɔ kɨꞋɨ tê ndzaãaã la, tà shu awɔb èngà̧teme wàa nê, 5“Wòt kǒ li ndɔ̀Ꞌ nga esà èsaãaãme vi. Mbɨ̀Ꞌɨ̀ tàa sà la, è weko e kwentè a èbuꞋ èlu̧, bɔbȩ e tsè ntɔ̀Ꞌtè, banɨ̧̀ bu bèa ndèa a ègwet la e wȩȩtè nkwet. 6È weko e kwentè a ègwet èwu, ntsèke tè ntu mbê nju̧, nkàà ndɨ ètsaꞋ è le kaꞋa wua fìa la. 7È weko e kwente a èbem àdzɔ̧, àdzɔ̧ yu a kɔꞋ nè wùà nɨŋ. 8È weko nè èsaãaãme e kwente adù̧ ètsaꞋ ntsɔ̧̀, nkɔꞋ nkɔ̀ɔ̀le tètaã ènkɨ̀ ènkɨ̀.”
Yesò làꞋ ale ndìà nê, “Wòt bɔ ètû̧, tà yute èngà̧ waa.”
Lə mèngà̧teme
(Mat 13:10-17; Mk 4:10-12)
9Bɔkatè Yesò e biite atò lə èngà̧teme wàa. 10Tà shu nê, “Bɔ ŋa wɨ̧ èyì a mànkoa ènəê ndò̧ Kèfɔ̧̀ Mbɔ̧ɔ̧mà, ka è me wu bòt ko, ko bɔɔ̀ ndzəèa mènəè ègème ane mèngà̧teme,
‘Mbɨ̀Ꞌɨ̀ bɔ̀ lâ bɔ̀ lɨŋka, bɔ̀ ka ye,
bɔ̀ yute, bɔ̀ ka zə.’
Yesò shu lə èngà̧teme wòt màsa èsaãaãme wu
(Mat 13:18-23; Mk 4:13-20)
11“Eyaa wu lə èngà̧teme wàa: Èsaãaãme wu, wu èngǎ̧ Mbɔ̧ɔ̧mà. 12Èsaãaãme wu e kwente alu̧ la, wu mbɨ̀Ꞌɨ̀ bòt bu bɔ̀ɔ ngɨ̀ bɔ̀ zə èngǎ̧ Mbɔ̧ɔ̧mà, Satàn wòt kàbɔ̀ŋ kɨ̀Ꞌɨ̂ ntsì wùà a mèntɨ̧ɨ̧ mɔb mbɨ̀Ꞌɨ̀ bɔ bɨ̧ɨ̧nè èngǎ̧ mbɔŋ Mbɔ̧ɔ̧mà ghɨ̀ bɔ pem la. 13Èsaãaãme wu e kwente a ègwet èwu la e wua nyɨ̀Ꞌtà bòt bu bɔ zə èngà̧ wu, mbê mbɨ̧̀ɨ̧̀ne nè mèngùꞋte, ka bɔ kà zi èntɨ̧ɨ̧ wɔb adù̧, è ka tseke ane àfɨ̀Ꞌ à seè la. ÀfɨꞋa ngoꞋ kɨꞋɨ̀, kò bòt e me kɨ àtsəa yɔb enɨ ambo èngà̧ mbɔŋ la leꞋ, bɔ bê ntû̧ wùà. 14Èsaãaãme wu e kwente a èbèm àdzɔ̧ la, e wu mbɨ̀Ꞌɨ̀ bòt bu bɔ zə èngà̧ waa, ka ndɨ̀ wu bɔ̀ɔ ndèbà ènyit yɔb ane èghɨ sitsǎꞋ nè èkɔŋ èghɨ èkab nyaŋ la, èngà̧ wu e ka tsi nyî te e ghɨ̀ àghɨa e wu ghɨ̀ la. 15È me wu èsaãaãme wu e kwente a si ntsɔ̧̀ la, e wu mbɨ̀Ꞌɨ̀ bòt bu bɔ zə èngà̧ wu, mbɨ̧̀ɨ̧̀nê nè èntɨ̧ɨ̧ wɔb wemɔꞋ nkùùla èntɨ̧ɨ̧ wɔb me ghɨ̀ àghɨ àa shua la nɨa ngà nè mbì la.”
