YOSUA 8
8
Kotá in Ai inagow bo irimumud
1Ki Tuhan noguman kon i Yosua, “Sipundon in bayongan tontaramu, bo bayádon takin monia kon Ai. Dika moḻia-ḻiaw in gina bo dika moondok! Popountung-Kubí in moiko nongkon i datu in Ai. Rayatnea, kotánea, bo butánea in koagowanmubí. 2Ai bo datunea in musti aidanmu ná pinogogaidmu kon Yerikho bo datunea koḻipod. Táe tanaa in barangnea mita bo bobiagonnea in motaaudon gamáanmu mobaḻí kapunyaanmu. Posadiadon in mayá monubu kon kotá tatua taḻikokogan nongkon tumi.”
3Dá ki Yosua nosadiadon mayá in Ai moyotakin in bayongan tontaranea. Sia nomiḻí kon 30.000 in tontara mita inta totok mopia, bo nopotabá kon i monia kon wakutu in doḷom, 4bo nobogoi in parenta tanaa kon i monia, “Pogadopdon kon ḻikudmai in kotá tatua, tongá dika totok in yumayú; bo posadiadon monubu. 5Akuoi takin intauku mita in dimiugdon kon kotá tatua. Aka intau mita in Ai ḷumuai mogaḷow kon inami, kami in momurow bo moḷagui ná koḻipod. 6Mosia in mogaḷowdon kon inami modapot in moyayú nongkon kotá tatua, bo kai monia kamai kami in totuubí moḷagui ná koḻipod. 7Kon dodaidon intuata bo ḷumuai in moiko nongkon pinogadopan monimu, bo mogagow kon kotá tatua. Ogoi bidon i Tuhan Allahmu intua kon inimu. 8Naonda in koagowan mako turubdon in kotá tatua, podudui kon ná inta ain pinarenta i Tuhan. Tuata in oaidanmu.” 9Onda intua ki Yosua nopotabádon kon i monia, bo mosia minayá nogadop kon dotá in toyopan kotá in Ai kon sigad in Ai bo Betel, bo nogoḷat kon tua. Táe ki Yosua in nosiugpa kon pinononḷoḷaigan in umat Israel.
10Subupa totok ki Yosua nobangon bo nomarenta kon tontaranea mita sinbá moyosipun. Onda intua sia bo itoi mita in umat in Israel nodia kon tontara tatua minayá in Ai. 11Tontara mita tatua in noyotakin i Yosua minayá nopobayá ná ḷoḻingkop moḷoben in kotá in Ai, bo nononḷoḷaigan kon dotá in utuan, kon ḷopá tobatú inta kon sigad monia bo kotá tatua. 12Degá 5.000 in intau inta ain pinotabánea nogadop kon dotá in toyopan kon kotá tatua, inta kon sigad in Ai bo Betel. 13Dá, nanaadon in pinogogator kon tontara inta mayá moparang tatua: Markas inta totok in moponting pinoukat kon dotá in utuan kon kotá tatua bo tontara ibanea in kon dotá in toyopan, bo ki Yosua minayá in ḷopá in doḷom tua. 14Naonda in kinoontongan i datu in Ai in intau mita i Yosua, dá ḷagidon in sia nomarenta. Sia bo bayongan in intaunea mita iḻumuai nopobayá ná ḷopá in Yordan sin monubu kon intau in Israel kon tampat inta koḻipod. Diábí kinotaauannea kon topípa bo sia tua in tubuon doman nongkon tumi. 15Ki Yosua bo intaunea mita in ki ubo-uboḷmai umundok; mosia in noribatuk nopobayá in padang gurun. 16Bayongan in ḷoḷaki kon kotá in Ai nodait pinarentaan mondudur kon i Yosua bo tontaranea tatua. Táe koyayú-koyayú in ponduduran monia kon i Yosua dá koyayú-koyayú doman in mosia nongkon kotá monia. 17Bayongan intau kon Ai iḻumuai sin mogaḷow kon intau in Israel, dá kotá tatua in pinomayádon nobukat mako natua, diádon iḷukadan.
