Génesis 34
34
Tyushtyeꞌ mọꞌ Dina
1Leas ạvaꞌ mọꞌ, Dina, Jacobsiꞌ ạvaꞌ muꞌ, mọꞌ ĉọcsequiꞌ mọꞌĉan bäꞌyis nanas in. 2Muꞌĉan bäꞌyi muꞌ chimeꞌ Siquem, Hamortyiꞌ ạvaꞌ muꞌ. Muꞌ Hamor muꞌĉantyiꞌdye ayoꞌ, heveo muꞌ. Muꞌ Siquem cạveꞌ mọꞌ Dina, ferdyeꞌyamꞌ jatyushtiꞌ. 3Meꞌ tsanꞌ meꞌ fer camꞌ mạꞌjeꞌ ĉojtyiꞌĉan muꞌ, mọꞌ dyijtuiꞌ paj qui muꞌ jamaꞌjajiti chimeꞌ. 4Muꞌ qui Siquem jéyaqui jenꞌ muꞌ Hamor:
—Tạij mi, jébivaꞌ jenꞌ mọꞌ paj qui yụ mọꞌcheꞌ jiꞌvämin yụ in.
5Chị́qui muꞌ Jacob junꞌ chuc muꞌ Siquem jatyushbuti jiquej Dina ạvaꞌ muꞌ, jam qui namꞌ tyi jéyacsi muꞌ junꞌ quiꞌ chuc atsijban ạvaꞌ muꞌ, ĉaĉaij na muꞌin tajñiꞌĉan in, ĉọjcaiꞌ cuꞌdyeꞌ muꞌin. 6Muꞌ Hamor atsij, Siquemtyiꞌ jenꞌ muꞌ, ĉọshte muꞌ Jacob mạꞌjeꞌ soꞌmete p̂eyacdyeꞌ.
7Chat qui acatuban in Jacobtyiꞌ ạvaꞌ muꞌ. Chị́qui in Siquemsiꞌ juchaj muꞌ, fạ́coij vatyquej tyeij in ĉaĉaij na aꞌc̣his juchaj muꞌ, jịꞌtsicayacsi Israeltyiꞌ chätidyeꞌ muꞌ, jatyushbuti Jacobsiꞌ ạvaꞌ muꞌ. Jam jämꞌ joꞌmes juchaj. 8Hamor na jéyacsi Jacobtyiꞌ ạvaꞌ muꞌ, yi muꞌ:
—Siquem, muꞌ ạvaꞌ yụ anic fer mạꞌjibunac vojiꞌ miꞌinsiꞌ. Yụ cọdyeyac jiꞌvämevac Siquemcheꞌ. 9Meꞌ raꞌ shupqui chätidyeꞌ tsuntyiꞌ miꞌin, tupuj tsun vämi miꞌinsiꞌcheꞌ ạvaꞌ, judyeyaꞌ miꞌin chimeꞌ tupuj vämi tsunsiꞌcheꞌ ạvaꞌ. 10Úĉan raꞌ bäꞌyi miꞌin. Jeñej raꞌ ĉụiꞌsiꞌ jac miꞌin meꞌ raꞌ shupquiꞌ miꞌin, úĉan raꞌ carijtaqui miꞌin, judyeyaꞌ raꞌ ĉụiꞌsidyes chimeꞌ jac yaꞌij miꞌin —jéyacsi Hamor.
11Chimeꞌdye Siquem p̂eyaqui, jébiꞌ Dinaty jenꞌ mọꞌ, räj vojity mọꞌ:
—Yụ cọdyeyac jụjjibutiĉamꞌ ọij cọdacdyes p̂eyacdyeꞌ tsun, yụ raꞌ soꞌmeyac jedyeꞌ chuc cudyityitiĉaꞌ miꞌin jụijyaꞌ. 12Meꞌ tsanꞌ jiꞌbojvebitiñeꞌ miꞌin yaꞌidyeꞌ p̂endyes, jiyaꞌdyeyac qui na ramꞌ yụ. Mọmꞌ cọdyeyac paj qui jiꞌvämetiñeꞌ yụ́cheꞌ ọij Dina —yi jéyacsi Siquem.