ÈkaꞋà a èten èpfəèꞋ
(Mk 4:21-25)
16“Wòt nàà kà tò̧ èkaꞋà nɨ èpfəêꞋ nkàbte, tà kà tsia a èten èku̧. Tàa ngɨ̀ tà tsia a ègwet èkɔꞋ, mbɨ̀Ꞌɨ̀ aa me bàŋe bòt bɔ̀ɔ nyìa a lob la. 17Bɨ̀ ko nê, èghɨ bɨ ghɨ a ndò̧ la aa li dzəâ àbȩ, àyea bɨ kabte la a tùꞋa mpùùla ayaã. 18È wu ale, bɨ̀ me ko awɨ̧ ndɨ bɨ̀a njùtâ èngǎ̧ Mbɔ̧ɔ̧mà la. Nkàà nê bɔɔ kwèꞋne àghɨ wòt bɔ la, ka wòt tà tanda nê ye bɔ àghɨ la bɔɔ paa ka wuê adzìꞋ wu tà bɔ la enɨ.”
Nyɨ̌ Yesò nè bɔnyɨ tò
(Mat 12:46-50; Mk 3:31-35)
19Nyɨ̌ Yesò nè bɔnyɨ tò è li nkɨ̀Ꞌɨ̂ eye atò. Nkɨ̀Ꞌɨ̂ ale, bɔ̀ ka ye èlu̧ ekɨꞋɨ a ngèt tò, nkàà ènɔ̧̂ bòt wu. 20Wòt kǒ shu abua tò nê, “Nyɨ̌ wè nè bɔnyɨ bè bɔ wu àbȩ nkɨ eye awê.”
21Yesò shu abua banɔ̧̀ bu bàgème nê, “Nyɨ̌ am bɔ̂ bɔnyɨ bɔ̧ wu bòt bu bɔ̀ɔ ndzəèa èngǎ̧ Mbɔ̧ɔ̧mà ngɨ̀à àghɨa e shua la.”
Yesò fìi àfeme àkekweelè
(Mat 8:23-27; Mk 4:35-41)
22È lè wu ane àli ako, Yesò nyi a èbem ànkànuꞋ bɔ̂ bɔkatè bi è shu abua yɔb nê, “Bàa ntu̧ èlemè waa ngà aguŋ zìa.” Ale, bɔ bê me ghǎ. 23Bɔ me gha ale kèlɔ ke baãaã Yesò. Àfeme àkekweelè a chu a ègwet èlemè wu tè mèleb bùꞋ me lu̧u̧ne ànkànuꞋ yu, tè bɔ tsiꞋa nkɨ eleme.
24Bɔkatè Yesò bu e ghà ndzò̧ atò shu abua tò nê, “Tê, tê, baa tsiꞋa nga epfə.”
Yesò lɔ̀Ꞌɔ a si ŋȩ àfeme yu bɔ̂ mèleb mu mbèna la, è fi, èdziꞋ wu e yu bɔ̀ɔl. 25Tà bììte awɔb nê, “Èghǎ ghɨ̂ ka bɨ̀ ka zi èntɨ̧ɨ̧ wɨ̧ ane yaã à?”
A taꞋa tsè àwɔb, bɔ bɔ̀ɔ ànyaꞋne, mbùꞋ me làꞋte a kètsìà wɔb nê, “Eyaa chɨɨme ngu wà ka àfeme bɔ̂ mèleb a me zəèa tò à?”
Yesò bəâ wòt kǒ fote kàbɔ̀ŋ tèa ane tò la
(Mat 8:28-34; Mk 5:1-20)
26Bɔ tu̧u̧ èlemè wu nkwene àlaꞋ a bòt Galasìn, è wua àbâ Galìlî àko zìa la. 27Mbɨ̀Ꞌɨ̀ tà dzəè me tɨ̧ɨ̧ aguŋ la, wòt Galasìn kǒ fote kàbɔ̀ŋ tèa ane ŋut la kɨꞋɨ̀ nkwène ane tò. Tà li ntaꞋa tseke ka kwaãaã ndǐ, tà kà wua ntsèka a lob, tà me tseke wuê a ètsəsì. 28Mbɨ̀Ꞌɨ̀ tà ye a Yesò la, tà ŋȩ ane àtɔŋ ànɨ̧, nkwen a si a mbì tò mbììte atò ane àtɔŋ ànɨ̧ nê, “Yesò, Waã Mbɔ̧ɔ̧mà Àtsèàngɔ̀ŋ, à kɨa ghà abua am à? Mâ shu̧u̧te awê nê à ka ngɨ̧̀ɨ̧̀nè am.” 29Tà li me shu ale, ngu ndɨ Yesò li ngua shua abua fo kàbɔ̀ŋ yu nê è sǎ mbê wu la. Fo kàbɔ̀ŋ yu è li è ghɨ̀ è tseke tê è me ŋa atò ngoꞋ, bɔ baãaã atò nkùùle ane fȩtsə ndzì àkɔ̀Ꞌ a èka tò me baabe atò. Ka tà me loote fȩ tu ŋèꞋnà àkɔ̀Ꞌ yu, fote kàbɔ̀ŋ tu te foote atò ntsàà àbâ àlaꞋ àyuube.
