Mark 11
11
Iesu Amua hovea Jerusalem pekape
1Ere Jerusalem maeamaea ekevahaeape, Bethphage i Bethany karikara ila leia, Olivet kela leia. Are kilea haela orahokaila paparaehape 2are erealilara maeaeape, Evalila la ukaki la karikara auila, evalila leia ra pekahavakilava ealila hosi akore au hahai epavakila va lai eavakilai: areve akea ve haela va au availa: arero helauka avikekive. 3Haela ealilara maria ra maeakilava, Ipileve ealila maria va leiro? ealila kavale mari maeaki, Amua arero ikivere leive. Are elavelave paraeakilai. 4Erealila auvahaeai oki lakalaka orahoka ve poe ve uvi okiape mahokaea ve la hosi akore lai eavape. Erealila arero helaukape. 5Leia epavavahaeape haela uku erealilara va maeaeape, Ipileve ealila hosi akore ra helaukalulava ha? 6Erealila Iesu kileape la oharo hovea maeaeape. Ere erealilara paparaehape. 7Erealila hosi akore Iesu ve leia lai aupe. Ere elare pura areve akea ve hahaukape — are akea ve horeai avape. 8Haela uku elare pura okiharo haukavape. Uku haela kora mamaeako koelaea okiharo koavape. 9Oropaki auvahaeape kai airekai auvahaeape la haela oaria hivavara ape maria, Hosanna, Amua ve rare ve ekevila ma haela va mekakure havahu. 10Elaviilave oa David ve basileia morapaeaila, Amua ve rare ve kihorerave la basileia. Hosanna kaia akea ve.
11Iesu Jerusalem araeai Hehe Uvi pekape. Are va eharu oaria ovohae eavape. Ehovea hailaea hoa are i haela 12 ila hareho Bethany hoahukape.
Kolo hiki la suke kora
12La opoa hare ere Bethany ve ekepe kai are oki leia eroa hape. 13Are va ovohae eavape suke kora arai ve, kolo ila, are hoai areve iele haropape, aka areve iele karia, kolo hiki, ehovea suke hovare hoa are. 14Iesu arero maeape, Aireaki mea oaria haela oaria ave hae le va ka. Areve kilea haela la oharo iapape.
Iesu Hehe Uvi huhelape
15Ere va Jerusalem pekahavape. Iesu Hehe Uvi pekai la uvi ureve ilaearoape haela oaria haruapape, kai moni kakavae leivahaeape haela ve haha haivavarukapavahaeape, kai hivi akokore ilaearoape haela ve haha kara. 16Are va Hehe Uvi ureve eharu oreaeaki haela ve oki hereavape. 17Are erero mari kileavahaeape, Arave uvi vila‐ipipi oaria ve ivaiva uvi rare arilai, aka e va arero korea haela ve uvi hovea leipe. 18Hohoa haealula haela oharo haela ila la oharo iapai arero lei harive oki ra haropape. Ehovea ere va oaoka leivahaeape, ehovea haela oaria areve kilea oharo ve ikihorahora leivahaeape. 19Hailaea hoa are karikara mahokaea ve hoaupe.
Ikikekela ve aheke
20Ere vevelare hare hoahuka suke kora elele i hareho haroropi la eavape. 21Peter iki kekelape kai arero maeape, Haelapo — eava — A o heaha ape la suke kora le haroropi. 22Iesu arero kavale maeape, Aualari ikikekelaila. 23Ehovea o iele ara ero maeaive — Haela va ma kela ra maeakilava, Aula — ahea ma hihi ve hoaukive, kai iki ureve horahora karia ra leikilava, kai are maeaki la eharu iele leikive ra kekelakilava, are maeaki la eharu are iele le leikilai. 24Laelave ara ero maeaive, E va eharu ikivere ra leikilava, ivaiva leiki hoa iki iele ra kekelaki, kahara, e la eharu aeakilai. 25E va ivaiva leiki hoa ero haeae leivahaeape haela ve haeae hapururukaila, laelave eve kaia ve Oa eve haeae kara hapurukavakilai. 26E va haeae hapururukaki aue ra leikilava, eve kaia ve Oa kara eve haeae hapurukava va ka.
Iesu ve horova ve iele lahoa ve?
27Ere Jerusalem kai aupe — Are Hehe Uvi loa veavelaripe la hoa oharo haela i hohoa haealula haela i haela hoaha ila areve leia ekevahaeape. 28Ere arero maeape, Ipileve a ma horova leivila. Ave ma horova ve aheke aro leita avarape ha? 29Iesu erero kavale maeaeape, Ara kara ero apevelavela leikilai: E va araro kavale ra kimaeakilava, ara kara arave horova ve aheke ve iele ero kileava — haeakilai. 30John ve bapatiso kaia ve ekepe ha, aka haela ve? Araro kavale kimaeaeaki. 31Ere elarelare kelavape maria, Ela va kaia ve rare ra maeakilava, are kimaeaeakilai, Ehovea leve e areve oharo au iapaila. 32Aka ela haela ve rare ra maeakilava, ere haela oaria oaoka, ehovea haela oaria ve ikikekela John va peroveta haela iele. 33Ere arero kavale maeape, Ela ore va ka. Iesu erero kavale maeaeape, Laelave ara kara arave ma horova ve aheke ve iele ero kilea va ka.
