DEDI 2
2
1Ka lundungu-nanyaka na ngera padika-nya mbutana na pa-nggubulu awangu-ka. 2La lodu papihu wàna mbàda palundu hàla-nanyaka i Ala na paràma-na, ka hangahu-nanyaka. 3Ka pa-kanyuru-nanyaka na lodu papihu wàna hi natuya lodu pa-kahaungu, nadu la lodu nuna hangahu-nanya i Ala ba nahàla-ka pa-palundu-nya na paràma-na. 4Nuna jia-duyaka na ruku padikangu pa-nggubulu awangu.
Na woka ngia pambawa la Endingu
Ba jiaya na wulu-nanya na pa-nggubulu awangu i MIRI Ala, 5ndedi ningua wini ma-kalunga dàngu ndedi ningu pa-tondungu la pinu tana, nadu i Ala ba ndedi na-papuru-nya na urangu dàngu ndedi ningu tau maràma-ya nuna na tana. 6Na nyuna pakiringu-nanyaka na wai pa-mahini weli dalungu dàngu hi na-mangàpahu-nya na pinu tana.
7Tunaka nu i MIRI Ala napiti hawutu tana hi nawulu-ya natuya haàtu tau, hàla hapui-nanyaka ngahu ma-paluri daa la kubu uruna; ka luri-nanyaka nu na tau.#tana ... tau; “tana” dàngu “tau” hama-ma-ana na linguda la hilu Imbarani.
8Na pangalangu-na i MIRI Ala na-pandoi hau woka ngia pambawa la Endingu, la tuba pahunga lodu dàngu hi natuya lai nu, nu na tau na pambàda wuluna. 9I MIRI Ala na-patumbu-ha mbuu ndàbada da ngara pingi ai manandangu da ma-wuangu wua ai mahàmu. La padua dehina na woka ngia pambawa tumbu-nanyaka na pingi ai paluri wàngu dàngu na pingi ai papingu wàngu mahàmu dàngu ma-akatu.#papingu wàngu mahàmu dàngu ma-akatu; jàka ndia: papi wànya nggubuluna-ka.
10Hapungu-na na luku na ma-lulungu welingu la Endingu, na ma-palanyiru-nya nuna na woka; tàka la hambeli Endingu na luku nuna na-pabiwangu hi patu mbungu kahanga-ya. 11Na kawunga-na Pihungu-ya na tamuna; na luku nuna na-lulungu winggiru-nya na tana Hawila. 12Lai nu pangia-daka da àmahu rara ihi mbàngina dàngumbu mbii kati na manda muda la pa-ngalangu, lupa da watu mata tawuru. 13Na luku na padua wàna Nggihungu-ya na tamuna, na waina na-lulungu winggiru-nya na tana Kuhu.#Kuhu (la tana Mahupatamia); jàka ndia: Hundangu. 14Na luku na pa-tailu wàna Tinggirihu-ya na tamuna, na ma-lulungu la pahunga loduna na Ahuru. Na luku na papatu wàna Epuràtu-ya na tamuna.
15Tunaka nu i MIRI Ala na-bànjalu-ya nu na tau la woka ngia pambawa la Endingu ka napoka-ya dàngu ka na-tanara-ya nuna na woka. 16I Ala natuu liina la tau nuna, “Pekuna nyumu la pangaa ndàbanja da wuada da pingi aika la woka yiana, 17hinggilu-na welingu la pingi ai papingu wàngu mahàmu dàngu ma-akatu. Nda ukua kau nganya ra wuana; jàkau nganya, jia la metia la lodu nunama,” wànanya.