30Yesò bììte atò nê, “Èlen lê wu wà à?”
Tà bɨ̀ɨ̀lè nê, “Èlen laã wu ‘Àlaã’ - nkàà nê fote kàbɔ̀ŋ te nyi ane tò nyaŋ.” 31Fote kàbɔ̀ŋ tu te shu̧u̧te a Yesò nê tà ka ntsàà wɔb a èbem èbɨ kà ye ndìa.
32TaꞋà àlaã mèkunyà̧ ko a li ngua njɨ̀a a ngèt abot a mbɨ̧̀ èkù̧ù̧nè. Fote kàbɔ̀ŋ tu te shu̧u̧te a Yesò nê tà tsàà àwɔb ane mèkunyà̧ mu bɔ̀ nyi ane yɔb. Ale, Yesò bɨ̧̀ɨ̧̀ne nê tè dzəè ngà. 33Ale, fote kàbɔ̀ŋ tu te sa tò ngà nyi ane mèkunyà̧ mu, àlaã mèkunyà̧ yu a lùùlà nchu èkù̧ù̧nè lu ndèbte a èbem èlemè wu, nu àtɨ̀ŋ mpfəèꞋtê.
34ÀfɨꞋa bèmbaabà mèkunyà̧ mu e ye àghɨa a ghɨ̀ la, bɔ lùùlà ngà a èbem àpfəèà nɨ̧ yu, nè èpfəè techɨɨle a ngèt ngwȩ̀ȩ̀te ànəê àgème shuê. 35Ale, bòt e dzəè ngà àbȩ eye àghɨa a ghɨ̀ la. Bɔ kɨꞋɨ nkwene ane Yesò, ndzèa mbê wu fote kàbɔ̀ŋ te dzəa ane tò la tà tseke a mbì Yesò la. Bɔ me ye tà kwaã ndǐ ti, èyì tò e kuà, kèbɔɔ ke baãaã wòt ègème. 36Bòt bɔ ye la, e shu awɔb àghɨa a ghɨ̂ ka wòt wu nè fote kàbɔ̀ŋ tu pem la. 37Ale, bòt tèpfəte èlaꞋ Galasìn tègème e shu abua Yesò nê, tà dzə àbâ àlaꞋ a yɔb me ghǎ, ngu ndɨ kèbɔɔ kekweelè ke baãaã awɔb la. Ale, Yesò nyi a èbem ànkànuꞋ yu me ghǎ.
38Mbê wu fote kàbɔ̀ŋ te dzə ane tò la shu̧u̧te a Yesò nê tà ghɨa bɔ̂ tò è ghà nɔ̂. Ka Yesò tu̧, è shu abua tò nê, 39“Wène àpfəèa yɨ̧ shu bòt àghɨa Mbɔ̧ɔ̧mà ghɨ ane yê la.” Ale, tà ghà me ghȩ̀ȩ̀nè èbem àpfəè nɨ̧ yu àgème, shua àghɨa Yesò ghɨ ane zi la.
Yesò bəâ waàvi Jalùs bɔ̂ àvi kǒ ngò̧ò̧nà la
(Mat 9:18-26; Mk 5:21-43)
40AfɨꞋa Yesò wène agua èlemè ako zìà la, ènɔ̧̂ bòt a kɨꞋɨ̀ èsèè atò, ngu ndɨ bòt e wua nchɨ̀Ꞌà atò abot la. 41Wajûŋ kǒ a èbem lob Mbɔ̧ɔ̧mà èlen tò wu Jalùs la, kɨꞋɨ̀ tèmè tènjûŋ ti a si a mbì Yesò shu nê tà kɨꞋɨ a lob zi, 42nkàà nê tà li mbɔ ndàꞋ waàvi vi tà wu èngùꞋ èghem ntsɔ̀b yebe ntsiꞋa mpfəèa pfə la.
