YOHANES 18
18
Ki Yesus dinomok
(Mat. 26:47-56; Mrk. 14:43-50; Luk. 22:47-53)
1Naonda in ki Yesus nosambayang mako natua, Sia takin murí-Nea mita minayádon kon ḷoḷan Ongkag in Kidron. Kon tua oyúon in tobatú taman, bo ki Yesus takin murí-Nea mita sinumuot kon taman tatua. 2Tampat tatua in kinotaauan doman i Yudas inta nomaḻidawan kon i Yesus; sin mokakitdon ki Yesus takin murí-Nea mita in moyosipun kon tampat tatua. 3Dá ki Yudas in namangoidon in tampat tatua takin kodia-dia in tokolompok in tontara in Rum bo tongonu domanmai in moḷoḷukad kon Baḷoi Tuhan inta pinotabá in imang mita itoi bo in intau mita in Parisi. Mosia in nodia kon ḷoḷutam, lantera bo poḷombow. 4Kinotaauanbí i Yesus in bayongan inta mobaḻí kon i-Nia. Dá Sia in dinimiug kon intau mita tatua bo noḻibó, “Motayak kon i ine in moiko?”
5Mosia in noguman, “Ki Yesus Intau in Nazaret.”
Tubag i Yesus, “Akuoibí naa inta sinayak monimu.”
Ki Yudas inta nomaḻidawan in sinimindog doman noyotakin monia. 6Kon dodai in ki Yesus noguman, “Akuoibí in naa inta sinayak monimu,” mosia komintan inumundok bo noumpag kon butá. 7Bo ki Yesus in bui noḻibó, “Ki ine in tayakon monimu?”
Dá kai monia doman, “Ki Yesus Intau in Nazaret.”
8Tubag i Yesus, “Ain pinoguman-Ku kon Akuoibí inta sinayak monimu. Bo aka Akuoibí in tayakon monimu, dá pomayádon mako in ibanea nion mayá.” (9Singog-Nea tatua, noponiata kon nobaḻídon onu inta ain pinoguman-Nea muna nanaa: “Amá, nongkon sigad in intau mita inta inogoi i Amá kon i-Nakó, diá tobatúmai in mobuḻi.”)
10Ki Simon Petrus inta nodia kon pitow, norabut kon pitownea bo nonimboi kon simpaḷ in imang moḷoben dá nopongkó in bongoḷannea dotá in koḷanan. Ki Malkus in tangoi in simpaḷ inta nopongkó in bongoḷan tatua. 11#Mat. 26:39; Mrk. 14:36; Luk. 22:42 Dá ki Yesus in noguman kon i Petrus, “Tungkogdon bui kon gumánea in pitowmu nion! Degá iraimumai kon diábí inumon-Ku in palo in roriga inta inogoi i Amá kon i-Nakó?”
Ki Yesus dinia Pinotayow kon i Hanas
12Bo tontara mita in Rum takin itoinea bo moḷoḷukad mita inta pinotabá in intau Yahudi nodomokdon poḷat notogot kon i Yesus. 13Muna in dinia monia in Sia kon i Hanas, sin ki Hanas naa in kinunuton i Kayapas. Ki Kayapas naa in imang moḷoben kon taong tatua. 14#Yoh. 11:49-50 Ki Kayapas naa inta ain nononggina kon itoi mita in Yahudi, kon mopia-piabí tobatú intau in matoi sin kopontingan in bayongan intau.
Bayow i Petrus
(Mat. 26:69-70; Mrk. 14:66-68; Luk. 22:55-57)
15Ki Simon Petrus takin tobatú murí ibanea in dinumudui kon i Yesus. Murí i Yesus tobatú tatua kinotaauan i imang moḷoben, dá sia sinumuot noyotakin i Yesus kon palas i imang moḷoben, 16táe ki Petrus in tongábí kon ḷuai kon ngara mogoḷat mako. Onda intua murí tobatú tatua in iḷumuai bo noyosingog takin bobantung bobay inta noḷukad kon ḷoḻingkop, onda intua dinianeadon sinumuot in ki Petrus. 17Bobantung bobay inta noḷukad kon ḷoḻingkop tatua noguman kon i Petrus, “Ei, iko doman in tobatú murí in intau tatua ma?”
“Deeman,” tubag i Petrus.
