Mak 15
15
Osep tipaur Yesus polou ke Pailat bitna
(Matyu 27.1-2 e Matyu 27.11-14 e Luk 23.1-5 e Jon 18.28-38)
1Kotkotu lokono polou deka lokono osep loulou ina ka omba kap osep ka tile itau ke Moses ila sogongon e osep namormor e osep kaunsil ina tiduni pulu e tilalo pelengon ke elio ka tiwaiki Yesus mete. Tilalo pelengon yagos deka tipou Yesus e tipaur iye la polou ke Pailat bitna. Deka tikar iye ke Pailat. 2Deka Pailat pmi Yesus langane. “Wom gute ka emvri mgo ke osep Yuda ina?” Deka Yesus koli wai langane. “Ngong gute ka amwai ine.” 3E osep loulou ina ka omba tisin elio bitna bitna tivri ke Yesus. 4Deka Pailat pmi iye blang langane. “Osep ane tisin elio bitna bitna pula tivri ke wom. E omkoli urok pelengon kovok i?” 5E Yesus dong vala e koli sinngen elio gesa kovok. Deka Pailat aitno mter pula ke elio ka Yesus koli pelengon kovok.
6Tobor aling aling osep Yuda ina tidue rogo ka lana ine la ke alo ka Ida Tapolngon lua isak tisongon omur Isip. E tobor aling aling alo ka rogo tonari lana polou Pailat didi ila elio ka iye songon gute kene ka dong ke kalabus ka osep tipmi iye ma iye songon gute tonari. 7Alo ari gute gesa ka angaine Barabas dong ke kalabus. Iye dong ine kesua oglou iye gosok sisrok tidue ola ke osep gavman ina e osep gavman ina leklou timete ine. 8Deka ari osep Yuda ina pula tipolou ke Pailat bitna e tipmi iye ma iye songon gute gesa ka dong ke kalabus eriar langka iye due ke rogo tonari. 9Pailat koli osep tonari urok pelengon langane. “Aitno lumu lange? Umawaiki ma ngasongon gute ka vri mgo ke umu osep Yuda ina?” 10Pailat pmi isak langane kesua iye ile omur osep loulou ina ka omba aitno lisak rim ke Yesus. Deka tikar Yesus ke iye. 11E osep loulou ina ka omba tisruk osep aitno lisak ma tipmi Pailat ma iye songon Yesus kovok e ma iye songon Barabas vala.
12Deka Pailat pmi isak blang langane. “Langka ngasongon Barabas ma ngadue sua ke gute ka umawai iye vri mgo ke umu?” 13Deka osep tiwai dagar langane. “Amwai ke osep ma tinilim Yesus kamla e limla ke ina akai ma iye mana ine e mete.” 14Deka Pailat pmi isak langane. “Yesus due elio soulu lange ma umawaiki iye mete ine?” Iye pmi isak langane e osep tiwai omba langane. “Amwai ke osep ma tinilim kamla e limla ke ina akai ma iye mana ine e mete.” 15Pailat klingen urok pelengon deka iye didi aitno lisak ine kesua iye waiki aitno lisak itau ke iye. Deka iye songon Barabas ke kalabus deka iye la. Deka Pailat kar pelengon ke osep ola ina ma tiules Yesus omba. Iye wai ma isak tiules iye ma yagos deka ma tinilim kamla e limla ke ina akai ma iye mana ine e mete.
Osep tiwai apok ke Yesus
(Matyu 27.27-31 e Jon 19.2-3)
16Deka osep ola ina tipaur Yesus la sep ke osep gavman ina urok ninu omba ina ari ka lelei ninu. Deka tigi osep ola ina pula ma time tiduni pulu ke iye. 17Deka osep ola ina tonari tidue molo ka edimor e tikading Yesus ine langka iye gute ka vri mgo ke omur kene. Deka tidue galou marak e tidue wan langka amir ine. Deka tidue wan tonari blu Yesus apna. 18Osep ola ine tidue elio langane deka tinogrum tiwai apok ke Yesus langane. “Osep umavati gute ane. Iye gute ka vri mgo ke osep Yuda ina.” 19Deka tidue matu e tidong timluk iye ine. E tiuri omsok ke iye. E tigrum kamsak e timanik tiduru ke bitna eriar langka tidue anit ke iye e tiyakyak. 20Tiwai apok ke iye yagos deka tiklok molo tonari e tidue iye tona ila molo kading iye blang. Deka tipaur Yesus e tisongon ninu ina ari aitno e isak kla ke omur silang ka tiwaiki tinilim kamla e limla ke ina akai.
