Génesis 1
1
Jenꞌ jämꞌse räj
1Tashcheꞌ jiquej itŝiꞌdyemꞌ jedyeꞌ, chat qui muꞌ Jenꞌ jämꞌtyeꞌ ọij jac judyeyaꞌ mạyedyeꞌ. 2Jambiꞌdyemꞌ jämꞌ buꞌyiꞌ jac jiquej, itŝiꞌdyemꞌ jedyeꞌ jiquej mọꞌ, räj buꞌyiꞌdyemꞌ ojñiꞌ jiquej judyeyaꞌ tojmaiꞌ. Jenꞌsiꞌ Ạꞌedyeꞌ muꞌ ojñiꞌcheꞌ tyeiꞌ muꞌ miꞌiꞌ.
3Chat qui muꞌ Jenꞌ p̂eyaqui: "Paj mạij buꞌyiꞌ", yi, chat qui mọꞌyaꞌ mạyes. 4Jenꞌ jämꞌ ĉọiꞌ mọꞌ mạyes mọꞌdyes pạrej buꞌyiꞌ yụꞌtacsi mọꞌ mạyes judyeyaꞌ tojmas. 5Mọꞌ mạyes jeꞌ muꞌ Jenꞌ "mạyedyeꞌ", mọꞌ na tojmas "tsedyedyeꞌ" jeꞌ muꞌ. Meꞌ jadyic ọij tashches mạyedyeꞌ.
6Chat qui p̂eyaqui muꞌ Jenꞌ: "Paj mọꞌyaꞌ juñumchuquis mạyedyeꞌches, mọꞌ pạrejjeꞌsiꞌ ojñiꞌ", yi muꞌ.
Cätsdye yi. 7Jenꞌ yụꞌse mọꞌ juñumchuquis mạyedyeꞌ, mọꞌ pạrejjeꞌsiꞌ mạyedyeꞌches ojñiꞌ judyeyaꞌ jacches ojñiꞌ. 8Mọꞌ juñumchuquis jeꞌ muꞌ Jenꞌ "mạyedyeꞌ". Meꞌquiꞌdye jadyic ọij päräꞌyis mạyedyeꞌ.
9Chat qui muꞌ Jenꞌ p̂eyaqui: "Paj vajmọꞌyaꞌyiꞌ ojñiꞌ, paj jorojĉanyiꞌ jac."
Cätsdye yi. 10Mọꞌ chanamꞌsiꞌ jeꞌ muꞌ Jenꞌ jac, mọꞌ na vajmọꞌyaꞌyis ojñiꞌ jeꞌ muꞌ Jenꞌ mar.
Jämꞌ ĉọ́qui räj jämꞌtacdyeꞌ muꞌ. 11-12Quivij p̂eyaqui Jenꞌ: "Paj mọꞌ jac jiꞌshupqueꞌ däräꞌ in, paj yoc yoc chịbiꞌ cätidyeꞌ in vejtumsiꞌ in judyeyaꞌ väshtumsiꞌ sacacdyeꞌ in."
Cätsdye yi. Meꞌdye qui chịbiꞌ yoc yoc däräꞌ jaccheꞌ in, vejtumsiꞌ cätidyeꞌ in judyeyaꞌ väshtumsiꞌ sacacdyeꞌ in, jụꞌñis jụꞌñis chuc cätidyes vej mọꞌ, joꞌmeiꞌdye chịbiꞌ. Jämꞌ ĉọ́qui Jenꞌ räj jämꞌtacdyeꞌ muꞌ. 13Meꞌquiꞌdye jadyic ọij chibinyis mạyedyeꞌ.
14-15Quivij p̂eyaqui Jenꞌ: "Paj mọꞌyaꞌ mạyedyeꞌches mạijyis in paj qui mọꞌin mạijchuiꞌ in ọij jac, mọꞌin raꞌ pạrej yụꞌtacsiꞌ in mọꞌ mạyedyeꞌ judyeyaꞌ tsedyedyeꞌ. Chimeꞌdye mọꞌin mạyedyeꞌches mạijyis in jịꞌĉocdyes raꞌ in jụꞌñis chuc mạyedyeꞌ, judyeyaꞌ jụꞌñis chuc yómodyeꞌ judyeyaꞌ tupudyeꞌ."