18Onda intua ki Tuhan noguman kon i Yosua, “Tonggó in tungkudmu bo popotundú kon Ai; kotá tatua in ogoi-Kudon kon inimu in tanaa mako.” Inaidan i Yosua onu in pinarenta i Tuhan kon inia. 19Naonda in sinonggó i Yosua in ḻimanea, tontara mita inta nogadop tua iḻimikatdon in sinimindog bo nonubu kon kotá tatua, bo poḷat nogagow. Baḷúdon sinubá monia in kotá tatua. 20-22Intau mita in Ai nobobui ná tumi, bo inontongdon monia in poyok moḷoben namonik in ḷangit. Ki Yosua bo tontaranea mita in nokoontong domandon kon poyok bo kinotaauanneadon kon tontaranea mita ibanea in nokoagowdon kon kotá tatua. Dá nomurowdon in ki Yosua takin tontaranea mita sin monubu bo moḻimod kon intau mita in Ai. Intau mita in Israel inta kon kotá in Ai tatua namangoi domandon bo nonubu, dá intau mita in Ai kinokopungandon bo diádon nokoḷagui. Diá tobatúmai in intau nongkon i monia in nokoḷagui, nodait minatoi iḻimod in intau Israel, 23koḻikudon in ki datu in Ai. Sia in dinomok bo dinia pinobayá kon tayowon i Yosua.
24Naonda in tontara mita in Israel nopaḷut noḻimod kon tontara in musung inta nondudur kon i monia kon padang gurun, nobuidon in mosia kon Ai, bo noḻimod kon bayongan in intau inta kon tua. 25-26Ki Yosua tantú nopotonggó in pandongnea ná Ai, bo diábí pinopoponag nodapot in intau mita kon Ai nodait kinoḻimodan. Singgai doman tua minatoidon komintan in intau mita kon kotá in Ai – 12.000 in kobayong intaunea, ḷoḷaki bo bobay. 27Bobiagon bo barang mita inta inagow kon kotá tatua, ginamá in intau mita in Israel nobaḻí kapunyaan monia, pinodudui kon ná inta pinoguman i Tuhan kon i Yosua. 28Ki Yosua nomokak kon Ai, bo pinomayá mako nobaḻí utag dapot in tanaa. 29Datu in kotá tatua in binambé kon oigi tobatú, bo pinomayá mako nodapot in ḷoḷabungnea. Kon dodai in mata in singgai sinumoyop, pinoki gamádon i Yosua in mayat tatua bo iḷumbú kon tayowon in ḷoḻingkop moḷoben in kotá. Onda intua tampat tatua binumbunan in batu inta mobarong totok. Batu mita tatua umuranpabí oyúon nodapot in tanaa mako.
Hukum mita i Tuhan binaca kon Buḷud in Ebal
30 #
Ul. 27:2-8
Onda intua ki Yosua noposindog in mezbah kon i Tuhan, Allah Israel, kon Buḷud in Ebal. 31#Iḷn. 20:25 Pinomianea in mezbah tatua pinopodudui kon topotundú mita inta kon bonu in buk i Musa, mogogundoi i Tuhan tua, kon intau in Israel: “Mezbah tobatú nongkon batu mita inta diápa kon dodai in onda inaidan in pakakat uatoi.” Kon tudu in mezbah tatua intau mita in Israel noposumba kon i Tuhan: in kuruban payongon bo kuruban pondamean kon i monia. 32Kon tua, takin koonto-ontong in intau in Israel, ki Yosua nomais bui kon batu mita in mezbah tatua in hukum mita i Tuhan inta pinais kon bonu in Buk i Musa. 33#Ul. 11:29, 27:11-14 Intau mita in Israel, takin itoi mita, porwira mita, hakim mita, bo intau mita ango-angoi inta nogutun kon sigad monia, sinimindog kon posiḷosi in Poti Dodandian i Tuhan sinumayow kon imang mita in Lewi inta nomotaan kon Poti Dodandian tatua. Tongobotak nongkon intau mita tatua sinumayow kon Buḷud in Gerizim, bo inta kiagatnea in sinumayow kon Buḷud in Ebal. Ki Musa, mogogundoi i Tuhan tua, ain nomarenta sinbá mosia momia kon tua aka moiangoidon in wakutunea mosia motarima kon barakat inta pinodandi i Tuhan. 34Noiduduimai kon tua binaca i Yosua kinoropot in bayongan in hukum podudui kon ná inta pinais kon bonu in Buk in Hukum, noitakin doman binaca in barakat bo kutukan mita. 35Bayongan in parenta i Musa binaca i Yosua kon bayongan umat in Israel inta noyosipun kon tua, noitakin doman in bobay mita, adí mita, bo intau mita ango-angoi inta nogutun kon sigad monia.
လက်ရှိရွေးချယ်ထားမှု
YOSUA 8: INOMOG
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ
Alkitab Singog In Mongondow Masa In Tanaa © Indonesian Bible Society, 2016.
