Matiye 9
9
Zezú ŋgɛ́rɛ njuku záŋmá mûn a hûlké
(Mrk 2:1-12; Luk 5:17-26)
1Zezú ri ɓil kumbôn, a he mbii, a rekála sé pû mɛ̌. 2Njukuri mbí njuku záŋmá mûn a hûlké a há̧na, ka tibôy gí gel a Zezú. Gelka Zezú kó láɓulaw a kuriri, ké sa hí̧ njuku záŋmá ɓá: «Mɔ́ kpúmûn nɔ́, gun a mǐ, mi vbá̧buma ɓékéhɛ̧ a mɔ̌ dá!» 3A tûl ɓay nɔ́, njuku tɔ́ʼɔ sáŋna há̧narí̧, ŋgɔ̧rɔ̧ a bazeŋ a kuriri a sa: «Njuku nɛ́, fára Gáŋvbôn!» 4Zezú tu kɛrɛ a ɓil law a kuriri, dáy a sa: «Ɓayhí̧, i erú a mára̧ kɛrɛ nǎŋnɔ́ lé? 5A̧hí̧ ná ɗɛ́ŋ, sa ɓá: “Mi vbá̧buma ɓékéhɛ̧ a mɔ̌ dá”, malé sa ɓá: “Mɔ́ uru a séséna lé?” 6Dáy, mi zi ɓá i tu ɓá: Gun a njuku erú ka kpɔ́ŋa a tísiri nɛ́, ɓay a vbá̧buma ɓékéhɛ̧ a njukuri.» A goló, ké sa hí̧ njuku záŋmá ɓá: «Mɔ́ uru, a mbí hîi a mɔ̌, a mɔ́ kála sé vûn a mɔ̌!» 7Dáy, ké uru a rekála sé vûn a mɛ̌. 8Gelka njukuri kó nǎŋnɔ́, wɔ́w ŋgbá kuriri dáy, kú hɔ̧́ Gáŋvbôn ka hí̧ njukuri, mára̧ kpɔ́ŋa nǎŋnɔ́.
Zezú ɗí Matiye
(Mrk 2:13-17; Luk 5:27-32)
9Falké Zezú kaw kála, a gé kó njuku a há̧na, kaw a gel mára̧ lari lambô, rɛŋɛ́ ɓá Matiye, a sa hí̧ nɛ́ ɓá: «Mɔ́ tɔ́ŋ mi!» Dáy Matiye uru a tɔ́ŋ nɛ́. 10Gelka Zezú e ka nzáʼa lâʼa, a ɓil vûn a Matiye kuu gunbɛʼɛri, njuku mára̧ lari lambôri, rá̧ njuku a fékéri ka ɓá ɓéké njukuri ɓá ŋgɛ̧́náké, gí kaw nzáʼa lâʼa kuu mɛ̌. 11Fariziyɛ̧́ri̧ kó dáy, a sa hí̧ gunbɛʼɛri ɓá: «Ɓayhí̧, Gáŋnjuku a wǎyri sɔ̧́lâʼa kuu njuku mára̧ lari lambôri rá̧ ɓéké njukuri lé?» 12Zezú láɓayké, dáy a sa: «Tí ɓá njuku a ŋgɛ́rɛ́kéri, pé ɛ́ njuku hí̧ nzáʼagoy yá, ɓá njuku záŋmári̧. 13I sé ɛ́ táŋa ɓay ka ɗé ka̧n ɓil ɓay a Gáŋvbôn, ka sa ɓá: “Hɛ̧ ka mí ziy, ɓá haŋnjuku, tí ɓá hɛ̧púnari̧ nyá.” Ɓayhí̧lé, mi zi gí ɗí njuku a ndárákéri yá, mi gí ɗí njukuri ka kó mûn a kuriri ɓá kú kaw ɓá ɓéké njukuri.»
Zezú saɓay a sáŋhɛ̧
(Mrk 2:18-22; Luk 5:33-39)
14Nǎŋnɔ́ Gunbɔʼɔ a Zâŋri̧ gí gbaŋa Zezú, a vbí nɛ́ ɓá: «Ɓayhí̧rá̧, ɓurú rá Fariziyɛ̧́ri̧, rú sáŋhɛ̧ rá̧ Gunbɔʼɔri zi sáŋhɛ̧ nyáy lé?» 15Dáy, Zezú rerú hí̧ kuriri ɓá: Njukuri ka ɓá njuku mbaŋa a njuku nyá wûny, ma sáŋhɛ̧ ka njuku nyá wûny erú kuu kuriri ɓáy yá. Sêeké e gína, ka njuku nyá wûny, zi tí kuu kuriri mbaay, a goló kú e sáŋhɛ̧.