Osep ola ina tinilim Yesus ke ina akai
(Matyu 27.32-44 e Luk 23.26-43 e Jon 19.17-27)
21Osep ola ina tipaur Yesus la deka tipolou ke gute Saimon ka ila armok batne Sairini. Iye gute Aleksander e gute Rufus pmarak. Osep ola ina tonari tivati iye deka tipagei iye ma iye kalke Yesus ina akai la. 22Deka osep ola ina tipaur Yesus la ke omur ka angaine Golgota. Golgota lana ine langane. Omur ka gute baraine erine. 23Deka osep ola ina tibuli wan ka meli kap aki wain ka tiwaiki Yesus inime e iye plie. 24Deka tinilim kamla e limla ke ina akai deka iye mana ine. Deka tikole ke opmu ka daudeng boto ka nisngen dong ke isak. Tidue elio langane ma tiwade ila klos ine. Deka gute ka mole sisrok ine didi aitno ke Yesus ila klos kene ka iye waiki due deka due. Tidue elio langane e tiwade Yesus ila klos keniye ine.
25Osep tidue Yesus e tinilim kamla e limla ke ina akai ke kotkotu langka 9 kilok. 26Deka tisogo pelengon ka wai ke sinngen elio ka iye mete ine. Tisogo gute ane iye gute ka vri mgo ke osep Yuda ina. 27-28Deka tidue osep soulu bitna orwo timana kap Yesus ke Yesus limla gala e limla odung.#15.27-28 — Osep leklou ka tile pelengon Grik itau aitno lisak mter langka pelengon leklou dong ke ves ane. Pelengon are langane. Elio ka tidue ke iye didi Ida Tapolngon ila pelengon ka oglou gute napaprangan ina gesa sogo ine ka langane. “Osep tivati iye langka tivati osep soulu bitna.”
29Osep ka tididi ekreng kla tivati Yesus mana ke ina akai deka titagurgur aparsak e tiwai apok ke iye langane. “Ai wom amwai ma amdar Ida Tapolngon ila ninu deka ma omurie oku ina ke oklou eklu. 30Omlua wom kenwom deka omduru ke ngap akai are e omdong ke taklak ane.” 31Tingen agom ke iye deka ari osep loulou ina ka omba tigosok osep ka tile itau ke Moses ila sogongon tingen agom ke iye e tiwai pula ine langane. “Gute are lua osep pula e eknikane iye karanga lua iye tona kovok. 32Langka lokono iye Krais ka lua osep ka Ida Tapolngon pagei me ka vri mgo ke osep Israel ina deka eknikane ma iye songon ina akai e duru ma imavati. Langka iye duru ma aitno limi la dagar ke iye.” Tiwai langane deka osep ka timana ke inarak akai tiwai apok ke iye blang.
Yesus mete
(Matyu 27.45-56 e Luk 23.44-49 e Jon 19.28-30)
33Yesus mana ke ina akai la lama oklou airavu deka omur tonari keniye polou aivoro. E omur dong aivoro la lama 3 kilok ke kirui. 34Alo ari Yesus wai omba langane. “Eloi eloi lama sabaktani.” Pelengon ane lana ine langane. “Ngau Tapolngon. Ngau Tapolngon. Ina lange omsongon ngong.” 35Osep leklou ka tivri olwo boto ke iye tiklingen ila pelengon deka tiwai langane. “Iye gi ke gute Elaija.” 36Deka gute silang suong la due adumeo sep ke aki wain ka sasi deka paure la ke Yesus ma iye inime. Deka gute ka due wan tonari wai langane. “Itodong da e itavati langka Elaija me due duru ke ina akai koke aurou.” 37Deka Yesus daiku omba e mete. 38Iye mete deka lokono molo ka botom ka mana ke Ida Tapolngon ila ninu aitno nabak e notrum ke egim e duru moli e polou orwo. 39Deka ari gute ola ina ka plau osep ola ina buno kene vri ke Yesus bitna e vati iye mete deka iye wai langane. “Ai gute ane Ida Tapolngon Otno Arang lokono.”