13Jacobtyiꞌ na ạvaꞌ muꞌ yocve muꞌin dyijyi in ĉaĉaij na muꞌ Siquem aty jịꞌtsicayacsebi vojiꞌ muꞌin. Mọꞌdyes väñädyeꞌtum vorjete in muꞌ Siquem judyeyaꞌ Hamor, jenꞌ muꞌ. 14Jéyacsi in:
—Tsun jam junꞌ mạꞌjeꞌ jiꞌvämaqui vojiꞌ tsun, jam seiꞌtactyiꞌcheꞌ aꞌ muꞌ, meꞌ jụijyaꞌ tsun, anic raꞌ därsiꞌ tsị́cadyeꞌ shupquiꞌ tsun. 15Meꞌ buꞌyity jụijyaꞌ miꞌin, chat qui raꞌ q̂uinꞌdyemꞌ jụjyi tsun. Jemoñeꞌ miꞌin sonꞌ räj seiꞌtac yụꞌtaqui aꞌ miꞌin, yojdyemꞌ tsun u, 16meꞌ raꞌ chat tupuj q̂uinꞌdyemꞌ vämi miꞌin tsunsiꞌcheꞌ ạvaꞌ, judyeyaꞌ qui raꞌ tsun chimeꞌ miꞌinsiꞌcheꞌ ạvaꞌ vämi. Chat raꞌ q̂uinꞌdyemꞌ tsun miꞌintum bäꞌyi chat qui raꞌ q̂uinꞌdyemꞌ vaj yiriꞌyaꞌ bäꞌjaꞌ tsun. 17Jam jụjjibutiĉaꞌ p̂eyacdyeꞌ tsunsiꞌ jụijyaꞌ miꞌin, jam seiꞌtactyiꞌ aꞌ jụijyaꞌ miꞌin, jọban raꞌ tsun cạĉan raꞌ vojiꞌ tsun —jéyacsi Jacobtyiꞌ ạvaꞌ muꞌ.
18Hamor judyeyaꞌ Siquem jämꞌsiꞌ muꞌin ĉọiꞌ in mọꞌ p̂eyacdyeꞌ, jụjyi in. 19Cajotyiti muꞌ cavin jiꞌseiꞌti, ĉaĉaij na fer cajotyiti mạꞌjepte ạvaꞌ muꞌ. Siquem mujuꞌchaꞌ buꞌyi, uyaꞌyaꞌ chätidyeꞌ muꞌ judyeyaꞌ vojity muꞌ. 20Hamor, ạvaꞌtum Siquem ĉọ́queꞌ in bäꞌyedyes chụiꞌdyeꞌ, yóyaꞌdyemꞌ tsudyujñivaꞌti muntyiꞌ u in. Muꞌyaꞌ jéyacsi muꞌintyiꞌ in:
21—Uts muntyiꞌ atsijtyiꞌ in mạꞌjisinꞌ tsun in. Úĉan raꞌ bäꞌyi in judyeyaꞌ raꞌ carijtaqui in ĉaĉaij na tupuj quis ọij jac muꞌindyes in. Meꞌ raꞌ tsun chimeꞌ tupuj vämejaꞌ muꞌinsiꞌcheꞌ ạvaꞌ muꞌin, muꞌin na raꞌ in tsunsiꞌcheꞌ ạvaꞌ vämi in —jéyacsi —. 22Yiris jedyeꞌ jayej tsun paj qui vaj yiriꞌyaꞌ bäꞌjaꞌ. Jemoñeꞌ räj tsun sonꞌ tsun jiꞌseiꞌtaĉaꞌ aꞌ tsun, yojdyemꞌ muꞌinsiꞌ yicdyeꞌ u in. 23Dyijyevac chätidyeꞌ, tupuj tsun meꞌchucsebijaꞌ räj jedyeꞌ muꞌin judyeyaꞌ cuꞌdyeꞌ muꞌin chimeꞌ. Jụjjeyacsebijaꞌ ọij p̂eyacdyeꞌ muꞌinsiꞌ in paj qui tsuntum bäꞌyi in —jéyacsi.