18Hàla i MIRI Ala natuu liina, “Nda nahàmu-a na tau jàka naluri pa-mehangu. Napa Nyungga ka kuwulu-nya anguna ma-jàngapu ka na-pambapa dànya,” wànaka. 19Ka piti-nanyaka tana hawutu tàka hi nawulu-ha da ngara ma - màtu banda la mamara dàngu da banda la lumbu awangu. Mbuu ndàbada nuda nangàndi-ha i Ala la tau nuna ka na-tàngaru-nja tamu patuna-nja nuda da banda. Nuya na pakiri-na hi kiri ningu tamuda nimbihu-da da banda la mamara dàngu la lumbu awangu. 20Tuna nuduka na tau ba natunja tamuda mbuu ndàbada da banda la mamara dàngu la lumbu awangu. Tàka nda ana ningua la hongada ràka patuna anguna la pa-pambapa dànya.
21Hàla i MIRI Ala hi na-patàka-nya katuda minjalu na tau, tàka ba talànga katuda-naka nu, i MIRI Ala naàli-nya na hapungu na rii karaha-na welingu la ihina nuna na tau, hàla hi na-pandàda wànya toluna na rukuna. 22Welingu la rii karaha nuna-duka i MIRI Ala hi nawulu haàtu kawini, hàla hi nangàndi-nya nuna na tau. 23Ka pani-nanyaka nuna na tau,
“Jia-duyaka yiana, na tau hamanggu nyungga –
na rii welingu la riinggu dàngu na tolu welingu la tolunggu.
Ku-patamu-nya kawini, nadu ba pa-àlingu welingu la mini#La hilu Imbarani: mini jàka wàna “ISH” wàna, tàka kawini jàka wàna “ISHA,” wàna. ya,” wàna.
24Nunaya na pakiri-na na tau mini hi na-dunjaku-nja da ina da amana, ka na-kapuli niya na papaha-na, màta nyuda ba dadua ka mbulungu-ada.
25Na mini dàngu na kawini da-kalulu, ba tuna nda da-pàdangu-a makia-da.
လက်ရှိရွေးချယ်ထားမှု
DEDI 2: KAM
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ
@LAI 1995 Indonesian Bible Society (Lembaga Alkitab Indonesia)
DEDI 2
2
1Ka lundungu-nanyaka na ngera padika-nya mbutana na pa-nggubulu awangu-ka. 2La lodu papihu wàna mbàda palundu hàla-nanyaka i Ala na paràma-na, ka hangahu-nanyaka. 3Ka pa-kanyuru-nanyaka na lodu papihu wàna hi natuya lodu pa-kahaungu, nadu la lodu nuna hangahu-nanya i Ala ba nahàla-ka pa-palundu-nya na paràma-na. 4Nuna jia-duyaka na ruku padikangu pa-nggubulu awangu.
Na woka ngia pambawa la Endingu
Ba jiaya na wulu-nanya na pa-nggubulu awangu i MIRI Ala, 5ndedi ningua wini ma-kalunga dàngu ndedi ningu pa-tondungu la pinu tana, nadu i Ala ba ndedi na-papuru-nya na urangu dàngu ndedi ningu tau maràma-ya nuna na tana. 6Na nyuna pakiringu-nanyaka na wai pa-mahini weli dalungu dàngu hi na-mangàpahu-nya na pinu tana.
7Tunaka nu i MIRI Ala napiti hawutu tana hi nawulu-ya natuya haàtu tau, hàla hapui-nanyaka ngahu ma-paluri daa la kubu uruna; ka luri-nanyaka nu na tau.#tana ... tau; “tana” dàngu “tau” hama-ma-ana na linguda la hilu Imbarani.
8Na pangalangu-na i MIRI Ala na-pandoi hau woka ngia pambawa la Endingu, la tuba pahunga lodu dàngu hi natuya lai nu, nu na tau na pambàda wuluna. 9I MIRI Ala na-patumbu-ha mbuu ndàbada da ngara pingi ai manandangu da ma-wuangu wua ai mahàmu. La padua dehina na woka ngia pambawa tumbu-nanyaka na pingi ai paluri wàngu dàngu na pingi ai papingu wàngu mahàmu dàngu ma-akatu.#papingu wàngu mahàmu dàngu ma-akatu; jàka ndia: papi wànya nggubuluna-ka.