18Motumpingdon totok dodai intua, dá bobantung mita bo moḷoḷukad mita in nomiagdon kon tuḷu nongkon baga bo nonayang mosia. Ki Petrus in minayá intua bo sinimindog nonayang noyotakin monia.
Imang moḷoben noḻibó kon i Yesus
(Mat. 26:59-66; Mrk. 14:55-64; Luk. 22:66-71)
19Imang moḷoben in noḻibódon kon i Yesus soaḷ murí-Nea bo soaḷ totundú-Nea. 20Ki Yesus in notubag, “Akuoi in umuran taran-tarangan kon tayowon intau mobayong. Akuoi umuran doman mobogoi in totundú kon bonu in baḷoi pososambayangan bo kon bonu in Baḷoi Allah inta nobaḻí tampat poyoyosipunan intau in Yahudi. Diábí kon dodai onda Akuoi tongá umuni-uni in mosingog. 21Dá nongonu sin iko in moḻibóbí kon i-Nakó natua? Ḻibódon kon i monia inta ain nokodongog kon onu inta sinundú-Ku; kinotaauan bidon monia totok onu inta siningog-Ku.”
22Naonda in ki Yesus nosingog natua, tobatú pongawal kon diug-Neamai nonokap kon i Yesus bo poḷat noguman, “Mobaranibí totok in Iko in mosingog natua kon i imang moḷoben!”
23Ki Yesus in notubag, “Aka Akuoi in nosingog kon noitaḷá, yo pogumanka kon naa onu in noitaḷá tua! Táe aka noitutuibí in siningog-Ku tua, nongonu sin iko nonokapbí kon i-Nakó?”
24Bo kotogo-togotpa doman natua, pinoki diadon i Hanas in ki Yesus pinobayá kon i Kayapas tobatú Imang Moḷoben.
Bayow i Petrus
(Mat. 26:71-75; Mrk. 14:69-72; Luk. 22:58-62)
25Ki Simon Petrus in sinimindogpa doman mako bo nonayang kon tua. Intau mita kon tua in noguman kon inia, “Iko doman in murí in Intau tatua ma?” Táe ki Petrus nomayow, “Deeman!”
26Tobatú ata i imang moḷoben, inta ginaḷum in intau inta bongoḷannea pinongkó i Petrus, noguman, “Diábí moyotaḷá kon ikobí naa inta inontongku noyotakin in Intau tatua kon taman?”
27Bo ki Petrus in buipa doman nomayow, “Diábí,” – bo kon dodaipa doman intua manuk nokukú.
Ki Yesus Pinotayow kon i Pilatus
(Mat. 27:1-2, 11-14; Mrk. 15:1-5; Luk. 23:1-5)
28Doḷo-doḷompa totok dinia monia in ki Yesus nongkon baḷoi i Kayapas pinobayá kon komaḻig i gubernur. Intau mita in Yahudi in diábí sinumuot kon komaḻig tatua, sinbá mosia in diá monajis podudui in agama monia, sin mosia in tumakindon mokaan kon kaanon in Paska. 29Manangka intua ki Pilatus in iḷumuai nokipodungkuḷ kon i monia bo noḻibó, “Nongonu sin diniabí monimu mangoi in intau tanaa?”
30Mosia in notubag, “Aka Sia diá kotaḷá, dá tantú diábí dinia mangoi nami kon i Gubernur.”
31Ki Pilatus in noguman kon i monia, “Gamádon bo hakim monimu tontaní podudui in hukummu tontaní!”
Táe intau mita Yahudi tatua in notubag, “Kami in diábí motaau mohukum kon intau dapot in matoi.” (32#Yoh. 3:14, 12:32 Naa in nobaḻí sinbá mobaḻídon onu inta ain pinoguman i Yesus soaḷ kopopatoi-Nea.)
33Ki Pilatus in sinumuot bui kon komaḻig bo nogoiní kon i Yesus poḷat noḻibó, “Degá Iko nion Datu Intau Yahudi?”
34Ki Yesus in notubag, “Ḷoḻibómu nion in nongkon bonu in ginamu tontaní andeka oyúon in intau ibanea in nopotaau muna kon inimu soaḷ Akuoi?”