24Räj muꞌin ishoꞌmuntyiꞌ in jụjbite in Hamorsiꞌ p̂eyacdyeꞌ judyeyaꞌ Siquemsiꞌ. Chat qui muꞌin jiꞌseiꞌti räjenꞌ muꞌin in. 25Aty chibin mạyedyeꞌ tyitiꞌ jiꞌseiꞌti in, tacaꞌ areꞌyiꞌ seiꞌtacdyeꞌ muꞌin, chat qui muꞌ Simeón judyeyaꞌ Leví, Jacobtyiꞌ ạvaꞌ muꞌ, muꞌin nash anictyity vojity Dinaty mọꞌ, muꞌin ĉọ́queꞌ bäꞌyedyeꞌ in, muꞌin na jam chị́vaꞌjoij muꞌĉan bäꞌyity in, areꞌredyeꞌyaꞌ yídyemꞌ muꞌin in. Chutidyedyesyaꞌ coc̣hino mọꞌyaꞌ tas ijacsi in muꞌĉantyiꞌ in. 26Muꞌĉan muꞌin ijate chimeꞌ in muꞌ Hamor judyeyaꞌ Siquem, chat q̂uinꞌdyemꞌ jäĉanꞌ in mọꞌ Dina, ĉaĉaij na mọꞌĉan aty bäꞌyiꞌ muꞌinsiꞌĉan acaꞌ in. 27Tas ijacsi sonꞌ in, chat qui atsij yoctyiꞌ Jacobtyiꞌ ạvaꞌ muꞌ, cạvacsi chum säñity in. Muꞌin qui räj jäcacsebi yoctyis jedyeꞌ muꞌin, ĉaĉaij na muꞌindye jịꞌtsicayacsebi vojiꞌ muꞌin. 28Cạcsebi oveca muꞌin judyeyaꞌ vaca muꞌin, judyeyaꞌ bórico muꞌin, judyeyaꞌ yocsiꞌ jedyeꞌ muꞌin bäꞌyedyeꞌĉansiꞌ judyeyaꞌ jorojyas, meꞌ meꞌ cạcsebi in. 29Räj acaꞌĉansiꞌ jedyeꞌ muꞌin shuꞌaij in, judyeyaꞌ p̂en muꞌin ạvaꞌtumdye in chimeꞌ, meꞌ meꞌ cạcsi in muꞌin Jacobtyiꞌ ạvaꞌ in. 30Mọꞌdyes qui muꞌ Jacob jéte muꞌ Simeón judyeyaꞌ muꞌ Leví:
—Anic carijsis soꞌmitiĉaꞌ yụ miꞌin. Q̂uinꞌ c̣hẹiꞌyaꞌ bäꞌyity in, muꞌin cananeo in judyeyaꞌ ferezeo in, muꞌin raꞌ anic fáquin yụ in, vajmuꞌyaij raꞌ in, vatyquej raꞌ ñutsjiĉuñin yụ in, tsuncheꞌ raꞌ tŝọij in räj raꞌ ijasinꞌ tsun in räjtumdye chätidyeꞌtum tsun ĉaĉaij na jam daiꞌ tsun —yi muꞌ Jacob jéyaqui ạvaꞌ muꞌ.
31Vorjete in:
—Jam tupuj meꞌjibun vojiꞌ tsun, jeñej qui meꞌtaquis p̂en jụijyaꞌ.
