Lukas 20
20
Sinu at Nasugu Isus?
(Mat. 21:23-27; Mar. 11:27-33)
1Sik menit, Isus igfoyung at Masine fag Barita sa sangay taw sis Diyus bale. Ay kaduge sanya, ngay taganyun daul, ay ngay tagfoyung Muisis at Suguwan, ay anggan taw Udyu at ngay tagmagurang inkakbang sas Isus. 2Ay ginto Isus te, “Foyungi emi te, daginan am fagmadaragangun nu gfagbulun o takatanya? Sinu at nasugu emu te, fagbuluni takatanya?” 3Ay Isus nabalus te, “Minto kyangay ayu, balusi ro angku. 4Go daginan Uan at fagmadaragangun nu gsurungun taw? Go siginans banwa? Ay go siginans taw?” 5Ay ka fag ngay taw igsulitanan yay sit dayu te, “Nu lumong maro tam te, siginans banwa, kanya malus ro antam te, ‘Taw madyay ay fagyudun gafanud Uan at longan?’ 6Ay nu lumong maro tam te, siginans taw, at ngay taw mafalang antam batu, anway at ngay taw gafanud te, Uan sik taglong.” 7Ay nu katanya, ka fag ngay taw nabalus Isus te, “Yaya, wami nasaful te, go daginan.” 8Ay Isus nalong sanya fag ngay taw te, “Nu katanya, anggan aw, dakwa gfoyung ayu te, kanya at nasugu angku ku fagmafafagbulunun katanya.”
Isus At Fafaskudanan sa sik Tagbilug Daga ay sat Tagtanud
(Mat. 21:33-46; Mar. 12:1-12)
9Ay Isus igfafaskudanan sa sangay taw te, “Ebi e sik ama natanum wat ubas sat gamasun. Ay kanya nafatanud at tanuman sa sik ngay tagtanud, ay nalo wan sa sik talun ngayayu ay glugo ban sanya. 10Ay nu nlesan wan, ka fag tagbilug nasugu at fanuguwan at sadi sat ngay tagtanud at tanuman, laman nanbul tagsi anya fag afud. Ay at ngay tagtanud nafalang ka fag fanuguwan, ay nafalo anya yud e uba. 11Ay at tagbilug gdog yay nasugu sadi yak fanuguwan. Ay at ngay tagtanud nafalang yangay anya ay nafalingun. Ay nafalo yangay anya yud e uba. 12Ay at tagbilug gdog yay fiya nasugu at fatuluk fanuguwan. Ay at ngay tagtanud nafauri dawdaw anya ay naukas sas day tanuman. 13Ay at tagbilug gamatanganan te, ‘Tain siring ku fagbulun? E katatuy: Sumugu aw ku fakesugun ku baguwama, nu ndain ku ngay tagtanud gumalang yay ku baguwama.’ 14Ay roro at ngay tagtanud nu nalag wa at baguwama, gsulitanan sit dayu te, ‘Iste wan at nangagbilug ban at tama at daga. Nanfate watam anya, laman antam wa ban at daga.’ 15Ay katanya wayay, ka fag ngay tagtanud nataban ka fag baguwama sas day tanuman ay nafate wa sanya.”
Ay nu katanya, “Tain ban tagbilug tanuman at fagbulun? 16Kanya nanlinggat wa fiya ka fag ngay tagtanud ay nanfate. Ay nanfatanud yay ban at tanuman sa tibak tagtanud.” Ay ngay taw nu nadungug Isus at fafaskudanan, nalong te, “Lag nangus katanya!” 17Ay Isus nalinggat sa sangay taw ay nalong te, “Nu katanya, tain Diyus at longan at masuwad te,
‘Dewa at ngay takawat bale nlimata ka fag batu at fangawat bale,
katsi kanya tuwa fag batu at famatvngvd fagdaul at bale?’#20:17 Danyu 118:22.
18Ay nus nga sinu at kumtong sanya fag batu, kanya mangasluwan wan. Ay at mafalangan ka fag batu, kanya umyamas wan.”
Go Masine manga nu Gfon Buwis sas Talun Ruma at Fun fiya fiya?
