MATIUS 10
10
Yesus medeu keduai belas rasul
(Mrk. 3:13-19; Luk. 6:12-16)
1Pado sewaktau bilai Yesus medeu keduai belas penotoa-penotoa-Ne bekopoa. Lajau Si melei kuaso ngen tobo'o utuk musir roh-roh jahat, ngen kema'en kute olon ngen kute cacet. 2Gen keduai belas rasul'o: pertamo Simon (de senbut Petrus) ngen Andreas pasuakne, Yakobus ngen Yohanes pasuakne, anok-anok Zebedeus. 3Sudo'o Filipus ngen Bartolomeus, Tomas ngen Matius penagiak pajak, Yakobus anok Alfeus ngen Tadeus, 4lajau akhirne Simon de pejuang ngen Yudas Iskariot de menghianat Yesus.
Tugas rasul
(Mrk. 6:7-13; Luk. 9:1-6)
5Keduai belas rasul sudo'o nutus Yesus ngen dapet petunjuk-petunjuk yo, “Jibeakba lalau moi daerah tun-tun de coa Yahudi. Jibeak moi neak kota tun Samaria. 6Tapi lalauba ngen tun-tun Israel, kerno tobo'o nyep. 7#Luk. 10:4-12 Melei namen ngen tobo'o bahwo Allah mriteak awei Rajo. 8Kemaenba tun-tun bolon; midup igai tun-tun matei; kemaenba tun-tun de olon babok de kembiak saben ite kembiakne, ngen nusirba roh-roh jahat udi bi temimo kutene'o ngen coa nasen. Jijai neleiba bae. 9Jibeakba mbin caci mas, caci pirok, caci tembagai. 10#1Kor. 9:14; 1Tim. 5:18 Jibeakba udi mbin katung sedekea, atau duai lembea keracok utuk pemaneunu. Sebab tun de kerjo bi harusne nejamin nafkahne.
11Amen udi sapei neak kota atau sadei, kesoaba neak di suang tun de lok temapung udi. Tingeaba ngen si sapei udi berakat igai. 12Waktau udi masuk umeak, nadeakba, ‘Kirone Tuhan melei rahmat ngen udi.’ 13Amen tun-tun neak umeak'o temimo udi, kunyauba salamnu'o tep ngen tobo'o. Tapi amen tobo'o coa temimo udi, mokba igai salamnu'o. 14#Kis. 13:51 Amen ade umeak atau kota de coa lok temimo udi atau coa lok temi'uk udi teninggea penan'o ngen kenibasbah debu kunei telapok kekeanu. 15#Kej. 19:24-28; Mat. 11:24 Ingetba! Pado Bilai Kiamat tun-tun neak kota Sodom ngen Gomora bakea lebiak Allah mapunne kunei tun-tun neak kota'o!”
Sikso de bakea teko
(Mrk. 13:9-13; Luk. 21:12-17)
16 #
Luk. 10:3
“Keliakba: Uku mutus udi awei domba de coa bedayo neak tengeak-tengeak srigala ganas, udi harus pacok awei dung ngen baik atei awei burung daro. 17#Mrk. 13:9-11; Luk. 12:11-12, 21:12-15 Bejago-jago sebab udi bakea tenakep lajau senreak ngen pengadilan agamo tun Yahudi. Tobo'o bakea semikso udi neak umeak-umeak semyang tobo'o. 18Kerno udi penotoa-Ku, udi bakea mbin ngen penguaso-penguaso ngen rajo-rajo. Ngen pado waktau'oba, ko bakea jijai saksi-Ku utuk tobo'o ngen tun-tun de coa kemnal Allah. 19Amen udi nembin utuk nadeak, jibeakba udi temes tetang jano de bakea udi madeak, atau awei ipe udi miling. Sebab jano de harus udi madeak'o bakea nelei namen ngen udi pado waktaune. 20Kerno de miling pado waktau'o iso udi, meluyen Roh Sucai kunei Bak de neak surgo, liwet udi.