40Ari apmang leklou tivri mawa boto e tivati elio ka polou ke Yesus. Apmang kene angaine Maria ka ila armok batne Makdala. Apmang silang blang angaine Maria ka gute Jems orwo ina e gute Joses tnarak. E apmang silang blang angaine Salome. 41Oglou alo ka Yesus lila ke omur Galili apmang tonari tikere iye itau ke ila wan. Alo ka Yesus tito me polou ke Jerusalem apmang tonari e apmang leklou blang time kap iye.
42-43Yesus mete ke kirui e oklou silang oklou sabat. Deka ari osep Yuda ina tikere urok wan ke oklou sabat. Deka ke kirui tonari gute Josep ka ila armok batne Arimatea la pmi Pailat ma Pailat soro iye ma iye due Yesus pampamu ine. Kesua iye waiki ma yas Yesus pampamu ine ke kirui tonari. Gute Josep iye gute ka para ke alo ka Ida Tapolngon plau osep ka pula keniye. 44Pailat klingen ila pelengon deka aitno mter langka Yesus mete kodong koke ila songsongngon dau dong? E iye pmi gute ola ina ka plau osep ola ina buno kene langane. “Yesus mete kodong koke aurou?” 45Deka gute ola ina tonari koli wai langane. “Iye mete kodong.” Pailat klingen ila pelengon deka songon Josep ma iye la due Yesus pampamu ine ma yase. 46Deka Josep la kli molo gesa ka itau e kalke la deka polou ke Yesus pampamu ine. Deka iye due pampamu ine duru deka dugume. Iye dugume yagos deka iye paure la munu ke denga gesa ka osep tibloue ke opmu gesa. Iye due Yesus pampamu ine munu ke denga tonari yagos deka tabulbul opmu ma kading denga ina ekreng bitna. 47Alo ari Maria ka Makdala orwo Maria ka Joses tna tivati omur ka Yesus munu ine.
လက်ရှိရွေးချယ်ထားမှု
Mak 15: ANT
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ
copyright 2003 New Tribes Mission, Sanford, FL 32771
Mak 15
15
Osep tipaur Yesus polou ke Pailat bitna
(Matyu 27.1-2 e Matyu 27.11-14 e Luk 23.1-5 e Jon 18.28-38)
1Kotkotu lokono polou deka lokono osep loulou ina ka omba kap osep ka tile itau ke Moses ila sogongon e osep namormor e osep kaunsil ina tiduni pulu e tilalo pelengon ke elio ka tiwaiki Yesus mete. Tilalo pelengon yagos deka tipou Yesus e tipaur iye la polou ke Pailat bitna. Deka tikar iye ke Pailat. 2Deka Pailat pmi Yesus langane. “Wom gute ka emvri mgo ke osep Yuda ina?” Deka Yesus koli wai langane. “Ngong gute ka amwai ine.” 3E osep loulou ina ka omba tisin elio bitna bitna tivri ke Yesus. 4Deka Pailat pmi iye blang langane. “Osep ane tisin elio bitna bitna pula tivri ke wom. E omkoli urok pelengon kovok i?” 5E Yesus dong vala e koli sinngen elio gesa kovok. Deka Pailat aitno mter pula ke elio ka Yesus koli pelengon kovok.
6Tobor aling aling osep Yuda ina tidue rogo ka lana ine la ke alo ka Ida Tapolngon lua isak tisongon omur Isip. E tobor aling aling alo ka rogo tonari lana polou Pailat didi ila elio ka iye songon gute kene ka dong ke kalabus ka osep tipmi iye ma iye songon gute tonari. 7Alo ari gute gesa ka angaine Barabas dong ke kalabus. Iye dong ine kesua oglou iye gosok sisrok tidue ola ke osep gavman ina e osep gavman ina leklou timete ine. 8Deka ari osep Yuda ina pula tipolou ke Pailat bitna e tipmi iye ma iye songon gute gesa ka dong ke kalabus eriar langka iye due ke rogo tonari. 9Pailat koli osep tonari urok pelengon langane. “Aitno lumu lange? Umawaiki ma ngasongon gute ka vri mgo ke umu osep Yuda ina?” 10Pailat pmi isak langane kesua iye ile omur osep loulou ina ka omba aitno lisak rim ke Yesus. Deka tikar Yesus ke iye. 11E osep loulou ina ka omba tisruk osep aitno lisak ma tipmi Pailat ma iye songon Yesus kovok e ma iye songon Barabas vala.
