Génesis 1
1
Ti c'usitic lic meltsajuc talele
1Ti c'usitic lic meltsajuc talel yu'un ti Dios ta sliquebale, vinajel xchi'uc ti banomile. 2Yu'un ti banomile, mu stac' ilel c'u s'elan oy. Scotol noj ta vo', ic' ta j'ech'el. Xcuxlej ti Diose ta xbac'olaj ta ba vo'.
3Va'i un, xi laj yal ti Diose: “Ac'o sac jamtajuc”,#2 Co 4.6.,#Jn 1.1-3. xi.
Jech sacjamtaj. 4C'alal laj yil Dios ti toj lec ti saquilal osile, laj xch'ac loq'uel ti ic'al osile. 5“C'ac'altic” laj yac'be sbiin. Yan ti ic'al osile, “ac'ubaltic” laj yac'be sbiin. Ja' jech yepal chapaj yu'un ta sliquebal c'ac'al.
6Ts'acal to un, xi laj yal ti Diose: “Ac'o oyuc c'usi cotcot yo' ta xch'acanan sba batel ti vo'e yo' jech bevel ta xcom.”
Ja' jech ic'ot ta pasel. 7Va'i un, ti Diose laj smeltsan ti c'usi cotcote, ti xi s'elan laj xch'ac sba ti vo'etique: ti jlome com ta yolon. Ti jlome bat ta yac'ol ti c'usi cotcote. 8Jech ti c'usi cotcote, laj yac'be sbiin “vinajel”.#2 P 3.5. Ja' jech chapaj ta xchibal c'ac'al.
9Va'i un, xi laj yal ti Diose: “Ti vo' ti oy ta yolon vinajele, ac'o stsob sba ta jun no'ox yavilic yo' jech ta xvinaj taquin ta xcom ti jlome.”
Ja' jech ic'ot ta pasel. 10Ti bu taquin come, ti Diose laj yac'be sbiin “banomil”. Yan ti bu laj stsob batel ti vo'e, laj yac'be sbiin “muc' ta nab”. C'alal laj yil Dios ti lec bat scotole, 11ja' yu'un un, xi laj yale: “Ti banomile xi s'elan ac'o xch'ies talel ti c'usiuc no'ox ta xch'ie: momoletic ti ta xac' sbeq'ue, xchi'uc te'etic ti ta xac' sate.”
Ja' jech ic'ot ta pasel. 12Jech ti banomile lic xch'ies talel scotol ti c'usitic ta xch'ie, ti momoletic ta xac' sbeq'ue, xchi'uc te'etic ta xac' sat. Jech ti Diose laj yil ti lec scotole. 13Ja' jech chapaj ta yoxibal c'ac'al.
14Ja' yu'un un, ti Diose xi laj yale: “Ti ta toyol yaxts'ijan vinajele, ac'o ayanuc c'usitic ta xac' xojobal yo' ch'acal ta xcom ti c'ac'altic xchi'uc ti ac'ubaltique, ti ta xtun ta senyailtac ti c'u s'elan ta xjel batel ti c'ac'ale, ti c'usitic tsots sc'oplal ta xc'ot ta pasel ti jujun u ta x'ech' yu'un ti jujun jabile. 15Yu'un xchijlajan no'ox ta vinajel yo' ta xac' talel xojobal ta banomil.”
Ja' jech ic'ot ta pasel. 16Ti Diose xi s'elan laj smeltsan chib ti c'usi ta xac' xojobale: ti jun muq'ue xtixet no'ox xojobal ta c'ac'altic. Ja'uc ti jun biq'uite xojobin no'ox ta ac'ubaltic. Ja' jech xtoc laj smeltsan c'analetic. 17Ti Diose laj yac' ta yaxts'ijan vinajel ti c'usitic ta xac' xojobale yo' jech xchijlajan no'ox ta xvul ta banomil. 18Yu'un ti c'ac'altique xchi'uc ti ac'ubaltique, ja' jech ch'acal oyic ti saquilal xchi'uc ti ic'al osile. Jech lec laj yil scotol. 19Ja' jech yepal chapaj ti ta xchanibal c'ac'ale.
20Ti Diose xi laj yale: “Ti ta vo'e, ac'o ayanuc ep ta tos c'usitic chanul. Ja' jech xtoc, ac'o ayanuc viletel mutetic ta banomil.”
Ja' jech ic'ot ta pasel. 21Ti Diose laj smeltsan muc'tiquil ayinetic ta nab, xchi'uc scotol chonetic ta vo' chlaj ch'iuc xchi'uc ti ta xcuxiique, xchi'uc scotol ti mutetique.
Ti c'alal jech laj yil ti Diose, xloc' venta laj yil. 22Ja' yu'un un, xi s'elan laj sts'uiltas ti c'usiticuc chanul laj smeltsane: “C'otuc ta pasel ti ta xaboles abaic liquel ta j'ech'ele. Nojesic ti nabetique. Epajuc ta j'ech'el ti mutetic ta banomil xtoque.”
23Ja' jech chapaj ti ta yo'obal c'ac'ale.
24Jech xtoc ti Diose xi laj yale: “Xi s'elan ac'o boluc ta banomil scotol ti ep ta tos chon bolometique: ti ts'unbolal chon bolometique, xchi'uc ti colemal te'tical chon bolometique, ti c'usitic xquilet ta banomil ta xanave.”
Ja' jech ono'ox ic'ot ta pasel. 25Ti jech meltsaj yu'un ti Dios ti chon bolometic taje, scotol lec laj yil.
26Ts'acal to un, xi laj yale: “Avi tana une, jmeltsantic ti vinique, sjunul jech c'u cha'al ti vo'otique,#1 Co 11.7. ti oyuc ta yoc ta sc'ob ti xu' yu'un ti c'usi ta sc'an ta spas ta stojol ti choyetique, ti mutetique, ti chon bolometic ti stac' ts'unele, xchi'uc ti colemal te'tical chon bolometique, xchi'uc ti c'usitic xquilet ta xanavic ta banomile.”
27Xchaplej lec ti c'alal laj smeltsan vinic ti Diose,
mu yanuc loc' ta meltsanel yu'un jech c'u cha'al ti Dios stuque,
yu'un laj smeltsan vinic xchi'uc ants.#Mt 19.4; Mr 10.6.
28Va'i un, xi laj sts'uiltase:#Gn 5.1-2.
“Epajuc avalab anich'nabic;
nojesic sjunul ti banomile,
ventainic ta stuc'ulanel;
ochuc ta be avu'unic ti choyetique, ti mutetique,
xchi'uc scotol ti chonetic ti xquilet ta xanave.”
29Ts'acal to un, xi albatique: “Scotol momoletic ta xac' ti sbeq'ue, scotol te'etic ta xac' ti sate, ta xcac'boxuc alajesic scotol. Scotol taje, ja' ta xavipanic. 30Yan ti te'tical chon bolometique, ti chonetic ti xquilet ta xanav ta banomile, xchi'uc ti mutetique, ja' ta xcac'be sve'elinic ti momoletique.”
Ja' jech ic'ot ta pasel. 31Ti c'u s'elan laj smeltsan ti Diose, laj yil ti lec scotole. Ja' yu'un un, ja' jech chapaj ta svaquibal c'ac'al.
လက်ရှိရွေးချယ်ထားမှု
Génesis 1: TZC00
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ
Biblia en Tzotzil de Chamula, Chiapas, México © Sociedad Bíblica de México, A.C. 2000