21 #
Mrk. 13:12; Luk. 21:16 Bakea tejijai amen tun semreak pasuakne dewek utuk nunuak ngen do'o kulo de bakea tejijai neak antaro Bak ngen Anokne. Anok-anok bakea mlawen ngen bak makne, ngen semreak tobo'o utuk nunuak. 22#Mat. 24:9, 13; Mrk. 13:13; Luk. 21:17 Kerno udi penotoa-Ku, tun bakea jengik ngen udi. Tapi tun de tep pecayo ngen Uku sapei akhir, Allah bakea semlamat si. 23Amen udi senikso neak de bueak kota mlilaiba moi kota de luyen. Uku madeak ngen ko: Ayok udi selsei lalau moi kute kota-kota Israel, Anok Manusio bi teko.
24 #
Luk. 6:40; Yoh. 13:16, 15:20 Suang gu'au lebiak lai kunei penotoa-penotoa-Ne ngen coa gen pelayan lebiak lai kunei tuanne. 25#Mat. 9:34, 12:24; Mrk. 3:22; Luk. 11:15 Bi cukup amen suang murid jijai awei gu'aune, ngen suang pelayan awei tuanne. Amen kepalo keluarga senbut Beelzebul jano igai seisai umeakne. Tobo'o bakea dapet gen de kembiak kidek igai!”
Sabenba ngen Allah
(Luk. 12:2-7)
26 #
Mrk. 4:22; Luk. 8:17 “Jibeakba saben ngen manusio coa ade de tekunyin de coa bakea keten ngen coa ade de resio de coa bakea nukok. 27Jano de Uku madeak ngen ko lem kelem harusba udi mulang lem te'ang kebilai. Ngen jano de nisik neak ti'uk melei namenba moi ipe bae. 28Jibeakba saben ngen, tobo'o de munuak awok, tapi coa ade kuaso munuak jiwo. Sabenba ngen Allah de bekuaso mbenaso awok ngen jiwonu lem nerako. 29Duai likup burung pipit nam tenukua ngen de caci de paling titik gone. Coa gen gok dikup neak pitok, amen coa Baknu kemlokne. 30Kute buk neak ulaunu bi teitung. 31Kerno'o jibeakba saben! Udi lebiak be go kunei pado burung-burung pipit.”
Ngakau Yesus neak muko umum
(Luk. 12:8-9)
32“Api bae makau Uku neak muko umum bahwa si penotoa-Ku, Uku kulo bakea ngakau udi neak adep Bak-Ku de neak surgo. 33#2Tim. 2:12 Tapi api bae de mikar Uku neak muko umum bahwo si penotoa-Ku, Uku kulo bakea mikar udi neak adep Bak-Ku de neak surgo.”
Coa damai tapi betekea
(Luk. 12:51-53, 14:26-27)
34“Jibeak sako, bahwo Uku teko utuk mbin damoi neak dunio. Uku coa mbin damoi tapi betekea. 35#Mi. 7:6 Uku teko sembab Anok semanei mlawen Bakne, Anok selawei mlawen Makne, setamang selawei mlawen setu'ang selaweine. 36Au de bakea jijai musuak lai adeba anggota keluargonu dewek.
37Tun de kemasiak bak atau makne lebiak kunei Uku, coa patut jijai penotoa-Ku. Awei'o kulo tun de kemasiak anokne semanei atau selawei lebiak kunei Uku. 38#Mat. 16:24; Mrk. 8:34; Luk. 9:23 Tun de coa lok musung salibne ngen temotoa Uku, si coa patut ijai penotoa-Ku. 39#Mat. 16:25; Mrk. 8:35; Luk. 9:24, 17:33; Yoh. 12:25 Tun de kema'en idupne bakea nyep idupne. Tapi tun denyep idup kerno setia ngen Uku bakea dapet idupne.”
Upeak kunei perbuatan de baik
(Mrk. 9:41)
40 #
Mrk. 9:37; Luk. 9:48, 10:16; Yoh. 13:20 “Tun de temimo udi temimo Uku, ngen tun de temimo de mutusku, Uku temimo Si. 41Tun de temimo nebai kerno si nebai bakea temimo upeak suang nebai ngen api bae de temimo suang tun debaik kerno si baik bakea temimo upeak suang de baik. 42Api bae melei bio'a kunyau cuma bio'a sengok bae ngen saleak suang tun-tun de coa penting yo, kerno si penotoa-Ku, pecayoba sahe si bakea temimo upeakne ngen si!”