(Mat. 22:15-22; Mar. 12:13-17)
19Ay ginanya fag buknga, ngay tagfoyung Muisis at Suguwan ay ngay taganyun daul gagamatun Isus, anway kanya nasaful Isus at fafaskudanan at masuwad te, gfatungul anya. Ay roro kanya wa nagamat Isus, anway kanya kalimu sa sangay taw. 20Ay ka fag ngay taw gfaulitun Isus at ngay fagbulun. Ay nasugu at ngay fanuguwan laman nanfalukanan, kata nu kaumsig nandungugan Isus at longan, anway at fasadan fiya laman dumungug Isus at nasalan nu gelongan ay fafoyung sat fun laman at fun fagamat Isus. 21Ay ka fag ngay fanuguwan nalong sas Isus te, “Takamoyung, nasaful wami te, matuyan am longan ay anggan am foyungan. Ay di o e filian taw anway am foyungan antuwa sas Diyus baliwa. 22Go manga masine tuwa nu gfon tam tam buwis sas talun Ruma at fun fiya fiya, ay go yaya?” 23Ay Isus nasaful ka fag ngay fanuguwan te, gfanluk way. Ay katanya wayay, Isus nabalus anya te, 24“Foni angku sik singku. Sinu at ke aninu ay at ke rirukan iste?” Ay ka fag ngay taw nabalus te, “Tam fun fiya fiya.” 25Ay Isus nalong te, “Kin, nu katanya, foni sas fun tagsis fun. Ay foni sas Diyus tagsis Diyus.” 26Ay kanya fag ngay taw wa mafe asalanan Isus gina si sangay taw at fagngayuwan. Ay kanya nadulawan nu nadungug Isus at famalus. Nu katanya, ntuwas wan nu ginto.
Go at Kinkate Gdog yay Gleleg?
(Mat. 22:23-33; Mar. 12:18-27)
27Tibak taw Sadusiyu nkakbang sas Isus. (Taw Sadusiyu dan wa gfoyung te, sik taw at kinkate wa ban gdog gleleg.) 28Ay ka fag ngay taw Sadusiyu ginto Isus te, “Takamoyung, Muisis nariruk sa antam te, sik mangama nu nkate wan, ay wa nke unga si at mangena, at masine at kinkate fadugsay fag mangama adaduwai yap sa ebi ataw at fadugsay mangena, laman umke unga yay bilang sa ebi ataw at fadugsay unga. 29Ay ebi e fituk mangama dugsayan. Ay at turungana nke mangena wan. Ay ka fag ama nkate wan, wa nke unga. 30Ay sik daga tv fag fadugsay indaduwa yay fiya sanya fag mangena. Ay inkate yay fiya, wa nke unga. 31Ay katanya yangay anggan sat fatuluk fadugsay. Ay ka fag fituk dugsayan nasugfunanan wa namangenaan ka fag mangena. Ay fagayu wa nafe unga, ay inkate wan. 32Ay bandi, anggan ka fag mangena nkate wan. 33Ay go gina ban fagayu taw gdog gleleg, sinu ban at ke mangena, anway fag fituk dugsay namangenaan wan anya?”
34Ay Isus nalong te, “Katsi fag ngay taw gdaduwaan yay. 35Ay roro Diyus ban nafili fag ngay taw tagdog yay ban gleleg, wa ban e gdaduwaan. 36Ay kanya wa ban gdog kate, anway kanya kata wa Diyus at ngay tagfabarita. Ay kanya Diyus wa at ngay unga; kanya gdog yay fiya gleleg. 37Anggan Muisis nafatuyan yangay te, at ngay kinkate gdog yay ban gleleg, anway ebi gina glag tagigang fag fun kayu sirut, kanya nafangayan tam Diyus te, ‘Abrayam at Diyus, ay anggan Isaak ay Akub at Diyus.’ 38Ay dewa ka fag tuluk taw inkate wan ebi, kanya gdog yay gleleg. Diyus bundi at matean fag taw at Diyus. Kanya at tagleleg tuwa fag taw at Diyus, anway sas Diyus fagayu taw gleleg tuwa.” 39Ay tibak tagfoyung Muisis at Suguwan nalong te, “Em Takamoyung, matuyan am longan.” 40Ay siginan ginanya, we nananfaskud nanginto sas Isus nus di sadik fagintoun.