35Ki Pilatus in notubag, “Degá akuoi naa intau Yahudi? Mosia inta nodia kon ini-Mu pinoangoi kon inakó in intaubí mita tobangusa-Mu bo imang mita itoi. Yo onu degá in inaidan-Mu?”
36Ki Yesus in noguman, “Dodatuan-Ku naa in deemanbí nongkon dunia naa. Aka kuma bo dodatuan-Ku naa nongkon dunia naa, dá intau-Ku mita in moramujibí totok sinbá Akuoi in diá posarakan kon pongawasa mita in Yahudi. Táe totuubí kon dodatuan-Ku in deemanbí nongkon dunia naa!”
37Dá ki Pilatus in noḻibó kon i-Nia, “Aka natua, yo Iko nion in Datu?”
Ki Yesus in notubag, “Ikodon in noguman kon Akuoi naa in Datu. Akuoi in noilahir bo namangoi in dunia naa takin tobatú makusud mobogoi in kosakusian soaḷ inta nobanar. Intau inta nongkon nobanar tatua in mokidongogbí kon i-Nakó.”
38aKi Pilatus in noḻibó kon i-Nia, “Onu in mangaḻe in inta mobanar tatua?”
Ki Yesus i hukum Minatoi
(Mat. 27:15-31; Mrk. 15:6-20; Luk. 23:13-25)
38bNosingog mako natua, ki Pilatus iḷumuai bui bo minayá nokipodungkuḷ kon intau mita in Yahudi bo noguman, “Diábí in tobatúmai in taḷá nouḻíku kon i-Nia. 39Táe nobaḻídon kabiasaan kon i monimu, akuoi in umuran momuḻi kon tobatú intau inta pinonjara aka kon Singgai Moḷoben Paska. Dá degá moibog in moiko bá pobebaskudon kon i monimu in datu intau Yahudi tanaa?”
40Táe mosia in nomaḷúdon totok, “Diá motaau, dikabí in intau tanion, ki Barabasdon!” (Ki Barabas naa in tobatú intau mogogagow bo mononakow.)
လက်ရှိရွေးချယ်ထားမှု
YOHANES 18: INOMOG
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ
Alkitab Singog In Mongondow Masa In Tanaa © Indonesian Bible Society, 2016.
YOHANES 18
18
Ki Yesus dinomok
(Mat. 26:47-56; Mrk. 14:43-50; Luk. 22:47-53)
1Naonda in ki Yesus nosambayang mako natua, Sia takin murí-Nea mita minayádon kon ḷoḷan Ongkag in Kidron. Kon tua oyúon in tobatú taman, bo ki Yesus takin murí-Nea mita sinumuot kon taman tatua. 2Tampat tatua in kinotaauan doman i Yudas inta nomaḻidawan kon i Yesus; sin mokakitdon ki Yesus takin murí-Nea mita in moyosipun kon tampat tatua. 3Dá ki Yudas in namangoidon in tampat tatua takin kodia-dia in tokolompok in tontara in Rum bo tongonu domanmai in moḷoḷukad kon Baḷoi Tuhan inta pinotabá in imang mita itoi bo in intau mita in Parisi. Mosia in nodia kon ḷoḷutam, lantera bo poḷombow. 4Kinotaauanbí i Yesus in bayongan inta mobaḻí kon i-Nia. Dá Sia in dinimiug kon intau mita tatua bo noḻibó, “Motayak kon i ine in moiko?”
5Mosia in noguman, “Ki Yesus Intau in Nazaret.”
Tubag i Yesus, “Akuoibí naa inta sinayak monimu.”
Ki Yudas inta nomaḻidawan in sinimindog doman noyotakin monia. 6Kon dodai in ki Yesus noguman, “Akuoibí in naa inta sinayak monimu,” mosia komintan inumundok bo noumpag kon butá. 7Bo ki Yesus in bui noḻibó, “Ki ine in tayakon monimu?”
Dá kai monia doman, “Ki Yesus Intau in Nazaret.”
8Tubag i Yesus, “Ain pinoguman-Ku kon Akuoibí inta sinayak monimu. Bo aka Akuoibí in tayakon monimu, dá pomayádon mako in ibanea nion mayá.” (9Singog-Nea tatua, noponiata kon nobaḻídon onu inta ain pinoguman-Nea muna nanaa: “Amá, nongkon sigad in intau mita inta inogoi i Amá kon i-Nakó, diá tobatúmai in mobuḻi.”)
