YESAYA 60
60
Yerusalem in mobaḻí ponango-nangoian
1Sindogdon bo kobaḻídon bayag, ei Yerusalem,
sin bayag in kasaḷamatanmu in noiangoidon;
Ki Allah in monimbayagbí kon inimu takin kamuliaan-Nea.
2Dunia kinawasa in sindip,
bangusa mita kinokoḷoban in pungit;
táe bayag i Tuhan in momukábí kon ḻimonikmu,
Sindar in koangoian-Nea in moniata kon ḻimonikmu
3Bangusa mita in moyo-moyodudui in mamangoi kon bayagmu,
datu mita in moibog kon sindar inta nomuká kon inimu.
4Indoiaika onu in nobaḻí kon ḻibumumai;
rayat noyosipun sin mobui kon inimu.
Ki adímu mita ḷoḷaki in mamangoi nongkon moyayú,
ki adímu mita bobay in koyotan.
5Mokoontongmai kon natua moherang in iko bo pogotmu in motarimbuka;
Moitongau in iko bo moḷoben in gina.
Kapunyaan in bangusa mita diaan kon inimu,
kaoyúonan nongkon ḷoḷan in dagat momuḻing kon inimu.
6Butámu in posipunandon in unta mobayong,
mosia in mamangoi nongkon Midian bo Epa.
Nongkon Syeba intau modia kon buḷawan bo kamania,
sindaḷan modayow kon aid i Tuhan.
7Bembé domba in Kedar diaan kon inimu
domba koḷakian nongkon Nebayot sinadia pakéon kon ibadamu.
Kuruban tatua in mokosanang kon gina i Tuhan
Baḻíon-Nea morame in Baḷoi-Nea inta nopuḻing in kamuliaan.
8Onu degá in inta noiḷayug naonda bo goḷom
naonda bo paḷoma inta iḷumayug nobui?
9Tuata in kapaḷ mita inta namangoi sinumubu
nodia kon umat i Allah nobui nongkon butá moyayú.
Saḷaka bo buḷawan dinianea noyotakin
sin modayow kon i Tuhan Allahmu;
kon i Allah in Israel Inta Totok in motusi,
inta nomaḻí kon umat-Nea ihoromat.
10Ki Tuhan in moguman kon Yerusalem,
“Intau ango-angoi in buibí moposindog in dindingmu,
bo datu mita in mobantung kon inimu.
Koḻipod in Akuoi in nohukum kon inimu kon bonu in torú-Ku,
táe tanaa in Akuoi noibogdon nonotabi kon inimu.
11 #
Why. 21:25-26
Singgai doḷom bonawangmu in bukaanbí mako,
sinbá kaoyúonan in bangusa mita motaaudon atodon kon inimu,
takin datu mita inta ain nobaḻí intau inta dinakop.
12Bangusa bo dodatuan inta doí mobantung kon inimu,
in moyopúbí bo moinggamádon.
13Onu inta nobaḻí mokosanang kon kayuon in Libanon in akutonbí poangoi kon inimu
kayu in berangan, ḷokuyú bo eru
sin momia kon Baḷoi-Ku momulia,
bo mopogaga in sosindogan-Ku.
14 #
Why. 3:9
Adí mita in intau mita inta nondorot kon inimu in mamangoibí tumungkud,
inta nokoimontandon noningkuḻe kon inimu in mohoromatbí,
iko in tangoionbí ‘Kotá in Tuhan’,
‘Sion, Kotá i Allah Mokudus in Israel’.
15Iko in diá bidon taḷaan bo indoíon,
bo diábí pomayá mako in mobaḻí moingongow.
Iko in baḻíon-Ku mokosanang kon i-Nakó inta mononoi,
tampat mokopoḷunganga modapot in kopaḷutannea.
16Iko in biagonbí in bangusa mita bo in datu mita,
naonda bo iná tobatú momiag kon i adínea.
Dá kotaauanmudon kon Akuoibí in Tuhan, Mopoposaḷamatmu,
bo ki Allah in Israel inta moropot in Mopopoḷuatmu.
17Akuoi in nodia kon buḷawan nobaḻí toḻiu in bitú,
bo saḷaka nobaḻí toḻiu in uatoi.
