YESAYA 63
63
Kinountungan i Tuhan kon bangusa mita
Moḷoḷukad
1 #
Yes. 34:5-17; Yer. 49:7-22; Yeh. 25:12-14, 35:1-15; Am. 1:11-12; Ob. 1-14; Mal. 1:2-5 “Ki ine in sia inta namangoi nongkon Bozra kon Edom?
Ḷambungnea in nopura, pakeangnea in mopouḻi-uḻinag;
sia in ḷumampang#63:1: Podudui in tongonumai in terjemahan dungkuḷmai ḷumampang; podudui in naska in Ibrani: kinumuyung. takin motorindog mako.”
Tuhan
“Akuoibí in ki Tuhan inta mokoposaḷamat
bo mamangoi modia kon habar kountungan.”
Moḷoḷukad
2“Nongonu sin pakeangmu in nádomai tua in kopopuranea,
naonda bo ḷambung in inta momomugut kon bungai in anggur?”
Tuhan
3 #
Why. 14:20, 19:13, 19:15 “Tongá Aku-Akuoi mita in sinumuot kon pomomugutan kon anggur
kon sigad in umat-Ku diá in notuḷung kon i-Nakó.
Bangusa mita irita-ritakan-Ku kon bonu in torú-Ku,
naonda bo noritak kon bungai in anggur.
Dugú monia in noitoput nomuntad kon ḷambung-Ku,
nokokotor kon bayongan in pakeang-Ku.
4Akuoi in nonomayádon kon singgai ponuḻían,
bo wakutu popoḷuatan kon umat-Ku.
5 #
Yes. 59:16
Akuoi in notayak táe diá in notuḷung,
Akuoi in noherang sin diá in nobantung.
Bo ropot-Ku tontaní in notuḷung kon i-Nakó,
Torú-Ku in nobantung kon i-Nakó.
6Kon bonu in torú-Ku inta dumoko-dokot,
irita-ritakan-Ku in bangusa mita;
Iyopú-Ku in mosia,
bo dugú monia in pinobutak-Ku kon butá.”
Kopopia in gina i Allah kon Israel
7Akuoi in mopohabar in tabi i Tuhan
bo modayow kon i-Nia sin bayongan in aid-Nea.
Binarakatan-Nea totok in umat-Nea,
sin Sia in nonotabi
bo tabi-Nea in diábí moobo-obot.
8Ki Tuhan in noguman, “Totuu, mosia in umat-Ku,
adí mita inta diá mokokudai kon gina.”
Dá Sia in nobaḻí mopoposaḷamat monia,
9Sia tontaní in kinoantugan in roriga monia.#63:9: Sia tontaní … monia; andeka: nongkon bayongan in kasusahan monia.
Ki Tuhan in diábí nopotabá in totabá andeka duta;
Siabí tontaní inta nopoḷuat kon i monia
popisí in tabi bo totabi-Nea.
Sia in umuranbí momiag kon i monia
nongkon tungkuḷpabímai.
10Táe mosia in nomarontak
bo nokoajar kon gina i Tuhan.
Dá nomurow in Sia bo nobaḻí musung monia
Sia tontaní in noparang noḷawang kon i monia.
11Bo mosia#63:11: kamungkinan moḷoben mangaḻenea mosia; podudui in naska Ibrani: sia. in nokotorop kon inta dungkuḷmai,
Sempo i Musa mogogundoi i Tuhan.
Mosia in noḻibó “Kon onda in ki Tuhan
inta nodia kon itoi mita in umat-Nea nongin dagat?
Kon onda in ki Tuhan
inta nobogoi in kawasa-Nea kon i monia?
12 #
Iḷn. 14:21
Kon onda in ki Tuhan inta koyot-yotakin i Musa
takin ḻima-Nea inta moropot motorindog,
bo nomotak kon tubig kon tayowon monia
sinbá tangoi-Nea in kotaauandon modapot in mononoi?
13Kon onda in ki Tuhan inta nodia kon i monia
minayá nongin tubig inta noḻinow?
