Markus 10
10
Gyagyiyakɨ ta Yesu a ghama bɨtaka am
(Matiyu 19:1-12; Luka 16:18)
1Je tlusa ɗika Yesu dɨ busa Pakɨ ta Yahudiya ɨna pɨlaka pakɨ ta madzɨ ta Urdum. Sɨbɨ dɨ mɨna pa ghamatlɨn atɨrusɨ, jete mɨna gyagiyatlɨn wane na tɨda ɗɨmau.
2Niwi Farisiyawa je buwatlɨna tirusɨ adama dɨ gwudzusɨ, je tsiyusa ndu, “Gansaɗa ji sɨn dɨ bɨta antusɨwa?”
3Jete gɨsatlɨna ndu, “Musa bɨlana ndu ma?”
4Je tlɨne ɗɨngaya ndu, “Musa tsa darhɨ dɨ rɨdla takarda ma tiya ore, dɨ bɨta amai.”
5Yesu dɨ ɗɨnga tlɨna ndu, “Musa rɨdlana naka doka ka, adama kwahiya dɨkayaka yu tana. 6Ama tun ata dzakwaka duniya, ʻGhɨnsɨ ghantlɨn, jifana ɨna am. 7Adama wanka sɨma zuwazuwa bavɨrkusai ɨna ma vurkusai dɨ tlyapusa ta antusɨ. 8Tlɨn tsirka dɨ dzɨgatlɨn tuwatu wutai.' Ata taka mukwuka, tlɨnma nan tsɨru, ama tuwatu wutɨ. 9Adama wanka hamba dɨ ɗɨhɨna Ghɨnsɨka vɨrkɨ sɨn tabi bɨtau.”
10Daga piya kamai, je tsɨyusa sɨba gyagiyakɨ niwasɨ a ghama taka ɗɨngɨka. 11Je ɗɨngatlɨna ndu, “Ndyam badɨ bɨta antusɨ dɨ kɨna wuyaka, tata ɗima kwacakɨ, 12Kabi zuwa juhu naza an dɨ kɨna wika, njata kwacakɨ ji ɨna ti.”
Yesu va gwur wutlɨmi
(Matiyu 19:13-15; Luka 18:15-17)
13Niwi sɨbɨ dɨ buwe wutlɨmi nitlɨna tira Yesu adama dɨ aratlɨn kɨnwasa aghatlɨn, ama sɨba gyagiyakɨ niwasɨ dɨ hɨra tlɨnai. 14Daga naya wanka Yesu, dɨ mbasayai, dɨ ɗinga sɨba gyagiyakɨ niwasɨ du, “Zuwi wɨtlɨmi dɨ buwatlɨna tiruwɨn, na ta hɨratlɨnayu, han Gwalfu ta Ghɨnsɨka ta vare tlɨn. 15A gashi, mɨnata bɨlana, ndɨ ba a gɨsɨma gwalfu ta Ghɨnsɨ wan Le gaɓɨnauka, tɨma zusɨ ɗahu.” 16Je tlɨrpatlɨna tuwusa Yesu, dɨ ara tlɨn kɨnwasɨ, dɨ vatlɨn gwur.
Bandzɨhɨ ba dukɨ.
(Matiyu 19:16-30; Luka 18:18-30)
17Daga kuya darha Yesu , wisɨm dusukɨm amirai dɨ ɓugusa bɨɗusɨ, dɨ tsɨyusɨ du, “Basɨnakɨ ba gaskewatɨ, mɨna ɗɨmama ji mɨn mara rayi banakwa mbusa?”
18Yesu dɨ ɗɨngaya ndu,“Madɨ zai fa zaruna ndu ba gaskewata? Ai wi ba gaskewatɨ maiyu tamma Ghɨnsu. 19Fa sɨngan naka doka ka, fata tiya viya sɨmu, fata ɗɨma kwacaku, fata ɗɨma kiru, fata tsa sidɨ ba waku, fata ɗɨma mbɨrsu, fa tsa gyarwatɨ gharaho dzɨhɨ nafu, fa gharaho dzaku tafu.”
20Jete ɗɨnga Yesu du, “Basɨnkɨ, tɨn mɨndɨ le bandzɨhɨ, je mɨne mba ɗiyaka naka doka ka ndyamai.”
