Matiye 2
2
Njuku hɛ̧túnari̧ gí kó Zezú
1Kú mbuŋ Zezú a Bɛtɛlɛyɛ̂m ka tísiri a Judé, a ɓil nâm ka Herod kaw ɓá mbây. A fal mbuŋ nɛ́, njuku hɛ̧túnari̧, uru ka ŋgboro a tɛ̧́na sêe, a gí ka̧ Zerúzalɛ̂m, 2a vbí: «Mbây a Juyífri, a kú mbuŋ e a sí̧ lé? Ɓayhí̧lé rú kó rôo a mɛ̌ táŋ ka tɛ̧́na sêe dáy, rú gí ɓay a gí dím nɛ́.» 3Gelka mbây Herod láɓay nɔ́y, ké kaw yér, mɛ̌ rá̧ njuku a tísiri a Zerúzalɛ̂mri̧ too. 4Ké mára̧ gáŋnjuku nzáʼaká̧nari̧ too, rá̧ njuku tɔ́ʼɔ sáŋnari̧, a vbí kuriri ɓá: A gel a sí̧, kú e mbuŋ Kiris lé? 5Dáy kú sa hí̧ nɛ́ ɓá: «A Bɛtɛlɛyɛ̂m, ka tísiri a Judé, ɓayhí̧lé hɛ̧ ka porofɛ́t ɗéy, sa ɓá:
6“A mɔ̌, Bɛtɛlɛyɛ̂m, ka tísiri a Juda,
mɔ zi tí ɓá gun pû a bazeŋ a gáŋ pûri a ɓil kaw a Juda yá,
ɓayhí̧lé a goló, pé mbây e tɛ̧́na,
ka e koro gun Izirayɛ́l njuku a mǐri̧.”»
7Gelka mbây Herod láɓay nɔ́ dáy, ké pé ɗí njuku hɛ̧túnari̧ rɛ̂w ɓá múnáké, a vbí kuriri ɓá: «Ka sêe sí̧ rá̧, i kó rôoké táŋ lé?» 8Falké, ké pé kuriri sé Bɛtɛlɛyɛ̂m a sa: «I sé ɛ́ gelkáwa a gun a pɛ̂ŋké ɓá béláké, rá̧ wǎyri mí ziŋ gelké dalé, í gí sa hí̧ mí, a mǐ kɔ́, mi sé dím nɛ́.»
9Fal a kú láɓay a mbây Herod dáy, kú kála. Nǎŋnɔ́ rôo ráy ka, kú kó a tɛ̧́na sêey tɛ̧́, a ɗambɛl a kuriri, a sé ka̧ gel ka gun a pɛ̂ŋ erúy, a gé ew. 10Gelka kú kó rôoy, kú mbá a lawrína. 11Kú gé ri ɓil vûn, a gé kó gun rá̧ mâa a mɛ̌ Marí, dáy a huku tísiri a hɔ̧́ gun, kú ŋgburu ŋgú a kuriri, a fá̧ vbí̧rí̧lari, nɛ́rɛ̧dii rá̧ mîr, a hí̧ nɛ́. 12A falké, Gáŋvbôn sa hí̧ kuriri a ɓil lɔ́la, ɓá kú zi ná resé gel a mbây Herod, dáy, kú mbí ŋgboro a féké, a rekála sé tísiri a kuriri.
Ŋgúna ɓay a sé Ezípte
13Gelka njuku hɛ̧túnari̧ rekála dáy, aŋnze a Gáŋmbây a há̧na, gí tɔ́ʼɔ mûn nɛ́ hí̧ Jozɛf a ɓil lɔ́la a sa: «Mɔ́ uru a mbí gun rá̧ mâa a mɛ̌, a i ŋgú sé tísiri a Ezípte, a mɔ́ sé kawrú ka̧ sêe ka, mi e sa hí̧ mɔ́ ɓá mɔ́ regí. Ɓayhí̧lé, mbây Herod e ɛ́ gun nɔ́, ɓay a í nɛ́.» 14Jozɛf uru, a mbí gun rá̧ mâa a mɛ̌, a haŋa sû̧ŋ, a ŋgú sé Ezípte. 15Ké gé kaw sá̧, ka̧ hûl a mbây Herod. Nǎŋnɔ́ rá̧ ké niŋ ɓá báŋké ka Gáŋmbây sa ka nzáʼa a porofɛ́t ɓá: «Mi ɗí gun a mǐ tɛ̧́ a ɓil kaw a Ezípte.»