Mbɨ̀Ꞌɨ̀ Yesò lɔ̀Ꞌ tê me ghǎ bɔ̂ tò la, ènɔ̧̂ bòt e me ŋwèèle atò a èbâ ègème. 43Àvi kǒ mbàŋ dzə ane tò ane èngùꞋ ntsɔ̀b yebe, bèngàŋ e nyɔ̀Ꞌtè kekaŋ a màmbəa tò la, 44kɔ̀Ꞌɔ akwèn tò mbà̧à̧te àtsəa ndǐ tò. Tà bê mbà̧à̧te ale, mbàŋ yu loà.
45Yesò bììte nê, “Wàa èbaãaãte am à?”
Mbɨ̀Ꞌɨ̀ wòt ègème lèꞋtè la, Pità shu abua tò nê, “Tê, à bakà ye ndɨ bòt nyaŋ è wua nùŋnà a ngèt yè la à?”
46Ka Yesò shu nê, “Wòt ko lâ nkɔ̀tè am, ngu nê mâ zə ndɨ mètàŋ dzə ane yaã la.”
47Àvi wu ye ndɨ Yesò tùꞋ àvi la, nkɨ̀Ꞌɨ̂ me benta mbɔ̀ɔ nkwen a mbì tò, shu a kètsìà bòt bàgème àghɨa a ghɨ̀ ka ye baãaãte atò la. 48Yesò shu abua tò nê, “Waã am, èntɨ̧ɨ̧ wu à zi ane yaã la, e ghɨ̂ à pem. Ghǎ ane ntsɔ̧̀.”
49Yesò bela ndàꞋà, wantu̧ kǒ dzə àpfəa Jalùs nkɨ̀Ꞌɨ̂ shu abua tò nê, “Waã wè wu è pfə tê ndɔ̀Ꞌ, è wu ale à ka tsi ŋǎ ngoꞋ abua nyɨꞋtà wu.”
50Yesò zə ale, shu abua Jalùs nê, “Ka mbɔ̀ɔ, zǐ èntɨ̧ɨ̧ wê wuê ane yaã, ko taa peme.”
51Mbɨ̀Ꞌɨ̀ bɔ kɨꞋɨ̀ tê ndzəè a lob la, Yesò nyî, ka tà kà bɨ̧ɨ̧nè wòt tsa ka nè Pità bɔ̂ Jɔ̌n nè Jimsì nè tǎt waã wu bɔ̂ nyɨ̌ tò e nyî a lob. 52Wòt ègème li ngua sààlà ndɨ̀à ka Yesò shu abua yɔb nê, “Bɨ̀ ka tsi ndɨ̀, tà bakà pfə, tà lìa li.”
53Bɔ me wȩ̀ȩ̀te atò, na bɔ li nko nê tà pfə tê fi la. 54Ka Yesò baãaã àbu a waã wu nê, “Waã am, lɔ̀Ꞌɔ a si!” 55Tà bê njù̧ù̧me, ndɔ̀Ꞌ a si. Yesò shu nê, bɔ̀ kɨ àghɨ ŋa tà jɨ. 56Tǎt waã wu bɔ̂ nyɨ̌ tò e bùà. Yesò shu abua yɔb nê, bɔ̀ ka shu wòt àghɨa a ghɨ̀ la.
လက်ရှိရွေးချယ်ထားမှု
Lûk 8: mnf
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ
© 2006, Cameroon Association for Bible Translation and Literacy
Lûk 8
8
Bèzi bu bɔ li ngua nkùŋà a Yesò la
1Àfɨ̀Ꞌ a li ntsèke tè me wu, Yesò me ghȩ̀ȩ̀na ntsea a èpfəè nɨ̧ nè èbe techɨɨle ntsɔ̀tà Ntu̧ Ntsɔ̧̀ Kèfɔ̧̀ Mbɔ̧ɔ̧mà. Bɔkatè tò bu ntsɔ̀b babe la e wu bɔ̂ tò ba nɔ̂, 2fɔ̀ɔ̀le nè bèzi ko Yesò lè fə fote kàbɔ̀ŋ ane yɔb, mè mbəè èghɔ̧ bɔb tsa la. Àvi kǒ ane bèzi mbɔŋ li ngu Màlià wu bɔ̀ɔ ntɔ atò nê Màdàlin la, e wu Yesò lè fə fote kàbɔ̀ŋ tesà̧à̧mbe tè le wua ŋǎ tò ngoꞋ la. 3Wekǒ nè àvi wu Jòanà wu è wuê vi Chuzà la. Chuzà waa li ngu wantu̧ kèkweelè a ntɔꞋ Fɔ̧̀ Elɔ̀d. Wekǒ wu Sùsanà bɔ̂ bèzi ko nyaŋ. Bèzi bàa e li ngua nɨ̀a èghɨ bɔ bɔ̂ la nɨa ntɨ̀ŋa Yesò bɔ̂ bɔkatè bi.