Ogoi-Ku in bitú nobaḻí toḻiu in kayu,
bo uatoi nobaḻí toḻiu in batu.
Butámu in baḻíon-Ku moaman bo mobiag mosanang,
bo pinarenta kinoadil.
18Diá bidon in habar soaḷ aid diá mopia kon butámu,
soaḷ korimumudan bo kogoguyaatan kon wilayahmu.
Naonda bo dinding Akuoi in mogoḻiung kon inimu,
bo iko in modayowbí kon i-Nakó nobaḻí Mopoposaḷamatmu.
19 #
Why. 21:23, 22:5 Iko in diábí paraḷu sindaran mata in singgai kon dodai in singgai,
bo diábí paraḷu simbayagan in buḷan kon dodai in doḷom.
Sin Akuoi ki Tuhan in nobaḻí mononimbayag mononoi kon inimu,
Akuoi in monindar kon inimu pongin kamuliaan-Ku.
20Kon inimu in oyúonbí in mata in singgai inta diádon tumoyo-toyop,
bo buḷan inta diá kon dodai in onda in tumoyop.
Sin Akuoi ki Tuhan in nobaḻí mononimbayag mononoi kon inimu
wakutumu mononogumatoi in mopaḷutdon.
21Intau mita inta nogutun kon butámu in mogaidbí kon onu inta totuu,
mosia in mobaḻíbí kitogi in butá tatua modapot in mononoi.
Mosia in naonda bo pinomuḷa inta cinangkok inta pinomuḷa-Ku tontaní,
sin moponiata kon kamuliaan-Ku.
22Nodapot in motoḷuadí inta mointok bo moyangkó
in mobaḻíbí bangusa inta moḷoben bo moropot.
Akuoi ki Tuhan in ḷagi bidon mopoaid,
kon wakutu inta moitongkaná.”
လက်ရှိရွေးချယ်ထားမှု
YESAYA 60: INOMOG
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ
Alkitab Singog In Mongondow Masa In Tanaa © Indonesian Bible Society, 2016.
YESAYA 60
60
Yerusalem in mobaḻí ponango-nangoian
1Sindogdon bo kobaḻídon bayag, ei Yerusalem,
sin bayag in kasaḷamatanmu in noiangoidon;
Ki Allah in monimbayagbí kon inimu takin kamuliaan-Nea.
2Dunia kinawasa in sindip,
bangusa mita kinokoḷoban in pungit;
táe bayag i Tuhan in momukábí kon ḻimonikmu,
Sindar in koangoian-Nea in moniata kon ḻimonikmu
3Bangusa mita in moyo-moyodudui in mamangoi kon bayagmu,
datu mita in moibog kon sindar inta nomuká kon inimu.
4Indoiaika onu in nobaḻí kon ḻibumumai;
rayat noyosipun sin mobui kon inimu.
Ki adímu mita ḷoḷaki in mamangoi nongkon moyayú,
ki adímu mita bobay in koyotan.
5Mokoontongmai kon natua moherang in iko bo pogotmu in motarimbuka;
Moitongau in iko bo moḷoben in gina.
Kapunyaan in bangusa mita diaan kon inimu,
kaoyúonan nongkon ḷoḷan in dagat momuḻing kon inimu.
6Butámu in posipunandon in unta mobayong,
mosia in mamangoi nongkon Midian bo Epa.
Nongkon Syeba intau modia kon buḷawan bo kamania,
sindaḷan modayow kon aid i Tuhan.
7Bembé domba in Kedar diaan kon inimu
domba koḷakian nongkon Nebayot sinadia pakéon kon ibadamu.
Kuruban tatua in mokosanang kon gina i Tuhan
Baḻíon-Nea morame in Baḷoi-Nea inta nopuḻing in kamuliaan.
8Onu degá in inta noiḷayug naonda bo goḷom
naonda bo paḷoma inta iḷumayug nobui?
9Tuata in kapaḷ mita inta namangoi sinumubu
nodia kon umat i Allah nobui nongkon butá moyayú.