12Deka Pailat pmi isak blang langane. “Langka ngasongon Barabas ma ngadue sua ke gute ka umawai iye vri mgo ke umu?” 13Deka osep tiwai dagar langane. “Amwai ke osep ma tinilim Yesus kamla e limla ke ina akai ma iye mana ine e mete.” 14Deka Pailat pmi isak langane. “Yesus due elio soulu lange ma umawaiki iye mete ine?” Iye pmi isak langane e osep tiwai omba langane. “Amwai ke osep ma tinilim kamla e limla ke ina akai ma iye mana ine e mete.” 15Pailat klingen urok pelengon deka iye didi aitno lisak ine kesua iye waiki aitno lisak itau ke iye. Deka iye songon Barabas ke kalabus deka iye la. Deka Pailat kar pelengon ke osep ola ina ma tiules Yesus omba. Iye wai ma isak tiules iye ma yagos deka ma tinilim kamla e limla ke ina akai ma iye mana ine e mete.
Osep tiwai apok ke Yesus
(Matyu 27.27-31 e Jon 19.2-3)
16Deka osep ola ina tipaur Yesus la sep ke osep gavman ina urok ninu omba ina ari ka lelei ninu. Deka tigi osep ola ina pula ma time tiduni pulu ke iye. 17Deka osep ola ina tonari tidue molo ka edimor e tikading Yesus ine langka iye gute ka vri mgo ke omur kene. Deka tidue galou marak e tidue wan langka amir ine. Deka tidue wan tonari blu Yesus apna. 18Osep ola ine tidue elio langane deka tinogrum tiwai apok ke Yesus langane. “Osep umavati gute ane. Iye gute ka vri mgo ke osep Yuda ina.” 19Deka tidue matu e tidong timluk iye ine. E tiuri omsok ke iye. E tigrum kamsak e timanik tiduru ke bitna eriar langka tidue anit ke iye e tiyakyak. 20Tiwai apok ke iye yagos deka tiklok molo tonari e tidue iye tona ila molo kading iye blang. Deka tipaur Yesus e tisongon ninu ina ari aitno e isak kla ke omur silang ka tiwaiki tinilim kamla e limla ke ina akai.
Osep ola ina tinilim Yesus ke ina akai
(Matyu 27.32-44 e Luk 23.26-43 e Jon 19.17-27)
21Osep ola ina tipaur Yesus la deka tipolou ke gute Saimon ka ila armok batne Sairini. Iye gute Aleksander e gute Rufus pmarak. Osep ola ina tonari tivati iye deka tipagei iye ma iye kalke Yesus ina akai la. 22Deka osep ola ina tipaur Yesus la ke omur ka angaine Golgota. Golgota lana ine langane. Omur ka gute baraine erine. 23Deka osep ola ina tibuli wan ka meli kap aki wain ka tiwaiki Yesus inime e iye plie. 24Deka tinilim kamla e limla ke ina akai deka iye mana ine. Deka tikole ke opmu ka daudeng boto ka nisngen dong ke isak. Tidue elio langane ma tiwade ila klos ine. Deka gute ka mole sisrok ine didi aitno ke Yesus ila klos kene ka iye waiki due deka due. Tidue elio langane e tiwade Yesus ila klos keniye ine.
25Osep tidue Yesus e tinilim kamla e limla ke ina akai ke kotkotu langka 9 kilok. 26Deka tisogo pelengon ka wai ke sinngen elio ka iye mete ine. Tisogo gute ane iye gute ka vri mgo ke osep Yuda ina. 27-28Deka tidue osep soulu bitna orwo timana kap Yesus ke Yesus limla gala e limla odung.#15.27-28 — Osep leklou ka tile pelengon Grik itau aitno lisak mter langka pelengon leklou dong ke ves ane. Pelengon are langane. Elio ka tidue ke iye didi Ida Tapolngon ila pelengon ka oglou gute napaprangan ina gesa sogo ine ka langane. “Osep tivati iye langka tivati osep soulu bitna.”
