Genèse 14
14
Abram jáń ki fīī Looti
1Ŋyunti gbantee Amiirafeel nìn sá Siinaar bɔtiu, ní Ariyɔɔki sá Eelasaar bɔtiu, ní Keedoolawoomeer sá Eelam bɔtiu, ní Tiidaal sá Gooyiim bɔtiu. 2Bibɔtiibi gbanti nìn kpáfì ki cūtìi jáń nì Beera, Soodoom bɔtiu, nì Biirisa, Goomoora bɔtiu, nì Siinaab, Adima bɔtiu, nì Seemeebeer, Seebooyiim bɔtiu, nì Beela tiŋki kin bi gíti yíì Soowaaree mun bɔtiu. 3Bibɔtiibi gbantee nì bi-naacimbi nìn kpáfì Siidiim tantakalin. Ditantakal gbanti di kpántì díǹ Ŋyaam mɔɔl. 4Bi nìn bí ubɔti Keedoolawoomeer taapu ní ki tin sāā abin saalaa nì ali. Abin saalaa nì ata poonee ní bi yíkì kaa kíí bi-ba pu. 5Dibindi diba kpá saalku poon ní ubɔti Keedoolawoomeer nì bibɔtiibi bin u nì bi pēeǹ kinyɔkɔee jáń ki pɔ́ɔkiǹ Reefa yab Asitarooti-Kaanayiim tiŋkin, ki jáń ki pɔ́ɔkiǹ Suusi yab Aami tiŋkin ní ki jáń ki pɔ́ɔkiǹ Eem yab Saafee Kiiriyatayiim tiŋkin. 6Bi nìn jáń ki pɔ́ɔkiǹ Kɔɔr yab bin kóò Seeyiir jooŋŋi puee mun, ki jìn̄-bi ki bàn̄ Eel-Paraan, kitiŋ kin pìlīǹ kuteeuee. 7Míǹ boonee ní bi pɔ́ĺ ki búntì Eeni Miisipati, kitiŋ kin bi yíì kɔŋkɔnnee Kadeesee. Niin ní bi jáń ki pɔ́ɔkiǹ Amaleeki yab bi-timmu kɔkɔ poon, ki kpáaǹ Amɔɔr yab bin kóò Asaasɔn-Taamaar tiŋkinee.
8Niinee ní Soodoom nì Goomoora nì Adima nì Seebooyiim nì Beela (an dàkà yii Soowaar) timmu bɔtiibi kɔkɔ kpáfì ki bóob́ dikɔ̀ndi Siidiim tantakalin, 9kí já nì Keedoolawoomeer, Eelam bɔtiu nì Tiidaal, Gooyiim bɔtiu nì Amiirafeel, Siinaar bɔtiu nì Ariyɔɔki, Eelasaar bɔtiu. An nìn sá bibɔtiibi binaa di nìn kpáfì kí já nì bibɔtiibi biŋmoo. 10Siidiim tantakal gbanti nìn sá aŋɔ lɔkɔgiŋŋi ŋma ní. Kujaau pɔ́ɔkì Soodoom nì Goomoora bɔtiibi bíi sáńee, ní ki tin jéetì alɔkɔginee poon, ní bin kíǹee sáǹ ki dàb̄ dijool. 11Bin nìn jáń ki pɔ́ɔkiǹ-bee dɔ́miń ki kóoǹ Soodoom nì Goomoora timmu yab wanti kɔkɔ nì bi-jinti kɔkɔ ki kpáàa búntì. 12Bi nìn cúú Looti, Abram nabiki jipɔɔn ki kpáaǹ u-wanti kɔkɔ ki cáa búntì, kun puee Looti nìn kóò Soodoom ní.