Saḷaka bo buḷawan dinianea noyotakin
sin modayow kon i Tuhan Allahmu;
kon i Allah in Israel Inta Totok in motusi,
inta nomaḻí kon umat-Nea ihoromat.
10Ki Tuhan in moguman kon Yerusalem,
“Intau ango-angoi in buibí moposindog in dindingmu,
bo datu mita in mobantung kon inimu.
Koḻipod in Akuoi in nohukum kon inimu kon bonu in torú-Ku,
táe tanaa in Akuoi noibogdon nonotabi kon inimu.
11 #
Why. 21:25-26
Singgai doḷom bonawangmu in bukaanbí mako,
sinbá kaoyúonan in bangusa mita motaaudon atodon kon inimu,
takin datu mita inta ain nobaḻí intau inta dinakop.
12Bangusa bo dodatuan inta doí mobantung kon inimu,
in moyopúbí bo moinggamádon.
13Onu inta nobaḻí mokosanang kon kayuon in Libanon in akutonbí poangoi kon inimu
kayu in berangan, ḷokuyú bo eru
sin momia kon Baḷoi-Ku momulia,
bo mopogaga in sosindogan-Ku.
14 #
Why. 3:9
Adí mita in intau mita inta nondorot kon inimu in mamangoibí tumungkud,
inta nokoimontandon noningkuḻe kon inimu in mohoromatbí,
iko in tangoionbí ‘Kotá in Tuhan’,
‘Sion, Kotá i Allah Mokudus in Israel’.
15Iko in diá bidon taḷaan bo indoíon,
bo diábí pomayá mako in mobaḻí moingongow.
Iko in baḻíon-Ku mokosanang kon i-Nakó inta mononoi,
tampat mokopoḷunganga modapot in kopaḷutannea.
16Iko in biagonbí in bangusa mita bo in datu mita,
naonda bo iná tobatú momiag kon i adínea.
Dá kotaauanmudon kon Akuoibí in Tuhan, Mopoposaḷamatmu,
bo ki Allah in Israel inta moropot in Mopopoḷuatmu.
17Akuoi in nodia kon buḷawan nobaḻí toḻiu in bitú,
bo saḷaka nobaḻí toḻiu in uatoi.
Ogoi-Ku in bitú nobaḻí toḻiu in kayu,
bo uatoi nobaḻí toḻiu in batu.
Butámu in baḻíon-Ku moaman bo mobiag mosanang,
bo pinarenta kinoadil.
18Diá bidon in habar soaḷ aid diá mopia kon butámu,
soaḷ korimumudan bo kogoguyaatan kon wilayahmu.
Naonda bo dinding Akuoi in mogoḻiung kon inimu,
bo iko in modayowbí kon i-Nakó nobaḻí Mopoposaḷamatmu.
19 #
Why. 21:23, 22:5 Iko in diábí paraḷu sindaran mata in singgai kon dodai in singgai,
bo diábí paraḷu simbayagan in buḷan kon dodai in doḷom.
Sin Akuoi ki Tuhan in nobaḻí mononimbayag mononoi kon inimu,
Akuoi in monindar kon inimu pongin kamuliaan-Ku.
20Kon inimu in oyúonbí in mata in singgai inta diádon tumoyo-toyop,
bo buḷan inta diá kon dodai in onda in tumoyop.
Sin Akuoi ki Tuhan in nobaḻí mononimbayag mononoi kon inimu
wakutumu mononogumatoi in mopaḷutdon.
21Intau mita inta nogutun kon butámu in mogaidbí kon onu inta totuu,
mosia in mobaḻíbí kitogi in butá tatua modapot in mononoi.
Mosia in naonda bo pinomuḷa inta cinangkok inta pinomuḷa-Ku tontaní,
sin moponiata kon kamuliaan-Ku.
22Nodapot in motoḷuadí inta mointok bo moyangkó
in mobaḻíbí bangusa inta moḷoben bo moropot.
Akuoi ki Tuhan in ḷagi bidon mopoaid,
kon wakutu inta moitongkaná.”
လက်ရှိရွေးချယ်ထားမှု
:
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ
Alkitab Singog In Mongondow Masa In Tanaa © Indonesian Bible Society, 2016.