O YOHANIS 12
12
O Yesus iwigopoa o minya mabounu mahemo-hemoro o Betania mabereraka
(Mat. 26:6-13; Mark. 14:3-9)
1O wange butangahi de o Paskah ma Wange ma Amoko yadono, o Yesus woiki o Betaniaika. O ngï gënanga aigogere o Lazarus, ünanga wohonengoka de o Yesus wihimomikoka. 2Dokengoka Unanga iwihiol̄omo önanga, deʼ mäleleani o ngo Marta. O Lazarus deʼ iwiado-adonino yogogere yol̄omo imakinïki de o Yesus. 3#Luk. 7:37-38 Ahao o ngo Maria maino mäo done holitere ngade yatogorona, o minya mabou-bounu narwastu maija duru kohahali. Münanga mihituagi o minya gënanga o Yesus ail̄ouku, daha maehe de amitadauru. O tau magoronaka gënanga idadi mabounu ihëmoro hababu o minya mabou-bounu gënanga. 4Mä o Yudas Iskariot, o nyawa womatëngo o Yesus iwinöninïki – mabahaino wihukunu o Yesus – wato, 5”Yadodoa o minya mabou-bounu gënanga nahukunua dika de maija o tiwi haäka o ratuhu hange, deʼ ma tiwi nahidöaka o nyawa yomomihikinika?” 6O Yudas wotemo hoko gënanga koigoungua hababu wahininga o mihikini manyawa, mä hababu ünanga wotohi-tohiki. Unanga mamoi-mamoi wal̄ë manga doomu matiwi mabukuoka i gogogono unangoka.
7Mä o Yesus wotemo, ”Nimi mal̄aika o ngoheka gënanga! Münanga modiai nënanga mangale mawange ihilungunu Ngohi. 8#Ul. 15:11 O nyawa yomomihikini hokogenangika naga niahidogoronaka ngini, mä Ngohi kowali.”
O rimoi madorou iwilawani o Lazarus
9O Yahudioka manyawa manga ngöe yoihene o Yesus naga o Betaniaka, hoʼ onanga yoiki dokengika. Onanga yoiki koigoungua mangale hababu o Yesus dika, mä hababu onangö yomau iwilega o Lazarus wihimomikoka o honengino. 10Hababu gënanga o imam-imam manga häeke yomau iwitoma o Lazarusohi; 11hababu ünanga idadi o hababu, o Yahudioka manyawa kamanga ngöe yämal̄aka önanga deʼ iwingaku o Yesusika.
O Yesus wowohama o Yerusalemika hokä o koano
(Mat. 21:1-11; Mark. 11:1-11; Luk. 19:28-40)
12Yarehino mawange o nyawa manga ngöe yoböaka mangale ihirame o Paskah yoihene o Yesus o ngëkomo mahidogoronainoka wameta o Yerusalem. 13#Mzm. 118:26 Onanga yal̄ë o biso mahoka-hoka daha yoiki iwibuhuku Unanga, de yopöa-pöaka, ”Niwipuji ma Jou Madutu! Iwihibarakatioka Unanga woboböa-böa de ma Jou Ai romanga. Iwihibarakatioka o Israeloka manga Koano!”
14O Yesus wamäke o keledai mago moi, deʼ Unanga wobarenuku. La idadi itulihoka Ma Jou Ai Demo ma Buku magoronaka:
15 #
Za. 9:9
”Uha nohawana, Sion mamomoholehe!
Ni lega ani Koano woböa, wobarene o keledai mago moi!”
16Oraha gënanga o Yesus iwinöninïki imangaratiuahi mata-mata gënanga. Mä ipahaika o Yesus iwihimuliaka de Toünanga aihonenge, daha önanga imahininga, hagala o nyawa yodiaioka Unangika itulihoka Ma Jou Ai Demo ma Buku magoronaka iwikorona Unanga.