13Kijapaai kiba nìn sáǹ ki ŋmátì kujaau gbantin ní ki dɔ́miń Abram, ueebruja cee ki tùkū-u yii binannanliibi cúú Looti ki cáa búntì kuyuŋu. An yuntiŋuee, Abram nìn dáá kóò ki pìlīǹ Mamiree, uamɔɔrja sufii ní. Mamiree gbanti nì u-nabiyaamu Eeskool nì Aneer nìn kpáfì nì Abram bi sòon̄ ki ŋá ubaanti. 14Abram nín gbìl̄ yii bi cúú u-nabiki ki kpáàa búntì kuyuŋuee, ní u bɔ́ntì u-tɔntɔnliibi bin sá bibaatandambi bi màl̄-bi u-cindinee, binib alaataa ata nì saalku nì bita, ní bi kùl̄ ki bīiǹ bibɔtiibee nì bi-janjaliibi boon ki tin bàn̄ kitiŋ kin bi yíì yii Daanee. 15Kunyeeuee ní u nì u-naacimbee cúu yākatì akiti akiti ní ki lùkū ki tú bi-nannanliibi. Kujaau kíĺ, ní Abram nì u-yab jáń ki pɔ́ɔkiǹ-bi ní ki jìn̄-bi ki tin bàn̄ Ooba tiŋki kin bí Damaasi tiŋki ŋgan púee. 16Ní Abram fōoń tin kɔkɔ bi nìn dɔ́miń ki kóoǹee, ki fōō ki kpáaǹní u-nabiki Looti nì u-wanti kɔkɔ, nì binimpoobi nì binib bin bi nìn pée cúúyee kɔkɔ.
17Abram nín nìn jáń ki pɔ́ɔkiǹ Keedoolawoomeer nì bibɔtiibi bin nìn dɔ́miń ki kútì u-puee ki fātìi kùn̄ee ní Soodoom bɔtiu túŋkìń-u Saafee tantakalin, an dàkà yii ubɔti tantakalin.
18Meelkiiseedeeki un sá Saleem bɔtiuee mun nìn dɔ́miń niin. U nìn sá Yilpu Fɔ́ŋŋŋ Nimbɔtiu saraaŋaliu ní. Meelkiiseedeeki gbanti nìn cáań kpɔnɔ nì ndamam ki tīī Abram#14.18 Meelkiiseedeeki : kpèè Ilan 110.40, Eebru 7.1-10. - Saleem : Jeerusaleem ní bi gíti yíì míǹ, kpèè Ilan 76.3, Eebru 7.2.. 19Meelkiiseedeeki nìn mēē ki bīiǹ u-pu ki lī yii: «Yilpu fɔ́ŋŋŋ Nimbɔtiu un náań yilpu nì taapuee ń bìin̄ Abram boon. 20Yilpu fɔ́ŋŋŋ Nimbɔtiu un dū a-nannanliibi ki ŋá a-ŋaan a jáń ki pɔ́ɔkiǹ-bee ń ká tinyool!» Niinee ní Abram lēē tiwan tin kɔkɔ u nìn jáń ki fātìi fōońee, nì tin kɔkɔ u cááyee saalaa kamaa puee kubɔ kubɔ ki tīī Meelkiiseedeeki.
21Ní Soodoom bɔtiu bí Abram yii: «Sii yòon̄ tiwan tin a jáń ki fōōyee kɔkɔ kí dū binib kí tīī man.» 22Ní Abram kíí-u yii: «M yōoǹ m-ŋal ki pūtì ti-Dindaan, Yilpu Fɔ́ŋŋŋ Nimbɔtiu un náań yilpu nì taapuee 23yii maa làá pée gbēē a-wanti báà tiba. Báà gulfa kpaŋkpan gba, maa làá dáb́, ki dāa nín nyàab̀ inaataaŋmii. M pūtì yii m kpá kí fōō a-cee tiba nì tiba, á dāá gāā a-bindi kí lì yii: <Man di yì-tì ní Abram kpántì ugaaja!> 24Ubɔ ń taa pée tīī-mi tiba. Tijin tin m-naacimbi jíńee ŋmāntì, ama Aneer nì Eeskool nì Mamiree bin céeǹ-mee, bíǹ ń yòon̄ bi-yati.»
လက်ရှိရွေးချယ်ထားမှု
Genèse 14: BASSARDC
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ
BIBLE EN N'TCHAM (Bassar) © Alliance Biblique du Togo, 2013.