Naonda bo kabaḷo nongin padang gurun,
mosia in diábí kon dodai in onda in noipintud.”
14Ki Tuhan in nodia kon i monia minayá in tampat pogogaian,
naonda bo bobiagon dinia binayá pinokaan kon rawang.
Natuata in Sia nodia kon umat-Nea,
sinbá tangoi-Nea in poḷantudon.
Sambayang mopoigum in totabi bo totuḷung
15O Tuhan, indoiaidon nongkon soroga,
nongkon tampat-Mu inta motusi bo momulia.
Kon onda in tabi bo kotorindog-Mu?
Kon onda degá in gina-Mu inta kinoaputan in totabi-Mu?
Dikadon tahangon-Mu in gina-Mu kon inami.
16Iko nion in ki Amá nami?
Ki Abraham bo ki Yakub in diábí nonotaau kon inami.
Táe Iko o Tuhan, in ki Amábí nami,
Mopoposaḷamat nami nongkon dungkuḷpabímai.
17O Tuhan, nongonu sin pinomayá-Mubí mako in kami moiḷaḻe?
Nongonu sin Iko in mopotogatbí in gina kon inami
nodapot in kami in diádon moondok kon ini-Mu?
Pobuidon mangoi popisí in mogogundoi-Mu mita,
Popisí in umat-Mu, kapunyaan pusaka-Mu.
18Nongonu sin pinomayá-Mubí mako in musung moritak magí mako kon Baḷoi-Mu,
bo intau mita moporaa-raatmai kon tombuḷud-Mu inta motusi?#63:18: kon bonu in naska in Ibrani tontagá tanaa in diábí nosilang in mangaḻenea.
19Pinomia-Mudon in kami
naonda bo Iko in diá kon dodai in onda in nongawasa kon inami;
naonda bo kami in diábí kon dodai in onda in nobaḻí umat-Mu.
လက်ရှိရွေးချယ်ထားမှု
YESAYA 63: INOMOG
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ
Alkitab Singog In Mongondow Masa In Tanaa © Indonesian Bible Society, 2016.
YESAYA 63
63
Kinountungan i Tuhan kon bangusa mita
Moḷoḷukad
1 #
Yes. 34:5-17; Yer. 49:7-22; Yeh. 25:12-14, 35:1-15; Am. 1:11-12; Ob. 1-14; Mal. 1:2-5 “Ki ine in sia inta namangoi nongkon Bozra kon Edom?
Ḷambungnea in nopura, pakeangnea in mopouḻi-uḻinag;
sia in ḷumampang#63:1: Podudui in tongonumai in terjemahan dungkuḷmai ḷumampang; podudui in naska in Ibrani: kinumuyung. takin motorindog mako.”
Tuhan
“Akuoibí in ki Tuhan inta mokoposaḷamat
bo mamangoi modia kon habar kountungan.”
Moḷoḷukad
2“Nongonu sin pakeangmu in nádomai tua in kopopuranea,
naonda bo ḷambung in inta momomugut kon bungai in anggur?”
Tuhan
3 #
Why. 14:20, 19:13, 19:15 “Tongá Aku-Akuoi mita in sinumuot kon pomomugutan kon anggur
kon sigad in umat-Ku diá in notuḷung kon i-Nakó.
Bangusa mita irita-ritakan-Ku kon bonu in torú-Ku,
naonda bo noritak kon bungai in anggur.
Dugú monia in noitoput nomuntad kon ḷambung-Ku,
nokokotor kon bayongan in pakeang-Ku.
4Akuoi in nonomayádon kon singgai ponuḻían,
bo wakutu popoḷuatan kon umat-Ku.
5 #
Yes. 59:16
Akuoi in notayak táe diá in notuḷung,
Akuoi in noherang sin diá in nobantung.
Bo ropot-Ku tontaní in notuḷung kon i-Nakó,
Torú-Ku in nobantung kon i-Nakó.
6Kon bonu in torú-Ku inta dumoko-dokot,
irita-ritakan-Ku in bangusa mita;
Iyopú-Ku in mosia,
bo dugú monia in pinobutak-Ku kon butá.”