Èngà̧teme ane wòt màsa èsaãaãme
(Mat 13:1-9; Mk 4:1-9)
4Bɔbȩ e me dzəâ a èpfəè èpfəè nkɨ̀Ꞌa abua Yesò. AfɨꞋa bɔ kɨꞋɨ tê ndzaãaã la, tà shu awɔb èngà̧teme wàa nê, 5“Wòt kǒ li ndɔ̀Ꞌ nga esà èsaãaãme vi. Mbɨ̀Ꞌɨ̀ tàa sà la, è weko e kwentè a èbuꞋ èlu̧, bɔbȩ e tsè ntɔ̀Ꞌtè, banɨ̧̀ bu bèa ndèa a ègwet la e wȩȩtè nkwet. 6È weko e kwentè a ègwet èwu, ntsèke tè ntu mbê nju̧, nkàà ndɨ ètsaꞋ è le kaꞋa wua fìa la. 7È weko e kwente a èbem àdzɔ̧, àdzɔ̧ yu a kɔꞋ nè wùà nɨŋ. 8È weko nè èsaãaãme e kwente adù̧ ètsaꞋ ntsɔ̧̀, nkɔꞋ nkɔ̀ɔ̀le tètaã ènkɨ̀ ènkɨ̀.”
Yesò làꞋ ale ndìà nê, “Wòt bɔ ètû̧, tà yute èngà̧ waa.”
Lə mèngà̧teme
(Mat 13:10-17; Mk 4:10-12)
9Bɔkatè Yesò e biite atò lə èngà̧teme wàa. 10Tà shu nê, “Bɔ ŋa wɨ̧ èyì a mànkoa ènəê ndò̧ Kèfɔ̧̀ Mbɔ̧ɔ̧mà, ka è me wu bòt ko, ko bɔɔ̀ ndzəèa mènəè ègème ane mèngà̧teme,
‘Mbɨ̀Ꞌɨ̀ bɔ̀ lâ bɔ̀ lɨŋka, bɔ̀ ka ye,
bɔ̀ yute, bɔ̀ ka zə.’
Yesò shu lə èngà̧teme wòt màsa èsaãaãme wu
(Mat 13:18-23; Mk 4:13-20)
11“Eyaa wu lə èngà̧teme wàa: Èsaãaãme wu, wu èngǎ̧ Mbɔ̧ɔ̧mà. 12Èsaãaãme wu e kwente alu̧ la, wu mbɨ̀Ꞌɨ̀ bòt bu bɔ̀ɔ ngɨ̀ bɔ̀ zə èngǎ̧ Mbɔ̧ɔ̧mà, Satàn wòt kàbɔ̀ŋ kɨ̀Ꞌɨ̂ ntsì wùà a mèntɨ̧ɨ̧ mɔb mbɨ̀Ꞌɨ̀ bɔ bɨ̧ɨ̧nè èngǎ̧ mbɔŋ Mbɔ̧ɔ̧mà ghɨ̀ bɔ pem la. 13Èsaãaãme wu e kwente a ègwet èwu la e wua nyɨ̀Ꞌtà bòt bu bɔ zə èngà̧ wu, mbê mbɨ̧̀ɨ̧̀ne nè mèngùꞋte, ka bɔ kà zi èntɨ̧ɨ̧ wɔb adù̧, è ka tseke ane àfɨ̀Ꞌ à seè la. ÀfɨꞋa ngoꞋ kɨꞋɨ̀, kò bòt e me kɨ àtsəa yɔb enɨ ambo èngà̧ mbɔŋ la leꞋ, bɔ bê ntû̧ wùà. 14Èsaãaãme wu e kwente a èbèm àdzɔ̧ la, e wu mbɨ̀Ꞌɨ̀ bòt bu bɔ zə èngà̧ waa, ka ndɨ̀ wu bɔ̀ɔ ndèbà ènyit yɔb ane èghɨ sitsǎꞋ nè èkɔŋ èghɨ èkab nyaŋ la, èngà̧ wu e ka tsi nyî te e ghɨ̀ àghɨa e wu ghɨ̀ la. 15È me wu èsaãaãme wu e kwente a si ntsɔ̧̀ la, e wu mbɨ̀Ꞌɨ̀ bòt bu bɔ zə èngà̧ wu, mbɨ̧̀ɨ̧̀nê nè èntɨ̧ɨ̧ wɔb wemɔꞋ nkùùla èntɨ̧ɨ̧ wɔb me ghɨ̀ àghɨ àa shua la nɨa ngà nè mbì la.”