Sinu Tam Diyus at Nafili fag Fun?
(Mat. 22:41-46; Mar. 12:35-37)
41Ay Isus ginto sanya fag ngay taw te, “Taw ro fage fagnalongun te, Diyus at nafili fag Fun siginan way Dabid at kadagdagan? 42-43Dabid wan at nalong sas Danyu fag fafil te,
‘Tam Fun Diyus nalong sa ku Fun te:
Malunggungi sas faglunggungan taglabi mauseganan si ku day tigyangan,
anggan aw gfatsa am daga fagmadaragangun am ngay fabarangyan.’#20:42-43 Danyu 110:1.
44Taw ro Dabid fagnafangayanun tam Fun Isus te, ‘Ku Fun,’ ay nu Dabid way ngap at kadagdagan?”
Isus Nafatagak sa sangay Tagfoyung Muisis at Suguwan
(Mat. 23:1-36; Mar. 12:38-40; Lukas 11:37-54)
45Gina fagayu taw gdungugan, Isus nalong sat ngay tagadal te, 46“Tagaki ngay tagfoyung Muisis at Suguwan, anway kanya gina glo, kaumsig nu ngaba at balukas. Ay nu glo sa tuwa swa taw laman at ngay taw at nafablang anya, gseg anya. Ay manga at fakaumsigun si tuwa tiba tungud fag faglunggungan nus nganday nu ndasug fag bale fakafulan. Ay manga gina e fagmafulun at fakaumsigun si tuwas fagunaan fag faglunggungan. 47Ay manga gfamin way burangday at fagagbilugun. Ay manga dewa gfalugo nu gdarangin, sik famalagan way. Umdasug way ban sa anya at matvngvd fag faurianan.”
လက်ရှိရွေးချယ်ထားမှု
Lukas 20: TAWEAST
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ
Copyright © 2023 by OMF International, Philippines
Lukas 20
20
Sinu at Nasugu Isus?
(Mat. 21:23-27; Mar. 11:27-33)
1Sik menit, Isus igfoyung at Masine fag Barita sa sangay taw sis Diyus bale. Ay kaduge sanya, ngay taganyun daul, ay ngay tagfoyung Muisis at Suguwan, ay anggan taw Udyu at ngay tagmagurang inkakbang sas Isus. 2Ay ginto Isus te, “Foyungi emi te, daginan am fagmadaragangun nu gfagbulun o takatanya? Sinu at nasugu emu te, fagbuluni takatanya?” 3Ay Isus nabalus te, “Minto kyangay ayu, balusi ro angku. 4Go daginan Uan at fagmadaragangun nu gsurungun taw? Go siginans banwa? Ay go siginans taw?” 5Ay ka fag ngay taw igsulitanan yay sit dayu te, “Nu lumong maro tam te, siginans banwa, kanya malus ro antam te, ‘Taw madyay ay fagyudun gafanud Uan at longan?’ 6Ay nu lumong maro tam te, siginans taw, at ngay taw mafalang antam batu, anway at ngay taw gafanud te, Uan sik taglong.” 7Ay nu katanya, ka fag ngay taw nabalus Isus te, “Yaya, wami nasaful te, go daginan.” 8Ay Isus nalong sanya fag ngay taw te, “Nu katanya, anggan aw, dakwa gfoyung ayu te, kanya at nasugu angku ku fagmafafagbulunun katanya.”