16«Njuku a há̧na, tí mbí nzáʼa laa a fékéké, ka pól tâ̧w gári rú yá, ɓayhí̧lé nzáʼa laa a fékéké e ré sɔ̧́ tâ̧w gári dáy, gɔ́rɔ́ké e réhɔ̧́ mambá. 17Njuku, zi ma aŋa vôn a ndísɛ̌ʼɛ kɔ̧ ɓil tâ̧w kɛrɛri yá, tí yá lé, kɛrɛkéri e vbéra, vôn e kɔ̧ kpâa, kú e ɓɔ́l kɛrɛkéri kɔ́. Belɓá kú aŋa vôn a ndísɛ̌ʼɛ kɔ̧ ɓil kɛrɛ a ŋgɛŋkéri, nǎŋnɔ́ kɛrɛri rá̧ vôn too e ná ɓá béláké.»
Zezú ŋgɛ́rɛ wûny há̧na, a toma gun a lɔŋɔ́
(Mrk 5:21-43; Luk 8:40-56)
18Gelka Zezú kaw saɓay hí̧ kuriri nǎŋnɔ́, mbây a Juyíf a há̧na gí huku mbɛlɛ́, a vú hí̧ nɛ́, a sa: «Gun lɔŋɔ́ a mǐ, hú a ŋgɛŋnɛ́, dáy mɔ́ gí, a mɔ́ gí ɓá ndɔ̂ʼɔ kɔ̧ tûlé, lé ké e toma.» 19Zezú uru a tɔ́ŋ nɛ́ kuu gunbɛʼɛri.
20Nǎŋnɔ́, wûny há̧na erú ka záŋmá fihoy, mbimbɔ̂m bôo a sére dá, dáy a gí ka fal a Zezú, a gí ɗa nzáʼa gári a mɛ̌. 21Ɓayhí̧lé, ké sa a ɓil lawɛ́ ɓá: «Mǐ, mí ziŋ ɗa ɓá nzáʼa gári a mɛ̌, mi e ziŋ ŋgɛ́rɛ.» 22Zezú fere, a ɛ̧rɛ̧ nɛ́ a sa: «Mɔ́ ŋgú wɔ́w yá, gun a mǐ, láɓulaw a mɔ̌ pɛ̧́ mɔ́ dá!» Nǎŋ, núnmbɛ̧́nɛ́ a goló, wûnyké ziŋ ŋgɛ́rɛ.
23Gelka Zezú gé ka̧ ɓil vûn a mbây a Juyífké, ké gé kó njuku ul madokâ̧wri̧ rá̧ njukuri ɓá ŋgɛ̧́náké a kaw ɓála a órómûn a kuriri. 24Dáy, a sa hí̧ kuriri ɓá: «I tɛ̧́ sé kála, ɓayhí̧lé gun a lɔŋɔ́ nɛ́ zi hú yá, ké ná nâm.» Dáy njukuri sáʼa nɛ́. 25Gelka njukuri tɛ̧́ kálay, ké ri ɓil vûn, a gé ŋgbá ndɔ̂ʼɔ a gun a lɔŋɔ́, dáy ké uru. 26Ɓayké wal ma ɓil kawké too.
Zezú ŋgburu nûn a râ̧wri̧ sére
27Gelka Zezú tɛ̧́ ka goló, râ̧wri̧ sére tɔ́ŋ nɛ́ ka vbá̧nzáʼa a sa: «Mɔ́ kósêe hí̧ rú, Gun a Davít!»
28Gelka, ké gé ka̧ ɓil vûn, râ̧wri̧ ta̧m gí gbɛ́ŋɛ́, dáy Zezú vbí kuriri: «Í láɓulaw ɓá mí ma ŋgɛ́rɛ wǎyri lé?» Kú zi a sa: «ɛ̧, Gáŋmbây!» 29Dáy Zezú ɗa nûn a kuriri a sa: «Ké ná hí̧ wǎyri ɓá báŋké nɔ́ ka i láɓulaw rúy!» 30Dáy nûn a kuriri gí kó gel. Zezú vbara kuriri ɓá: «Njuku a há̧na ké zi ná láɓayké.» 31Dáy, kú tɛ̧́ a saɓay a Zezú ma ɓil kawké too.