10Hapungu-na na luku na ma-lulungu welingu la Endingu, na ma-palanyiru-nya nuna na woka; tàka la hambeli Endingu na luku nuna na-pabiwangu hi patu mbungu kahanga-ya. 11Na kawunga-na Pihungu-ya na tamuna; na luku nuna na-lulungu winggiru-nya na tana Hawila. 12Lai nu pangia-daka da àmahu rara ihi mbàngina dàngumbu mbii kati na manda muda la pa-ngalangu, lupa da watu mata tawuru. 13Na luku na padua wàna Nggihungu-ya na tamuna, na waina na-lulungu winggiru-nya na tana Kuhu.#Kuhu (la tana Mahupatamia); jàka ndia: Hundangu. 14Na luku na pa-tailu wàna Tinggirihu-ya na tamuna, na ma-lulungu la pahunga loduna na Ahuru. Na luku na papatu wàna Epuràtu-ya na tamuna.
15Tunaka nu i MIRI Ala na-bànjalu-ya nu na tau la woka ngia pambawa la Endingu ka napoka-ya dàngu ka na-tanara-ya nuna na woka. 16I Ala natuu liina la tau nuna, “Pekuna nyumu la pangaa ndàbanja da wuada da pingi aika la woka yiana, 17hinggilu-na welingu la pingi ai papingu wàngu mahàmu dàngu ma-akatu. Nda ukua kau nganya ra wuana; jàkau nganya, jia la metia la lodu nunama,” wànanya.
18Hàla i MIRI Ala natuu liina, “Nda nahàmu-a na tau jàka naluri pa-mehangu. Napa Nyungga ka kuwulu-nya anguna ma-jàngapu ka na-pambapa dànya,” wànaka. 19Ka piti-nanyaka tana hawutu tàka hi nawulu-ha da ngara ma - màtu banda la mamara dàngu da banda la lumbu awangu. Mbuu ndàbada nuda nangàndi-ha i Ala la tau nuna ka na-tàngaru-nja tamu patuna-nja nuda da banda. Nuya na pakiri-na hi kiri ningu tamuda nimbihu-da da banda la mamara dàngu la lumbu awangu. 20Tuna nuduka na tau ba natunja tamuda mbuu ndàbada da banda la mamara dàngu la lumbu awangu. Tàka nda ana ningua la hongada ràka patuna anguna la pa-pambapa dànya.
21Hàla i MIRI Ala hi na-patàka-nya katuda minjalu na tau, tàka ba talànga katuda-naka nu, i MIRI Ala naàli-nya na hapungu na rii karaha-na welingu la ihina nuna na tau, hàla hi na-pandàda wànya toluna na rukuna. 22Welingu la rii karaha nuna-duka i MIRI Ala hi nawulu haàtu kawini, hàla hi nangàndi-nya nuna na tau. 23Ka pani-nanyaka nuna na tau,
“Jia-duyaka yiana, na tau hamanggu nyungga –
na rii welingu la riinggu dàngu na tolu welingu la tolunggu.
Ku-patamu-nya kawini, nadu ba pa-àlingu welingu la mini#La hilu Imbarani: mini jàka wàna “ISH” wàna, tàka kawini jàka wàna “ISHA,” wàna. ya,” wàna.
24Nunaya na pakiri-na na tau mini hi na-dunjaku-nja da ina da amana, ka na-kapuli niya na papaha-na, màta nyuda ba dadua ka mbulungu-ada.
25Na mini dàngu na kawini da-kalulu, ba tuna nda da-pàdangu-a makia-da.
လက်ရှိရွေးချယ်ထားမှု
:
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ
@LAI 1995 Indonesian Bible Society (Lembaga Alkitab Indonesia)