Isus At Fafaskudanan sa sik Tagbilug Daga ay sat Tagtanud
(Mat. 21:33-46; Mar. 12:1-12)
9Ay Isus igfafaskudanan sa sangay taw te, “Ebi e sik ama natanum wat ubas sat gamasun. Ay kanya nafatanud at tanuman sa sik ngay tagtanud, ay nalo wan sa sik talun ngayayu ay glugo ban sanya. 10Ay nu nlesan wan, ka fag tagbilug nasugu at fanuguwan at sadi sat ngay tagtanud at tanuman, laman nanbul tagsi anya fag afud. Ay at ngay tagtanud nafalang ka fag fanuguwan, ay nafalo anya yud e uba. 11Ay at tagbilug gdog yay nasugu sadi yak fanuguwan. Ay at ngay tagtanud nafalang yangay anya ay nafalingun. Ay nafalo yangay anya yud e uba. 12Ay at tagbilug gdog yay fiya nasugu at fatuluk fanuguwan. Ay at ngay tagtanud nafauri dawdaw anya ay naukas sas day tanuman. 13Ay at tagbilug gamatanganan te, ‘Tain siring ku fagbulun? E katatuy: Sumugu aw ku fakesugun ku baguwama, nu ndain ku ngay tagtanud gumalang yay ku baguwama.’ 14Ay roro at ngay tagtanud nu nalag wa at baguwama, gsulitanan sit dayu te, ‘Iste wan at nangagbilug ban at tama at daga. Nanfate watam anya, laman antam wa ban at daga.’ 15Ay katanya wayay, ka fag ngay tagtanud nataban ka fag baguwama sas day tanuman ay nafate wa sanya.”
Ay nu katanya, “Tain ban tagbilug tanuman at fagbulun? 16Kanya nanlinggat wa fiya ka fag ngay tagtanud ay nanfate. Ay nanfatanud yay ban at tanuman sa tibak tagtanud.” Ay ngay taw nu nadungug Isus at fafaskudanan, nalong te, “Lag nangus katanya!” 17Ay Isus nalinggat sa sangay taw ay nalong te, “Nu katanya, tain Diyus at longan at masuwad te,
‘Dewa at ngay takawat bale nlimata ka fag batu at fangawat bale,
katsi kanya tuwa fag batu at famatvngvd fagdaul at bale?’#20:17 Danyu 118:22.
18Ay nus nga sinu at kumtong sanya fag batu, kanya mangasluwan wan. Ay at mafalangan ka fag batu, kanya umyamas wan.”
Go Masine manga nu Gfon Buwis sas Talun Ruma at Fun fiya fiya?
(Mat. 22:15-22; Mar. 12:13-17)
19Ay ginanya fag buknga, ngay tagfoyung Muisis at Suguwan ay ngay taganyun daul gagamatun Isus, anway kanya nasaful Isus at fafaskudanan at masuwad te, gfatungul anya. Ay roro kanya wa nagamat Isus, anway kanya kalimu sa sangay taw. 20Ay ka fag ngay taw gfaulitun Isus at ngay fagbulun. Ay nasugu at ngay fanuguwan laman nanfalukanan, kata nu kaumsig nandungugan Isus at longan, anway at fasadan fiya laman dumungug Isus at nasalan nu gelongan ay fafoyung sat fun laman at fun fagamat Isus. 21Ay ka fag ngay fanuguwan nalong sas Isus te, “Takamoyung, nasaful wami te, matuyan am longan ay anggan am foyungan. Ay di o e filian taw anway am foyungan antuwa sas Diyus baliwa. 22Go manga masine tuwa nu gfon tam tam buwis sas talun Ruma at fun fiya fiya, ay go yaya?” 23Ay Isus nasaful ka fag ngay fanuguwan te, gfanluk way. Ay katanya wayay, Isus nabalus anya te, 24“Foni angku sik singku. Sinu at ke aninu ay at ke rirukan iste?” Ay ka fag ngay taw nabalus te, “Tam fun fiya fiya.” 25Ay Isus nalong te, “Kin, nu katanya, foni sas fun tagsis fun. Ay foni sas Diyus tagsis Diyus.” 26Ay kanya fag ngay taw wa mafe asalanan Isus gina si sangay taw at fagngayuwan. Ay kanya nadulawan nu nadungug Isus at famalus. Nu katanya, ntuwas wan nu ginto.
Go at Kinkate Gdog yay Gleleg?
