Luke 2
2
Iesu ve epape hari
1La hoa Augustus Caesar haela oaria pupu oharo maeaeape — vila ipipi haela oaria ve rare haeakive. 2Quirinius, Syria ve gavana hoa rare oropa haeape hoa va la. 3Haela oaria elarelare karikara loavahaeape, ehovea rare haeakive. 4Joseph kara, Galilee, Nazareth ve Karikara, harepai Judea ve ukaki aupe. Are pekape karikara, Bethlehem, David ve karikara, ehovea are David ve eravo haela. 5Areve uva Mary are i hareho aupe: are va ero ila. 6Erealila leia apeapea areve akore epaki hoa horerape: are kai akore koare le epape. 7Are arero pura kohahai boromakau ve eapai kohu ve aipepe, ehovea hahi haela ve uvi apeaki ita karia.
8Mamoe kiva haela kaipure leia oroa hoa ereve mamoe kiva leivahaeape. 9Amua ve aneru ereve oropa epavape. Amua ve ovava eapapo ereve oropa ve heauapape: ere oaoka eapapo leivahaeape. 10Aneru erero maeaeape, E oaoka kalaivahaelue — Iapaila, ara hari veveke ero kai maeaeaive, haela oaria ve ikiveveke leivahaeaki oharo. 11Ehovea ma hare David ve karikara ve, haela ve lei makukuriki akore la epaila, are va Keriso Amua. 12Ma ihova va eve ila, e va akore hekai pura kohahai boromakau kohu ureve uavaila la eavakilai. 13Aneru i hareho hoa haroapo epavape kaia ve aneru oaria iele — Ere Aualari maria morapaeape: — 14Akea ve Aualari momorapuki: meahaiapo kai are va ikivere haela oaria havila ra aeakilai. 15Iapaila, aneru erero haitapai kaia ve le pekahavape. Mamoe kiva haela elarelare oharo maria hukavape — Elaviila Bethlehem ve auvahaeakilai, Amua elaro lakimaeaila la eharu ovohae eavakive. 16Ere elavelave auvahaeai Mary i Joseph i boromakau kohu ureve eaeavila akore hekai ila eavavahaeape. 17Ere eavi erero ma akore v'ila kileavahaeape la oharo oaria ere hihika le maeaeape. 18La oharo iapavahaeape haela oaria ikihorahora eapapo leivahaeape ehovea mamoe kiva haela erero maeaeape la eharu oaria. 19Aka Mary ma oharo oaria areve iki kekela ve le aeape. 20Mamoe kiva haeala helari auvahaeai Aualari momorapupe ehovea erero kileavahaeape la oharo oaria ere va ovohae ra eavavahaea hoveahovea.
21Peritome leiki la pupu ve hare hare 8 karia leivahaeai erealila areve rare Iesu ra itavape, aneru Mary oropa maeape hoveahovea.
Iesu hehe uvi lai pekape
22Ereve veveroro leiki hoa karia leipe la hoa (Moses ve la pupu hovea) — ere arero Jerusalem lai pekape ehovea arero Amua ra avarakive. 23Amua ve pupu lari hape — Akoremari koare oaria Amua ve oropa ve hehe leikilai. 24Erealila Amua ve meru avarape, ehovea Amua ve pupu lari hape hivi akokore orahoka aka huva akokore orahoka aiarakive.
Simeon ve morapaeaki hivi
25Iapai — Jerusalem aeaveape haela ae rare Simeon, mai ehoe i hehe ila haela, Israel ve lei makukuriki hoa la karipe. Areve iki Ove Veveke heloekoape. 26Ove Veveke arero kileape maria — are va apa va ka aiai are Amua ve Keriso la eavakilai. 27Are Ove Veveke ila Hehe Uvi pekape; Oalou pupu hovea lei Iesu Keriso lai pekape la hoa, 28are arero arahu hahavi Aualari maria morapaeape:
29Amua e, mahau ave horova haela ave la oharo hovea paraeaki;
30Ehovea arave ovohae ave ovokake mai laeavila.
31A vila ipipi oaria oropa ve karikipe la ovokake.
32Ovava ita lahua haela lei iki ore leivahaeakive,
Kai ave Israel haela oaria momorapukive.
33Areve oa i lou ila ikihorahora eapapo leivahaeape ehovea are v'ila maeape la oharo oaria. 34Simeon erealilara kara momorapupe kai Mary maria maeape:
Ma akore kihoaupe ehovea haela oaria lei hihilaukive
Kai oaria lei urahukakive are va haela oaria la aihukamaeakive
La ihova. 35(Iele havahu, lelao ave iki ureve huhakilai, ehovea haela oaria ve ikikekela oharo hihika leikive.)