21Yesu dɨ nayusɨ nayakɨ ma camakɨ, dɨ ɗingaya ndu, “Kutɨ wɨtɨ dɨ sɨlafu, taku, famɨtsa ndyam hamba fada tlɨn, fa tsa ni ndalga, fiyabi mara wiya duƙɨ dɨna ghɨnsa. Fa buwafu ɗɨ ɗɨyuwɨn.”
22Dagabi dɨkaya ɗɨngɨ ta Yesu wa naka sɨnka dɨ mbasayai, dɨ busai, adama ti ba dukɨ casɨ.
23Je dzɨgusa Yesu dɨ naya sɨba gyagiyakɨ niwasɨ, dɨ ɗɨnga tlɨna ndu, “A kaitɨ ji ɗahɨ sɨba dukɨ dɨ ɗɨma hamba Ghɨnsɨ da lu.”
24Sɨba gyagiyakɨ niwasɨ dɨ naya-naya ghɨrɨ aghama ɗɨngɨ tusɨ. Ama Yesu dɨ mɨna ɗɨnga tlɨna ndu, “Hɨn wutlɨ niwan, a kaitɨ ji ɗahɨ sɨba dukɨ dɨ ɗɨma hamba Ghɨnsɨ da lu! 25Kwashɨ zirakɨ ta lakumi a ta gir liɓir, a ta badukɨ dɨ ɗɨma hamba Ghɨnsɨ da lu.”
26Je tlɨne naya ghɨrɨ ma ra taka, dɨ ɗɨngaya tsafaya tlɨn du, “Wajibi mara bir jikana?”
27Yesu dɨ naya tlɨn du, “Atira sɨm dɨma ɗɨma tlɨnu, ama a tira Ghɨnsɨ tlɨna ɗɨma tlɨn ɗɨmau, adama koweni kuteki tlɨna ɗɨmatlɨn ɗɨmau a tira Ghɨnsɨ.
28Je ɗɨngaya Bitrus du, “To ai mi zusu wihan ndyam hamba mida tlɨn, miɗiyafai.”
29Yesu du, “Agashɨ mɨna ta bɨlana, wi moyu ba dabi zuwa kam, ko dawanwasɨ tɨvam, ko dawanwasɨ dzafu, ko mavurkusɨ, ko bavurkusɨ ko wutlɨmɨ niwasɨ, ko shɨmamo tusɨ, adamuwɨn, ɨna ɗɨngɨ mapiyatɨ ta Ghɨnsɨ, 30dɨma kwa maraka mɨna hiyaya hamba ratlɨn ɗyela ghama ɗyel. Ɗe duniya takɨnkɨn ta mɨna mara na kamamo ɨna dawan tɨvan, ɨna dawan dzafu, ɨna gharaho tɨvan, ɨna witlimi, ɨna shimamo, ama atsatlina kaitɨ. A lahira kuma dɨ mara rayi bana kwambusɨ. 31Ama ndyam sɨba tlɨndɨ vɨnahɨ tlɨna piya ta cɨɓi, ama ndyam sɨba tlɨndata cɨɓɨ tlɨna dzɨga tlɨn ni vɨnahɨ.
Yesu mɨna bɨla vare miyau ba tɨdabi ɗɨmau
(Matiyu 20:17-19; Luka 18:31-34)
32Yesu ɨna sɨba gyagiyakɨ niwasɨ nda ta darhɨ ba bahiya Urushalima, tɨdɨ vɨna tlɨn Je kuya tlɨna ghɨri, niwi sɨba tlɨnda ta ɗɨyusɨ dɨ lakalakayu. Jete mɨna beɗusɨ ɨna nikya bahɨntsɨrka, dɨ dzakwa bɨlahiyatlɨn hamba dabi marusɨ yika. 33Du,“Naimakɨna ta bama Urushalima, abi tsa vɨrkɨ sɨma kɨn Fristoci gyaruni ɨna sɨbana gyagiya attaura, tlɨna ɓalaya hukunciya miyau, dɨ tsusa tira sɨba tlɨmma Yahudawau. 34Sɨba dabi ɗɨmaya vina dem, dɨ bɨtsaya nenikɨ, dɨ ɗɨmaya ti ta wiɗi, dɨ tɨya viyyusai, ama ata sɨnau nakida ka dɨ tlusai.”
Arau ta Yakubu ɨna Yohanna
(Matiyu 20:17-19; Luka 18:31-34)
35Je buwatlɨna ni Yakubu ɨna Yohanna wutlɨmi ni zebedi, dɨ ɗɨngaya ndu, “Basɨnakɨ, miyalu fa ɗɨmama ndyam hamba mi rawafu.”