ÈkaꞋà a èten èpfəèꞋ
(Mk 4:21-25)
16“Wòt nàà kà tò̧ èkaꞋà nɨ èpfəêꞋ nkàbte, tà kà tsia a èten èku̧. Tàa ngɨ̀ tà tsia a ègwet èkɔꞋ, mbɨ̀Ꞌɨ̀ aa me bàŋe bòt bɔ̀ɔ nyìa a lob la. 17Bɨ̀ ko nê, èghɨ bɨ ghɨ a ndò̧ la aa li dzəâ àbȩ, àyea bɨ kabte la a tùꞋa mpùùla ayaã. 18È wu ale, bɨ̀ me ko awɨ̧ ndɨ bɨ̀a njùtâ èngǎ̧ Mbɔ̧ɔ̧mà la. Nkàà nê bɔɔ kwèꞋne àghɨ wòt bɔ la, ka wòt tà tanda nê ye bɔ àghɨ la bɔɔ paa ka wuê adzìꞋ wu tà bɔ la enɨ.”
Nyɨ̌ Yesò nè bɔnyɨ tò
(Mat 12:46-50; Mk 3:31-35)
19Nyɨ̌ Yesò nè bɔnyɨ tò è li nkɨ̀Ꞌɨ̂ eye atò. Nkɨ̀Ꞌɨ̂ ale, bɔ̀ ka ye èlu̧ ekɨꞋɨ a ngèt tò, nkàà ènɔ̧̂ bòt wu. 20Wòt kǒ shu abua tò nê, “Nyɨ̌ wè nè bɔnyɨ bè bɔ wu àbȩ nkɨ eye awê.”
21Yesò shu abua banɔ̧̀ bu bàgème nê, “Nyɨ̌ am bɔ̂ bɔnyɨ bɔ̧ wu bòt bu bɔ̀ɔ ndzəèa èngǎ̧ Mbɔ̧ɔ̧mà ngɨ̀à àghɨa e shua la.”
Yesò fìi àfeme àkekweelè
(Mat 8:23-27; Mk 4:35-41)
22È lè wu ane àli ako, Yesò nyi a èbem ànkànuꞋ bɔ̂ bɔkatè bi è shu abua yɔb nê, “Bàa ntu̧ èlemè waa ngà aguŋ zìa.” Ale, bɔ bê me ghǎ. 23Bɔ me gha ale kèlɔ ke baãaã Yesò. Àfeme àkekweelè a chu a ègwet èlemè wu tè mèleb bùꞋ me lu̧u̧ne ànkànuꞋ yu, tè bɔ tsiꞋa nkɨ eleme.
24Bɔkatè Yesò bu e ghà ndzò̧ atò shu abua tò nê, “Tê, tê, baa tsiꞋa nga epfə.”
Yesò lɔ̀Ꞌɔ a si ŋȩ àfeme yu bɔ̂ mèleb mu mbèna la, è fi, èdziꞋ wu e yu bɔ̀ɔl. 25Tà bììte awɔb nê, “Èghǎ ghɨ̂ ka bɨ̀ ka zi èntɨ̧ɨ̧ wɨ̧ ane yaã à?”
A taꞋa tsè àwɔb, bɔ bɔ̀ɔ ànyaꞋne, mbùꞋ me làꞋte a kètsìà wɔb nê, “Eyaa chɨɨme ngu wà ka àfeme bɔ̂ mèleb a me zəèa tò à?”