Zezú ŋgɛ́rɛ ŋgbôŋ a há̧na
32Ka râ̧wri̧ kaw tɛ̧́ kálay, kú ɓá njuku a há̧na a têm ɓéké ri nɛ́ a ké zi saɓay yáy, gí gel a Zezú. 33Gelka Zezú ní têm ɓéké tɛ̧́ ka mûn nɛ́, ké tí saɓay. A ɓil a njukuri, kuriri too kú kaw yér, a sa: «Kú zi kó mára̧ hɛ̧ nɛ́, a Izirayɛ́l bɔʼɔ mbêw yá!» 34Dáy, Fariziyɛ̧́ri̧ sa ɓá: «Ɓá mbây a têm ɓékéri pé hí̧ nɛ́ kpɔ́ŋa ní têm ɓékékéri.»
Zezú kósêe a njukuri
35Zezú sé pû ka pû, a tɔ́ʼɔhɛ̧ a ɓil vûn mára̧ a Juyífri, a tɔ́ʼɔ Bélaɓay a káwa Mbây a Pû a Gáŋvbôn hí̧ njukuri, a ŋgɛ́rɛ záŋmári̧ too, rá̧ kpɛrɛri too. 36Gelka ké kó njukuri, ké kó kuriri sé haŋ mambá, ɓayhí̧lé njukukéri ta̧ tapát, mûn a kuriri hú too, ɓá báŋa mbóléri ka zi tí ka njuku koro kuriri yáy. 37Nǎŋnɔ́, Zezú sa hí̧ gunbɛʼɛri ɓá: «Hɛ̧pay, ɓay a lúna ŋgɛ̧́ mambá, njuku niŋ pénákéri ŋgɛ̧́ nyá. 38Dáy, i gɔ́ŋ njuku wâʼa, a ké pé njukupénari̧, a kú gí mára̧ hɛ̧payké.»
လက်ရှိရွေးချယ်ထားမှု
Matiye 9: pnz
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ
© 2023 CABTAL
Matiye 9
9
Zezú ŋgɛ́rɛ njuku záŋmá mûn a hûlké
(Mrk 2:1-12; Luk 5:17-26)
1Zezú ri ɓil kumbôn, a he mbii, a rekála sé pû mɛ̌. 2Njukuri mbí njuku záŋmá mûn a hûlké a há̧na, ka tibôy gí gel a Zezú. Gelka Zezú kó láɓulaw a kuriri, ké sa hí̧ njuku záŋmá ɓá: «Mɔ́ kpúmûn nɔ́, gun a mǐ, mi vbá̧buma ɓékéhɛ̧ a mɔ̌ dá!» 3A tûl ɓay nɔ́, njuku tɔ́ʼɔ sáŋna há̧narí̧, ŋgɔ̧rɔ̧ a bazeŋ a kuriri a sa: «Njuku nɛ́, fára Gáŋvbôn!» 4Zezú tu kɛrɛ a ɓil law a kuriri, dáy a sa: «Ɓayhí̧, i erú a mára̧ kɛrɛ nǎŋnɔ́ lé? 5A̧hí̧ ná ɗɛ́ŋ, sa ɓá: “Mi vbá̧buma ɓékéhɛ̧ a mɔ̌ dá”, malé sa ɓá: “Mɔ́ uru a séséna lé?” 6Dáy, mi zi ɓá i tu ɓá: Gun a njuku erú ka kpɔ́ŋa a tísiri nɛ́, ɓay a vbá̧buma ɓékéhɛ̧ a njukuri.» A goló, ké sa hí̧ njuku záŋmá ɓá: «Mɔ́ uru, a mbí hîi a mɔ̌, a mɔ́ kála sé vûn a mɔ̌!» 7Dáy, ké uru a rekála sé vûn a mɛ̌. 8Gelka njukuri kó nǎŋnɔ́, wɔ́w ŋgbá kuriri dáy, kú hɔ̧́ Gáŋvbôn ka hí̧ njukuri, mára̧ kpɔ́ŋa nǎŋnɔ́.