Anna, Peroveta uamari
36Peroveta uamari rare Anna, Phanuel ve mari, Asher ve eravo haela, (are kara uamari eapapo iele — are i vila ila hareho aeveape hitolo 7 aireaki areve maitava hoa hitolo 84). 37Are kai Hehe Uvi hiki aeveape. Are hare i oroa ila ere erereape, kai mea oaria Aualari ve morapaeaki ivaiva hiki leiroape. 38Are va la hoa pekai Aualari thank you oharo ape. Jerusalem ve lei makuriki hoa karivahaeape haela oaria kara areve hari kileape.
Iesu ve akore hekai hoa
39Ere va Amua ve pupu hovea eharu oaria karia leivahaeai Galilee hoahuka elare karikara Nazareth pekape. 40Akore ahai maea aheke i ikiore ila leipe. Aualari ve ikiheroe are i hareho aeape.
41Areve oa i lou hitolo oaria Passover hurai ve hoa Jerusalem pekahavaroape. 42Are ve hitolo 12 karialeipe hoa ere hareho Passover ve hurai ve pekahavape. 43Hurai karia lei erealila auvahaeape la hoa akore Iesu leia aeape: areve oa i lou ore au leila. 44Erealila ve ikikekela are i hahi leivahaeape haela oaria ila hareho aupe. Erealila hare haroapo aiai arero apavara ve leia ra haropape. 45Aka erealila arero au koaraila, laelave erealila helari Jerusalem kai pekahavi arero leia haropape. 46Hare ilehoila karia lei erealila arero Hehe Uvi ureve haela ve aru ve eavape. Are i haelapo ila hareho oharo hukavi velavela leipe. 47Areve oharo iapavahaeape haela oaria ikihorahora leivahaeape ehovea areve iapaki mai i ikiore kavale oharo ila. 48Erealila arero eavi ikihorahora eapapo leivahaeape; areve lou kai arero maeape, Akore e, a elalilara mari leipe ehovealeve ha? Ela ave oa ila ikihuru lei aro haroparo. 49Are erealilara maeaeape, Ehovealeve evalila araro haroparurava ha? Eali haveva ha? Ara va Oa ve horova leivila. 50Erealila la oharo auhohi au iapaila. 51Are erealila i hareho Nazareth aupe. Are erealilave oharo iapairoape. Areve lou ma oharo oaria iki ure hiki kiva lei kelavape.
52Iesu ikiore i maea aheke v'ila ahape. Are kai Aualari i haela ila oropa ve veveke hiki ahape.
လက်ရှိရွေးချယ်ထားမှု
Luke 2: ORO
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ
Published by the British and Foreign Bible Society 1963-1972
Luke 2
2
Iesu ve epape hari
1La hoa Augustus Caesar haela oaria pupu oharo maeaeape — vila ipipi haela oaria ve rare haeakive. 2Quirinius, Syria ve gavana hoa rare oropa haeape hoa va la. 3Haela oaria elarelare karikara loavahaeape, ehovea rare haeakive. 4Joseph kara, Galilee, Nazareth ve Karikara, harepai Judea ve ukaki aupe. Are pekape karikara, Bethlehem, David ve karikara, ehovea are David ve eravo haela. 5Areve uva Mary are i hareho aupe: are va ero ila. 6Erealila leia apeapea areve akore epaki hoa horerape: are kai akore koare le epape. 7Are arero pura kohahai boromakau ve eapai kohu ve aipepe, ehovea hahi haela ve uvi apeaki ita karia.
8Mamoe kiva haela kaipure leia oroa hoa ereve mamoe kiva leivahaeape. 9Amua ve aneru ereve oropa epavape. Amua ve ovava eapapo ereve oropa ve heauapape: ere oaoka eapapo leivahaeape. 10Aneru erero maeaeape, E oaoka kalaivahaelue — Iapaila, ara hari veveke ero kai maeaeaive, haela oaria ve ikiveveke leivahaeaki oharo. 11Ehovea ma hare David ve karikara ve, haela ve lei makukuriki akore la epaila, are va Keriso Amua. 12Ma ihova va eve ila, e va akore hekai pura kohahai boromakau kohu ureve uavaila la eavakilai. 13Aneru i hareho hoa haroapo epavape kaia ve aneru oaria iele — Ere Aualari maria morapaeape: — 14Akea ve Aualari momorapuki: meahaiapo kai are va ikivere haela oaria havila ra aeakilai. 15Iapaila, aneru erero haitapai kaia ve le pekahavape. Mamoe kiva haela elarelare oharo maria hukavape — Elaviila Bethlehem ve auvahaeakilai, Amua elaro lakimaeaila la eharu ovohae eavakive. 16Ere elavelave auvahaeai Mary i Joseph i boromakau kohu ureve eaeavila akore hekai ila eavavahaeape. 17Ere eavi erero ma akore v'ila kileavahaeape la oharo oaria ere hihika le maeaeape. 18La oharo iapavahaeape haela oaria ikihorahora eapapo leivahaeape ehovea mamoe kiva haela erero maeaeape la eharu oaria. 19Aka Mary ma oharo oaria areve iki kekela ve le aeape. 20Mamoe kiva haeala helari auvahaeai Aualari momorapupe ehovea erero kileavahaeape la oharo oaria ere va ovohae ra eavavahaea hoveahovea.