10Ki Simon Petrus inta nodia kon pitow, norabut kon pitownea bo nonimboi kon simpaḷ in imang moḷoben dá nopongkó in bongoḷannea dotá in koḷanan. Ki Malkus in tangoi in simpaḷ inta nopongkó in bongoḷan tatua. 11#Mat. 26:39; Mrk. 14:36; Luk. 22:42 Dá ki Yesus in noguman kon i Petrus, “Tungkogdon bui kon gumánea in pitowmu nion! Degá iraimumai kon diábí inumon-Ku in palo in roriga inta inogoi i Amá kon i-Nakó?”
Ki Yesus dinia Pinotayow kon i Hanas
12Bo tontara mita in Rum takin itoinea bo moḷoḷukad mita inta pinotabá in intau Yahudi nodomokdon poḷat notogot kon i Yesus. 13Muna in dinia monia in Sia kon i Hanas, sin ki Hanas naa in kinunuton i Kayapas. Ki Kayapas naa in imang moḷoben kon taong tatua. 14#Yoh. 11:49-50 Ki Kayapas naa inta ain nononggina kon itoi mita in Yahudi, kon mopia-piabí tobatú intau in matoi sin kopontingan in bayongan intau.
Bayow i Petrus
(Mat. 26:69-70; Mrk. 14:66-68; Luk. 22:55-57)
15Ki Simon Petrus takin tobatú murí ibanea in dinumudui kon i Yesus. Murí i Yesus tobatú tatua kinotaauan i imang moḷoben, dá sia sinumuot noyotakin i Yesus kon palas i imang moḷoben, 16táe ki Petrus in tongábí kon ḷuai kon ngara mogoḷat mako. Onda intua murí tobatú tatua in iḷumuai bo noyosingog takin bobantung bobay inta noḷukad kon ḷoḻingkop, onda intua dinianeadon sinumuot in ki Petrus. 17Bobantung bobay inta noḷukad kon ḷoḻingkop tatua noguman kon i Petrus, “Ei, iko doman in tobatú murí in intau tatua ma?”
“Deeman,” tubag i Petrus.
18Motumpingdon totok dodai intua, dá bobantung mita bo moḷoḷukad mita in nomiagdon kon tuḷu nongkon baga bo nonayang mosia. Ki Petrus in minayá intua bo sinimindog nonayang noyotakin monia.
Imang moḷoben noḻibó kon i Yesus
(Mat. 26:59-66; Mrk. 14:55-64; Luk. 22:66-71)
19Imang moḷoben in noḻibódon kon i Yesus soaḷ murí-Nea bo soaḷ totundú-Nea. 20Ki Yesus in notubag, “Akuoi in umuran taran-tarangan kon tayowon intau mobayong. Akuoi umuran doman mobogoi in totundú kon bonu in baḷoi pososambayangan bo kon bonu in Baḷoi Allah inta nobaḻí tampat poyoyosipunan intau in Yahudi. Diábí kon dodai onda Akuoi tongá umuni-uni in mosingog. 21Dá nongonu sin iko in moḻibóbí kon i-Nakó natua? Ḻibódon kon i monia inta ain nokodongog kon onu inta sinundú-Ku; kinotaauan bidon monia totok onu inta siningog-Ku.”
22Naonda in ki Yesus nosingog natua, tobatú pongawal kon diug-Neamai nonokap kon i Yesus bo poḷat noguman, “Mobaranibí totok in Iko in mosingog natua kon i imang moḷoben!”
23Ki Yesus in notubag, “Aka Akuoi in nosingog kon noitaḷá, yo pogumanka kon naa onu in noitaḷá tua! Táe aka noitutuibí in siningog-Ku tua, nongonu sin iko nonokapbí kon i-Nakó?”
24Bo kotogo-togotpa doman natua, pinoki diadon i Hanas in ki Yesus pinobayá kon i Kayapas tobatú Imang Moḷoben.
Bayow i Petrus
(Mat. 26:71-75; Mrk. 14:69-72; Luk. 22:58-62)
25Ki Simon Petrus in sinimindogpa doman mako bo nonayang kon tua. Intau mita kon tua in noguman kon inia, “Iko doman in murí in Intau tatua ma?” Táe ki Petrus nomayow, “Deeman!”
