Mak 7
7
Ida Tapolngon ila pelengon mole osep urok seia urok pelengon
(Matyu 15.1-9)
1Osep Farisi ina e osep ka tile itau ke Moses ila sogongon tisongon Jerusalem e tiduni pulu kap Yesus. 2Deka tivati Yesus ila disaipel tingen inarak ngangon e tigrong limsak mgo kovok. E langka osep Yuda ina tigrong limsak mgo kovok alo ka tiwaiki tingen inarak ngangon osep tiwai limsak mali. 3E osep Yuda ina ka isak osep Farisi ina e osep Yuda ina leklou keniye tididi urok seia inarak apu ka tigrong limsak mgo deka tingen inarak ngangon. 4E langka tikli inarak ngangon gesa ke bilmu tibauluk ke urok ninu e tigrong limsak mgo deka tingene. E tididi apu ka langane e apu pula ka tigrong wan langka kap e aki tarna e sospen e ngangon ina bota. 5Deka osep Farisi ina e osep ka tile itau ke Moses ila sogongon tonari tipmi Yesus ine langane. “Ina lange lem disaipel tididi udo seia inarak apu kovok? Ina lange tigrong limsak mgo kovok ke alo ka tingen inarak ngangon?” 6Deka Yesus koli wai ke isak langane. “Gute napaprangan ina Aisaia sogo Ida Tapolngon ila pelengon ka lana ine la ke umu. Iye sogo pelengon lokono ka lana ine la ke umu ka osep yakngan ina lumu elio ka wai langane.
‘Osep tidue anit ke ngong ke orsak e aitno lisak me ke ngong kovok e tidong mawa ke ngong vala. 7E tiwai langka tilotuim ngong e tidue elio langane adai. Tiparere osep ke lou pelengon lokono kovok. E tiparere osep ke pelengon ka ina poloungon batne ke osep aitno lisak vala.’”
8“E langane. Umodue elio eriar langka oglou Aisaia sogo ine. E umosongon Ida Tapolngon ila pelengon e umedidi elio ka polou ke osep aitno lisak vala.”
9Deka Yesus wai ke isak blang langane. “Umu dau umedidi lumu elio ka umadar Ida Tapolngon ila pelengon dagar batne umawaiki ma umedidi elio ka ina poloungon batne ke osep aitno lisak vala. 10Pelengon dagar ka oglou Moses sogo ine wai langane.
‘Umodue anit ke sipmomu e titnomu.’ E Moses ila sogongon wai blang lang-ane. ‘Gute ka wai soulu ke timla e tna ma umemter iye ma iye mete.’”
11“Moses sogo langane e umedidi ila sogongon kovok. Umawai langka gute gesa ila wan dong ka iye karanga lua timla e tna ine e iye rere wan tonari Ida Tapolngon ila wan deka iye karanga lua isak ine kovok. Ma iye wai ke isak langane. ‘Ngarere lou wan keniye kodong ma isak Ida Tapolngon ila wan deka ngakaranga ngalua umu ke wan tonari kovok.’ 12Deka umosongon gute tonari ma iye lua timla e tna ke ila wan gesa ka oglou iye rere Ida Tapolngon ila wan kodong kovok. 13Umedidi elio ka lumu seia tipakase ke umu e umedidi Ida Tapolngon ila pelengon dagar kovok. Umadar Ida Tapolngon ila pelengon dagar langka iye wan adai vala. E umodue langane ke elio pula pula.”
Yesus wai ke elio ka osep tipaiavu isak ine
(Matyu 15.10-20)
14Deka Yesus gi ke osep pula ma time tipolou ke iye e wai ke isak langane. “Osep umu ka pula keniye umoklingen lou pelengon ane itau ma umeile omur lana ine. 15-16Ngangon bitna bitna ka dong e gute gesa ngene ma tipaiavu iye ma iye polou mali kovok. E elio bitna bitna ka inarak poloungon batne ke osep aitno lisak ma tipaiavu osep e ma due isak ma tidong langka wan ka mali vala.”#7.15-16 — Osep leklou ka tile pelengon Grik itau aitno lisak mter langka pelengon leklou dong ke ves ane. Pelengon are langane. “Talapmu klingen lou pelengon ane itau.”