Cätsdye yi. 16Meꞌdye qui Jenꞌ jämꞌtyeꞌ päräꞌ mọjoꞌchas mạijyis in, yiris därsiꞌ mạijdyesiꞌ mạijchuquis, mọꞌ na ịtsuꞌquis tsedyedyedyes. Ọ́rotaꞌ chimeꞌ jämꞌtacsi. 17Jenꞌ yụꞌtacsi mạyedyeꞌcheꞌ mạijyis in paj qui mọꞌin mạijchuiꞌ in ọij jac, 18mạij judyeyaꞌ tsedyedyeꞌ, meꞌ muꞌ pạrej yụꞌtyeꞌ mạyes judyeyaꞌ tojmas. Jämꞌ ĉọ́qui Jenꞌ räj jämꞌtacdyeꞌ muꞌ. 19Meꞌquiꞌdye jadyic ọij vạjpedyeꞌyis mạyedyeꞌ.
20Chat qui p̂eyaqui Jenꞌ: "Paj mọꞌyaꞌ tạbedyeꞌ in, räj jụꞌñis ĉụiꞌ mọmoꞌ ojñiꞌĉansiꞌ jedyeꞌ in." Chimeꞌ yi: "Paj mọꞌyaꞌ jaijtyiꞌ in nạiꞌsiꞌ in, cheꞌve tyeiꞌsiꞌ in."
Cätsdye yi. 21Meꞌdye Jenꞌ jämꞌtacsi yoc yoc tạbedyeꞌ in, därmunsiꞌ ojñiꞌĉansiꞌ in tsätsäꞌquin in. Meꞌdye chimeꞌdye jämꞌtacsi räj jaijtyiꞌ in. Jụꞌñis jụꞌñis chuc tạbedyeꞌ in judyeyaꞌ jaijtyiꞌ in joꞌmeiꞌdye ạvaꞌ mọꞌin.
Jämꞌ ĉọ́qui Jenꞌ räj jämꞌtacdyeꞌ muꞌ. 22Chat qui muꞌ Jenꞌ yụꞌtyeyeyacsi p̂eyacdyeꞌ, jéyacsi: "Ạvaꞌyi raꞌ miꞌin, shashdyiꞌ raꞌ ojñiꞌĉan miꞌin", jéyacsi Jenꞌ. Chijeyacsidye jaijtyiꞌ in: "Miꞌin raꞌ chimeꞌ shashdyiꞌ."
23Meꞌquiꞌdye jadyic ọij ĉanamꞌyis mạyedyeꞌ.
24Quivij p̂eyaqui Jenꞌ: Paj mọꞌyaꞌ jacches jebacdyeꞌ in, yoyoquin in, tsemsiꞌ in judyeyaꞌ jam tsemsiꞌ in, därmunsiꞌ in judyeyaꞌ ịtsucmunsiꞌ in, jụꞌñis jụꞌñis chuc jebacdyeꞌ in, jomemeiꞌdye ạvaꞌ mọꞌin.
Cätsdye yi. 25Meꞌ muꞌ Jenꞌ jämꞌtacsi räj ọ́ches jebacdyeꞌ in yoyoquin in. Jämꞌ ĉọ́qui Jenꞌ jämꞌtacdyeꞌ muꞌ.
26Chat qui muꞌ Jenꞌ yi: "Q̂uinꞌ raꞌ jämꞌtyeja muntyiꞌ, yódyejaꞌdyemꞌ tsun u, joꞌmeij raꞌ jämꞌtyeja. Muꞌin raꞌ meꞌchucsi tạbedyeꞌ in, jaijtyiꞌ in, jebacdyeꞌ in judyeyaꞌ räj vajedyedyeꞌ in, därmunsiꞌ in, judyeyaꞌ ịtsucmunsiꞌ in", yi Jenꞌ.
