YOANA 1
1
Ndeto sya mbee
1 #
1 Yoa 1.1,2; Yoa 17.5; Ũvu 19.13. Mwambĩlĩlyonĩ kwaĩ Ndeto, na ĩla Ndeto yaĩ vamwe na Ngai, na ĩla Ndeto yaĩ Ngai. 2#Nth 8.22.Na nĩwe waĩ mwambĩlĩlyonĩ vamwe na Ngaĩ. 3#Ako 1.16,17; Aevl 1.2.Syĩndũ syonthe nĩsyatw’ĩkĩthiw’e nĩwe; na ate vo vati kĩndũ o na kĩmwe kyaatw’ĩkĩthw’a katĩ wa ila syatw’ĩkĩthĩw’e 4#Yoa 5.26.Nthĩnĩ wake vaĩ thayũ; na ũla thayũ waĩ kyeni kya andũ. 5#Yoa 3.19.Na kĩla kyeni kĩkenaa kĩvindunĩ; na kĩvindu kĩinakĩkĩlya vinya. 6#Lk 1.13–17,57–80; Mt 3.1; Mko 1.4.Kwookie mũndũ atũmĩtwe kuma kwa Ngai, wetawa Yoana. 7Ũsu ookie nũndũ wa ũkũsi, nĩ kana akũsĩĩe kĩla kyeni, andũ onthe metĩkĩle nũndũ wake. 8#Yoa 1.20.Ndaĩ kyeni we, ĩndĩ ookie akũsĩĩe kĩla kyenĩ. 9Kyaĩ kyeni kya w’o, kĩla kĩmulĩkaa o mũndũ ũla wũkaa nthĩ. 10#Yoa 1.3–5.Aĩ kũũ nthĩ, na ĩ nthĩ yatw’ĩkĩthiw’e nĩwe, na nthĩ ndĩamwĩsĩ. 11Ookĩe kwake mwene, na ala maĩ make maiaamwosa. 12#Aka 3.26.Ĩndĩ onthe ala mamwosie, amanenga ũkũmũ wa ũtw’ĩka syana sya Ngai, o ala metĩkĩlaa syĩtwa yake: 13#Yoa 3.5,6.ala mataasyawa nĩ nthakame, kana kwenda kwa mwĩĩ, kana kwenda kwa mũndũ, ĩndĩ nĩ Ngai. 14#Isa 7.14; 2 Vet 1.16,17; Isa 60.1; Lk 9.32.Na ĩla Ndeto yatw’ĩka mwĩĩ, na yatũa katĩ waitũ (na ithyĩ twoona ũtheu mũtisu wake, ũtheu mũtisu ta wa ũla wasyaiwe weka auma kwa Asa), ausũĩte mumo na w’o. 15#Yoa 1.27,30; Mt 3.11.Yoana amukũsĩĩa, na aneena na wasya mũnene, akyasya, Ũũ nĩwe ũla nawetie atĩĩ, Ũla wũkĩte ĩtina wakwa e mbee wakwa: nũndũ aĩ mbee wakwa. 16#Yoa 3.34; Ako 1.19.Nũndũ kuma wusũunĩ wake ithyonthe nĩtwoosie, na mumo ĩũlũ wa mumo. 17#Alo 6.14; 10.4; Kuma 34.6; Sav 25.10; 40.10; 85.10.Nũndũ ĩla mĩao yanenganĩwe kwa Mose; mumo na w’o maetiwe ni Yesũ Klĩsto. 18#Yoa 6.46; 1 Yoa 4.12; Mt 11.27; Lk 10.22; 1 Tim 6.16.Na vai mũndũ waamwona Ngai o na ĩndĩĩ; ũla Mwana mũsyawa weka, ũla wĩ kĩthũinĩ kya Asa, nĩwe wamumĩlilye.
Ũkũsĩ wa Yoana Mũvatisi ũndũ wa Yesũ
(MATHAYO 3.1–12; MALIKO 1.1–8; Luka 3.1–18)
19 #
Lk 3.15,16. Na ũũ nĩw’o ũkũsĩ wa Yoana, yĩla Ayuti matũmie athembi na Alivai kwake kuma Yelusaleme kũmũkũlya, Nue ũũ? 20#Meko 13.25.Nake aumbũla, na ndaakaĩa; ĩndĩ aumbũla, asya, Tii nyie Klĩsto. 21#Mt 17.10; Kũt 18.15; Yoa 6.14; 7.40.Na mamũkũlya, Nata ĩndĩ? Nue Eliya? Na amea, Tii nyie we. Wĩ ũla mwathani? Na amasũngĩa, Aiee. 22Na ĩndĩ mamũkũlya, Nue ũũ ĩndĩ? Kana tũkamasũngĩe ala matũtũmie. Wĩasya ata ũndũ waku? 23Asya, Ninyie wasya wa mũndũ akĩneena mũno weũnĩ, Lũngalyai ũendelo wa Mwĩaĩi, o ũndũ mwathani Isaia waisye. 24Na ala matũmiwe maumie kwa Avalisi. 25#Mt 21.25.Na mamũkũlya, na mamwĩa, Wĩvatisĩa kĩ ĩndĩ, ethĩwa tuue Klĩsto, kana Eliya, kana ũla mwathani? 26#Mt 3.11; Mko 1.7,8.Yoana amasũngĩa, akyasya, Nyie nĩvatisaa na manzĩ: katĩ wenyu vaũngamĩte ũmwe ũla mũtesĩ, 27#Yoa 3.26; Meko 13.25.nĩwe ũla wũkĩte ĩtina wakwa, na ndyĩanĩwe nĩ ũthasya kamũkwa ka kĩatũ kyake. 28#Mt 3.6,13.Maũndũ asu nĩmeekĩwe Vethania mbee wa Yolotani, vala Yoana wavtisĩaa.