17Yesus wai langane deka iye songon osep pula e la sep ke ninu gesa. Deka ila disaipel tipmi iye ke pelengon ano lana ine. 18Deka iye wai ke isak langane. “Umu blang umeile omur ke lou pelengon tonari lana ine kovok? Pelengon tonari lana ine langane. Ngangon bitna bitna ka dong e gute gesa ngene ma karanga paiavu iye e due polou mali kovok. 19Kesua ngangon ka iye ngene la sep ke pele deka mase iye use ine. Deka ngangon karanga due aitno ma aitno mter ke elio soulu kovok.” Alo ka Yesus wai langane iye rere ngangon keniye ma isak wan itau ke Ida Tapolngon bitna. 20Deka Yesus wai blang langane. “Elio ka polou ke osep aitno lisak tikaranga tipaiavu osep. 21Kesua ke osep aitno lisak mter ke serimngen e isungon e panakongon e elio ka tipagam osep e elio ka tidue okwa. 22Ngalengen e elio epmes ina bitna bitna e yakngan ka osep tibisi ine e elio soulu bitna bitna ka isak mnak isak ine kovok e elio ka aitno lisak rim tipolou ke osep aitno lisak. E tiblou osep leklou dogursak e amtarsak epis. E tidue elio ka kaka. 23Elio soulu bitna bitna tipolou ke osep aitno lisak deka elio bitna bitna ka langane vala tipaiavu osep langka isak wan ka mali.”
Yesus lua apmang Fonisia ina otopmang
(Matyu 15.21-28)
24Deka Yesus songon omur tonari e la ke omur ka lelei armok Tair. Deka iye la sep ke ninu gesa ma iye dong ine kesua iye waiki osep pula tile ke omur ka iye dong ine kovok. E iye karanga kukwop iye kovok ma osep tile ke iye kovok. 25Lokono apmang gesa ka angelo soulu dong ke otopmang klingen omon ke omur ka iye dong ine. Deka iye me polou ke iye e grum kamla duru ke taklak ke Yesus bitna. 26Apmang tonari iye apmang Grik ina ka me ke provins Siria e ila omur batne omur Fonisia. Apmang tonari grum kamla duru ke taklak kodong deka iye kel Yesus ma iye sapir angelo soulu ka dong ke otopmang. 27Apmang tonari kel Yesus langane deka iye koli ke pelengon ano ka langane. “Itakar agau inarak ngangon ma tingene. E itodue inarak ngangon e itakare ke gemle kovok.” 28Deka apmang tonari koli wai langane. “Gute namor lem pelengon lokono. E dau gemle ka tidong ke bota bisna ka agau tingen inarak ngangon ine tingen agau inarak ngangon emkil emkil ka duru ke taklak.” 29Apmang wai langane deka Yesus wai ke iye blang langane. “Omkoli lou pelengon itau. Ambauluk amla ke lem ninu blang kesua angelo soulu ka dong ke etim apmang songon iye la kodong.” 30Yesus wai ke apmang langane deka iye bauluk la ke ila ninu. E iye vati otopmang munu ke ila kova e angelo soulu dong ke iye kovok.
Yesus lua gute ka tala pono e iye karanga wai malak kovok
31Yesus songon omur Tair deka iye la ke armok Saidon e omur Dekapolis ma iye la polou ke elim Galili. 32Deka osep leklou tipaur gute gesa ka tala pono e silang iye karanga wai malak kovok me ke iye. E osep tonari tikel Yesus ma due limla duru kai gute tonari e ma lua iye. 33Tikel Yesus langane deka Yesus paur gute tonari tisongon osep pula e isak kla ma isak orwo vala tidong. Deka Yesus due limla titno la sep ke gute tonari tala ila ovukovuk. E Yesus pi omsok e kai gute tonari ene blene. 34Deka bitna tito la ke omur heven e iye songsong netir deka wai ke gute tonari langane. “Efata.” Pelengon ane lana ine langane. “Talap tinopok.” 35Yesus wai langane deka lokono gute tonari tala tinopok e wan ka dangdang ene blene kles deka iye karanga wai pelengon malak. 36Deka Yesus kar pelengon ke osep tonari ma tiwai ke osep leklou ke elio tonari kovok. Iye kar pelengon pula ke isak langane e isak arit isak ke elio ka tipalongo osep pula ine vala. 37Deka osep tonari ansak nesik batne ke elio ka iye due. Tiwai langane. “Gute are ila elio keniye itau. Iye lua osep ka talsak pono e tikaranga tiwai kovok ma tikaranga tiklingen pelengon e tikaranga tiwai blang.