17Hagala o nyawa yohima-himangino maöraha o Yesus wiahoko o Lazarus wohupu o lungunino wohonengoka deʼ wihimomiki, gila-gila ihidöaka o hakihi mangale o hali gënanga. 18Hababu gënanga o nyawa manga ngöe gënanga yoiki o Yesusika hababu önanga yoihene Unanga wodiaioka ihëra-hëranga gënanga. 19O Farisioka manyawa imaketemo moi de moika, ”Kia-kiaua ngone hakunu hodiai! Nia mäke dika, o dunia ingodumu yoiki iwinïki Unanga!”
Yamuruono naga o Yunanioka manyawa iwi lingiri o Yesus
20Manga hidogoronaka hagala o nyawa yoi-oiki o Yerusalemika mangale yohubayanga maöraha o rameanga gënanga, nagaö yamuruono naga o Yunanioka manyawa. 21Onanga yoiki o Filipusika deʼ yato, ”Riadodoto, nako yakunu, ngomi mioigo mimaka mäke de o Yesus.” (O Filipus ai ahali o Betsaidaino o Galilea matonakoka.)
22O Filipus woiki wohingahu o hali gënanga o Andreasika, deʼ ipaha önanga yahinoto ihiädono o Yesusika. 23O Yesus watemo onangika, ”Maöraha iböto o Nyawa manga Ngohaka iwihimulia. 24Igoungu itiai Ahi demo nënanga: Nako o gandum o mui moi idatomua o tonakuku deʼ ihonenge, ënanga aha i gogogere kao mui moi dika. Mä nako o gandum mamui gënanga ihonenge, ahao ënanga ihihohoko o gandum koha amoko. 25#Mat. 10:39, 16:25; Mark. 8:35; Luk. 9:24, 17:33 O nyawa yohininga manga wowango aha ihihanga manga wowango. Mä o nyawa yodohata manga wowango o duniaka nënanga, aha yapaliara mangale manga wowango madutu deʼ ikakali. 26O nyawa yomau ihileleani Ngohi kiani ihi nïki Ngohi; hupaya ihilöleleani Ngohi yakunu dede Ngohi kiaka Ngohi naga. O nyawa ihilöleleani Ngohi aha Ahi Ama wahoromati.”
O Yesus wohi ade-ade mangale Ai honenge
27”Ahi hininga Ngohi baliha; okia kiani Ngohi totemo örahanënanga? Kiani Ngohi totemo, ’Bapa, nohihalamati Ngohi örahanënanga’? Mä hababu gënanga Ngohi toböa mangale tatagongo o hangihara örahanënanga. 28Bapa, tohimulia Aniromanga!” Toihene o ilingi o dihanguku itemo, ”Ngohi tonihimuliaka, deʼ Ngohi aha tonihimuliali.”
29O nyawa manga ngöe naga genangoka yoihene o ilingi gënanga. Onanga yato, ”Gënanga o dotoreke!” Mä nagaö yato, ”Kowali! O malaekat iwitemo Unangika!”
30Daha o Yesus wotemo onangika, ”O ilingi gënanga ni ihene, igoungua mangale Ngohi ahihali, mä mangale tingini niahali. 31Orahanënanga maöraha iböto o dunia yahukumu; örahanënanga o dunia makuaha nënanga yaluluoka. 32Mä Ngohi nënanga, nako Ngohi ihituboil̄eoka o dunia mal̄okuoka, Ngohi aha tatauru mata-mata o nyawa Ngohino.” 33Unanga wotemo hokogënanga, mangale wohidumutu sarakia madodagi Unanga aha wohonenge.
34 #
Mzm. 110:4; Yes. 9:6; Yeh. 37:25; Dan. 7:14 O nyawa yowöe-wöe gënanga yotemo Unangika, ”Imoteke tongomi mia Tita ma Buku, ma Koano Wohihohalamati aha wowango kahiado-adonika. Sarakia Ngona yakunu notemo o Nyawa manga Ngohaka kiani iwituboil̄e, o dunia mal̄okuoka? O nagona o Nyawa manga Ngohaka gënanga?”