36Jete ɗɨnga tlɨna ndu, “Hɨnalu mɨn ɗimana ma?”
37Je tlɨne gɨsaya ndu, “Sanku kwai,wutɨ aɗema dɨ tsɨgusɨ ate'eyafu wutɨ da ga'ai ɗe ngɨlangɨl tafu.
38Ama Yesu dɨ ɗɨngatlɨna ndu, “Nasɨmma hamba hɨnda rawau. Naga iya sa aɗe tlɨrkayabi ma mɨn dabi saa? Ko naga iya dɨ ɗɨmana baptisima avarai baptisima madabɨ ɗɨmanwa?”
39Je tlɨne gɨsaya ndu,
“Miga iyau.” Je ɗɨnga tlɨna Yesuwa ndu, “Tlɨrkaya bii ma mɨnda bɨ sau, hɨna saa gan nji, Baptisima ma de ɗɨmanka, aɗɨmana ga nji. 40Ama a tsɨga ate'e yiwun ko a ga aiʻyiwun, dɨma mɨn ji ba mɨn de tsau. Ama na sɨba dɨ paratlɨna Ghɨnsɨ.”
41Daga bɨ dɨkaya wanka sɨba gyagiyakɨ dirɓitin niwasɨka, dɨ dzakwa mbasahiya tlɨnai a ndɨra ni Yakubu ɨna Yohanna. 42Yesu dɨ zara tlɨn ndyantlɨn ewutai dɨ ɗɨnga tlɨna ndu,“Na sɨngam sɨba gwalfu sɨba tlɨnma ɗemau acancama gɨraka kalpɨ aghama sɨbana ɗiyatlɨn ɨna gyaruni nitlɨn agɨra kalpa ghama sɨbɨ nitlɨn. 43Ama wanka ta dzakwaza tsafayanau. Ama ndɨ ba tɨda lu dɨ dzɨ gusɨ garna a ɗenaka, to lallai dɨ dzɨgusɨ ba can nana. 44Ba tɨda lu dɨ dzɨgusɨ garna nanaka, to kwafa dɨ dzɨgusɨ wan galudzɨhɨ nana ndyam. 45Adama ko tangan vɨrkɨsɨmma, a bɨtama dama sɨbɨ dɨ dzɨgatlɨn galughɨno niwasu, kwafa ti dɨ dzɨgusɨ galudzɨhɨ natlɨn, dɨ tsa rayiwasɨ adama pɨnaka sɨbɨ cassɨ.”
Yesu Lai dɨbako dzɨhɨ Bartimawas
(Matiyu 20:29-34; Luka 18:35-43)
46Dage tlɨne ɗama Yariko, Yesu ɨna sɨba gyagiyakɨ niwasɨ, ɨna niwi sɨbɨ cas, wi dɨbako dzɨhɨ, bana ɗɨma rau ba ngɨnusa ndu, Bartamawas, (wato ji “Lena timawus”), Dɨ je tsɨga ta vɨna darha ta rau. 47Dagabi dɨkaya ndu, Yesu na Nazaret jika, dɨ dzakwa tlahɨya mayusɨ da ɗɨnga ndu, “Yesu, Lena Dauda, taa kwaya luluwan!"
48Sɨbɨ cas dɨ gɨtlusɨ du ta makɨ nusɨ, ama dɨ daɗa tlahiya mayusɨ da ɗɨnga ndu, “Lena Dauda nai kwaya luluwan!”
49A ɗika Yesu dɨ tsɨrusɨ du,“zariya.”
Je tlɨne zara dɨbako dzɨhɨka dɨ ɗɨngaya du, “Albishirnahu! Tlakwu, tɨsa ta zarafu.” 50Jete shɨɗa gwado tusɨ ɗika, dɨ vara dɨ busa tira Yesu.
51Yesu dɨ tsiyusa ndu, “Fiya lu mɨn ɗɨmafuma?”
Dɨbako dzɨhɨka du, “Basɨnakɨ, mɨna lu mɨn lai mɨn mara nayakayu!”
52Yesu dɨ ɗɨngaya du, “Taku nafu tsahiya gasƙewatɨ nafu laifu sai, “Nda dlɨya dli dɨ lai dɨ mara naya ka yu wai, dɨ ɗiya Yesu dɨ batlɨ nai.”