လက်ရှိရွေးချယ်ထားမှု
Mark 11: ORO
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ
Published by the British and Foreign Bible Society 1963-1972
Mark 11
11
Iesu Amua hovea Jerusalem pekape
1Ere Jerusalem maeamaea ekevahaeape, Bethphage i Bethany karikara ila leia, Olivet kela leia. Are kilea haela orahokaila paparaehape 2are erealilara maeaeape, Evalila la ukaki la karikara auila, evalila leia ra pekahavakilava ealila hosi akore au hahai epavakila va lai eavakilai: areve akea ve haela va au availa: arero helauka avikekive. 3Haela ealilara maria ra maeakilava, Ipileve ealila maria va leiro? ealila kavale mari maeaki, Amua arero ikivere leive. Are elavelave paraeakilai. 4Erealila auvahaeai oki lakalaka orahoka ve poe ve uvi okiape mahokaea ve la hosi akore lai eavape. Erealila arero helaukape. 5Leia epavavahaeape haela uku erealilara va maeaeape, Ipileve ealila hosi akore ra helaukalulava ha? 6Erealila Iesu kileape la oharo hovea maeaeape. Ere erealilara paparaehape. 7Erealila hosi akore Iesu ve leia lai aupe. Ere elare pura areve akea ve hahaukape — are akea ve horeai avape. 8Haela uku elare pura okiharo haukavape. Uku haela kora mamaeako koelaea okiharo koavape. 9Oropaki auvahaeape kai airekai auvahaeape la haela oaria hivavara ape maria, Hosanna, Amua ve rare ve ekevila ma haela va mekakure havahu. 10Elaviilave oa David ve basileia morapaeaila, Amua ve rare ve kihorerave la basileia. Hosanna kaia akea ve.
11Iesu Jerusalem araeai Hehe Uvi pekape. Are va eharu oaria ovohae eavape. Ehovea hailaea hoa are i haela 12 ila hareho Bethany hoahukape.
Kolo hiki la suke kora
12La opoa hare ere Bethany ve ekepe kai are oki leia eroa hape. 13Are va ovohae eavape suke kora arai ve, kolo ila, are hoai areve iele haropape, aka areve iele karia, kolo hiki, ehovea suke hovare hoa are. 14Iesu arero maeape, Aireaki mea oaria haela oaria ave hae le va ka. Areve kilea haela la oharo iapape.
Iesu Hehe Uvi huhelape
15Ere va Jerusalem pekahavape. Iesu Hehe Uvi pekai la uvi ureve ilaearoape haela oaria haruapape, kai moni kakavae leivahaeape haela ve haha haivavarukapavahaeape, kai hivi akokore ilaearoape haela ve haha kara. 16Are va Hehe Uvi ureve eharu oreaeaki haela ve oki hereavape. 17Are erero mari kileavahaeape, Arave uvi vila‐ipipi oaria ve ivaiva uvi rare arilai, aka e va arero korea haela ve uvi hovea leipe. 18Hohoa haealula haela oharo haela ila la oharo iapai arero lei harive oki ra haropape. Ehovea ere va oaoka leivahaeape, ehovea haela oaria areve kilea oharo ve ikihorahora leivahaeape. 19Hailaea hoa are karikara mahokaea ve hoaupe.
Ikikekela ve aheke
20Ere vevelare hare hoahuka suke kora elele i hareho haroropi la eavape. 21Peter iki kekelape kai arero maeape, Haelapo — eava — A o heaha ape la suke kora le haroropi. 22Iesu arero kavale maeape, Aualari ikikekelaila. 23Ehovea o iele ara ero maeaive — Haela va ma kela ra maeakilava, Aula — ahea ma hihi ve hoaukive, kai iki ureve horahora karia ra leikilava, kai are maeaki la eharu iele leikive ra kekelakilava, are maeaki la eharu are iele le leikilai. 24Laelave ara ero maeaive, E va eharu ikivere ra leikilava, ivaiva leiki hoa iki iele ra kekelaki, kahara, e la eharu aeakilai. 25E va ivaiva leiki hoa ero haeae leivahaeape haela ve haeae hapururukaila, laelave eve kaia ve Oa eve haeae kara hapurukavakilai. 26E va haeae hapururukaki aue ra leikilava, eve kaia ve Oa kara eve haeae hapurukava va ka.
Iesu ve horova ve iele lahoa ve?
27Ere Jerusalem kai aupe — Are Hehe Uvi loa veavelaripe la hoa oharo haela i hohoa haealula haela i haela hoaha ila areve leia ekevahaeape. 28Ere arero maeape, Ipileve a ma horova leivila. Ave ma horova ve aheke aro leita avarape ha? 29Iesu erero kavale maeaeape, Ara kara ero apevelavela leikilai: E va araro kavale ra kimaeakilava, ara kara arave horova ve aheke ve iele ero kileava — haeakilai. 30John ve bapatiso kaia ve ekepe ha, aka haela ve? Araro kavale kimaeaeaki. 31Ere elarelare kelavape maria, Ela va kaia ve rare ra maeakilava, are kimaeaeakilai, Ehovea leve e areve oharo au iapaila. 32Aka ela haela ve rare ra maeakilava, ere haela oaria oaoka, ehovea haela oaria ve ikikekela John va peroveta haela iele. 33Ere arero kavale maeape, Ela ore va ka. Iesu erero kavale maeaeape, Laelave ara kara arave ma horova ve aheke ve iele ero kilea va ka.
လက်ရှိရွေးချယ်ထားမှု
:
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ
Published by the British and Foreign Bible Society 1963-1972