35O Yesus wohaluhu, ”Duga-duga kabotinokahi dika o dararono gënanga naga ngini niahidogoronaka. Hoʼ, nitagi hokokia madekana o dararono gënanga kanagahi, hupaya ngini uha inibänga o huhutu. O nyawa imadagi o huhutu magoronaka, wohiorikua kiaika ünanga wakaika. 36Niangaku o dararonika gënanga, hokokia madekana o dararono gënanga kanagahi nginioka, hupaya ngini nidadi o dararono mangoha-ngohaka.”
O Yahudioka manyawa yongakua
O Yesus wotemo iböto hokogënanga, Unanga genangoka de woiki deʼ wolukoka womahi matoko Ai diri onangika. 37Ngaro mangöeoka ihëra-hëranga wodiai o Yesus önanga manga himangoka, önanga iwingakua Unangika. 38#Yes. 53:1 Idadi okia ma Nabi Yesaya wotemoka,
”Jou, o nagona yängaku tongomi mia abarika?
O nagonaika anikuaha Jou nohimatoko?”
39Hababu gënanga önanga yakunua yongaku, hababu o Yesaya wotemokali,
”Ma Jou Madutu wotemo,
40 #
Yes. 6:10
’Ngohi tapilokoka önanga manga lako,
tadiai önanga manga hininga itogowini;
hupaya manga lako uha imahi öriki,
de manga dibanga önanga uha imangarati.
Hupaya önanga uha yolio Ngohino,
la Ngohi tahitogumu önanga.’ ”
41O Yesaya wotemo hokogënanga, hababu ünanga wamäkeoka Ai mulia de Ai kuaha o Yesus, deʼ wohidemo yakorona Unangika.
42Ngaro hokogënanga, o nyawa manga ngöe, o Yahudioka manyawa yokokuaha manga hidogoronaka mahirete iwingaku o Yesusika. Mä onanga yobaraniua iwingaku gënanga ihitotararonika, hababu önanga yohawana uha-uha o Farisioka manyawa yahigumal̄aokaua önanga yowohama o pupuji matauika. 43Onanga iholoi yoigo yamäke o higiriri o nyawaino, ngaro de o higiriri ma Jou Madutuino.
O Yesus aidemo aha yahihakimi
44Dahao o Yesus womapöaka, ”O nyawa ihingaku Ngohino, koigoungua Ngohino ünanga wohingaku, mä Unangika wohihulo-huloko Ngohi. 45Deʼ o nyawa ihimäke Ngohi, iwimäke Unanga wohihulo-huloko Ngohi. 46Ngohi toböa o duniaka nënanga hokä o dararono, hupaya mata-mata o nyawa ihingaku-ngaku Ngohino uha yogogere o huhutu magoronaka. 47O nyawa yoihene Tongohi ahi dodötoko, mä yamotekua ënanga – Ngohiua tihukumu ünanga. Hababu Ngohi toböa tahakimua o dunia nënanga, mä mangale tohihalamati ënanga. 48O nyawa ihitila Ngohi deʼ yoluku yoihene Ahi demo, naga yahihaki-hakimi. O demo Ngohi tohi ado-adono gënanga, aha yahihakimi o Kiamati ma Wangeoka. 49Hababu Ngohi totemoua, Ahi mauino mahirete; o Ama wohi huloko Ngohi, Unanga wohihipareta Ngohino okia kiani Tohi demo deʼ Tohiädono. 50Deʼ Ngohi tohiöriki Ai pareta gënanga ihidöaka o ngango madutu deʼ i kakali. Ho Ngohi tohiädono hokä wohi dotokoka o Ama Ngohino.”
