YESAYA 54
54
Tabi i Allah kon Israel
1 #
Gal. 4:27
Yerusalem, dungkuḷmai iko in naonda bo bobay bantó
inta diá monononggadí.
Táe tanaa in porogiowdon,
bo podondongdon takin ḷunganga in gina!
Sin ki adímu mita in nobayong totok,
noiḻiu kon adí bobay inta diá sinaḷáan in buḷoi.
2Pokooḷadon in ḷoḷaigan mita pogogutunanmu;
koḷanggó in tontogotnea mita bo koroton in oiginea!
3Iko in modugangbí mooḷad ná koḷanan bo koḷoigi,
ḻitúanbí in intaumu mita in butá in bangusa mita
bo mogutun kon kotá mita inta tanaa mako noingongow.
4Dika moondok, iko in diábí pokopooyáanmai:
diábí singkuḻeon bo oyáon.
Iko in mokoḻiong bidon kon aidmu inta diá motoindudui kon tungkuḷ noguodpa;
diá bidon mokotorop bui kon kaadaanmu saḷaku boba-bobay.
5Inta nomaḻí kon inimu in naonda bo ki buḷoimu ḷoḷaki,
ki Allah mokudus in Israel in mopoposaḷamatmu.
Ki Tuhan Inta Totok in mokawasa, tuata in tangoi-Nea,
Sia in Allah inta nongawasa kon sinangkub in dunia.
6Israel, iko in naonda bo buḷoi bobay inta nobagupa
inta nokuyang in gina popisí in sinaḷáan i buḷoinea.
Táe ki Allah in nogoiní bui kon inimu
bo noguman,
7“Tongábí tokokiap monag Akuoi in nonaḷámai kon inimu;
pinongin ḻimbatú in tabi iko in ginamá-Ku bui.
8Tongábí notoyong in Akuoi nonaḷámai kon inimu
popisí in torú-Ku inta tumaga-tagab.
Táe pinongin tabi mononoi Akuoi in notabi kon inimu.”
Natuata in guman i Allah Mopoposaḷamatmu.
9 #
Kḻn. 9:8-17
“Naonda bo kon tungkuḷ i Nuh Akuoi in nodandi
kon ḷunud moḷoben in diá bidon monagom kon butá,
natua doman in tanaa Akuoi in modandi
kon Akuoi in diá bidon tumorú andeka mopogogondok kon i monimu bui.
10Umpaka buḷud mita bo tombuḷud mita modandú,
Akuoi in diábí mogogai in monotabi kon inimu.
Dodandian dodamean-Ku in umuran-Kubí kadaian,”
Guman i Tuhan inta notabi kon inimu.
Yerusalem inta mobagu
11 #
Why. 21:18-21
Ki Tuhan in noguman,
“Ei Yerusalem, kotá inta ukur diá mopia,
iko in diádon kodaya bo diádon in moḷoḻipoi.
Orotanmu mita in poukatonku bui,
mopomaké in batu mita inta koboḻi.
12Benteng mita posindogon-Ku nongkon batu delima,
Bonawangmu mita in nongkon batu permata,
dindingmu mita in nongkon batu ratna mutu manikam.
13 #
Yoh. 6:45
Bayongan in intaumu mobaḻí murí-Ku,
mosia in mobiag mooyúon bo motompia.
14Iko in pinosindog pinodoyon kon koadilan,
pinoyayú nongkon inta mokoondok bo pinondorotan.
15Aka moiko tubuon, deemanbí Akuoi in nopotabá,
ki inekabí in monubu kon inimu in moḷabúbí.
16Akuoibí inta nomaḻí kon mononontaḷ
inta nongokab kon tuḷú sin ponontaḷan kon sonjata.
Akuoibí doman inta nomaḻí kon tontara
inta nopomaké in sonjata tatua sin moḻimod.
17Táe batúan in sonjata inta sinontaḷ sin moḷawang kon inimu,
in diábí motuoi.
Bo bayongan in inta pinonapud kon bonu in pongadilan
in poniatamubí kon diá totuu.
Akuoi in mobogoibí in tombuinag kountungan
kon mogogundoi-Ku mita,”
natuata in singog i Tuhan.
လက်ရှိရွေးချယ်ထားမှု
YESAYA 54: INOMOG
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ
Alkitab Singog In Mongondow Masa In Tanaa © Indonesian Bible Society, 2016.
