O KEJADIAN 7
7
O Taufani
1Daha ma Jou witemo o Nuhika, ”Ngohi tamake ngona noma tengokahi dika o nyawa yadodiai Ahi mau. Ho, nowohama o kapa gënanga magoronaika kamamoi deʼ ngoni hekata deʼ ani ngoha-ngohaka. 2-3Nao o totaleo o rupa moi-o rupa moi o habi tumidi deʼ o aiwani mahomoahi i hohalali, mä i hoharamuino duga-duga o habi moi dika o rupa moi-o rupa moi. Nodiai gënanga hupaya o rupa moi-o rupa moi o aiwani i binahaua deʼ yakunu i fätoli o duniaka. 4O wange tumidohi Ngohi aha tohiguti o awana i ogo-ogorua ma dekana o hutu moruata deʼ o wange moruata, hupaya o dodadi i wöwango-wango Tohidadadioka o duniaka gënanga i binaha.” 5Daha o Nuh wadiai hagala ma Jou wihipopareta ünangika.
6O Nuh ai umuru o taongo o ratuhu butanga maöraha o taufani imadadi o duniaka. 7#Mat. 24:38-39; Luk. 17:27 O Nuh deʼ ngoihekata, de aingoha-ngohaka de toönanga manga heka-hekata yowohama o kapa gënanga magoronaika mangale manga diri ihihalamati deʼ o nguihi. 8Ma nauru moi deʼ ma beka moi o rupa moi-o rupa moi o totaleo deʼ o aiwani mahomoahi – kayaoa ihohalali kayaoaö i ho haramu – 9iwohama o kapa gënanga magoronaika kamamoi deʼ o Nuh ima moteke deʼ ma Jou Madutu Aipareta. 10O wange tumidi ipahaika o taufani i böa yaolu o dunia.
11 #
2Pet. 3:6
Maöraha o Nuh ai umuru o taongo o ratuhu butanga, o wange ngimoi deʼ tumidi o mede mahinotoka, ipooteke hagala o akere malako o dunia matimiuku. Hagala o akere mangorana o dihangoka ihelenga, 12deʼ o awana iuti madekana o hutu moruata deʼ o wange moruata. 13O wange gënangaö, o Nuh deʼ ngoihekata yowohama o kapa ma goronaika kamamoi deʼ aingohaka yaruange, enagënanga o Sem, o Yafet deʼ o Ham kamamoi deʼ toönanga manga heka-hekata. 14Kamamoi dede önanga iwohamoli o rupa moi-o rupa moi o totaleo deʼ o aiwani mahomoaohi, kayaoa i dana-dana kayaoaö i huhuku, ma ago-agomo kayaoa mahohumujuru. 15Ma nauru moi deʼ ma beka moi o rupa moi-o rupa moi o dodadi i wango-wango iwohama o kapa gënanga magoronaika kamamoi deʼ o Nuh, 16ima moteke deʼ ma Jou Madutu Aipareta unangika. Mata-mata yowohama iböto, ma Jou wabeno o kapa mangorana.
17O taufani gënanga gila-gila yaolu madekana o wange moruata, deʼ o akere imadadi kayaoa ma gurutil̄e hiädono o kapa gënanga yakunu ipuda. 18O akere idogo-dogo ikurutil̄e, deʼ o kapa gënanga ipuda-puda mal̄okuoka. 19O akere gënanga gila-gila idogo ikurutil̄e, hiädono ya luhungu ol̄oku-ol̄oku duru ikokurutil̄e. 20O akere gila-gila idoa hiädono o l̄oku ma tubu-tubuoka de o metere tumidil̄e yadono magurutil̄e. 21-23Ma Jou wabinaha hagala o dodadi iwö wango-wango o duniaka nënanga: o nyawa, o totaleo deʼ o aiwani o dudungoka kaya oa mahohumujuru kayaoa ma ago-agomo. Yobinahaua duga-duga o Nuh deʼ mata-mata naga kama moi dede ünanga o kapa gënanga magoronaka. 24O akere koi owa-owahua madekana o wange o ratuhu moi deʼ moritoa.