လက်ရှိရွေးချယ်ထားမှု
Génesis 34: CAS
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ
Copyright 2017 Nuevo Testamento en Chimane
Jen'si' P̂eyacdye'
Génesis 34
34
Tyushtyeꞌ mọꞌ Dina
1Leas ạvaꞌ mọꞌ, Dina, Jacobsiꞌ ạvaꞌ muꞌ, mọꞌ ĉọcsequiꞌ mọꞌĉan bäꞌyis nanas in. 2Muꞌĉan bäꞌyi muꞌ chimeꞌ Siquem, Hamortyiꞌ ạvaꞌ muꞌ. Muꞌ Hamor muꞌĉantyiꞌdye ayoꞌ, heveo muꞌ. Muꞌ Siquem cạveꞌ mọꞌ Dina, ferdyeꞌyamꞌ jatyushtiꞌ. 3Meꞌ tsanꞌ meꞌ fer camꞌ mạꞌjeꞌ ĉojtyiꞌĉan muꞌ, mọꞌ dyijtuiꞌ paj qui muꞌ jamaꞌjajiti chimeꞌ. 4Muꞌ qui Siquem jéyaqui jenꞌ muꞌ Hamor:
—Tạij mi, jébivaꞌ jenꞌ mọꞌ paj qui yụ mọꞌcheꞌ jiꞌvämin yụ in.
5Chị́qui muꞌ Jacob junꞌ chuc muꞌ Siquem jatyushbuti jiquej Dina ạvaꞌ muꞌ, jam qui namꞌ tyi jéyacsi muꞌ junꞌ quiꞌ chuc atsijban ạvaꞌ muꞌ, ĉaĉaij na muꞌin tajñiꞌĉan in, ĉọjcaiꞌ cuꞌdyeꞌ muꞌin. 6Muꞌ Hamor atsij, Siquemtyiꞌ jenꞌ muꞌ, ĉọshte muꞌ Jacob mạꞌjeꞌ soꞌmete p̂eyacdyeꞌ.
7Chat qui acatuban in Jacobtyiꞌ ạvaꞌ muꞌ. Chị́qui in Siquemsiꞌ juchaj muꞌ, fạ́coij vatyquej tyeij in ĉaĉaij na aꞌc̣his juchaj muꞌ, jịꞌtsicayacsi Israeltyiꞌ chätidyeꞌ muꞌ, jatyushbuti Jacobsiꞌ ạvaꞌ muꞌ. Jam jämꞌ joꞌmes juchaj. 8Hamor na jéyacsi Jacobtyiꞌ ạvaꞌ muꞌ, yi muꞌ:
—Siquem, muꞌ ạvaꞌ yụ anic fer mạꞌjibunac vojiꞌ miꞌinsiꞌ. Yụ cọdyeyac jiꞌvämevac Siquemcheꞌ. 9Meꞌ raꞌ shupqui chätidyeꞌ tsuntyiꞌ miꞌin, tupuj tsun vämi miꞌinsiꞌcheꞌ ạvaꞌ, judyeyaꞌ miꞌin chimeꞌ tupuj vämi tsunsiꞌcheꞌ ạvaꞌ. 10Úĉan raꞌ bäꞌyi miꞌin. Jeñej raꞌ ĉụiꞌsiꞌ jac miꞌin meꞌ raꞌ shupquiꞌ miꞌin, úĉan raꞌ carijtaqui miꞌin, judyeyaꞌ raꞌ ĉụiꞌsidyes chimeꞌ jac yaꞌij miꞌin —jéyacsi Hamor.
11Chimeꞌdye Siquem p̂eyaqui, jébiꞌ Dinaty jenꞌ mọꞌ, räj vojity mọꞌ:
—Yụ cọdyeyac jụjjibutiĉamꞌ ọij cọdacdyes p̂eyacdyeꞌ tsun, yụ raꞌ soꞌmeyac jedyeꞌ chuc cudyityitiĉaꞌ miꞌin jụijyaꞌ. 12Meꞌ tsanꞌ jiꞌbojvebitiñeꞌ miꞌin yaꞌidyeꞌ p̂endyes, jiyaꞌdyeyac qui na ramꞌ yụ. Mọmꞌ cọdyeyac paj qui jiꞌvämetiñeꞌ yụ́cheꞌ ọij Dina —yi jéyacsi Siquem.