Zezú ɗí Matiye
(Mrk 2:13-17; Luk 5:27-32)
9Falké Zezú kaw kála, a gé kó njuku a há̧na, kaw a gel mára̧ lari lambô, rɛŋɛ́ ɓá Matiye, a sa hí̧ nɛ́ ɓá: «Mɔ́ tɔ́ŋ mi!» Dáy Matiye uru a tɔ́ŋ nɛ́. 10Gelka Zezú e ka nzáʼa lâʼa, a ɓil vûn a Matiye kuu gunbɛʼɛri, njuku mára̧ lari lambôri, rá̧ njuku a fékéri ka ɓá ɓéké njukuri ɓá ŋgɛ̧́náké, gí kaw nzáʼa lâʼa kuu mɛ̌. 11Fariziyɛ̧́ri̧ kó dáy, a sa hí̧ gunbɛʼɛri ɓá: «Ɓayhí̧, Gáŋnjuku a wǎyri sɔ̧́lâʼa kuu njuku mára̧ lari lambôri rá̧ ɓéké njukuri lé?» 12Zezú láɓayké, dáy a sa: «Tí ɓá njuku a ŋgɛ́rɛ́kéri, pé ɛ́ njuku hí̧ nzáʼagoy yá, ɓá njuku záŋmári̧. 13I sé ɛ́ táŋa ɓay ka ɗé ka̧n ɓil ɓay a Gáŋvbôn, ka sa ɓá: “Hɛ̧ ka mí ziy, ɓá haŋnjuku, tí ɓá hɛ̧púnari̧ nyá.” Ɓayhí̧lé, mi zi gí ɗí njuku a ndárákéri yá, mi gí ɗí njukuri ka kó mûn a kuriri ɓá kú kaw ɓá ɓéké njukuri.»
Zezú saɓay a sáŋhɛ̧
(Mrk 2:18-22; Luk 5:33-39)
14Nǎŋnɔ́ Gunbɔʼɔ a Zâŋri̧ gí gbaŋa Zezú, a vbí nɛ́ ɓá: «Ɓayhí̧rá̧, ɓurú rá Fariziyɛ̧́ri̧, rú sáŋhɛ̧ rá̧ Gunbɔʼɔri zi sáŋhɛ̧ nyáy lé?» 15Dáy, Zezú rerú hí̧ kuriri ɓá: Njukuri ka ɓá njuku mbaŋa a njuku nyá wûny, ma sáŋhɛ̧ ka njuku nyá wûny erú kuu kuriri ɓáy yá. Sêeké e gína, ka njuku nyá wûny, zi tí kuu kuriri mbaay, a goló kú e sáŋhɛ̧.
16«Njuku a há̧na, tí mbí nzáʼa laa a fékéké, ka pól tâ̧w gári rú yá, ɓayhí̧lé nzáʼa laa a fékéké e ré sɔ̧́ tâ̧w gári dáy, gɔ́rɔ́ké e réhɔ̧́ mambá. 17Njuku, zi ma aŋa vôn a ndísɛ̌ʼɛ kɔ̧ ɓil tâ̧w kɛrɛri yá, tí yá lé, kɛrɛkéri e vbéra, vôn e kɔ̧ kpâa, kú e ɓɔ́l kɛrɛkéri kɔ́. Belɓá kú aŋa vôn a ndísɛ̌ʼɛ kɔ̧ ɓil kɛrɛ a ŋgɛŋkéri, nǎŋnɔ́ kɛrɛri rá̧ vôn too e ná ɓá béláké.»
Zezú ŋgɛ́rɛ wûny há̧na, a toma gun a lɔŋɔ́
(Mrk 5:21-43; Luk 8:40-56)
18Gelka Zezú kaw saɓay hí̧ kuriri nǎŋnɔ́, mbây a Juyíf a há̧na gí huku mbɛlɛ́, a vú hí̧ nɛ́, a sa: «Gun lɔŋɔ́ a mǐ, hú a ŋgɛŋnɛ́, dáy mɔ́ gí, a mɔ́ gí ɓá ndɔ̂ʼɔ kɔ̧ tûlé, lé ké e toma.» 19Zezú uru a tɔ́ŋ nɛ́ kuu gunbɛʼɛri.