Genèse 14
14
Abram jáń ki fīī Looti
1Ŋyunti gbantee Amiirafeel nìn sá Siinaar bɔtiu, ní Ariyɔɔki sá Eelasaar bɔtiu, ní Keedoolawoomeer sá Eelam bɔtiu, ní Tiidaal sá Gooyiim bɔtiu. 2Bibɔtiibi gbanti nìn kpáfì ki cūtìi jáń nì Beera, Soodoom bɔtiu, nì Biirisa, Goomoora bɔtiu, nì Siinaab, Adima bɔtiu, nì Seemeebeer, Seebooyiim bɔtiu, nì Beela tiŋki kin bi gíti yíì Soowaaree mun bɔtiu. 3Bibɔtiibi gbantee nì bi-naacimbi nìn kpáfì Siidiim tantakalin. Ditantakal gbanti di kpántì díǹ Ŋyaam mɔɔl. 4Bi nìn bí ubɔti Keedoolawoomeer taapu ní ki tin sāā abin saalaa nì ali. Abin saalaa nì ata poonee ní bi yíkì kaa kíí bi-ba pu. 5Dibindi diba kpá saalku poon ní ubɔti Keedoolawoomeer nì bibɔtiibi bin u nì bi pēeǹ kinyɔkɔee jáń ki pɔ́ɔkiǹ Reefa yab Asitarooti-Kaanayiim tiŋkin, ki jáń ki pɔ́ɔkiǹ Suusi yab Aami tiŋkin ní ki jáń ki pɔ́ɔkiǹ Eem yab Saafee Kiiriyatayiim tiŋkin. 6Bi nìn jáń ki pɔ́ɔkiǹ Kɔɔr yab bin kóò Seeyiir jooŋŋi puee mun, ki jìn̄-bi ki bàn̄ Eel-Paraan, kitiŋ kin pìlīǹ kuteeuee. 7Míǹ boonee ní bi pɔ́ĺ ki búntì Eeni Miisipati, kitiŋ kin bi yíì kɔŋkɔnnee Kadeesee. Niin ní bi jáń ki pɔ́ɔkiǹ Amaleeki yab bi-timmu kɔkɔ poon, ki kpáaǹ Amɔɔr yab bin kóò Asaasɔn-Taamaar tiŋkinee.
8Niinee ní Soodoom nì Goomoora nì Adima nì Seebooyiim nì Beela (an dàkà yii Soowaar) timmu bɔtiibi kɔkɔ kpáfì ki bóob́ dikɔ̀ndi Siidiim tantakalin, 9kí já nì Keedoolawoomeer, Eelam bɔtiu nì Tiidaal, Gooyiim bɔtiu nì Amiirafeel, Siinaar bɔtiu nì Ariyɔɔki, Eelasaar bɔtiu. An nìn sá bibɔtiibi binaa di nìn kpáfì kí já nì bibɔtiibi biŋmoo. 10Siidiim tantakal gbanti nìn sá aŋɔ lɔkɔgiŋŋi ŋma ní. Kujaau pɔ́ɔkì Soodoom nì Goomoora bɔtiibi bíi sáńee, ní ki tin jéetì alɔkɔginee poon, ní bin kíǹee sáǹ ki dàb̄ dijool. 11Bin nìn jáń ki pɔ́ɔkiǹ-bee dɔ́miń ki kóoǹ Soodoom nì Goomoora timmu yab wanti kɔkɔ nì bi-jinti kɔkɔ ki kpáàa búntì. 12Bi nìn cúú Looti, Abram nabiki jipɔɔn ki kpáaǹ u-wanti kɔkɔ ki cáa búntì, kun puee Looti nìn kóò Soodoom ní.