Kú í gun a léléri ka Bɛtɛlɛyɛ̂m
16Gelka mbây Herod kó ɓá njuku hɛ̧túnari̧ rɔ́ʼɔ nɛ́y, ké ɗí hɛ́rɛ dáy, a hí̧nzáʼa ɓá kú í gun wɔ̧rɔ̧́njukuri too, ka erú ka mbimbɔ̂m sére regí fal, a Bɛtɛlɛyɛ̂m rá̧ pû a gbaŋkéri too. Ɓayhí̧lé ké kó ɓá, sé mambɛ̧́nɛ́ kuu nâm ka njuku hɛ̧túnari̧ sa hí̧ nɛ́y. 17Nǎŋnɔ́, pé niŋ hɛ̧ ka porofɛ́t Jeremí sáy:
18«Kú lá vbá̧nzáʼa a Ráma.
Vúna rá̧ vúmûn mambá.
Ɓá Rasɛ̂l, pé kaw vú gun a mɛ̌ri̧,
a zi ɓá kú volawɛ́ yá, ɓayhí̧lé kú hú dá.»
Rená a Jozɛf a Ezípte
19A fal hûl a mbây Herod, aŋnze a Gáŋmbây tɔ́ʼɔ mûn nɛ́ hí̧ Jozɛf a ɓil lɔ́la ka tísiri a Ezípte. 20A sa hí̧ nɛ́ ɓá: «Mɔ́ uru, a mbí gun rá̧ mâa a mɛ̌, a mɔ́ resé tísiri a Izirayɛ́l, ɓayhí̧lé njukuri ka ɛ́ ɓay a í gun nɔ́, hú dá.» 21Nǎŋnɔ́, Jozɛf uru, a mbí gun rá̧ mâa a mɛ̌, a rekála sé tísiri a Izirayɛ́l. 22Dáy, ké gé ka̧, a lá ɓá Arkélawús, nyá mbây a gel a bâa a mɛ̌ Herod ka tísiri a Judé, nǎŋnɔ́ ké ŋgú wɔ́w resé Judé. Dáy Gáŋvbôn resa hí̧ nɛ́ a ɓil lɔ́la ɓáy ɓá, ké tá sé ɓil kaw a Galilê. 23Nǎŋnɔ́, ké tá sé kaw ɓil pû, a kú ɗí ɓá Nazarɛ́t. Niŋ nǎŋ ɓá báŋké ka porofɛ́tri sáy, ɓá: «Kú e ɗí nɛ́ ɓá gun Nazarɛ́t.»
လက်ရှိရွေးချယ်ထားမှု
Matiye 2: pnz
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ
© 2023 CABTAL
Matiye 2
2
Njuku hɛ̧túnari̧ gí kó Zezú
1Kú mbuŋ Zezú a Bɛtɛlɛyɛ̂m ka tísiri a Judé, a ɓil nâm ka Herod kaw ɓá mbây. A fal mbuŋ nɛ́, njuku hɛ̧túnari̧, uru ka ŋgboro a tɛ̧́na sêe, a gí ka̧ Zerúzalɛ̂m, 2a vbí: «Mbây a Juyífri, a kú mbuŋ e a sí̧ lé? Ɓayhí̧lé rú kó rôo a mɛ̌ táŋ ka tɛ̧́na sêe dáy, rú gí ɓay a gí dím nɛ́.» 3Gelka mbây Herod láɓay nɔ́y, ké kaw yér, mɛ̌ rá̧ njuku a tísiri a Zerúzalɛ̂mri̧ too. 4Ké mára̧ gáŋnjuku nzáʼaká̧nari̧ too, rá̧ njuku tɔ́ʼɔ sáŋnari̧, a vbí kuriri ɓá: A gel a sí̧, kú e mbuŋ Kiris lé? 5Dáy kú sa hí̧ nɛ́ ɓá: «A Bɛtɛlɛyɛ̂m, ka tísiri a Judé, ɓayhí̧lé hɛ̧ ka porofɛ́t ɗéy, sa ɓá:
6“A mɔ̌, Bɛtɛlɛyɛ̂m, ka tísiri a Juda,
mɔ zi tí ɓá gun pû a bazeŋ a gáŋ pûri a ɓil kaw a Juda yá,
ɓayhí̧lé a goló, pé mbây e tɛ̧́na,
ka e koro gun Izirayɛ́l njuku a mǐri̧.”»
7Gelka mbây Herod láɓay nɔ́ dáy, ké pé ɗí njuku hɛ̧túnari̧ rɛ̂w ɓá múnáké, a vbí kuriri ɓá: «Ka sêe sí̧ rá̧, i kó rôoké táŋ lé?» 8Falké, ké pé kuriri sé Bɛtɛlɛyɛ̂m a sa: «I sé ɛ́ gelkáwa a gun a pɛ̂ŋké ɓá béláké, rá̧ wǎyri mí ziŋ gelké dalé, í gí sa hí̧ mí, a mǐ kɔ́, mi sé dím nɛ́.»