Yesò bəâ wòt kǒ fote kàbɔ̀ŋ tèa ane tò la
(Mat 8:28-34; Mk 5:1-20)
26Bɔ tu̧u̧ èlemè wu nkwene àlaꞋ a bòt Galasìn, è wua àbâ Galìlî àko zìa la. 27Mbɨ̀Ꞌɨ̀ tà dzəè me tɨ̧ɨ̧ aguŋ la, wòt Galasìn kǒ fote kàbɔ̀ŋ tèa ane ŋut la kɨꞋɨ̀ nkwène ane tò. Tà li ntaꞋa tseke ka kwaãaã ndǐ, tà kà wua ntsèka a lob, tà me tseke wuê a ètsəsì. 28Mbɨ̀Ꞌɨ̀ tà ye a Yesò la, tà ŋȩ ane àtɔŋ ànɨ̧, nkwen a si a mbì tò mbììte atò ane àtɔŋ ànɨ̧ nê, “Yesò, Waã Mbɔ̧ɔ̧mà Àtsèàngɔ̀ŋ, à kɨa ghà abua am à? Mâ shu̧u̧te awê nê à ka ngɨ̧̀ɨ̧̀nè am.” 29Tà li me shu ale, ngu ndɨ Yesò li ngua shua abua fo kàbɔ̀ŋ yu nê è sǎ mbê wu la. Fo kàbɔ̀ŋ yu è li è ghɨ̀ è tseke tê è me ŋa atò ngoꞋ, bɔ baãaã atò nkùùle ane fȩtsə ndzì àkɔ̀Ꞌ a èka tò me baabe atò. Ka tà me loote fȩ tu ŋèꞋnà àkɔ̀Ꞌ yu, fote kàbɔ̀ŋ tu te foote atò ntsàà àbâ àlaꞋ àyuube.
30Yesò bììte atò nê, “Èlen lê wu wà à?”
Tà bɨ̀ɨ̀lè nê, “Èlen laã wu ‘Àlaã’ - nkàà nê fote kàbɔ̀ŋ te nyi ane tò nyaŋ.” 31Fote kàbɔ̀ŋ tu te shu̧u̧te a Yesò nê tà ka ntsàà wɔb a èbem èbɨ kà ye ndìa.
32TaꞋà àlaã mèkunyà̧ ko a li ngua njɨ̀a a ngèt abot a mbɨ̧̀ èkù̧ù̧nè. Fote kàbɔ̀ŋ tu te shu̧u̧te a Yesò nê tà tsàà àwɔb ane mèkunyà̧ mu bɔ̀ nyi ane yɔb. Ale, Yesò bɨ̧̀ɨ̧̀ne nê tè dzəè ngà. 33Ale, fote kàbɔ̀ŋ tu te sa tò ngà nyi ane mèkunyà̧ mu, àlaã mèkunyà̧ yu a lùùlà nchu èkù̧ù̧nè lu ndèbte a èbem èlemè wu, nu àtɨ̀ŋ mpfəèꞋtê.
34ÀfɨꞋa bèmbaabà mèkunyà̧ mu e ye àghɨa a ghɨ̀ la, bɔ lùùlà ngà a èbem àpfəèà nɨ̧ yu, nè èpfəè techɨɨle a ngèt ngwȩ̀ȩ̀te ànəê àgème shuê. 35Ale, bòt e dzəè ngà àbȩ eye àghɨa a ghɨ̀ la. Bɔ kɨꞋɨ nkwene ane Yesò, ndzèa mbê wu fote kàbɔ̀ŋ te dzəa ane tò la tà tseke a mbì Yesò la. Bɔ me ye tà kwaã ndǐ ti, èyì tò e kuà, kèbɔɔ ke baãaã wòt ègème. 36Bòt bɔ ye la, e shu awɔb àghɨa a ghɨ̂ ka wòt wu nè fote kàbɔ̀ŋ tu pem la. 37Ale, bòt tèpfəte èlaꞋ Galasìn tègème e shu abua Yesò nê, tà dzə àbâ àlaꞋ a yɔb me ghǎ, ngu ndɨ kèbɔɔ kekweelè ke baãaã awɔb la. Ale, Yesò nyi a èbem ànkànuꞋ yu me ghǎ.
38Mbê wu fote kàbɔ̀ŋ te dzə ane tò la shu̧u̧te a Yesò nê tà ghɨa bɔ̂ tò è ghà nɔ̂. Ka Yesò tu̧, è shu abua tò nê, 39“Wène àpfəèa yɨ̧ shu bòt àghɨa Mbɔ̧ɔ̧mà ghɨ ane yê la.” Ale, tà ghà me ghȩ̀ȩ̀nè èbem àpfəè nɨ̧ yu àgème, shua àghɨa Yesò ghɨ ane zi la.