လက်ရှိရွေးချယ်ထားမှု
O KEJADIAN 7: TLB
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ
O KEJADIAN 7
7
O Taufani
1Daha ma Jou witemo o Nuhika, ”Ngohi tamake ngona noma tengokahi dika o nyawa yadodiai Ahi mau. Ho, nowohama o kapa gënanga magoronaika kamamoi deʼ ngoni hekata deʼ ani ngoha-ngohaka. 2-3Nao o totaleo o rupa moi-o rupa moi o habi tumidi deʼ o aiwani mahomoahi i hohalali, mä i hoharamuino duga-duga o habi moi dika o rupa moi-o rupa moi. Nodiai gënanga hupaya o rupa moi-o rupa moi o aiwani i binahaua deʼ yakunu i fätoli o duniaka. 4O wange tumidohi Ngohi aha tohiguti o awana i ogo-ogorua ma dekana o hutu moruata deʼ o wange moruata, hupaya o dodadi i wöwango-wango Tohidadadioka o duniaka gënanga i binaha.” 5Daha o Nuh wadiai hagala ma Jou wihipopareta ünangika.
6O Nuh ai umuru o taongo o ratuhu butanga maöraha o taufani imadadi o duniaka. 7#Mat. 24:38-39; Luk. 17:27 O Nuh deʼ ngoihekata, de aingoha-ngohaka de toönanga manga heka-hekata yowohama o kapa gënanga magoronaika mangale manga diri ihihalamati deʼ o nguihi. 8Ma nauru moi deʼ ma beka moi o rupa moi-o rupa moi o totaleo deʼ o aiwani mahomoahi – kayaoa ihohalali kayaoaö i ho haramu – 9iwohama o kapa gënanga magoronaika kamamoi deʼ o Nuh ima moteke deʼ ma Jou Madutu Aipareta. 10O wange tumidi ipahaika o taufani i böa yaolu o dunia.
11 #
2Pet. 3:6
Maöraha o Nuh ai umuru o taongo o ratuhu butanga, o wange ngimoi deʼ tumidi o mede mahinotoka, ipooteke hagala o akere malako o dunia matimiuku. Hagala o akere mangorana o dihangoka ihelenga, 12deʼ o awana iuti madekana o hutu moruata deʼ o wange moruata. 13O wange gënangaö, o Nuh deʼ ngoihekata yowohama o kapa ma goronaika kamamoi deʼ aingohaka yaruange, enagënanga o Sem, o Yafet deʼ o Ham kamamoi deʼ toönanga manga heka-hekata. 14Kamamoi dede önanga iwohamoli o rupa moi-o rupa moi o totaleo deʼ o aiwani mahomoaohi, kayaoa i dana-dana kayaoaö i huhuku, ma ago-agomo kayaoa mahohumujuru. 15Ma nauru moi deʼ ma beka moi o rupa moi-o rupa moi o dodadi i wango-wango iwohama o kapa gënanga magoronaika kamamoi deʼ o Nuh, 16ima moteke deʼ ma Jou Madutu Aipareta unangika. Mata-mata yowohama iböto, ma Jou wabeno o kapa mangorana.
17O taufani gënanga gila-gila yaolu madekana o wange moruata, deʼ o akere imadadi kayaoa ma gurutil̄e hiädono o kapa gënanga yakunu ipuda. 18O akere idogo-dogo ikurutil̄e, deʼ o kapa gënanga ipuda-puda mal̄okuoka. 19O akere gënanga gila-gila idogo ikurutil̄e, hiädono ya luhungu ol̄oku-ol̄oku duru ikokurutil̄e. 20O akere gila-gila idoa hiädono o l̄oku ma tubu-tubuoka de o metere tumidil̄e yadono magurutil̄e. 21-23Ma Jou wabinaha hagala o dodadi iwö wango-wango o duniaka nënanga: o nyawa, o totaleo deʼ o aiwani o dudungoka kaya oa mahohumujuru kayaoa ma ago-agomo. Yobinahaua duga-duga o Nuh deʼ mata-mata naga kama moi dede ünanga o kapa gënanga magoronaka. 24O akere koi owa-owahua madekana o wange o ratuhu moi deʼ moritoa.
လက်ရှိရွေးချယ်ထားမှု
:
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