လက်ရှိရွေးချယ်ထားမှု
Mak 7: ANT
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ
copyright 2003 New Tribes Mission, Sanford, FL 32771
Mak 7
7
Ida Tapolngon ila pelengon mole osep urok seia urok pelengon
(Matyu 15.1-9)
1Osep Farisi ina e osep ka tile itau ke Moses ila sogongon tisongon Jerusalem e tiduni pulu kap Yesus. 2Deka tivati Yesus ila disaipel tingen inarak ngangon e tigrong limsak mgo kovok. E langka osep Yuda ina tigrong limsak mgo kovok alo ka tiwaiki tingen inarak ngangon osep tiwai limsak mali. 3E osep Yuda ina ka isak osep Farisi ina e osep Yuda ina leklou keniye tididi urok seia inarak apu ka tigrong limsak mgo deka tingen inarak ngangon. 4E langka tikli inarak ngangon gesa ke bilmu tibauluk ke urok ninu e tigrong limsak mgo deka tingene. E tididi apu ka langane e apu pula ka tigrong wan langka kap e aki tarna e sospen e ngangon ina bota. 5Deka osep Farisi ina e osep ka tile itau ke Moses ila sogongon tonari tipmi Yesus ine langane. “Ina lange lem disaipel tididi udo seia inarak apu kovok? Ina lange tigrong limsak mgo kovok ke alo ka tingen inarak ngangon?” 6Deka Yesus koli wai ke isak langane. “Gute napaprangan ina Aisaia sogo Ida Tapolngon ila pelengon ka lana ine la ke umu. Iye sogo pelengon lokono ka lana ine la ke umu ka osep yakngan ina lumu elio ka wai langane.
‘Osep tidue anit ke ngong ke orsak e aitno lisak me ke ngong kovok e tidong mawa ke ngong vala. 7E tiwai langka tilotuim ngong e tidue elio langane adai. Tiparere osep ke lou pelengon lokono kovok. E tiparere osep ke pelengon ka ina poloungon batne ke osep aitno lisak vala.’”
8“E langane. Umodue elio eriar langka oglou Aisaia sogo ine. E umosongon Ida Tapolngon ila pelengon e umedidi elio ka polou ke osep aitno lisak vala.”
9Deka Yesus wai ke isak blang langane. “Umu dau umedidi lumu elio ka umadar Ida Tapolngon ila pelengon dagar batne umawaiki ma umedidi elio ka ina poloungon batne ke osep aitno lisak vala. 10Pelengon dagar ka oglou Moses sogo ine wai langane.
‘Umodue anit ke sipmomu e titnomu.’ E Moses ila sogongon wai blang lang-ane. ‘Gute ka wai soulu ke timla e tna ma umemter iye ma iye mete.’”
11“Moses sogo langane e umedidi ila sogongon kovok. Umawai langka gute gesa ila wan dong ka iye karanga lua timla e tna ine e iye rere wan tonari Ida Tapolngon ila wan deka iye karanga lua isak ine kovok. Ma iye wai ke isak langane. ‘Ngarere lou wan keniye kodong ma isak Ida Tapolngon ila wan deka ngakaranga ngalua umu ke wan tonari kovok.’ 12Deka umosongon gute tonari ma iye lua timla e tna ke ila wan gesa ka oglou iye rere Ida Tapolngon ila wan kodong kovok. 13Umedidi elio ka lumu seia tipakase ke umu e umedidi Ida Tapolngon ila pelengon dagar kovok. Umadar Ida Tapolngon ila pelengon dagar langka iye wan adai vala. E umodue langane ke elio pula pula.”
Yesus wai ke elio ka osep tipaiavu isak ine
(Matyu 15.10-20)
14Deka Yesus gi ke osep pula ma time tipolou ke iye e wai ke isak langane. “Osep umu ka pula keniye umoklingen lou pelengon ane itau ma umeile omur lana ine. 15-16Ngangon bitna bitna ka dong e gute gesa ngene ma tipaiavu iye ma iye polou mali kovok. E elio bitna bitna ka inarak poloungon batne ke osep aitno lisak ma tipaiavu osep e ma due isak ma tidong langka wan ka mali vala.”#7.15-16 — Osep leklou ka tile pelengon Grik itau aitno lisak mter langka pelengon leklou dong ke ves ane. Pelengon are langane. “Talapmu klingen lou pelengon ane itau.”