လက်ရှိရွေးချယ်ထားမှု
Markus 10: MKF
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ
©2023 Seed Company in collaboration with Language Developers and Bible Translators Association
Markus 10
10
Gyagyiyakɨ ta Yesu a ghama bɨtaka am
(Matiyu 19:1-12; Luka 16:18)
1Je tlusa ɗika Yesu dɨ busa Pakɨ ta Yahudiya ɨna pɨlaka pakɨ ta madzɨ ta Urdum. Sɨbɨ dɨ mɨna pa ghamatlɨn atɨrusɨ, jete mɨna gyagiyatlɨn wane na tɨda ɗɨmau.
2Niwi Farisiyawa je buwatlɨna tirusɨ adama dɨ gwudzusɨ, je tsiyusa ndu, “Gansaɗa ji sɨn dɨ bɨta antusɨwa?”
3Jete gɨsatlɨna ndu, “Musa bɨlana ndu ma?”
4Je tlɨne ɗɨngaya ndu, “Musa tsa darhɨ dɨ rɨdla takarda ma tiya ore, dɨ bɨta amai.”
5Yesu dɨ ɗɨnga tlɨna ndu, “Musa rɨdlana naka doka ka, adama kwahiya dɨkayaka yu tana. 6Ama tun ata dzakwaka duniya, ʻGhɨnsɨ ghantlɨn, jifana ɨna am. 7Adama wanka sɨma zuwazuwa bavɨrkusai ɨna ma vurkusai dɨ tlyapusa ta antusɨ. 8Tlɨn tsirka dɨ dzɨgatlɨn tuwatu wutai.' Ata taka mukwuka, tlɨnma nan tsɨru, ama tuwatu wutɨ. 9Adama wanka hamba dɨ ɗɨhɨna Ghɨnsɨka vɨrkɨ sɨn tabi bɨtau.”
10Daga piya kamai, je tsɨyusa sɨba gyagiyakɨ niwasɨ a ghama taka ɗɨngɨka. 11Je ɗɨngatlɨna ndu, “Ndyam badɨ bɨta antusɨ dɨ kɨna wuyaka, tata ɗima kwacakɨ, 12Kabi zuwa juhu naza an dɨ kɨna wika, njata kwacakɨ ji ɨna ti.”
Yesu va gwur wutlɨmi
(Matiyu 19:13-15; Luka 18:15-17)
13Niwi sɨbɨ dɨ buwe wutlɨmi nitlɨna tira Yesu adama dɨ aratlɨn kɨnwasa aghatlɨn, ama sɨba gyagiyakɨ niwasɨ dɨ hɨra tlɨnai. 14Daga naya wanka Yesu, dɨ mbasayai, dɨ ɗinga sɨba gyagiyakɨ niwasɨ du, “Zuwi wɨtlɨmi dɨ buwatlɨna tiruwɨn, na ta hɨratlɨnayu, han Gwalfu ta Ghɨnsɨka ta vare tlɨn. 15A gashi, mɨnata bɨlana, ndɨ ba a gɨsɨma gwalfu ta Ghɨnsɨ wan Le gaɓɨnauka, tɨma zusɨ ɗahu.” 16Je tlɨrpatlɨna tuwusa Yesu, dɨ ara tlɨn kɨnwasɨ, dɨ vatlɨn gwur.
Bandzɨhɨ ba dukɨ.
(Matiyu 19:16-30; Luka 18:18-30)
17Daga kuya darha Yesu , wisɨm dusukɨm amirai dɨ ɓugusa bɨɗusɨ, dɨ tsɨyusɨ du, “Basɨnakɨ ba gaskewatɨ, mɨna ɗɨmama ji mɨn mara rayi banakwa mbusa?”
18Yesu dɨ ɗɨngaya ndu,“Madɨ zai fa zaruna ndu ba gaskewata? Ai wi ba gaskewatɨ maiyu tamma Ghɨnsu. 19Fa sɨngan naka doka ka, fata tiya viya sɨmu, fata ɗɨma kwacaku, fata ɗɨma kiru, fata tsa sidɨ ba waku, fata ɗɨma mbɨrsu, fa tsa gyarwatɨ gharaho dzɨhɨ nafu, fa gharaho dzaku tafu.”
20Jete ɗɨnga Yesu du, “Basɨnkɨ, tɨn mɨndɨ le bandzɨhɨ, je mɨne mba ɗiyaka naka doka ka ndyamai.”