YOSUA 8
8
Kotá in Ai inagow bo irimumud
1Ki Tuhan noguman kon i Yosua, “Sipundon in bayongan tontaramu, bo bayádon takin monia kon Ai. Dika moḻia-ḻiaw in gina bo dika moondok! Popountung-Kubí in moiko nongkon i datu in Ai. Rayatnea, kotánea, bo butánea in koagowanmubí. 2Ai bo datunea in musti aidanmu ná pinogogaidmu kon Yerikho bo datunea koḻipod. Táe tanaa in barangnea mita bo bobiagonnea in motaaudon gamáanmu mobaḻí kapunyaanmu. Posadiadon in mayá monubu kon kotá tatua taḻikokogan nongkon tumi.”
3Dá ki Yosua nosadiadon mayá in Ai moyotakin in bayongan tontaranea. Sia nomiḻí kon 30.000 in tontara mita inta totok mopia, bo nopotabá kon i monia kon wakutu in doḷom, 4bo nobogoi in parenta tanaa kon i monia, “Pogadopdon kon ḻikudmai in kotá tatua, tongá dika totok in yumayú; bo posadiadon monubu. 5Akuoi takin intauku mita in dimiugdon kon kotá tatua. Aka intau mita in Ai ḷumuai mogaḷow kon inami, kami in momurow bo moḷagui ná koḻipod. 6Mosia in mogaḷowdon kon inami modapot in moyayú nongkon kotá tatua, bo kai monia kamai kami in totuubí moḷagui ná koḻipod. 7Kon dodaidon intuata bo ḷumuai in moiko nongkon pinogadopan monimu, bo mogagow kon kotá tatua. Ogoi bidon i Tuhan Allahmu intua kon inimu. 8Naonda in koagowan mako turubdon in kotá tatua, podudui kon ná inta ain pinarenta i Tuhan. Tuata in oaidanmu.” 9Onda intua ki Yosua nopotabádon kon i monia, bo mosia minayá nogadop kon dotá in toyopan kotá in Ai kon sigad in Ai bo Betel, bo nogoḷat kon tua. Táe ki Yosua in nosiugpa kon pinononḷoḷaigan in umat Israel.
10Subupa totok ki Yosua nobangon bo nomarenta kon tontaranea mita sinbá moyosipun. Onda intua sia bo itoi mita in umat in Israel nodia kon tontara tatua minayá in Ai. 11Tontara mita tatua in noyotakin i Yosua minayá nopobayá ná ḷoḻingkop moḷoben in kotá in Ai, bo nononḷoḷaigan kon dotá in utuan, kon ḷopá tobatú inta kon sigad monia bo kotá tatua. 12Degá 5.000 in intau inta ain pinotabánea nogadop kon dotá in toyopan kon kotá tatua, inta kon sigad in Ai bo Betel. 13Dá, nanaadon in pinogogator kon tontara inta mayá moparang tatua: Markas inta totok in moponting pinoukat kon dotá in utuan kon kotá tatua bo tontara ibanea in kon dotá in toyopan, bo ki Yosua minayá in ḷopá in doḷom tua. 14Naonda in kinoontongan i datu in Ai in intau mita i Yosua, dá ḷagidon in sia nomarenta. Sia bo bayongan in intaunea mita iḻumuai nopobayá ná ḷopá in Yordan sin monubu kon intau in Israel kon tampat inta koḻipod. Diábí kinotaauannea kon topípa bo sia tua in tubuon doman nongkon tumi. 15Ki Yosua bo intaunea mita in ki ubo-uboḷmai umundok; mosia in noribatuk nopobayá in padang gurun. 16Bayongan in ḷoḷaki kon kotá in Ai nodait pinarentaan mondudur kon i Yosua bo tontaranea tatua. Táe koyayú-koyayú in ponduduran monia kon i Yosua dá koyayú-koyayú doman in mosia nongkon kotá monia. 17Bayongan intau kon Ai iḻumuai sin mogaḷow kon intau in Israel, dá kotá tatua in pinomayádon nobukat mako natua, diádon iḷukadan.