17Yesus wai langane deka iye songon osep pula e la sep ke ninu gesa. Deka ila disaipel tipmi iye ke pelengon ano lana ine. 18Deka iye wai ke isak langane. “Umu blang umeile omur ke lou pelengon tonari lana ine kovok? Pelengon tonari lana ine langane. Ngangon bitna bitna ka dong e gute gesa ngene ma karanga paiavu iye e due polou mali kovok. 19Kesua ngangon ka iye ngene la sep ke pele deka mase iye use ine. Deka ngangon karanga due aitno ma aitno mter ke elio soulu kovok.” Alo ka Yesus wai langane iye rere ngangon keniye ma isak wan itau ke Ida Tapolngon bitna. 20Deka Yesus wai blang langane. “Elio ka polou ke osep aitno lisak tikaranga tipaiavu osep. 21Kesua ke osep aitno lisak mter ke serimngen e isungon e panakongon e elio ka tipagam osep e elio ka tidue okwa. 22Ngalengen e elio epmes ina bitna bitna e yakngan ka osep tibisi ine e elio soulu bitna bitna ka isak mnak isak ine kovok e elio ka aitno lisak rim tipolou ke osep aitno lisak. E tiblou osep leklou dogursak e amtarsak epis. E tidue elio ka kaka. 23Elio soulu bitna bitna tipolou ke osep aitno lisak deka elio bitna bitna ka langane vala tipaiavu osep langka isak wan ka mali.”
Yesus lua apmang Fonisia ina otopmang
(Matyu 15.21-28)
24Deka Yesus songon omur tonari e la ke omur ka lelei armok Tair. Deka iye la sep ke ninu gesa ma iye dong ine kesua iye waiki osep pula tile ke omur ka iye dong ine kovok. E iye karanga kukwop iye kovok ma osep tile ke iye kovok. 25Lokono apmang gesa ka angelo soulu dong ke otopmang klingen omon ke omur ka iye dong ine. Deka iye me polou ke iye e grum kamla duru ke taklak ke Yesus bitna. 26Apmang tonari iye apmang Grik ina ka me ke provins Siria e ila omur batne omur Fonisia. Apmang tonari grum kamla duru ke taklak kodong deka iye kel Yesus ma iye sapir angelo soulu ka dong ke otopmang. 27Apmang tonari kel Yesus langane deka iye koli ke pelengon ano ka langane. “Itakar agau inarak ngangon ma tingene. E itodue inarak ngangon e itakare ke gemle kovok.” 28Deka apmang tonari koli wai langane. “Gute namor lem pelengon lokono. E dau gemle ka tidong ke bota bisna ka agau tingen inarak ngangon ine tingen agau inarak ngangon emkil emkil ka duru ke taklak.” 29Apmang wai langane deka Yesus wai ke iye blang langane. “Omkoli lou pelengon itau. Ambauluk amla ke lem ninu blang kesua angelo soulu ka dong ke etim apmang songon iye la kodong.” 30Yesus wai ke apmang langane deka iye bauluk la ke ila ninu. E iye vati otopmang munu ke ila kova e angelo soulu dong ke iye kovok.
Yesus lua gute ka tala pono e iye karanga wai malak kovok
31Yesus songon omur Tair deka iye la ke armok Saidon e omur Dekapolis ma iye la polou ke elim Galili. 32Deka osep leklou tipaur gute gesa ka tala pono e silang iye karanga wai malak kovok me ke iye. E osep tonari tikel Yesus ma due limla duru kai gute tonari e ma lua iye. 33Tikel Yesus langane deka Yesus paur gute tonari tisongon osep pula e isak kla ma isak orwo vala tidong. Deka Yesus due limla titno la sep ke gute tonari tala ila ovukovuk. E Yesus pi omsok e kai gute tonari ene blene. 34Deka bitna tito la ke omur heven e iye songsong netir deka wai ke gute tonari langane. “Efata.” Pelengon ane lana ine langane. “Talap tinopok.” 35Yesus wai langane deka lokono gute tonari tala tinopok e wan ka dangdang ene blene kles deka iye karanga wai pelengon malak. 36Deka Yesus kar pelengon ke osep tonari ma tiwai ke osep leklou ke elio tonari kovok. Iye kar pelengon pula ke isak langane e isak arit isak ke elio ka tipalongo osep pula ine vala. 37Deka osep tonari ansak nesik batne ke elio ka iye due. Tiwai langane. “Gute are ila elio keniye itau. Iye lua osep ka talsak pono e tikaranga tiwai kovok ma tikaranga tiklingen pelengon e tikaranga tiwai blang.
လက်ရှိရွေးချယ်ထားမှု
:
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ
copyright 2003 New Tribes Mission, Sanford, FL 32771