လက်ရှိရွေးချယ်ထားမှု
O YOHANIS 12: TLB
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ
O YOHANIS 12
12
O Yesus iwigopoa o minya mabounu mahemo-hemoro o Betania mabereraka
(Mat. 26:6-13; Mark. 14:3-9)
1O wange butangahi de o Paskah ma Wange ma Amoko yadono, o Yesus woiki o Betaniaika. O ngï gënanga aigogere o Lazarus, ünanga wohonengoka de o Yesus wihimomikoka. 2Dokengoka Unanga iwihiol̄omo önanga, deʼ mäleleani o ngo Marta. O Lazarus deʼ iwiado-adonino yogogere yol̄omo imakinïki de o Yesus. 3#Luk. 7:37-38 Ahao o ngo Maria maino mäo done holitere ngade yatogorona, o minya mabou-bounu narwastu maija duru kohahali. Münanga mihituagi o minya gënanga o Yesus ail̄ouku, daha maehe de amitadauru. O tau magoronaka gënanga idadi mabounu ihëmoro hababu o minya mabou-bounu gënanga. 4Mä o Yudas Iskariot, o nyawa womatëngo o Yesus iwinöninïki – mabahaino wihukunu o Yesus – wato, 5”Yadodoa o minya mabou-bounu gënanga nahukunua dika de maija o tiwi haäka o ratuhu hange, deʼ ma tiwi nahidöaka o nyawa yomomihikinika?” 6O Yudas wotemo hoko gënanga koigoungua hababu wahininga o mihikini manyawa, mä hababu ünanga wotohi-tohiki. Unanga mamoi-mamoi wal̄ë manga doomu matiwi mabukuoka i gogogono unangoka.
7Mä o Yesus wotemo, ”Nimi mal̄aika o ngoheka gënanga! Münanga modiai nënanga mangale mawange ihilungunu Ngohi. 8#Ul. 15:11 O nyawa yomomihikini hokogenangika naga niahidogoronaka ngini, mä Ngohi kowali.”
O rimoi madorou iwilawani o Lazarus
9O Yahudioka manyawa manga ngöe yoihene o Yesus naga o Betaniaka, hoʼ onanga yoiki dokengika. Onanga yoiki koigoungua mangale hababu o Yesus dika, mä hababu onangö yomau iwilega o Lazarus wihimomikoka o honengino. 10Hababu gënanga o imam-imam manga häeke yomau iwitoma o Lazarusohi; 11hababu ünanga idadi o hababu, o Yahudioka manyawa kamanga ngöe yämal̄aka önanga deʼ iwingaku o Yesusika.
O Yesus wowohama o Yerusalemika hokä o koano
(Mat. 21:1-11; Mark. 11:1-11; Luk. 19:28-40)
12Yarehino mawange o nyawa manga ngöe yoböaka mangale ihirame o Paskah yoihene o Yesus o ngëkomo mahidogoronainoka wameta o Yerusalem. 13#Mzm. 118:26 Onanga yal̄ë o biso mahoka-hoka daha yoiki iwibuhuku Unanga, de yopöa-pöaka, ”Niwipuji ma Jou Madutu! Iwihibarakatioka Unanga woboböa-böa de ma Jou Ai romanga. Iwihibarakatioka o Israeloka manga Koano!”
14O Yesus wamäke o keledai mago moi, deʼ Unanga wobarenuku. La idadi itulihoka Ma Jou Ai Demo ma Buku magoronaka:
15 #
Za. 9:9
”Uha nohawana, Sion mamomoholehe!
Ni lega ani Koano woböa, wobarene o keledai mago moi!”
16Oraha gënanga o Yesus iwinöninïki imangaratiuahi mata-mata gënanga. Mä ipahaika o Yesus iwihimuliaka de Toünanga aihonenge, daha önanga imahininga, hagala o nyawa yodiaioka Unangika itulihoka Ma Jou Ai Demo ma Buku magoronaka iwikorona Unanga.