27Meꞌdye qui muꞌ Jenꞌ jämꞌte muntyiꞌ,
joꞌmeijdye jämꞌte yódyeijdyemꞌ Jenꞌ u,
sonꞌ judyeyaꞌ p̂en jämꞌtacsi.
28Chat qui muꞌ Jenꞌ yụꞌtyeyeyacsi p̂eyacdyeꞌ, jéyacsi:
"Daiꞌ raꞌ ạvaꞌyi miꞌin,
paj qui vóshiꞌ miꞌin räj buꞌyi úcheꞌ jaccheꞌ in.
Meꞌchutiñeꞌ raꞌ ọij jac,
judyeyaꞌ tạbedyeꞌ in,
judyeyaꞌ jaijtyiꞌ in judyeyaꞌ räj jebacdyeꞌ in", jéyacsi muꞌ Jenꞌ.
29Muntyiꞌ qui jéyacsi Jenꞌ:
—Yụ raꞌ soꞌmeyac ọij q̂uinꞌ jacches räj sicdyeꞌ in, vejtumsiꞌ in judyeyaꞌ väshtumsiꞌ sacacdyeꞌ chimeꞌ in, jibitidyes raꞌ miꞌin mọꞌsiꞌ väsh mọꞌ. 30Mọꞌin na jebacdyeꞌ in yụ raꞌ räj soꞌmacsi jacches däräꞌ in paj qui mọꞌtyiꞌ säcsiꞌ in, räjdyes jebacdyeꞌ in, tsemsiꞌ in judyeyaꞌ jam tsemsiꞌ in judyeyaꞌ jaijtyiꞌ chimeꞌ in —yi Jenꞌ.
Cätsdye yi. 31Chat qui muꞌ Jenꞌ räj cạvaqui jämꞌtacdyeꞌ muꞌ, anic jämꞌ ĉọ́qui. Meꞌquiꞌdye jadyic ọij jäbänyis mạyedyeꞌ.
လက်ရှိရွေးချယ်ထားမှု
Génesis 1: CAS
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ
Copyright 2017 Nuevo Testamento en Chimane
Jen'si' P̂eyacdye'
Génesis 1
1
Jenꞌ jämꞌse räj
1Tashcheꞌ jiquej itŝiꞌdyemꞌ jedyeꞌ, chat qui muꞌ Jenꞌ jämꞌtyeꞌ ọij jac judyeyaꞌ mạyedyeꞌ. 2Jambiꞌdyemꞌ jämꞌ buꞌyiꞌ jac jiquej, itŝiꞌdyemꞌ jedyeꞌ jiquej mọꞌ, räj buꞌyiꞌdyemꞌ ojñiꞌ jiquej judyeyaꞌ tojmaiꞌ. Jenꞌsiꞌ Ạꞌedyeꞌ muꞌ ojñiꞌcheꞌ tyeiꞌ muꞌ miꞌiꞌ.
3Chat qui muꞌ Jenꞌ p̂eyaqui: "Paj mạij buꞌyiꞌ", yi, chat qui mọꞌyaꞌ mạyes. 4Jenꞌ jämꞌ ĉọiꞌ mọꞌ mạyes mọꞌdyes pạrej buꞌyiꞌ yụꞌtacsi mọꞌ mạyes judyeyaꞌ tojmas. 5Mọꞌ mạyes jeꞌ muꞌ Jenꞌ "mạyedyeꞌ", mọꞌ na tojmas "tsedyedyeꞌ" jeꞌ muꞌ. Meꞌ jadyic ọij tashches mạyedyeꞌ.
6Chat qui p̂eyaqui muꞌ Jenꞌ: "Paj mọꞌyaꞌ juñumchuquis mạyedyeꞌches, mọꞌ pạrejjeꞌsiꞌ ojñiꞌ", yi muꞌ.
Cätsdye yi. 7Jenꞌ yụꞌse mọꞌ juñumchuquis mạyedyeꞌ, mọꞌ pạrejjeꞌsiꞌ mạyedyeꞌches ojñiꞌ judyeyaꞌ jacches ojñiꞌ. 8Mọꞌ juñumchuquis jeꞌ muꞌ Jenꞌ "mạyedyeꞌ". Meꞌquiꞌdye jadyic ọij päräꞌyis mạyedyeꞌ.