9Fal a kú láɓay a mbây Herod dáy, kú kála. Nǎŋnɔ́ rôo ráy ka, kú kó a tɛ̧́na sêey tɛ̧́, a ɗambɛl a kuriri, a sé ka̧ gel ka gun a pɛ̂ŋ erúy, a gé ew. 10Gelka kú kó rôoy, kú mbá a lawrína. 11Kú gé ri ɓil vûn, a gé kó gun rá̧ mâa a mɛ̌ Marí, dáy a huku tísiri a hɔ̧́ gun, kú ŋgburu ŋgú a kuriri, a fá̧ vbí̧rí̧lari, nɛ́rɛ̧dii rá̧ mîr, a hí̧ nɛ́. 12A falké, Gáŋvbôn sa hí̧ kuriri a ɓil lɔ́la, ɓá kú zi ná resé gel a mbây Herod, dáy, kú mbí ŋgboro a féké, a rekála sé tísiri a kuriri.
Ŋgúna ɓay a sé Ezípte
13Gelka njuku hɛ̧túnari̧ rekála dáy, aŋnze a Gáŋmbây a há̧na, gí tɔ́ʼɔ mûn nɛ́ hí̧ Jozɛf a ɓil lɔ́la a sa: «Mɔ́ uru a mbí gun rá̧ mâa a mɛ̌, a i ŋgú sé tísiri a Ezípte, a mɔ́ sé kawrú ka̧ sêe ka, mi e sa hí̧ mɔ́ ɓá mɔ́ regí. Ɓayhí̧lé, mbây Herod e ɛ́ gun nɔ́, ɓay a í nɛ́.» 14Jozɛf uru, a mbí gun rá̧ mâa a mɛ̌, a haŋa sû̧ŋ, a ŋgú sé Ezípte. 15Ké gé kaw sá̧, ka̧ hûl a mbây Herod. Nǎŋnɔ́ rá̧ ké niŋ ɓá báŋké ka Gáŋmbây sa ka nzáʼa a porofɛ́t ɓá: «Mi ɗí gun a mǐ tɛ̧́ a ɓil kaw a Ezípte.»
Kú í gun a léléri ka Bɛtɛlɛyɛ̂m
16Gelka mbây Herod kó ɓá njuku hɛ̧túnari̧ rɔ́ʼɔ nɛ́y, ké ɗí hɛ́rɛ dáy, a hí̧nzáʼa ɓá kú í gun wɔ̧rɔ̧́njukuri too, ka erú ka mbimbɔ̂m sére regí fal, a Bɛtɛlɛyɛ̂m rá̧ pû a gbaŋkéri too. Ɓayhí̧lé ké kó ɓá, sé mambɛ̧́nɛ́ kuu nâm ka njuku hɛ̧túnari̧ sa hí̧ nɛ́y. 17Nǎŋnɔ́, pé niŋ hɛ̧ ka porofɛ́t Jeremí sáy:
18«Kú lá vbá̧nzáʼa a Ráma.
Vúna rá̧ vúmûn mambá.
Ɓá Rasɛ̂l, pé kaw vú gun a mɛ̌ri̧,
a zi ɓá kú volawɛ́ yá, ɓayhí̧lé kú hú dá.»
Rená a Jozɛf a Ezípte
19A fal hûl a mbây Herod, aŋnze a Gáŋmbây tɔ́ʼɔ mûn nɛ́ hí̧ Jozɛf a ɓil lɔ́la ka tísiri a Ezípte. 20A sa hí̧ nɛ́ ɓá: «Mɔ́ uru, a mbí gun rá̧ mâa a mɛ̌, a mɔ́ resé tísiri a Izirayɛ́l, ɓayhí̧lé njukuri ka ɛ́ ɓay a í gun nɔ́, hú dá.» 21Nǎŋnɔ́, Jozɛf uru, a mbí gun rá̧ mâa a mɛ̌, a rekála sé tísiri a Izirayɛ́l. 22Dáy, ké gé ka̧, a lá ɓá Arkélawús, nyá mbây a gel a bâa a mɛ̌ Herod ka tísiri a Judé, nǎŋnɔ́ ké ŋgú wɔ́w resé Judé. Dáy Gáŋvbôn resa hí̧ nɛ́ a ɓil lɔ́la ɓáy ɓá, ké tá sé ɓil kaw a Galilê. 23Nǎŋnɔ́, ké tá sé kaw ɓil pû, a kú ɗí ɓá Nazarɛ́t. Niŋ nǎŋ ɓá báŋké ka porofɛ́tri sáy, ɓá: «Kú e ɗí nɛ́ ɓá gun Nazarɛ́t.»
လက်ရှိရွေးချယ်ထားမှု
:
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ
© 2023 CABTAL