17Hagala o nyawa yohima-himangino maöraha o Yesus wiahoko o Lazarus wohupu o lungunino wohonengoka deʼ wihimomiki, gila-gila ihidöaka o hakihi mangale o hali gënanga. 18Hababu gënanga o nyawa manga ngöe gënanga yoiki o Yesusika hababu önanga yoihene Unanga wodiaioka ihëra-hëranga gënanga. 19O Farisioka manyawa imaketemo moi de moika, ”Kia-kiaua ngone hakunu hodiai! Nia mäke dika, o dunia ingodumu yoiki iwinïki Unanga!”
Yamuruono naga o Yunanioka manyawa iwi lingiri o Yesus
20Manga hidogoronaka hagala o nyawa yoi-oiki o Yerusalemika mangale yohubayanga maöraha o rameanga gënanga, nagaö yamuruono naga o Yunanioka manyawa. 21Onanga yoiki o Filipusika deʼ yato, ”Riadodoto, nako yakunu, ngomi mioigo mimaka mäke de o Yesus.” (O Filipus ai ahali o Betsaidaino o Galilea matonakoka.)
22O Filipus woiki wohingahu o hali gënanga o Andreasika, deʼ ipaha önanga yahinoto ihiädono o Yesusika. 23O Yesus watemo onangika, ”Maöraha iböto o Nyawa manga Ngohaka iwihimulia. 24Igoungu itiai Ahi demo nënanga: Nako o gandum o mui moi idatomua o tonakuku deʼ ihonenge, ënanga aha i gogogere kao mui moi dika. Mä nako o gandum mamui gënanga ihonenge, ahao ënanga ihihohoko o gandum koha amoko. 25#Mat. 10:39, 16:25; Mark. 8:35; Luk. 9:24, 17:33 O nyawa yohininga manga wowango aha ihihanga manga wowango. Mä o nyawa yodohata manga wowango o duniaka nënanga, aha yapaliara mangale manga wowango madutu deʼ ikakali. 26O nyawa yomau ihileleani Ngohi kiani ihi nïki Ngohi; hupaya ihilöleleani Ngohi yakunu dede Ngohi kiaka Ngohi naga. O nyawa ihilöleleani Ngohi aha Ahi Ama wahoromati.”
O Yesus wohi ade-ade mangale Ai honenge
27”Ahi hininga Ngohi baliha; okia kiani Ngohi totemo örahanënanga? Kiani Ngohi totemo, ’Bapa, nohihalamati Ngohi örahanënanga’? Mä hababu gënanga Ngohi toböa mangale tatagongo o hangihara örahanënanga. 28Bapa, tohimulia Aniromanga!” Toihene o ilingi o dihanguku itemo, ”Ngohi tonihimuliaka, deʼ Ngohi aha tonihimuliali.”
29O nyawa manga ngöe naga genangoka yoihene o ilingi gënanga. Onanga yato, ”Gënanga o dotoreke!” Mä nagaö yato, ”Kowali! O malaekat iwitemo Unangika!”
30Daha o Yesus wotemo onangika, ”O ilingi gënanga ni ihene, igoungua mangale Ngohi ahihali, mä mangale tingini niahali. 31Orahanënanga maöraha iböto o dunia yahukumu; örahanënanga o dunia makuaha nënanga yaluluoka. 32Mä Ngohi nënanga, nako Ngohi ihituboil̄eoka o dunia mal̄okuoka, Ngohi aha tatauru mata-mata o nyawa Ngohino.” 33Unanga wotemo hokogënanga, mangale wohidumutu sarakia madodagi Unanga aha wohonenge.
34 #
Mzm. 110:4; Yes. 9:6; Yeh. 37:25; Dan. 7:14 O nyawa yowöe-wöe gënanga yotemo Unangika, ”Imoteke tongomi mia Tita ma Buku, ma Koano Wohihohalamati aha wowango kahiado-adonika. Sarakia Ngona yakunu notemo o Nyawa manga Ngohaka kiani iwituboil̄e, o dunia mal̄okuoka? O nagona o Nyawa manga Ngohaka gënanga?”