13Jacobtyiꞌ na ạvaꞌ muꞌ yocve muꞌin dyijyi in ĉaĉaij na muꞌ Siquem aty jịꞌtsicayacsebi vojiꞌ muꞌin. Mọꞌdyes väñädyeꞌtum vorjete in muꞌ Siquem judyeyaꞌ Hamor, jenꞌ muꞌ. 14Jéyacsi in:
—Tsun jam junꞌ mạꞌjeꞌ jiꞌvämaqui vojiꞌ tsun, jam seiꞌtactyiꞌcheꞌ aꞌ muꞌ, meꞌ jụijyaꞌ tsun, anic raꞌ därsiꞌ tsị́cadyeꞌ shupquiꞌ tsun. 15Meꞌ buꞌyity jụijyaꞌ miꞌin, chat qui raꞌ q̂uinꞌdyemꞌ jụjyi tsun. Jemoñeꞌ miꞌin sonꞌ räj seiꞌtac yụꞌtaqui aꞌ miꞌin, yojdyemꞌ tsun u, 16meꞌ raꞌ chat tupuj q̂uinꞌdyemꞌ vämi miꞌin tsunsiꞌcheꞌ ạvaꞌ, judyeyaꞌ qui raꞌ tsun chimeꞌ miꞌinsiꞌcheꞌ ạvaꞌ vämi. Chat raꞌ q̂uinꞌdyemꞌ tsun miꞌintum bäꞌyi chat qui raꞌ q̂uinꞌdyemꞌ vaj yiriꞌyaꞌ bäꞌjaꞌ tsun. 17Jam jụjjibutiĉaꞌ p̂eyacdyeꞌ tsunsiꞌ jụijyaꞌ miꞌin, jam seiꞌtactyiꞌ aꞌ jụijyaꞌ miꞌin, jọban raꞌ tsun cạĉan raꞌ vojiꞌ tsun —jéyacsi Jacobtyiꞌ ạvaꞌ muꞌ.
18Hamor judyeyaꞌ Siquem jämꞌsiꞌ muꞌin ĉọiꞌ in mọꞌ p̂eyacdyeꞌ, jụjyi in. 19Cajotyiti muꞌ cavin jiꞌseiꞌti, ĉaĉaij na fer cajotyiti mạꞌjepte ạvaꞌ muꞌ. Siquem mujuꞌchaꞌ buꞌyi, uyaꞌyaꞌ chätidyeꞌ muꞌ judyeyaꞌ vojity muꞌ. 20Hamor, ạvaꞌtum Siquem ĉọ́queꞌ in bäꞌyedyes chụiꞌdyeꞌ, yóyaꞌdyemꞌ tsudyujñivaꞌti muntyiꞌ u in. Muꞌyaꞌ jéyacsi muꞌintyiꞌ in:
21—Uts muntyiꞌ atsijtyiꞌ in mạꞌjisinꞌ tsun in. Úĉan raꞌ bäꞌyi in judyeyaꞌ raꞌ carijtaqui in ĉaĉaij na tupuj quis ọij jac muꞌindyes in. Meꞌ raꞌ tsun chimeꞌ tupuj vämejaꞌ muꞌinsiꞌcheꞌ ạvaꞌ muꞌin, muꞌin na raꞌ in tsunsiꞌcheꞌ ạvaꞌ vämi in —jéyacsi —. 22Yiris jedyeꞌ jayej tsun paj qui vaj yiriꞌyaꞌ bäꞌjaꞌ. Jemoñeꞌ räj tsun sonꞌ tsun jiꞌseiꞌtaĉaꞌ aꞌ tsun, yojdyemꞌ muꞌinsiꞌ yicdyeꞌ u in. 23Dyijyevac chätidyeꞌ, tupuj tsun meꞌchucsebijaꞌ räj jedyeꞌ muꞌin judyeyaꞌ cuꞌdyeꞌ muꞌin chimeꞌ. Jụjjeyacsebijaꞌ ọij p̂eyacdyeꞌ muꞌinsiꞌ in paj qui tsuntum bäꞌyi in —jéyacsi.