Kopopia in gina i Allah kon Israel
7Akuoi in mopohabar in tabi i Tuhan
bo modayow kon i-Nia sin bayongan in aid-Nea.
Binarakatan-Nea totok in umat-Nea,
sin Sia in nonotabi
bo tabi-Nea in diábí moobo-obot.
8Ki Tuhan in noguman, “Totuu, mosia in umat-Ku,
adí mita inta diá mokokudai kon gina.”
Dá Sia in nobaḻí mopoposaḷamat monia,
9Sia tontaní in kinoantugan in roriga monia.#63:9: Sia tontaní … monia; andeka: nongkon bayongan in kasusahan monia.
Ki Tuhan in diábí nopotabá in totabá andeka duta;
Siabí tontaní inta nopoḷuat kon i monia
popisí in tabi bo totabi-Nea.
Sia in umuranbí momiag kon i monia
nongkon tungkuḷpabímai.
10Táe mosia in nomarontak
bo nokoajar kon gina i Tuhan.
Dá nomurow in Sia bo nobaḻí musung monia
Sia tontaní in noparang noḷawang kon i monia.
11Bo mosia#63:11: kamungkinan moḷoben mangaḻenea mosia; podudui in naska Ibrani: sia. in nokotorop kon inta dungkuḷmai,
Sempo i Musa mogogundoi i Tuhan.
Mosia in noḻibó “Kon onda in ki Tuhan
inta nodia kon itoi mita in umat-Nea nongin dagat?
Kon onda in ki Tuhan
inta nobogoi in kawasa-Nea kon i monia?
12 #
Iḷn. 14:21
Kon onda in ki Tuhan inta koyot-yotakin i Musa
takin ḻima-Nea inta moropot motorindog,
bo nomotak kon tubig kon tayowon monia
sinbá tangoi-Nea in kotaauandon modapot in mononoi?
13Kon onda in ki Tuhan inta nodia kon i monia
minayá nongin tubig inta noḻinow?
Naonda bo kabaḷo nongin padang gurun,
mosia in diábí kon dodai in onda in noipintud.”
14Ki Tuhan in nodia kon i monia minayá in tampat pogogaian,
naonda bo bobiagon dinia binayá pinokaan kon rawang.
Natuata in Sia nodia kon umat-Nea,
sinbá tangoi-Nea in poḷantudon.
Sambayang mopoigum in totabi bo totuḷung
15O Tuhan, indoiaidon nongkon soroga,
nongkon tampat-Mu inta motusi bo momulia.
Kon onda in tabi bo kotorindog-Mu?
Kon onda degá in gina-Mu inta kinoaputan in totabi-Mu?
Dikadon tahangon-Mu in gina-Mu kon inami.
16Iko nion in ki Amá nami?
Ki Abraham bo ki Yakub in diábí nonotaau kon inami.
Táe Iko o Tuhan, in ki Amábí nami,
Mopoposaḷamat nami nongkon dungkuḷpabímai.
17O Tuhan, nongonu sin pinomayá-Mubí mako in kami moiḷaḻe?
Nongonu sin Iko in mopotogatbí in gina kon inami
nodapot in kami in diádon moondok kon ini-Mu?
Pobuidon mangoi popisí in mogogundoi-Mu mita,
Popisí in umat-Mu, kapunyaan pusaka-Mu.
18Nongonu sin pinomayá-Mubí mako in musung moritak magí mako kon Baḷoi-Mu,
bo intau mita moporaa-raatmai kon tombuḷud-Mu inta motusi?#63:18: kon bonu in naska in Ibrani tontagá tanaa in diábí nosilang in mangaḻenea.
19Pinomia-Mudon in kami
naonda bo Iko in diá kon dodai in onda in nongawasa kon inami;
naonda bo kami in diábí kon dodai in onda in nobaḻí umat-Mu.
လက်ရှိရွေးချယ်ထားမှု
:
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ
Alkitab Singog In Mongondow Masa In Tanaa © Indonesian Bible Society, 2016.