29Osep ka tididi ekreng kla tivati Yesus mana ke ina akai deka titagurgur aparsak e tiwai apok ke iye langane. “Ai wom amwai ma amdar Ida Tapolngon ila ninu deka ma omurie oku ina ke oklou eklu. 30Omlua wom kenwom deka omduru ke ngap akai are e omdong ke taklak ane.” 31Tingen agom ke iye deka ari osep loulou ina ka omba tigosok osep ka tile itau ke Moses ila sogongon tingen agom ke iye e tiwai pula ine langane. “Gute are lua osep pula e eknikane iye karanga lua iye tona kovok. 32Langka lokono iye Krais ka lua osep ka Ida Tapolngon pagei me ka vri mgo ke osep Israel ina deka eknikane ma iye songon ina akai e duru ma imavati. Langka iye duru ma aitno limi la dagar ke iye.” Tiwai langane deka osep ka timana ke inarak akai tiwai apok ke iye blang.
Yesus mete
(Matyu 27.45-56 e Luk 23.44-49 e Jon 19.28-30)
33Yesus mana ke ina akai la lama oklou airavu deka omur tonari keniye polou aivoro. E omur dong aivoro la lama 3 kilok ke kirui. 34Alo ari Yesus wai omba langane. “Eloi eloi lama sabaktani.” Pelengon ane lana ine langane. “Ngau Tapolngon. Ngau Tapolngon. Ina lange omsongon ngong.” 35Osep leklou ka tivri olwo boto ke iye tiklingen ila pelengon deka tiwai langane. “Iye gi ke gute Elaija.” 36Deka gute silang suong la due adumeo sep ke aki wain ka sasi deka paure la ke Yesus ma iye inime. Deka gute ka due wan tonari wai langane. “Itodong da e itavati langka Elaija me due duru ke ina akai koke aurou.” 37Deka Yesus daiku omba e mete. 38Iye mete deka lokono molo ka botom ka mana ke Ida Tapolngon ila ninu aitno nabak e notrum ke egim e duru moli e polou orwo. 39Deka ari gute ola ina ka plau osep ola ina buno kene vri ke Yesus bitna e vati iye mete deka iye wai langane. “Ai gute ane Ida Tapolngon Otno Arang lokono.”
40Ari apmang leklou tivri mawa boto e tivati elio ka polou ke Yesus. Apmang kene angaine Maria ka ila armok batne Makdala. Apmang silang blang angaine Maria ka gute Jems orwo ina e gute Joses tnarak. E apmang silang blang angaine Salome. 41Oglou alo ka Yesus lila ke omur Galili apmang tonari tikere iye itau ke ila wan. Alo ka Yesus tito me polou ke Jerusalem apmang tonari e apmang leklou blang time kap iye.
42-43Yesus mete ke kirui e oklou silang oklou sabat. Deka ari osep Yuda ina tikere urok wan ke oklou sabat. Deka ke kirui tonari gute Josep ka ila armok batne Arimatea la pmi Pailat ma Pailat soro iye ma iye due Yesus pampamu ine. Kesua iye waiki ma yas Yesus pampamu ine ke kirui tonari. Gute Josep iye gute ka para ke alo ka Ida Tapolngon plau osep ka pula keniye. 44Pailat klingen ila pelengon deka aitno mter langka Yesus mete kodong koke ila songsongngon dau dong? E iye pmi gute ola ina ka plau osep ola ina buno kene langane. “Yesus mete kodong koke aurou?” 45Deka gute ola ina tonari koli wai langane. “Iye mete kodong.” Pailat klingen ila pelengon deka songon Josep ma iye la due Yesus pampamu ine ma yase. 46Deka Josep la kli molo gesa ka itau e kalke la deka polou ke Yesus pampamu ine. Deka iye due pampamu ine duru deka dugume. Iye dugume yagos deka iye paure la munu ke denga gesa ka osep tibloue ke opmu gesa. Iye due Yesus pampamu ine munu ke denga tonari yagos deka tabulbul opmu ma kading denga ina ekreng bitna. 47Alo ari Maria ka Makdala orwo Maria ka Joses tna tivati omur ka Yesus munu ine.
လက်ရှိရွေးချယ်ထားမှု
:
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ
copyright 2003 New Tribes Mission, Sanford, FL 32771