35O Yesus wohaluhu, ”Duga-duga kabotinokahi dika o dararono gënanga naga ngini niahidogoronaka. Hoʼ, nitagi hokokia madekana o dararono gënanga kanagahi, hupaya ngini uha inibänga o huhutu. O nyawa imadagi o huhutu magoronaka, wohiorikua kiaika ünanga wakaika. 36Niangaku o dararonika gënanga, hokokia madekana o dararono gënanga kanagahi nginioka, hupaya ngini nidadi o dararono mangoha-ngohaka.”
O Yahudioka manyawa yongakua
O Yesus wotemo iböto hokogënanga, Unanga genangoka de woiki deʼ wolukoka womahi matoko Ai diri onangika. 37Ngaro mangöeoka ihëra-hëranga wodiai o Yesus önanga manga himangoka, önanga iwingakua Unangika. 38#Yes. 53:1 Idadi okia ma Nabi Yesaya wotemoka,
”Jou, o nagona yängaku tongomi mia abarika?
O nagonaika anikuaha Jou nohimatoko?”
39Hababu gënanga önanga yakunua yongaku, hababu o Yesaya wotemokali,
”Ma Jou Madutu wotemo,
40 #
Yes. 6:10
’Ngohi tapilokoka önanga manga lako,
tadiai önanga manga hininga itogowini;
hupaya manga lako uha imahi öriki,
de manga dibanga önanga uha imangarati.
Hupaya önanga uha yolio Ngohino,
la Ngohi tahitogumu önanga.’ ”
41O Yesaya wotemo hokogënanga, hababu ünanga wamäkeoka Ai mulia de Ai kuaha o Yesus, deʼ wohidemo yakorona Unangika.
42Ngaro hokogënanga, o nyawa manga ngöe, o Yahudioka manyawa yokokuaha manga hidogoronaka mahirete iwingaku o Yesusika. Mä onanga yobaraniua iwingaku gënanga ihitotararonika, hababu önanga yohawana uha-uha o Farisioka manyawa yahigumal̄aokaua önanga yowohama o pupuji matauika. 43Onanga iholoi yoigo yamäke o higiriri o nyawaino, ngaro de o higiriri ma Jou Madutuino.
O Yesus aidemo aha yahihakimi
44Dahao o Yesus womapöaka, ”O nyawa ihingaku Ngohino, koigoungua Ngohino ünanga wohingaku, mä Unangika wohihulo-huloko Ngohi. 45Deʼ o nyawa ihimäke Ngohi, iwimäke Unanga wohihulo-huloko Ngohi. 46Ngohi toböa o duniaka nënanga hokä o dararono, hupaya mata-mata o nyawa ihingaku-ngaku Ngohino uha yogogere o huhutu magoronaka. 47O nyawa yoihene Tongohi ahi dodötoko, mä yamotekua ënanga – Ngohiua tihukumu ünanga. Hababu Ngohi toböa tahakimua o dunia nënanga, mä mangale tohihalamati ënanga. 48O nyawa ihitila Ngohi deʼ yoluku yoihene Ahi demo, naga yahihaki-hakimi. O demo Ngohi tohi ado-adono gënanga, aha yahihakimi o Kiamati ma Wangeoka. 49Hababu Ngohi totemoua, Ahi mauino mahirete; o Ama wohi huloko Ngohi, Unanga wohihipareta Ngohino okia kiani Tohi demo deʼ Tohiädono. 50Deʼ Ngohi tohiöriki Ai pareta gënanga ihidöaka o ngango madutu deʼ i kakali. Ho Ngohi tohiädono hokä wohi dotokoka o Ama Ngohino.”
လက်ရှိရွေးချယ်ထားမှု
:
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