လက်ရှိရွေးချယ်ထားမှု
MATIUS 10: REJ
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ
@ LAI 2011 Indonesian Bible Society (Lembaga Alkitab Indonesia)
MATIUS 10
10
Yesus medeu keduai belas rasul
(Mrk. 3:13-19; Luk. 6:12-16)
1Pado sewaktau bilai Yesus medeu keduai belas penotoa-penotoa-Ne bekopoa. Lajau Si melei kuaso ngen tobo'o utuk musir roh-roh jahat, ngen kema'en kute olon ngen kute cacet. 2Gen keduai belas rasul'o: pertamo Simon (de senbut Petrus) ngen Andreas pasuakne, Yakobus ngen Yohanes pasuakne, anok-anok Zebedeus. 3Sudo'o Filipus ngen Bartolomeus, Tomas ngen Matius penagiak pajak, Yakobus anok Alfeus ngen Tadeus, 4lajau akhirne Simon de pejuang ngen Yudas Iskariot de menghianat Yesus.
Tugas rasul
(Mrk. 6:7-13; Luk. 9:1-6)
5Keduai belas rasul sudo'o nutus Yesus ngen dapet petunjuk-petunjuk yo, “Jibeakba lalau moi daerah tun-tun de coa Yahudi. Jibeak moi neak kota tun Samaria. 6Tapi lalauba ngen tun-tun Israel, kerno tobo'o nyep. 7#Luk. 10:4-12 Melei namen ngen tobo'o bahwo Allah mriteak awei Rajo. 8Kemaenba tun-tun bolon; midup igai tun-tun matei; kemaenba tun-tun de olon babok de kembiak saben ite kembiakne, ngen nusirba roh-roh jahat udi bi temimo kutene'o ngen coa nasen. Jijai neleiba bae. 9Jibeakba mbin caci mas, caci pirok, caci tembagai. 10#1Kor. 9:14; 1Tim. 5:18 Jibeakba udi mbin katung sedekea, atau duai lembea keracok utuk pemaneunu. Sebab tun de kerjo bi harusne nejamin nafkahne.
11Amen udi sapei neak kota atau sadei, kesoaba neak di suang tun de lok temapung udi. Tingeaba ngen si sapei udi berakat igai. 12Waktau udi masuk umeak, nadeakba, ‘Kirone Tuhan melei rahmat ngen udi.’ 13Amen tun-tun neak umeak'o temimo udi, kunyauba salamnu'o tep ngen tobo'o. Tapi amen tobo'o coa temimo udi, mokba igai salamnu'o. 14#Kis. 13:51 Amen ade umeak atau kota de coa lok temimo udi atau coa lok temi'uk udi teninggea penan'o ngen kenibasbah debu kunei telapok kekeanu. 15#Kej. 19:24-28; Mat. 11:24 Ingetba! Pado Bilai Kiamat tun-tun neak kota Sodom ngen Gomora bakea lebiak Allah mapunne kunei tun-tun neak kota'o!”
Sikso de bakea teko
(Mrk. 13:9-13; Luk. 21:12-17)
16 #
Luk. 10:3
“Keliakba: Uku mutus udi awei domba de coa bedayo neak tengeak-tengeak srigala ganas, udi harus pacok awei dung ngen baik atei awei burung daro. 17#Mrk. 13:9-11; Luk. 12:11-12, 21:12-15 Bejago-jago sebab udi bakea tenakep lajau senreak ngen pengadilan agamo tun Yahudi. Tobo'o bakea semikso udi neak umeak-umeak semyang tobo'o. 18Kerno udi penotoa-Ku, udi bakea mbin ngen penguaso-penguaso ngen rajo-rajo. Ngen pado waktau'oba, ko bakea jijai saksi-Ku utuk tobo'o ngen tun-tun de coa kemnal Allah. 19Amen udi nembin utuk nadeak, jibeakba udi temes tetang jano de bakea udi madeak, atau awei ipe udi miling. Sebab jano de harus udi madeak'o bakea nelei namen ngen udi pado waktaune. 20Kerno de miling pado waktau'o iso udi, meluyen Roh Sucai kunei Bak de neak surgo, liwet udi.