21Peritome leiki la pupu ve hare hare 8 karia leivahaeai erealila areve rare Iesu ra itavape, aneru Mary oropa maeape hoveahovea.
Iesu hehe uvi lai pekape
22Ereve veveroro leiki hoa karia leipe la hoa (Moses ve la pupu hovea) — ere arero Jerusalem lai pekape ehovea arero Amua ra avarakive. 23Amua ve pupu lari hape — Akoremari koare oaria Amua ve oropa ve hehe leikilai. 24Erealila Amua ve meru avarape, ehovea Amua ve pupu lari hape hivi akokore orahoka aka huva akokore orahoka aiarakive.
Simeon ve morapaeaki hivi
25Iapai — Jerusalem aeaveape haela ae rare Simeon, mai ehoe i hehe ila haela, Israel ve lei makukuriki hoa la karipe. Areve iki Ove Veveke heloekoape. 26Ove Veveke arero kileape maria — are va apa va ka aiai are Amua ve Keriso la eavakilai. 27Are Ove Veveke ila Hehe Uvi pekape; Oalou pupu hovea lei Iesu Keriso lai pekape la hoa, 28are arero arahu hahavi Aualari maria morapaeape:
29Amua e, mahau ave horova haela ave la oharo hovea paraeaki;
30Ehovea arave ovohae ave ovokake mai laeavila.
31A vila ipipi oaria oropa ve karikipe la ovokake.
32Ovava ita lahua haela lei iki ore leivahaeakive,
Kai ave Israel haela oaria momorapukive.
33Areve oa i lou ila ikihorahora eapapo leivahaeape ehovea are v'ila maeape la oharo oaria. 34Simeon erealilara kara momorapupe kai Mary maria maeape:
Ma akore kihoaupe ehovea haela oaria lei hihilaukive
Kai oaria lei urahukakive are va haela oaria la aihukamaeakive
La ihova. 35(Iele havahu, lelao ave iki ureve huhakilai, ehovea haela oaria ve ikikekela oharo hihika leikive.)
Anna, Peroveta uamari
36Peroveta uamari rare Anna, Phanuel ve mari, Asher ve eravo haela, (are kara uamari eapapo iele — are i vila ila hareho aeveape hitolo 7 aireaki areve maitava hoa hitolo 84). 37Are kai Hehe Uvi hiki aeveape. Are hare i oroa ila ere erereape, kai mea oaria Aualari ve morapaeaki ivaiva hiki leiroape. 38Are va la hoa pekai Aualari thank you oharo ape. Jerusalem ve lei makuriki hoa karivahaeape haela oaria kara areve hari kileape.
Iesu ve akore hekai hoa
39Ere va Amua ve pupu hovea eharu oaria karia leivahaeai Galilee hoahuka elare karikara Nazareth pekape. 40Akore ahai maea aheke i ikiore ila leipe. Aualari ve ikiheroe are i hareho aeape.
41Areve oa i lou hitolo oaria Passover hurai ve hoa Jerusalem pekahavaroape. 42Are ve hitolo 12 karialeipe hoa ere hareho Passover ve hurai ve pekahavape. 43Hurai karia lei erealila auvahaeape la hoa akore Iesu leia aeape: areve oa i lou ore au leila. 44Erealila ve ikikekela are i hahi leivahaeape haela oaria ila hareho aupe. Erealila hare haroapo aiai arero apavara ve leia ra haropape. 45Aka erealila arero au koaraila, laelave erealila helari Jerusalem kai pekahavi arero leia haropape. 46Hare ilehoila karia lei erealila arero Hehe Uvi ureve haela ve aru ve eavape. Are i haelapo ila hareho oharo hukavi velavela leipe. 47Areve oharo iapavahaeape haela oaria ikihorahora leivahaeape ehovea areve iapaki mai i ikiore kavale oharo ila. 48Erealila arero eavi ikihorahora eapapo leivahaeape; areve lou kai arero maeape, Akore e, a elalilara mari leipe ehovealeve ha? Ela ave oa ila ikihuru lei aro haroparo. 49Are erealilara maeaeape, Ehovealeve evalila araro haroparurava ha? Eali haveva ha? Ara va Oa ve horova leivila. 50Erealila la oharo auhohi au iapaila. 51Are erealila i hareho Nazareth aupe. Are erealilave oharo iapairoape. Areve lou ma oharo oaria iki ure hiki kiva lei kelavape.
52Iesu ikiore i maea aheke v'ila ahape. Are kai Aualari i haela ila oropa ve veveke hiki ahape.
လက်ရှိရွေးချယ်ထားမှု
:
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ
Published by the British and Foreign Bible Society 1963-1972