Yesò bəâ waàvi Jalùs bɔ̂ àvi kǒ ngò̧ò̧nà la
(Mat 9:18-26; Mk 5:21-43)
40AfɨꞋa Yesò wène agua èlemè ako zìà la, ènɔ̧̂ bòt a kɨꞋɨ̀ èsèè atò, ngu ndɨ bòt e wua nchɨ̀Ꞌà atò abot la. 41Wajûŋ kǒ a èbem lob Mbɔ̧ɔ̧mà èlen tò wu Jalùs la, kɨꞋɨ̀ tèmè tènjûŋ ti a si a mbì Yesò shu nê tà kɨꞋɨ a lob zi, 42nkàà nê tà li mbɔ ndàꞋ waàvi vi tà wu èngùꞋ èghem ntsɔ̀b yebe ntsiꞋa mpfəèa pfə la.
Mbɨ̀Ꞌɨ̀ Yesò lɔ̀Ꞌ tê me ghǎ bɔ̂ tò la, ènɔ̧̂ bòt e me ŋwèèle atò a èbâ ègème. 43Àvi kǒ mbàŋ dzə ane tò ane èngùꞋ ntsɔ̀b yebe, bèngàŋ e nyɔ̀Ꞌtè kekaŋ a màmbəa tò la, 44kɔ̀Ꞌɔ akwèn tò mbà̧à̧te àtsəa ndǐ tò. Tà bê mbà̧à̧te ale, mbàŋ yu loà.
45Yesò bììte nê, “Wàa èbaãaãte am à?”
Mbɨ̀Ꞌɨ̀ wòt ègème lèꞋtè la, Pità shu abua tò nê, “Tê, à bakà ye ndɨ bòt nyaŋ è wua nùŋnà a ngèt yè la à?”
46Ka Yesò shu nê, “Wòt ko lâ nkɔ̀tè am, ngu nê mâ zə ndɨ mètàŋ dzə ane yaã la.”
47Àvi wu ye ndɨ Yesò tùꞋ àvi la, nkɨ̀Ꞌɨ̂ me benta mbɔ̀ɔ nkwen a mbì tò, shu a kètsìà bòt bàgème àghɨa a ghɨ̀ ka ye baãaãte atò la. 48Yesò shu abua tò nê, “Waã am, èntɨ̧ɨ̧ wu à zi ane yaã la, e ghɨ̂ à pem. Ghǎ ane ntsɔ̧̀.”
49Yesò bela ndàꞋà, wantu̧ kǒ dzə àpfəa Jalùs nkɨ̀Ꞌɨ̂ shu abua tò nê, “Waã wè wu è pfə tê ndɔ̀Ꞌ, è wu ale à ka tsi ŋǎ ngoꞋ abua nyɨꞋtà wu.”
50Yesò zə ale, shu abua Jalùs nê, “Ka mbɔ̀ɔ, zǐ èntɨ̧ɨ̧ wê wuê ane yaã, ko taa peme.”
51Mbɨ̀Ꞌɨ̀ bɔ kɨꞋɨ̀ tê ndzəè a lob la, Yesò nyî, ka tà kà bɨ̧ɨ̧nè wòt tsa ka nè Pità bɔ̂ Jɔ̌n nè Jimsì nè tǎt waã wu bɔ̂ nyɨ̌ tò e nyî a lob. 52Wòt ègème li ngua sààlà ndɨ̀à ka Yesò shu abua yɔb nê, “Bɨ̀ ka tsi ndɨ̀, tà bakà pfə, tà lìa li.”
53Bɔ me wȩ̀ȩ̀te atò, na bɔ li nko nê tà pfə tê fi la. 54Ka Yesò baãaã àbu a waã wu nê, “Waã am, lɔ̀Ꞌɔ a si!” 55Tà bê njù̧ù̧me, ndɔ̀Ꞌ a si. Yesò shu nê, bɔ̀ kɨ àghɨ ŋa tà jɨ. 56Tǎt waã wu bɔ̂ nyɨ̌ tò e bùà. Yesò shu abua yɔb nê, bɔ̀ ka shu wòt àghɨa a ghɨ̀ la.
လက်ရှိရွေးချယ်ထားမှု
:
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ
© 2006, Cameroon Association for Bible Translation and Literacy