9Chat qui muꞌ Jenꞌ p̂eyaqui: "Paj vajmọꞌyaꞌyiꞌ ojñiꞌ, paj jorojĉanyiꞌ jac."
Cätsdye yi. 10Mọꞌ chanamꞌsiꞌ jeꞌ muꞌ Jenꞌ jac, mọꞌ na vajmọꞌyaꞌyis ojñiꞌ jeꞌ muꞌ Jenꞌ mar.
Jämꞌ ĉọ́qui räj jämꞌtacdyeꞌ muꞌ. 11-12Quivij p̂eyaqui Jenꞌ: "Paj mọꞌ jac jiꞌshupqueꞌ däräꞌ in, paj yoc yoc chịbiꞌ cätidyeꞌ in vejtumsiꞌ in judyeyaꞌ väshtumsiꞌ sacacdyeꞌ in."
Cätsdye yi. Meꞌdye qui chịbiꞌ yoc yoc däräꞌ jaccheꞌ in, vejtumsiꞌ cätidyeꞌ in judyeyaꞌ väshtumsiꞌ sacacdyeꞌ in, jụꞌñis jụꞌñis chuc cätidyes vej mọꞌ, joꞌmeiꞌdye chịbiꞌ. Jämꞌ ĉọ́qui Jenꞌ räj jämꞌtacdyeꞌ muꞌ. 13Meꞌquiꞌdye jadyic ọij chibinyis mạyedyeꞌ.
14-15Quivij p̂eyaqui Jenꞌ: "Paj mọꞌyaꞌ mạyedyeꞌches mạijyis in paj qui mọꞌin mạijchuiꞌ in ọij jac, mọꞌin raꞌ pạrej yụꞌtacsiꞌ in mọꞌ mạyedyeꞌ judyeyaꞌ tsedyedyeꞌ. Chimeꞌdye mọꞌin mạyedyeꞌches mạijyis in jịꞌĉocdyes raꞌ in jụꞌñis chuc mạyedyeꞌ, judyeyaꞌ jụꞌñis chuc yómodyeꞌ judyeyaꞌ tupudyeꞌ."
Cätsdye yi. 16Meꞌdye qui Jenꞌ jämꞌtyeꞌ päräꞌ mọjoꞌchas mạijyis in, yiris därsiꞌ mạijdyesiꞌ mạijchuquis, mọꞌ na ịtsuꞌquis tsedyedyedyes. Ọ́rotaꞌ chimeꞌ jämꞌtacsi. 17Jenꞌ yụꞌtacsi mạyedyeꞌcheꞌ mạijyis in paj qui mọꞌin mạijchuiꞌ in ọij jac, 18mạij judyeyaꞌ tsedyedyeꞌ, meꞌ muꞌ pạrej yụꞌtyeꞌ mạyes judyeyaꞌ tojmas. Jämꞌ ĉọ́qui Jenꞌ räj jämꞌtacdyeꞌ muꞌ. 19Meꞌquiꞌdye jadyic ọij vạjpedyeꞌyis mạyedyeꞌ.
20Chat qui p̂eyaqui Jenꞌ: "Paj mọꞌyaꞌ tạbedyeꞌ in, räj jụꞌñis ĉụiꞌ mọmoꞌ ojñiꞌĉansiꞌ jedyeꞌ in." Chimeꞌ yi: "Paj mọꞌyaꞌ jaijtyiꞌ in nạiꞌsiꞌ in, cheꞌve tyeiꞌsiꞌ in."
Cätsdye yi. 21Meꞌdye Jenꞌ jämꞌtacsi yoc yoc tạbedyeꞌ in, därmunsiꞌ ojñiꞌĉansiꞌ in tsätsäꞌquin in. Meꞌdye chimeꞌdye jämꞌtacsi räj jaijtyiꞌ in. Jụꞌñis jụꞌñis chuc tạbedyeꞌ in judyeyaꞌ jaijtyiꞌ in joꞌmeiꞌdye ạvaꞌ mọꞌin.