21 #
Mrk. 13:12; Luk. 21:16 Bakea tejijai amen tun semreak pasuakne dewek utuk nunuak ngen do'o kulo de bakea tejijai neak antaro Bak ngen Anokne. Anok-anok bakea mlawen ngen bak makne, ngen semreak tobo'o utuk nunuak. 22#Mat. 24:9, 13; Mrk. 13:13; Luk. 21:17 Kerno udi penotoa-Ku, tun bakea jengik ngen udi. Tapi tun de tep pecayo ngen Uku sapei akhir, Allah bakea semlamat si. 23Amen udi senikso neak de bueak kota mlilaiba moi kota de luyen. Uku madeak ngen ko: Ayok udi selsei lalau moi kute kota-kota Israel, Anok Manusio bi teko.
24 #
Luk. 6:40; Yoh. 13:16, 15:20 Suang gu'au lebiak lai kunei penotoa-penotoa-Ne ngen coa gen pelayan lebiak lai kunei tuanne. 25#Mat. 9:34, 12:24; Mrk. 3:22; Luk. 11:15 Bi cukup amen suang murid jijai awei gu'aune, ngen suang pelayan awei tuanne. Amen kepalo keluarga senbut Beelzebul jano igai seisai umeakne. Tobo'o bakea dapet gen de kembiak kidek igai!”
Sabenba ngen Allah
(Luk. 12:2-7)
26 #
Mrk. 4:22; Luk. 8:17 “Jibeakba saben ngen manusio coa ade de tekunyin de coa bakea keten ngen coa ade de resio de coa bakea nukok. 27Jano de Uku madeak ngen ko lem kelem harusba udi mulang lem te'ang kebilai. Ngen jano de nisik neak ti'uk melei namenba moi ipe bae. 28Jibeakba saben ngen, tobo'o de munuak awok, tapi coa ade kuaso munuak jiwo. Sabenba ngen Allah de bekuaso mbenaso awok ngen jiwonu lem nerako. 29Duai likup burung pipit nam tenukua ngen de caci de paling titik gone. Coa gen gok dikup neak pitok, amen coa Baknu kemlokne. 30Kute buk neak ulaunu bi teitung. 31Kerno'o jibeakba saben! Udi lebiak be go kunei pado burung-burung pipit.”
Ngakau Yesus neak muko umum
(Luk. 12:8-9)
32“Api bae makau Uku neak muko umum bahwa si penotoa-Ku, Uku kulo bakea ngakau udi neak adep Bak-Ku de neak surgo. 33#2Tim. 2:12 Tapi api bae de mikar Uku neak muko umum bahwo si penotoa-Ku, Uku kulo bakea mikar udi neak adep Bak-Ku de neak surgo.”
Coa damai tapi betekea
(Luk. 12:51-53, 14:26-27)
34“Jibeak sako, bahwo Uku teko utuk mbin damoi neak dunio. Uku coa mbin damoi tapi betekea. 35#Mi. 7:6 Uku teko sembab Anok semanei mlawen Bakne, Anok selawei mlawen Makne, setamang selawei mlawen setu'ang selaweine. 36Au de bakea jijai musuak lai adeba anggota keluargonu dewek.
37Tun de kemasiak bak atau makne lebiak kunei Uku, coa patut jijai penotoa-Ku. Awei'o kulo tun de kemasiak anokne semanei atau selawei lebiak kunei Uku. 38#Mat. 16:24; Mrk. 8:34; Luk. 9:23 Tun de coa lok musung salibne ngen temotoa Uku, si coa patut ijai penotoa-Ku. 39#Mat. 16:25; Mrk. 8:35; Luk. 9:24, 17:33; Yoh. 12:25 Tun de kema'en idupne bakea nyep idupne. Tapi tun denyep idup kerno setia ngen Uku bakea dapet idupne.”
Upeak kunei perbuatan de baik
(Mrk. 9:41)
40 #
Mrk. 9:37; Luk. 9:48, 10:16; Yoh. 13:20 “Tun de temimo udi temimo Uku, ngen tun de temimo de mutusku, Uku temimo Si. 41Tun de temimo nebai kerno si nebai bakea temimo upeak suang nebai ngen api bae de temimo suang tun debaik kerno si baik bakea temimo upeak suang de baik. 42Api bae melei bio'a kunyau cuma bio'a sengok bae ngen saleak suang tun-tun de coa penting yo, kerno si penotoa-Ku, pecayoba sahe si bakea temimo upeakne ngen si!”
လက်ရှိရွေးချယ်ထားမှု
:
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ
@ LAI 2011 Indonesian Bible Society (Lembaga Alkitab Indonesia)