21Yesu dɨ nayusɨ nayakɨ ma camakɨ, dɨ ɗingaya ndu, “Kutɨ wɨtɨ dɨ sɨlafu, taku, famɨtsa ndyam hamba fada tlɨn, fa tsa ni ndalga, fiyabi mara wiya duƙɨ dɨna ghɨnsa. Fa buwafu ɗɨ ɗɨyuwɨn.”
22Dagabi dɨkaya ɗɨngɨ ta Yesu wa naka sɨnka dɨ mbasayai, dɨ busai, adama ti ba dukɨ casɨ.
23Je dzɨgusa Yesu dɨ naya sɨba gyagiyakɨ niwasɨ, dɨ ɗɨnga tlɨna ndu, “A kaitɨ ji ɗahɨ sɨba dukɨ dɨ ɗɨma hamba Ghɨnsɨ da lu.”
24Sɨba gyagiyakɨ niwasɨ dɨ naya-naya ghɨrɨ aghama ɗɨngɨ tusɨ. Ama Yesu dɨ mɨna ɗɨnga tlɨna ndu, “Hɨn wutlɨ niwan, a kaitɨ ji ɗahɨ sɨba dukɨ dɨ ɗɨma hamba Ghɨnsɨ da lu! 25Kwashɨ zirakɨ ta lakumi a ta gir liɓir, a ta badukɨ dɨ ɗɨma hamba Ghɨnsɨ da lu.”
26Je tlɨne naya ghɨrɨ ma ra taka, dɨ ɗɨngaya tsafaya tlɨn du, “Wajibi mara bir jikana?”
27Yesu dɨ naya tlɨn du, “Atira sɨm dɨma ɗɨma tlɨnu, ama a tira Ghɨnsɨ tlɨna ɗɨma tlɨn ɗɨmau, adama koweni kuteki tlɨna ɗɨmatlɨn ɗɨmau a tira Ghɨnsɨ.
28Je ɗɨngaya Bitrus du, “To ai mi zusu wihan ndyam hamba mida tlɨn, miɗiyafai.”
29Yesu du, “Agashɨ mɨna ta bɨlana, wi moyu ba dabi zuwa kam, ko dawanwasɨ tɨvam, ko dawanwasɨ dzafu, ko mavurkusɨ, ko bavurkusɨ ko wutlɨmɨ niwasɨ, ko shɨmamo tusɨ, adamuwɨn, ɨna ɗɨngɨ mapiyatɨ ta Ghɨnsɨ, 30dɨma kwa maraka mɨna hiyaya hamba ratlɨn ɗyela ghama ɗyel. Ɗe duniya takɨnkɨn ta mɨna mara na kamamo ɨna dawan tɨvan, ɨna dawan dzafu, ɨna gharaho tɨvan, ɨna witlimi, ɨna shimamo, ama atsatlina kaitɨ. A lahira kuma dɨ mara rayi bana kwambusɨ. 31Ama ndyam sɨba tlɨndɨ vɨnahɨ tlɨna piya ta cɨɓi, ama ndyam sɨba tlɨndata cɨɓɨ tlɨna dzɨga tlɨn ni vɨnahɨ.
Yesu mɨna bɨla vare miyau ba tɨdabi ɗɨmau
(Matiyu 20:17-19; Luka 18:31-34)
32Yesu ɨna sɨba gyagiyakɨ niwasɨ nda ta darhɨ ba bahiya Urushalima, tɨdɨ vɨna tlɨn Je kuya tlɨna ghɨri, niwi sɨba tlɨnda ta ɗɨyusɨ dɨ lakalakayu. Jete mɨna beɗusɨ ɨna nikya bahɨntsɨrka, dɨ dzakwa bɨlahiyatlɨn hamba dabi marusɨ yika. 33Du,“Naimakɨna ta bama Urushalima, abi tsa vɨrkɨ sɨma kɨn Fristoci gyaruni ɨna sɨbana gyagiya attaura, tlɨna ɓalaya hukunciya miyau, dɨ tsusa tira sɨba tlɨmma Yahudawau. 34Sɨba dabi ɗɨmaya vina dem, dɨ bɨtsaya nenikɨ, dɨ ɗɨmaya ti ta wiɗi, dɨ tɨya viyyusai, ama ata sɨnau nakida ka dɨ tlusai.”
Arau ta Yakubu ɨna Yohanna
(Matiyu 20:17-19; Luka 18:31-34)
35Je buwatlɨna ni Yakubu ɨna Yohanna wutlɨmi ni zebedi, dɨ ɗɨngaya ndu, “Basɨnakɨ, miyalu fa ɗɨmama ndyam hamba mi rawafu.”