20Nǎŋnɔ́, wûny há̧na erú ka záŋmá fihoy, mbimbɔ̂m bôo a sére dá, dáy a gí ka fal a Zezú, a gí ɗa nzáʼa gári a mɛ̌. 21Ɓayhí̧lé, ké sa a ɓil lawɛ́ ɓá: «Mǐ, mí ziŋ ɗa ɓá nzáʼa gári a mɛ̌, mi e ziŋ ŋgɛ́rɛ.» 22Zezú fere, a ɛ̧rɛ̧ nɛ́ a sa: «Mɔ́ ŋgú wɔ́w yá, gun a mǐ, láɓulaw a mɔ̌ pɛ̧́ mɔ́ dá!» Nǎŋ, núnmbɛ̧́nɛ́ a goló, wûnyké ziŋ ŋgɛ́rɛ.
23Gelka Zezú gé ka̧ ɓil vûn a mbây a Juyífké, ké gé kó njuku ul madokâ̧wri̧ rá̧ njukuri ɓá ŋgɛ̧́náké a kaw ɓála a órómûn a kuriri. 24Dáy, a sa hí̧ kuriri ɓá: «I tɛ̧́ sé kála, ɓayhí̧lé gun a lɔŋɔ́ nɛ́ zi hú yá, ké ná nâm.» Dáy njukuri sáʼa nɛ́. 25Gelka njukuri tɛ̧́ kálay, ké ri ɓil vûn, a gé ŋgbá ndɔ̂ʼɔ a gun a lɔŋɔ́, dáy ké uru. 26Ɓayké wal ma ɓil kawké too.
Zezú ŋgburu nûn a râ̧wri̧ sére
27Gelka Zezú tɛ̧́ ka goló, râ̧wri̧ sére tɔ́ŋ nɛ́ ka vbá̧nzáʼa a sa: «Mɔ́ kósêe hí̧ rú, Gun a Davít!»
28Gelka, ké gé ka̧ ɓil vûn, râ̧wri̧ ta̧m gí gbɛ́ŋɛ́, dáy Zezú vbí kuriri: «Í láɓulaw ɓá mí ma ŋgɛ́rɛ wǎyri lé?» Kú zi a sa: «ɛ̧, Gáŋmbây!» 29Dáy Zezú ɗa nûn a kuriri a sa: «Ké ná hí̧ wǎyri ɓá báŋké nɔ́ ka i láɓulaw rúy!» 30Dáy nûn a kuriri gí kó gel. Zezú vbara kuriri ɓá: «Njuku a há̧na ké zi ná láɓayké.» 31Dáy, kú tɛ̧́ a saɓay a Zezú ma ɓil kawké too.
Zezú ŋgɛ́rɛ ŋgbôŋ a há̧na
32Ka râ̧wri̧ kaw tɛ̧́ kálay, kú ɓá njuku a há̧na a têm ɓéké ri nɛ́ a ké zi saɓay yáy, gí gel a Zezú. 33Gelka Zezú ní têm ɓéké tɛ̧́ ka mûn nɛ́, ké tí saɓay. A ɓil a njukuri, kuriri too kú kaw yér, a sa: «Kú zi kó mára̧ hɛ̧ nɛ́, a Izirayɛ́l bɔʼɔ mbêw yá!» 34Dáy, Fariziyɛ̧́ri̧ sa ɓá: «Ɓá mbây a têm ɓékéri pé hí̧ nɛ́ kpɔ́ŋa ní têm ɓékékéri.»
Zezú kósêe a njukuri
35Zezú sé pû ka pû, a tɔ́ʼɔhɛ̧ a ɓil vûn mára̧ a Juyífri, a tɔ́ʼɔ Bélaɓay a káwa Mbây a Pû a Gáŋvbôn hí̧ njukuri, a ŋgɛ́rɛ záŋmári̧ too, rá̧ kpɛrɛri too. 36Gelka ké kó njukuri, ké kó kuriri sé haŋ mambá, ɓayhí̧lé njukukéri ta̧ tapát, mûn a kuriri hú too, ɓá báŋa mbóléri ka zi tí ka njuku koro kuriri yáy. 37Nǎŋnɔ́, Zezú sa hí̧ gunbɛʼɛri ɓá: «Hɛ̧pay, ɓay a lúna ŋgɛ̧́ mambá, njuku niŋ pénákéri ŋgɛ̧́ nyá. 38Dáy, i gɔ́ŋ njuku wâʼa, a ké pé njukupénari̧, a kú gí mára̧ hɛ̧payké.»
လက်ရှိရွေးချယ်ထားမှု
:
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ
© 2023 CABTAL