18Onda intua ki Tuhan noguman kon i Yosua, “Tonggó in tungkudmu bo popotundú kon Ai; kotá tatua in ogoi-Kudon kon inimu in tanaa mako.” Inaidan i Yosua onu in pinarenta i Tuhan kon inia. 19Naonda in sinonggó i Yosua in ḻimanea, tontara mita inta nogadop tua iḻimikatdon in sinimindog bo nonubu kon kotá tatua, bo poḷat nogagow. Baḷúdon sinubá monia in kotá tatua. 20-22Intau mita in Ai nobobui ná tumi, bo inontongdon monia in poyok moḷoben namonik in ḷangit. Ki Yosua bo tontaranea mita in nokoontong domandon kon poyok bo kinotaauanneadon kon tontaranea mita ibanea in nokoagowdon kon kotá tatua. Dá nomurowdon in ki Yosua takin tontaranea mita sin monubu bo moḻimod kon intau mita in Ai. Intau mita in Israel inta kon kotá in Ai tatua namangoi domandon bo nonubu, dá intau mita in Ai kinokopungandon bo diádon nokoḷagui. Diá tobatúmai in intau nongkon i monia in nokoḷagui, nodait minatoi iḻimod in intau Israel, 23koḻikudon in ki datu in Ai. Sia in dinomok bo dinia pinobayá kon tayowon i Yosua.
24Naonda in tontara mita in Israel nopaḷut noḻimod kon tontara in musung inta nondudur kon i monia kon padang gurun, nobuidon in mosia kon Ai, bo noḻimod kon bayongan in intau inta kon tua. 25-26Ki Yosua tantú nopotonggó in pandongnea ná Ai, bo diábí pinopoponag nodapot in intau mita kon Ai nodait kinoḻimodan. Singgai doman tua minatoidon komintan in intau mita kon kotá in Ai – 12.000 in kobayong intaunea, ḷoḷaki bo bobay. 27Bobiagon bo barang mita inta inagow kon kotá tatua, ginamá in intau mita in Israel nobaḻí kapunyaan monia, pinodudui kon ná inta pinoguman i Tuhan kon i Yosua. 28Ki Yosua nomokak kon Ai, bo pinomayá mako nobaḻí utag dapot in tanaa. 29Datu in kotá tatua in binambé kon oigi tobatú, bo pinomayá mako nodapot in ḷoḷabungnea. Kon dodai in mata in singgai sinumoyop, pinoki gamádon i Yosua in mayat tatua bo iḷumbú kon tayowon in ḷoḻingkop moḷoben in kotá. Onda intua tampat tatua binumbunan in batu inta mobarong totok. Batu mita tatua umuranpabí oyúon nodapot in tanaa mako.
Hukum mita i Tuhan binaca kon Buḷud in Ebal
30 #
Ul. 27:2-8
Onda intua ki Yosua noposindog in mezbah kon i Tuhan, Allah Israel, kon Buḷud in Ebal. 31#Iḷn. 20:25 Pinomianea in mezbah tatua pinopodudui kon topotundú mita inta kon bonu in buk i Musa, mogogundoi i Tuhan tua, kon intau in Israel: “Mezbah tobatú nongkon batu mita inta diápa kon dodai in onda inaidan in pakakat uatoi.” Kon tudu in mezbah tatua intau mita in Israel noposumba kon i Tuhan: in kuruban payongon bo kuruban pondamean kon i monia. 32Kon tua, takin koonto-ontong in intau in Israel, ki Yosua nomais bui kon batu mita in mezbah tatua in hukum mita i Tuhan inta pinais kon bonu in Buk i Musa. 33#Ul. 11:29, 27:11-14 Intau mita in Israel, takin itoi mita, porwira mita, hakim mita, bo intau mita ango-angoi inta nogutun kon sigad monia, sinimindog kon posiḷosi in Poti Dodandian i Tuhan sinumayow kon imang mita in Lewi inta nomotaan kon Poti Dodandian tatua. Tongobotak nongkon intau mita tatua sinumayow kon Buḷud in Gerizim, bo inta kiagatnea in sinumayow kon Buḷud in Ebal. Ki Musa, mogogundoi i Tuhan tua, ain nomarenta sinbá mosia momia kon tua aka moiangoidon in wakutunea mosia motarima kon barakat inta pinodandi i Tuhan. 34Noiduduimai kon tua binaca i Yosua kinoropot in bayongan in hukum podudui kon ná inta pinais kon bonu in Buk in Hukum, noitakin doman binaca in barakat bo kutukan mita. 35Bayongan in parenta i Musa binaca i Yosua kon bayongan umat in Israel inta noyosipun kon tua, noitakin doman in bobay mita, adí mita, bo intau mita ango-angoi inta nogutun kon sigad monia.
လက်ရှိရွေးချယ်ထားမှု
:
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ
Alkitab Singog In Mongondow Masa In Tanaa © Indonesian Bible Society, 2016.