YESAYA 54
54
Tabi i Allah kon Israel
1 #
Gal. 4:27
Yerusalem, dungkuḷmai iko in naonda bo bobay bantó
inta diá monononggadí.
Táe tanaa in porogiowdon,
bo podondongdon takin ḷunganga in gina!
Sin ki adímu mita in nobayong totok,
noiḻiu kon adí bobay inta diá sinaḷáan in buḷoi.
2Pokooḷadon in ḷoḷaigan mita pogogutunanmu;
koḷanggó in tontogotnea mita bo koroton in oiginea!
3Iko in modugangbí mooḷad ná koḷanan bo koḷoigi,
ḻitúanbí in intaumu mita in butá in bangusa mita
bo mogutun kon kotá mita inta tanaa mako noingongow.
4Dika moondok, iko in diábí pokopooyáanmai:
diábí singkuḻeon bo oyáon.
Iko in mokoḻiong bidon kon aidmu inta diá motoindudui kon tungkuḷ noguodpa;
diá bidon mokotorop bui kon kaadaanmu saḷaku boba-bobay.
5Inta nomaḻí kon inimu in naonda bo ki buḷoimu ḷoḷaki,
ki Allah mokudus in Israel in mopoposaḷamatmu.
Ki Tuhan Inta Totok in mokawasa, tuata in tangoi-Nea,
Sia in Allah inta nongawasa kon sinangkub in dunia.
6Israel, iko in naonda bo buḷoi bobay inta nobagupa
inta nokuyang in gina popisí in sinaḷáan i buḷoinea.
Táe ki Allah in nogoiní bui kon inimu
bo noguman,
7“Tongábí tokokiap monag Akuoi in nonaḷámai kon inimu;
pinongin ḻimbatú in tabi iko in ginamá-Ku bui.
8Tongábí notoyong in Akuoi nonaḷámai kon inimu
popisí in torú-Ku inta tumaga-tagab.
Táe pinongin tabi mononoi Akuoi in notabi kon inimu.”
Natuata in guman i Allah Mopoposaḷamatmu.
9 #
Kḻn. 9:8-17
“Naonda bo kon tungkuḷ i Nuh Akuoi in nodandi
kon ḷunud moḷoben in diá bidon monagom kon butá,
natua doman in tanaa Akuoi in modandi
kon Akuoi in diá bidon tumorú andeka mopogogondok kon i monimu bui.
10Umpaka buḷud mita bo tombuḷud mita modandú,
Akuoi in diábí mogogai in monotabi kon inimu.
Dodandian dodamean-Ku in umuran-Kubí kadaian,”
Guman i Tuhan inta notabi kon inimu.
Yerusalem inta mobagu
11 #
Why. 21:18-21
Ki Tuhan in noguman,
“Ei Yerusalem, kotá inta ukur diá mopia,
iko in diádon kodaya bo diádon in moḷoḻipoi.
Orotanmu mita in poukatonku bui,
mopomaké in batu mita inta koboḻi.
12Benteng mita posindogon-Ku nongkon batu delima,
Bonawangmu mita in nongkon batu permata,
dindingmu mita in nongkon batu ratna mutu manikam.
13 #
Yoh. 6:45
Bayongan in intaumu mobaḻí murí-Ku,
mosia in mobiag mooyúon bo motompia.
14Iko in pinosindog pinodoyon kon koadilan,
pinoyayú nongkon inta mokoondok bo pinondorotan.
15Aka moiko tubuon, deemanbí Akuoi in nopotabá,
ki inekabí in monubu kon inimu in moḷabúbí.
16Akuoibí inta nomaḻí kon mononontaḷ
inta nongokab kon tuḷú sin ponontaḷan kon sonjata.
Akuoibí doman inta nomaḻí kon tontara
inta nopomaké in sonjata tatua sin moḻimod.
17Táe batúan in sonjata inta sinontaḷ sin moḷawang kon inimu,
in diábí motuoi.
Bo bayongan in inta pinonapud kon bonu in pongadilan
in poniatamubí kon diá totuu.
Akuoi in mobogoibí in tombuinag kountungan
kon mogogundoi-Ku mita,”
natuata in singog i Tuhan.
လက်ရှိရွေးချယ်ထားမှု
:
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ
Alkitab Singog In Mongondow Masa In Tanaa © Indonesian Bible Society, 2016.