26Tobatú ata i imang moḷoben, inta ginaḷum in intau inta bongoḷannea pinongkó i Petrus, noguman, “Diábí moyotaḷá kon ikobí naa inta inontongku noyotakin in Intau tatua kon taman?”
27Bo ki Petrus in buipa doman nomayow, “Diábí,” – bo kon dodaipa doman intua manuk nokukú.
Ki Yesus Pinotayow kon i Pilatus
(Mat. 27:1-2, 11-14; Mrk. 15:1-5; Luk. 23:1-5)
28Doḷo-doḷompa totok dinia monia in ki Yesus nongkon baḷoi i Kayapas pinobayá kon komaḻig i gubernur. Intau mita in Yahudi in diábí sinumuot kon komaḻig tatua, sinbá mosia in diá monajis podudui in agama monia, sin mosia in tumakindon mokaan kon kaanon in Paska. 29Manangka intua ki Pilatus in iḷumuai nokipodungkuḷ kon i monia bo noḻibó, “Nongonu sin diniabí monimu mangoi in intau tanaa?”
30Mosia in notubag, “Aka Sia diá kotaḷá, dá tantú diábí dinia mangoi nami kon i Gubernur.”
31Ki Pilatus in noguman kon i monia, “Gamádon bo hakim monimu tontaní podudui in hukummu tontaní!”
Táe intau mita Yahudi tatua in notubag, “Kami in diábí motaau mohukum kon intau dapot in matoi.” (32#Yoh. 3:14, 12:32 Naa in nobaḻí sinbá mobaḻídon onu inta ain pinoguman i Yesus soaḷ kopopatoi-Nea.)
33Ki Pilatus in sinumuot bui kon komaḻig bo nogoiní kon i Yesus poḷat noḻibó, “Degá Iko nion Datu Intau Yahudi?”
34Ki Yesus in notubag, “Ḷoḻibómu nion in nongkon bonu in ginamu tontaní andeka oyúon in intau ibanea in nopotaau muna kon inimu soaḷ Akuoi?”
35Ki Pilatus in notubag, “Degá akuoi naa intau Yahudi? Mosia inta nodia kon ini-Mu pinoangoi kon inakó in intaubí mita tobangusa-Mu bo imang mita itoi. Yo onu degá in inaidan-Mu?”
36Ki Yesus in noguman, “Dodatuan-Ku naa in deemanbí nongkon dunia naa. Aka kuma bo dodatuan-Ku naa nongkon dunia naa, dá intau-Ku mita in moramujibí totok sinbá Akuoi in diá posarakan kon pongawasa mita in Yahudi. Táe totuubí kon dodatuan-Ku in deemanbí nongkon dunia naa!”
37Dá ki Pilatus in noḻibó kon i-Nia, “Aka natua, yo Iko nion in Datu?”
Ki Yesus in notubag, “Ikodon in noguman kon Akuoi naa in Datu. Akuoi in noilahir bo namangoi in dunia naa takin tobatú makusud mobogoi in kosakusian soaḷ inta nobanar. Intau inta nongkon nobanar tatua in mokidongogbí kon i-Nakó.”
38aKi Pilatus in noḻibó kon i-Nia, “Onu in mangaḻe in inta mobanar tatua?”
Ki Yesus i hukum Minatoi
(Mat. 27:15-31; Mrk. 15:6-20; Luk. 23:13-25)
38bNosingog mako natua, ki Pilatus iḷumuai bui bo minayá nokipodungkuḷ kon intau mita in Yahudi bo noguman, “Diábí in tobatúmai in taḷá nouḻíku kon i-Nia. 39Táe nobaḻídon kabiasaan kon i monimu, akuoi in umuran momuḻi kon tobatú intau inta pinonjara aka kon Singgai Moḷoben Paska. Dá degá moibog in moiko bá pobebaskudon kon i monimu in datu intau Yahudi tanaa?”
40Táe mosia in nomaḷúdon totok, “Diá motaau, dikabí in intau tanion, ki Barabasdon!” (Ki Barabas naa in tobatú intau mogogagow bo mononakow.)
လက်ရှိရွေးချယ်ထားမှု
:
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ
Alkitab Singog In Mongondow Masa In Tanaa © Indonesian Bible Society, 2016.