Jämꞌ ĉọ́qui Jenꞌ räj jämꞌtacdyeꞌ muꞌ. 22Chat qui muꞌ Jenꞌ yụꞌtyeyeyacsi p̂eyacdyeꞌ, jéyacsi: "Ạvaꞌyi raꞌ miꞌin, shashdyiꞌ raꞌ ojñiꞌĉan miꞌin", jéyacsi Jenꞌ. Chijeyacsidye jaijtyiꞌ in: "Miꞌin raꞌ chimeꞌ shashdyiꞌ."
23Meꞌquiꞌdye jadyic ọij ĉanamꞌyis mạyedyeꞌ.
24Quivij p̂eyaqui Jenꞌ: Paj mọꞌyaꞌ jacches jebacdyeꞌ in, yoyoquin in, tsemsiꞌ in judyeyaꞌ jam tsemsiꞌ in, därmunsiꞌ in judyeyaꞌ ịtsucmunsiꞌ in, jụꞌñis jụꞌñis chuc jebacdyeꞌ in, jomemeiꞌdye ạvaꞌ mọꞌin.
Cätsdye yi. 25Meꞌ muꞌ Jenꞌ jämꞌtacsi räj ọ́ches jebacdyeꞌ in yoyoquin in. Jämꞌ ĉọ́qui Jenꞌ jämꞌtacdyeꞌ muꞌ.
26Chat qui muꞌ Jenꞌ yi: "Q̂uinꞌ raꞌ jämꞌtyeja muntyiꞌ, yódyejaꞌdyemꞌ tsun u, joꞌmeij raꞌ jämꞌtyeja. Muꞌin raꞌ meꞌchucsi tạbedyeꞌ in, jaijtyiꞌ in, jebacdyeꞌ in judyeyaꞌ räj vajedyedyeꞌ in, därmunsiꞌ in, judyeyaꞌ ịtsucmunsiꞌ in", yi Jenꞌ.
27Meꞌdye qui muꞌ Jenꞌ jämꞌte muntyiꞌ,
joꞌmeijdye jämꞌte yódyeijdyemꞌ Jenꞌ u,
sonꞌ judyeyaꞌ p̂en jämꞌtacsi.
28Chat qui muꞌ Jenꞌ yụꞌtyeyeyacsi p̂eyacdyeꞌ, jéyacsi:
"Daiꞌ raꞌ ạvaꞌyi miꞌin,
paj qui vóshiꞌ miꞌin räj buꞌyi úcheꞌ jaccheꞌ in.
Meꞌchutiñeꞌ raꞌ ọij jac,
judyeyaꞌ tạbedyeꞌ in,
judyeyaꞌ jaijtyiꞌ in judyeyaꞌ räj jebacdyeꞌ in", jéyacsi muꞌ Jenꞌ.
29Muntyiꞌ qui jéyacsi Jenꞌ:
—Yụ raꞌ soꞌmeyac ọij q̂uinꞌ jacches räj sicdyeꞌ in, vejtumsiꞌ in judyeyaꞌ väshtumsiꞌ sacacdyeꞌ chimeꞌ in, jibitidyes raꞌ miꞌin mọꞌsiꞌ väsh mọꞌ. 30Mọꞌin na jebacdyeꞌ in yụ raꞌ räj soꞌmacsi jacches däräꞌ in paj qui mọꞌtyiꞌ säcsiꞌ in, räjdyes jebacdyeꞌ in, tsemsiꞌ in judyeyaꞌ jam tsemsiꞌ in judyeyaꞌ jaijtyiꞌ chimeꞌ in —yi Jenꞌ.
Cätsdye yi. 31Chat qui muꞌ Jenꞌ räj cạvaqui jämꞌtacdyeꞌ muꞌ, anic jämꞌ ĉọ́qui. Meꞌquiꞌdye jadyic ọij jäbänyis mạyedyeꞌ.
လက်ရှိရွေးချယ်ထားမှု
:
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ
Copyright 2017 Nuevo Testamento en Chimane
Jen'si' P̂eyacdye'