13Kijapaai kiba nìn sáǹ ki ŋmátì kujaau gbantin ní ki dɔ́miń Abram, ueebruja cee ki tùkū-u yii binannanliibi cúú Looti ki cáa búntì kuyuŋu. An yuntiŋuee, Abram nìn dáá kóò ki pìlīǹ Mamiree, uamɔɔrja sufii ní. Mamiree gbanti nì u-nabiyaamu Eeskool nì Aneer nìn kpáfì nì Abram bi sòon̄ ki ŋá ubaanti. 14Abram nín gbìl̄ yii bi cúú u-nabiki ki kpáàa búntì kuyuŋuee, ní u bɔ́ntì u-tɔntɔnliibi bin sá bibaatandambi bi màl̄-bi u-cindinee, binib alaataa ata nì saalku nì bita, ní bi kùl̄ ki bīiǹ bibɔtiibee nì bi-janjaliibi boon ki tin bàn̄ kitiŋ kin bi yíì yii Daanee. 15Kunyeeuee ní u nì u-naacimbee cúu yākatì akiti akiti ní ki lùkū ki tú bi-nannanliibi. Kujaau kíĺ, ní Abram nì u-yab jáń ki pɔ́ɔkiǹ-bi ní ki jìn̄-bi ki tin bàn̄ Ooba tiŋki kin bí Damaasi tiŋki ŋgan púee. 16Ní Abram fōoń tin kɔkɔ bi nìn dɔ́miń ki kóoǹee, ki fōō ki kpáaǹní u-nabiki Looti nì u-wanti kɔkɔ, nì binimpoobi nì binib bin bi nìn pée cúúyee kɔkɔ.
17Abram nín nìn jáń ki pɔ́ɔkiǹ Keedoolawoomeer nì bibɔtiibi bin nìn dɔ́miń ki kútì u-puee ki fātìi kùn̄ee ní Soodoom bɔtiu túŋkìń-u Saafee tantakalin, an dàkà yii ubɔti tantakalin.
18Meelkiiseedeeki un sá Saleem bɔtiuee mun nìn dɔ́miń niin. U nìn sá Yilpu Fɔ́ŋŋŋ Nimbɔtiu saraaŋaliu ní. Meelkiiseedeeki gbanti nìn cáań kpɔnɔ nì ndamam ki tīī Abram#14.18 Meelkiiseedeeki : kpèè Ilan 110.40, Eebru 7.1-10. - Saleem : Jeerusaleem ní bi gíti yíì míǹ, kpèè Ilan 76.3, Eebru 7.2.. 19Meelkiiseedeeki nìn mēē ki bīiǹ u-pu ki lī yii: «Yilpu fɔ́ŋŋŋ Nimbɔtiu un náań yilpu nì taapuee ń bìin̄ Abram boon. 20Yilpu fɔ́ŋŋŋ Nimbɔtiu un dū a-nannanliibi ki ŋá a-ŋaan a jáń ki pɔ́ɔkiǹ-bee ń ká tinyool!» Niinee ní Abram lēē tiwan tin kɔkɔ u nìn jáń ki fātìi fōońee, nì tin kɔkɔ u cááyee saalaa kamaa puee kubɔ kubɔ ki tīī Meelkiiseedeeki.
21Ní Soodoom bɔtiu bí Abram yii: «Sii yòon̄ tiwan tin a jáń ki fōōyee kɔkɔ kí dū binib kí tīī man.» 22Ní Abram kíí-u yii: «M yōoǹ m-ŋal ki pūtì ti-Dindaan, Yilpu Fɔ́ŋŋŋ Nimbɔtiu un náań yilpu nì taapuee 23yii maa làá pée gbēē a-wanti báà tiba. Báà gulfa kpaŋkpan gba, maa làá dáb́, ki dāa nín nyàab̀ inaataaŋmii. M pūtì yii m kpá kí fōō a-cee tiba nì tiba, á dāá gāā a-bindi kí lì yii: <Man di yì-tì ní Abram kpántì ugaaja!> 24Ubɔ ń taa pée tīī-mi tiba. Tijin tin m-naacimbi jíńee ŋmāntì, ama Aneer nì Eeskool nì Mamiree bin céeǹ-mee, bíǹ ń yòon̄ bi-yati.»
လက်ရှိရွေးချယ်ထားမှု
:
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ
BIBLE EN N'TCHAM (Bassar) © Alliance Biblique du Togo, 2013.