36Jete ɗɨnga tlɨna ndu, “Hɨnalu mɨn ɗimana ma?”
37Je tlɨne gɨsaya ndu, “Sanku kwai,wutɨ aɗema dɨ tsɨgusɨ ate'eyafu wutɨ da ga'ai ɗe ngɨlangɨl tafu.
38Ama Yesu dɨ ɗɨngatlɨna ndu, “Nasɨmma hamba hɨnda rawau. Naga iya sa aɗe tlɨrkayabi ma mɨn dabi saa? Ko naga iya dɨ ɗɨmana baptisima avarai baptisima madabɨ ɗɨmanwa?”
39Je tlɨne gɨsaya ndu,
“Miga iyau.” Je ɗɨnga tlɨna Yesuwa ndu, “Tlɨrkaya bii ma mɨnda bɨ sau, hɨna saa gan nji, Baptisima ma de ɗɨmanka, aɗɨmana ga nji. 40Ama a tsɨga ate'e yiwun ko a ga aiʻyiwun, dɨma mɨn ji ba mɨn de tsau. Ama na sɨba dɨ paratlɨna Ghɨnsɨ.”
41Daga bɨ dɨkaya wanka sɨba gyagiyakɨ dirɓitin niwasɨka, dɨ dzakwa mbasahiya tlɨnai a ndɨra ni Yakubu ɨna Yohanna. 42Yesu dɨ zara tlɨn ndyantlɨn ewutai dɨ ɗɨnga tlɨna ndu,“Na sɨngam sɨba gwalfu sɨba tlɨnma ɗemau acancama gɨraka kalpɨ aghama sɨbana ɗiyatlɨn ɨna gyaruni nitlɨn agɨra kalpa ghama sɨbɨ nitlɨn. 43Ama wanka ta dzakwaza tsafayanau. Ama ndɨ ba tɨda lu dɨ dzɨ gusɨ garna a ɗenaka, to lallai dɨ dzɨgusɨ ba can nana. 44Ba tɨda lu dɨ dzɨgusɨ garna nanaka, to kwafa dɨ dzɨgusɨ wan galudzɨhɨ nana ndyam. 45Adama ko tangan vɨrkɨsɨmma, a bɨtama dama sɨbɨ dɨ dzɨgatlɨn galughɨno niwasu, kwafa ti dɨ dzɨgusɨ galudzɨhɨ natlɨn, dɨ tsa rayiwasɨ adama pɨnaka sɨbɨ cassɨ.”
Yesu Lai dɨbako dzɨhɨ Bartimawas
(Matiyu 20:29-34; Luka 18:35-43)
46Dage tlɨne ɗama Yariko, Yesu ɨna sɨba gyagiyakɨ niwasɨ, ɨna niwi sɨbɨ cas, wi dɨbako dzɨhɨ, bana ɗɨma rau ba ngɨnusa ndu, Bartamawas, (wato ji “Lena timawus”), Dɨ je tsɨga ta vɨna darha ta rau. 47Dagabi dɨkaya ndu, Yesu na Nazaret jika, dɨ dzakwa tlahɨya mayusɨ da ɗɨnga ndu, “Yesu, Lena Dauda, taa kwaya luluwan!"
48Sɨbɨ cas dɨ gɨtlusɨ du ta makɨ nusɨ, ama dɨ daɗa tlahiya mayusɨ da ɗɨnga ndu, “Lena Dauda nai kwaya luluwan!”
49A ɗika Yesu dɨ tsɨrusɨ du,“zariya.”
Je tlɨne zara dɨbako dzɨhɨka dɨ ɗɨngaya du, “Albishirnahu! Tlakwu, tɨsa ta zarafu.” 50Jete shɨɗa gwado tusɨ ɗika, dɨ vara dɨ busa tira Yesu.
51Yesu dɨ tsiyusa ndu, “Fiya lu mɨn ɗɨmafuma?”
Dɨbako dzɨhɨka du, “Basɨnakɨ, mɨna lu mɨn lai mɨn mara nayakayu!”
52Yesu dɨ ɗɨngaya du, “Taku nafu tsahiya gasƙewatɨ nafu laifu sai, “Nda dlɨya dli dɨ lai dɨ mara naya ka yu wai, dɨ ɗiya Yesu dɨ batlɨ nai.”
လက်ရှိရွေးချယ်ထားမှု
:
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ
©2023 Seed Company in collaboration with Language Developers and Bible Translators Association