(Mat. 22:23-33; Mar. 12:18-27)
27Tibak taw Sadusiyu nkakbang sas Isus. (Taw Sadusiyu dan wa gfoyung te, sik taw at kinkate wa ban gdog gleleg.) 28Ay ka fag ngay taw Sadusiyu ginto Isus te, “Takamoyung, Muisis nariruk sa antam te, sik mangama nu nkate wan, ay wa nke unga si at mangena, at masine at kinkate fadugsay fag mangama adaduwai yap sa ebi ataw at fadugsay mangena, laman umke unga yay bilang sa ebi ataw at fadugsay unga. 29Ay ebi e fituk mangama dugsayan. Ay at turungana nke mangena wan. Ay ka fag ama nkate wan, wa nke unga. 30Ay sik daga tv fag fadugsay indaduwa yay fiya sanya fag mangena. Ay inkate yay fiya, wa nke unga. 31Ay katanya yangay anggan sat fatuluk fadugsay. Ay ka fag fituk dugsayan nasugfunanan wa namangenaan ka fag mangena. Ay fagayu wa nafe unga, ay inkate wan. 32Ay bandi, anggan ka fag mangena nkate wan. 33Ay go gina ban fagayu taw gdog gleleg, sinu ban at ke mangena, anway fag fituk dugsay namangenaan wan anya?”
34Ay Isus nalong te, “Katsi fag ngay taw gdaduwaan yay. 35Ay roro Diyus ban nafili fag ngay taw tagdog yay ban gleleg, wa ban e gdaduwaan. 36Ay kanya wa ban gdog kate, anway kanya kata wa Diyus at ngay tagfabarita. Ay kanya Diyus wa at ngay unga; kanya gdog yay fiya gleleg. 37Anggan Muisis nafatuyan yangay te, at ngay kinkate gdog yay ban gleleg, anway ebi gina glag tagigang fag fun kayu sirut, kanya nafangayan tam Diyus te, ‘Abrayam at Diyus, ay anggan Isaak ay Akub at Diyus.’ 38Ay dewa ka fag tuluk taw inkate wan ebi, kanya gdog yay gleleg. Diyus bundi at matean fag taw at Diyus. Kanya at tagleleg tuwa fag taw at Diyus, anway sas Diyus fagayu taw gleleg tuwa.” 39Ay tibak tagfoyung Muisis at Suguwan nalong te, “Em Takamoyung, matuyan am longan.” 40Ay siginan ginanya, we nananfaskud nanginto sas Isus nus di sadik fagintoun.
Sinu Tam Diyus at Nafili fag Fun?
(Mat. 22:41-46; Mar. 12:35-37)
41Ay Isus ginto sanya fag ngay taw te, “Taw ro fage fagnalongun te, Diyus at nafili fag Fun siginan way Dabid at kadagdagan? 42-43Dabid wan at nalong sas Danyu fag fafil te,
‘Tam Fun Diyus nalong sa ku Fun te:
Malunggungi sas faglunggungan taglabi mauseganan si ku day tigyangan,
anggan aw gfatsa am daga fagmadaragangun am ngay fabarangyan.’#20:42-43 Danyu 110:1.
44Taw ro Dabid fagnafangayanun tam Fun Isus te, ‘Ku Fun,’ ay nu Dabid way ngap at kadagdagan?”
Isus Nafatagak sa sangay Tagfoyung Muisis at Suguwan
(Mat. 23:1-36; Mar. 12:38-40; Lukas 11:37-54)
45Gina fagayu taw gdungugan, Isus nalong sat ngay tagadal te, 46“Tagaki ngay tagfoyung Muisis at Suguwan, anway kanya gina glo, kaumsig nu ngaba at balukas. Ay nu glo sa tuwa swa taw laman at ngay taw at nafablang anya, gseg anya. Ay manga at fakaumsigun si tuwa tiba tungud fag faglunggungan nus nganday nu ndasug fag bale fakafulan. Ay manga gina e fagmafulun at fakaumsigun si tuwas fagunaan fag faglunggungan. 47Ay manga gfamin way burangday at fagagbilugun. Ay manga dewa gfalugo nu gdarangin, sik famalagan way. Umdasug way ban sa anya at matvngvd fag faurianan.”
လက်ရှိရွေးချယ်ထားမှု
:
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ
Copyright © 2023 by OMF International, Philippines