24Räj muꞌin ishoꞌmuntyiꞌ in jụjbite in Hamorsiꞌ p̂eyacdyeꞌ judyeyaꞌ Siquemsiꞌ. Chat qui muꞌin jiꞌseiꞌti räjenꞌ muꞌin in. 25Aty chibin mạyedyeꞌ tyitiꞌ jiꞌseiꞌti in, tacaꞌ areꞌyiꞌ seiꞌtacdyeꞌ muꞌin, chat qui muꞌ Simeón judyeyaꞌ Leví, Jacobtyiꞌ ạvaꞌ muꞌ, muꞌin nash anictyity vojity Dinaty mọꞌ, muꞌin ĉọ́queꞌ bäꞌyedyeꞌ in, muꞌin na jam chị́vaꞌjoij muꞌĉan bäꞌyity in, areꞌredyeꞌyaꞌ yídyemꞌ muꞌin in. Chutidyedyesyaꞌ coc̣hino mọꞌyaꞌ tas ijacsi in muꞌĉantyiꞌ in. 26Muꞌĉan muꞌin ijate chimeꞌ in muꞌ Hamor judyeyaꞌ Siquem, chat q̂uinꞌdyemꞌ jäĉanꞌ in mọꞌ Dina, ĉaĉaij na mọꞌĉan aty bäꞌyiꞌ muꞌinsiꞌĉan acaꞌ in. 27Tas ijacsi sonꞌ in, chat qui atsij yoctyiꞌ Jacobtyiꞌ ạvaꞌ muꞌ, cạvacsi chum säñity in. Muꞌin qui räj jäcacsebi yoctyis jedyeꞌ muꞌin, ĉaĉaij na muꞌindye jịꞌtsicayacsebi vojiꞌ muꞌin. 28Cạcsebi oveca muꞌin judyeyaꞌ vaca muꞌin, judyeyaꞌ bórico muꞌin, judyeyaꞌ yocsiꞌ jedyeꞌ muꞌin bäꞌyedyeꞌĉansiꞌ judyeyaꞌ jorojyas, meꞌ meꞌ cạcsebi in. 29Räj acaꞌĉansiꞌ jedyeꞌ muꞌin shuꞌaij in, judyeyaꞌ p̂en muꞌin ạvaꞌtumdye in chimeꞌ, meꞌ meꞌ cạcsi in muꞌin Jacobtyiꞌ ạvaꞌ in. 30Mọꞌdyes qui muꞌ Jacob jéte muꞌ Simeón judyeyaꞌ muꞌ Leví:
—Anic carijsis soꞌmitiĉaꞌ yụ miꞌin. Q̂uinꞌ c̣hẹiꞌyaꞌ bäꞌyity in, muꞌin cananeo in judyeyaꞌ ferezeo in, muꞌin raꞌ anic fáquin yụ in, vajmuꞌyaij raꞌ in, vatyquej raꞌ ñutsjiĉuñin yụ in, tsuncheꞌ raꞌ tŝọij in räj raꞌ ijasinꞌ tsun in räjtumdye chätidyeꞌtum tsun ĉaĉaij na jam daiꞌ tsun —yi muꞌ Jacob jéyaqui ạvaꞌ muꞌ.
31Vorjete in:
—Jam tupuj meꞌjibun vojiꞌ tsun, jeñej qui meꞌtaquis p̂en jụijyaꞌ.
လက်ရှိရွေးချယ်ထားမှု
:
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ
Copyright 2017 Nuevo Testamento en Chimane
Jen'si' P̂eyacdye'