29 #
Yoa 1.36; Isa 53.7. Na ũnĩ ũsu Yoana amwona Yesũ okĩte vala ũĩ, na asya, Sisyai, Katena ka ĩlondu ka Ngai, kala keumya naĩ ya nthĩ! 30#Yoa 1.15,27.Ũũ nĩwe ũla naneenie ũndũ wake, Ĩtina wakwa vokĩte mũndũ ũla wĩ mbee wakwa: nũndũ aĩ mbee wakwa. 31Na ndyamwĩsĩ; ĩndĩ nĩ kana onanw’e kwa Isilaelĩ, kwondũ wa ũu nĩnookie ngĩvatisa na manzĩ. 32#Mt 3.16; Mko 1.10; Lk 3.22.Na Yoana aumya ũkũsĩ, akyasya, Nĩnoonie ũla Veva aitheea kuma ĩtunĩ ta ĩvũĩ; na amũvũĩla. 33#Lk 3.2; Mt 3.16.Nakwa ndyamwĩsĩ: ĩndĩ ũla wandũmie kũvatisaa na manzĩ, nĩwe wambĩie, Ũla ũkona Veva aimũtheeea, na aimũvũĩla, ũsu nĩwe wĩvatisaa na Veva Mũtheu. 34#Mt 3.17.Nakwa ninoonie, na nĩnĩkũsĩĩe kana ũũ nĩ Mwana wa Ngai.
Amanyĩw’a ma mbee
35Na ũnĩ ũsu Yoana aũngeme ĩngĩ, e na elĩ ma amanyĩw’a make; 36#Yoa 1.29; Isa 53.7.na amũsyaĩĩsya Yesũ aendete, na asya, Sisyai, Katena ka ĩlondu ka Ngai! 37Na ala amanyĩw’a elĩ mamwĩw’a aineena, na mamũatĩĩa Yesũ. 38Na Yesũ eethyũũa, na amona mamũvikĩlĩte, na amakũlya, Mwĩmantha kĩ? Na mamwĩa, Lavai (ũalyũlo wayo nĩ, Mũmanyĩsya), ũtwĩe va? 39Na amea, Ũkai na mũkoona. Na mooka na moona vala ũtwĩe, na mekala nake mũthenya ũsu: na kwaĩ vakũvĩ saa ĩkũmi. 40#Mt 4.18–22.Ũmwe wa asu elĩ ala meewie Yoana aineena, na mamũatĩĩa, nĩ Andalea, mwana‐a‐inyia wa Simoni Vetelo. 41#1 Sam 2.10; Sav 2.2.Nake amba ũmwona mwana‐a‐inyia Simoni, na amwĩa, Nĩtwamwona ũla Masia (ũalyũlo wayo nĩ, Klĩsto). 42#Mt 16.18; Mko 3.16.Nake amũete vala ve Yesũ. Na Yesũ amwona, na amwĩa, Nue Simoni, mwana wa Yona: ũkeetawa Keva (ũalyũlo wayo nĩ, Vetelo).
43 #
Mt 8.22; Mko 2.14. Na ũnĩ ũsu Yesũ enda kũthi akavike Kalilii, na amwona Vilivu, na Yesũ amwĩa, Mbikĩla. 44Na Vilivũ aĩ wa Vethisaita, ndũa ya Andalea na Vetelo. 45#Kũt 18.18; Isa 7.14; 53.2; Yel 23.5; Esek 34.23.Vilivu amũmantha Nathanaeli, na amwĩa, Nĩtwamwona ũla waandĩkiwe nĩ Mose mĩaonĩ, na ũla waandĩkiwe nĩ athani, nake nĩ Yesũ wa ndũa ya Nasaleti, mwana wa Yosevu. 46#Yoa 7.41,52.Na Nathanaeli amwĩa, Nasaleti nĩvatonya kuma kĩndũ kĩseo? Vilivu amwĩa, Ũka ũkone. 47#Sav 32.2; 73.1; Mwa 25.27.Yesũ amwona Nathanaeli aiũka vala ũĩ, na aneena ũndũ wake, Onai, Mũisilaeli ki, ũte ũsekele! 48Nathanaeli amwĩa, Ũmbĩsĩ ata? Yesũ amũsũngĩa, amwĩa, Vilivu atanamba ũkwĩta, yĩla wĩĩ ĩtina wa mũkũyũ, nĩngwonie. 49#2 Sam 7.14; Yoa 6.69; Sav 2.7; Mt 14.33; 16.16.Nathanaeli amũsũngĩa, Lavai, nue Mwana wa Ngai; na nue Mũsumbĩ wa Isilaeli. 50Yesũ amũsũngĩa, amwĩa, Wĩĩkĩĩa nũndũ nakwĩa, Nĩngwonie ĩtina wa mũkũyũ? Ũkoona maũndũ manene kũvĩta aa. 51#Mwa 28.12; Mt 4.11; Mko 1.13.Na amwĩa, Nĩ w’o, nĩ w’o, nĩngũmwĩa, Mũkoona ĩtu yĩkĩvingũka, na alaĩka ma Ngai makyambata na maimũtheeea Mwana wa mũndũ.
လက်ရှိရွေးချယ်ထားမှု
YOANA 1: Mbivlia
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ
https://shop.biblesociety-kenya.org/
www.biblesociety-kenya.org
God's word open for all
©Bible Society of Kenya, 1956